يىراقتىكى كولدۇرما ئاۋازى

abaytarim

	يىراقتىكى كولدۇرما ئاۋازى       ماڭا كولدۇرما ئاۋازىنى ئاڭلاش ئانچە كۆپ نېسىپ بولمىدى . مەن ئۇنى چۈشىنىپ ھېس قىلىپ بولغىچە تەرەققىياتنىڭ تېخىمۇ جاراڭلىق كولدۇرما سادالىرى ئەسلىدىكى كولدۇرما سادالىرىنى مەڭگۈلۈك جىمىقتۇرۋەتكەنىدى . مانا ئەمدى ئاندا -ساندا ئاڭلىنىدىغان كولدۇرما سادالىرىنىڭ ئورنىغا توختىماي ئاڭلىنىپ تۇرىدىغان ، ئاڭلاپ ئۈلگۈرۈپ بولالمايدىغان ، ۋاقىتنى چىڭ تۇتۇپ ئاڭلىمىسا ئارقىدا قالىدىغان ئەھۋال كېلىپ چىقتى . مانا يېراقتىن ، ناھايىتىمۇ يىراقتىن بىر ئاۋاز ئاڭلانماقتا . ئۇ ئاۋاز شۇنچە ئېنىق ، شۇنچە راۋان ئاۋاز ئىدى . دەقىقە ئىچىدە شۇنچىۋالا ئادەم ئۇنى ئاڭلاپ ، چۈشىنىپ بولدى . بۇنداق سادالار كۆپ بولۇپ ئۇ ئۆزىنى چۈشىنىپ بولالمىغانلارنى ساقلاپ بولالمايتتى . چۈنكى ئۇ يوللانغان چاغدىلا كونىراپ كېتەتتى .     رەھمەتلىك مومامنىڭ ئەينى يىللاردىكى كولدۇرما ئاۋازلىرى ھەققىدىكى ھېكايىلىرى تۈگىمەيتتى . چۈنكى ئۇ چاغلاردا ھەممە ئادەم دېگۈدەك ئۇزۇن سەپەرلەرنى بېسىپ بەختىنى ، رىزقىنى تاپاتتىكەن . ئۇلارنىڭ ئۆز يۇرتلىرىغا جاراڭلىق كولدۇرما ئاۋازلىرىنى ياڭرىتىپ كىرىپ كېلىشى كىشى قەلبىنى ئۇزۇنغىچە لەرزىگە سالاتتىكەن . بۈگۈن شۇنداق بىر ئىشقا يولۇقتۇم . ئاددىي بىر دېھقاننىڭ ناخشىسىنى غىڭشىغىنىچە ئېشىكىنىڭ بوينىغا قوڭغۇرىقىنى ئېسىپ يېنىمدىن ئۆتۈپ توختىشى بىلەن پاراڭلىرىمىز باشلىنىپ كەتكەنىدى .  - ۋاي ئۇكام ، بۇ قوڭغۇراقنى دەمسىز ، بۇ مېنىڭ دادامدىن قالغان . بىز مۇشۇ كولدۇرمىنىڭ ئاۋازىنى ناھايىتى يىراقتىن ئاڭلاپلا يولغا چىقىپ دادىمىزنى ساقلايتتۇق . ئۇنىڭ كېلىشى ، بىز ئۈچۈن ھەممىدىن دېرەك بېرەتتى . ئۇ بىزنى ئۇزاق قۇچاقلاپ ھېدىمىزنى ئېلىۋېلىپ ، ئەكەلگەن نەرسىلىرىنى ئاۋايلاپ چۈشۈرەتتى . بىز ئۈچۈن بىرەر ھەپتە بايرام بولاتتى . