ھەر شەيئى ۋەتەن ئۈچۈن! (چوقۇم كۆرۇڭ)

salman888

	ھەر شەيئى ۋەتەن ئۈچۈن! ئانام (چوقۇم كۆرۇڭ) مىنى تۇغقان ئانا! ئىچىمدە بىر ئوت بار چۈشەندۈرۈپ بىرەلمەيمەن، ئەپسۇس بۇ ئوتتا كۆيمەيمۇ قۇتۇلالمايمەن. خىزمەت دىسەم، ئوتلۇق سۆيگۈ دىسەم، چوغ دىسەم،چۈشىنەمسەن؟    بارغىن خېنەلىك قوزام دەپ پىشانەمدىن سۆيۈپ بەخىت تىلەمسەن؟ يانا يالغۇزلۇقمۇ؟ -دەپ يۈرىگىمگە غەم چۈشمىسۇن. تۇپراق پۇراقلىق قوللۇرۇڭ بىلەن گۈل قىزىڭنى ئاخىرقى قىتىم سىلاپ قوي. ئانا!مەن بارمىسام، ئۇمۇ بارمىسا،بۇ داۋا كىمگە غەم،كىمگە قايغۇ؟    مەندىن خاتىرجەم بول، مەن رەببىمگە ئامانەت، مەن سېنىڭ قۇچىقىڭدەك ئىسسىق، ئارامبەخىش بىر يەرگە كىتىپ بارىمەن.   جەننەت ئانىلارنىڭ تاپىنى ئاستىدائەمەسمۇ؟؟ رۇخسەت قىل تاپانلىرىڭغا سۆيەي، جەننەت سەپىرىم باشلانسۇن، بىر سۆزۈم بارئىدى،ئۇنۇتمىدىم، ھىلىمۇ ئىسىمدە، ئىسىمگە سالغاندىنكىن يۈزخاتىرە قىل..    ھەئە. ئوقۇشۇم تۈگىسە دائىما يېنىڭدابولاتتىم.    لىكىن ساڭا ۋەدە بىرىۋىتىپ رەببىمنى ئويلاپ قويماپتىمەن. ئىھ ئانا! رەببىم دەۋاتىمەن ساڭا، رەببىم!....    ئەمدى  رەببىمنىڭ سۆيگۈسى تومۇرلىرىمدا..   ئىھ ئانا..دۇنياكۆيۈۋاتىدۇ، دۇنيا...چۈشىنىۋاتامسەن ئانا!   گۈرۈلدەپ كۆيۈۋاتقان دۇنياغا قاراپ بىقىشىمنى خالامسەن،   ئانا سەن بۇيەردە بىرجۈپ كۆزلىرىڭ بىلەن مېنى ساقلاۋاتىسەن،    ئۇ يەردەبولسا مىڭلارچە كۆزلەر مېنى ساقلاۋاتىدۇ .   كىتىشىم كېرەك!كىتىشىم كىرەك ئانا مىنى چۈشىنەرسەنمۇ! قايتىش بار، قايتماسلىق بار، ئۆلۈم بار،ھايات بار.   بالاڭنى شۇ ئوتلۇق باغرىڭغا چىڭ باسقىنە ! ئانا!مەندىن رازى بول!   سۈتۈڭگە رازى بول! ئەس-يادىڭ بۇ يەرلەردە قالمىسۇن!    بەركەتلىك دۇئالىرىڭ بىلەن سەپىرىمگە بەركەت تىلە!    بۇ دۇنيادا غېرىبلىق، ئازاپ بىزگىلا دەپ قالما!   ئانىسىدىن ئايرىلغان خىنىلىق قىزنى بىر مەن دەپ قالما!    ئانىسىدىن ئايرىلغان،باشلىرى خېنىلىق،يۈزلىرى نۇرلۇق، مىڭلارچەبالىلار بار!!!    يالغۇزلۇقتا بىر-بىرىمىزنىڭ ئاتا-ئانىسى،دوست-يارەنلىرىبىز!!!    بىر ئىلاھى سۆيگۈنىڭ كەينىدىن تۆت تەرەپكە چېچىلىپ كىتىدىكەنمىز..    قەدىرلىك لەيلىنىڭ ئوتلۇق سۆيگۈسىگە مۇپتىلا بولدۇقكى.   قايسىمىز كەرەم؟ قايسىمىزپەرھات؟ قايسىمىزمەجنۇن؟    ئىھ ئانا! نەگە بارىسەن دىمە؟ ساڭا ئادرىس بىرەلمەيمەن... قاچان قايتىسەن؟-دىمە، بەلكى مەڭگۈ قايتالمايمەن..   بەلكى پىشانەمدە يات ئەللەردە ئۆلۈش بار.   بەلكى ئورنۇمنى بىلدۇرىدىغان قەبرە تىشىممۇ بولماس.    بىلىپ قالكى، قىزىڭ ئائىشەدىن ساڭا ۋەسىيەت بولسۇن،   ئەگەر يات ئەللەردە ئۆلۈپ كەتسەم ، ئۇ يەرلەردە ئۆلۈش ئەڭ ئاخىرقى ئارزۇيۇمدۇر.    بىلال ھەبەشى سالام بەرسە،پەيغەمبەرئەپەندىمىز نامىزىمنى ئوقۇسا، بۇمۇغېرىبنىڭ ئۈمىدىدۇر، جېنىم ئانا !ئەگەر بىر كۈنلىرى مۇزامبىكتە بىرگۈل ئىچىلىپتۇ دەپ ئاڭلاپ قالساڭ ،   ئاپغانىستاندابىر گۈل ئىچىلىپتۇ، دەپ ئاڭلاپ قالساڭ،    باشقا قۇتۇپلاردا بىرگۈل ئىچىلىپتۇ دەپ ئاڭلاپ قالساڭ، بىلىپ قالكى قىزىڭ ئائشەئۆلۈپتۇ!   گۈل بولۇپ ساڭا ئىچىلىپتۇ! كونوپكىدا :ئاي تۈرۈك

alenur

	ناخشا بىلەن يازغان خېتىڭىز بىرلىشىپ بەك تەسىرلىك چىقىپتۇ قولىڭىزغا دەت بەرمىسۇن

ئاردا

	ئانام دىگەن شىئىرنى ئاڭلاپ بەك تەسىرلەندىم  !!!  تىمىڭىزغا رەھمەت !

فاتىھ

	ھەر شەيئى ۋەتەن ئۈچۈن!! تېمىڭىز راسلا ياخشىكەن

فاتىھ

	ھەر شەيئى ۋەتەن ئۈچۈن!! تېمىڭىز راسلا ياخشىكەن

مسكىنÍÍ

	ئانام دېگەن شېئىرنى بۇرۇن تۇنجى قىتىم ئاڭلىغىنىمدا ، يىغلاپ تاشلىغاندىم ، ھەقىقەتەن ئېسىل

mattohti0903

	تىمىڭىزغا رەھمەت،تېخىمۇ نادىر ئەسەرلەرنى روياپقا چىقىرىشىڭىزغا تىلەكداشمەن.

darya0908

	بىزنى مۇشۇنداق ياخشى ئەسەرلەر بىلەن ئۇچراشتۇرغىنىڭىزغا كۆپ رەھمەت.

bazarbay

	رەھمەت قېرىندىشىم.ھەي ئانا سەنمۇ يېغلايسەن مەنمۇ يېغلايمەن بىر ئاللاھ يېغىمىزغامەدەت بەرگۆچى.

salman888

	ھەر شەيئى ۋەتەن ئۈچۈن تۈرك ناخشىسى مېكرافۇندا: ئۇغۇر ئارسلان تەرجىمىدە: مەلەك كۇنۇپكا تاختىسىدا: ئانا يۇرت ھەر شەيئى ۋەتەن ئۈچۈن، جان ئۈچۈن، جانان ئۈچۈن. كۆز يۇمماي جان بېرىمىز، بىر ئۇچۇم تۇپراق ئۈچۈن. كەچۈر ئانا، قايتىپ كېلەلمىگىنىم ئۈچۈن مەندىن رەنجىمە. بىلىمەن، ھەر قانچە يىغلىما! دېسەممۇ ئاڭلىمايسەن. يالغۇز ئوغلۇڭنى تۇپراققا بېرىشكە قانداقمۇ چېدىيالايسەن؟ كۆز يېشىڭنى سۈرتكىن ئانا، سۆزۈمنى ئاڭلا. بۇ ئىشتىن ئەسلى ھەممىدىن بەك سەن سۆيۈنۈشۈڭ كېرەك. دائىم خاپا بولاتتىڭغۇ، <<ناماز ئوقۇمىدىڭ>>دەپ. ھەيھەي... ئوغلۇڭ پەيغەمبەر ئەپەندىمىز بىلەن قوشنا بولدى ئانا. دائىم خاپا بولاتتىڭغۇ، <<ناماز ئوقۇمىدىڭ>>دەپ. بۇ ئىشتىن ئەسلىدە ھەممىدىن بەك سەن خۇشال بولىسەن، سەن سۆيۈنىسەن ئانا. ماڭا قارا دادا، بېشىڭ ئېگىلمىسۇن، كۆڭلۈڭنى يېرىم قىلما، يىغلىما. بۇ يولدا قايتماقمۇ بار، شېھىت بولماقمۇ بار. بۇ مىللەت 100 يىللاردىن بۇيان مۇشۇنداق ياشىدى. بىز بۇنى بىلىمىز ۋە بىز شۇ يوسۇندا ياشاشنى خالايمىز. سەن كاشكى مەن قەربىستاندىن كېلەلمىسەممۇ سەن ھەققەرىيىدىن كەلگەن بولساڭ دەۋاتىسەن. يەڭگىللىك قىلىۋاتىسەن دادا. شۇئان بالا دەردىدە شۇنداق دەۋاتىسەن. نېمىلەرنى يوقاتقىنىڭنى بىلمەيۋاتىسەن دادا. نېمىلەرنى يوقاتقىنىڭنى سەزمەيۋاتىسەن دادا. ھە، راست. بەلكىم ئىشەنمەسلىكىڭ مۈمكىن. مەن بۇ يەردە بوۋام چەركەز ئەلى بىلەن تونۇشتۇم. ھېلىقى گاللىپولى تەۋەسىدىكىچۇ؟ سەن <<ئۆلۈم ساڭا ياراشمايتى>> دەۋاتىسەنۇ، بوۋام بىزلەرگە بۇ بەك يارىشىدۇ، بىزلەرگە بۇ بەك يارىشىدۇ، دەيدۇ. ھەر شەيئى ۋەتەن ئۈچۈن، جان ئۈچۈن، جانان ئۈچۈن. كۆز يۇمماي جان بېرىمىز، بىر ئۇچۇم تۇپراق ئۈچۈن. بالىلار ساڭا قالدى ئائىشە. خوتۇنۇم، بارلىقىم، ئامرىقىم. بۇنىڭدىن كېيىن بالىلار ساڭا ئامانەت. بەلكىم ماڭا بىراز ئاچچىقلىنار. <<دادام نېمە ئۈچۈن بىزنى تاشلاپ كەتتى>>دەپ. كىچىك ئەمەسمۇ، شېھىتلىك مەقامىنى بىلمەيدۇ. ئاتىلار بايرىمىدا دادامنىڭ يېنىغا ئېلىپ بار. ئۇ كۈنى دادامنى <<ئاتا>> دېسۇن. ئاز-تولا ئەقلىگە كەلگەندە ئاندىن چۈشەندۈرۈپ قويارسەن. <<مېنىڭ دادام بىر قەھرىمانتى>>دېسۇن. بىراز چوڭ بولغاندا ئېيتىپ بەر بۇ ئىشلارنى. <<مېنىڭ دادام بىر قەھرىمانتى>>دېسۇن. ئەمدى ساڭا كەلسەم گۈلۈم. بىلىمەن، يۈرىكىنڭنىڭ كۆيىۋاتقىنىنى. 25 يېشىڭدا ئىككى بالا بىلەن يالغۇز قالغىنىڭغا ئىچىڭ ئۆرتۈنىدۇ. ھازىرغا قەدەر يۈزلىرىڭنى كۈلدۈرەلمىدىم، بۇنى بىلىمەن. ساڭا پەقەت بارمىقىڭدىكى شۇ بىر تال ئۈزۈكنىلا ئېلىپ بېرەلىدىم. ئەمدى كېتەر چېغىمدا ساڭا ۋەتەننىڭ تۇپرىقىدا ئۆسكەن بارچە خۇشپۇراق گۈللەرنى قالدۇرىمەن. تويۇپ-تويۇپ ھىدلىغىن. قانغۇدەك ئىچ، پۈتۈن دەريا ۋە ئۆستەڭلەرنى بېرىمەن ساڭا. ساپ ھاۋادىن تويغىچە نەپەسلەن. ئەركىن ساياھەت قىل، ياشىۋال قورقما. ھەممىسىنىڭ بەدىلى تۆلەندى ئىشقىلىپ قانداقلا بولسا. دوستلىرىم ھەسەن، ئوسمان، ھۈسەين، ئاغىنىلەر سۆزۈمگە قۇلاق سېلىڭلار.  ئاتامنىڭ تاماكا پۇلىنى، ئىنىم نۇرىنىڭ كۆڭۈل يارىسىنى، ئوقۇش باشلانغاندا بىزنىڭ ئوغۇلنىڭ سومكىسىنى ئۆكسۈتۈپ قويماڭلار. مەندىن ئەنسىرىمەڭلار. ئاندا-ساندا بۇ يەردە ئىكەنلىكىمنى ئەستىن چىقىرىپ كۆزلىرىڭلار مېنى ئىزدەپ قالسا پىۋا ئىچكىنىڭلاردا مېنى تۆتىنچىسى قىلىپ قوشۇپ قويارسىلەر. بۇ يەرلەردە يەر قىزىل، ئاسمان ئاق. كۆكسىمىز يەتتە قات يەرنىڭ ئۈستىدە، ئارسلانلار ياتىقىدا، ئەرشئاللادا، ئەلھەمدۇلىللا، ئەرشئاللادا، ئەلھەمدۇلىللا. ھەر شەيئى ۋەتەن ئۈچۈن، جان ئۈچۈن، جانان ئۈچۈن. كۆز يۇمماي جان بېرىمىز، بىر ئۇچۇم تۇپراق ئۈچۈن.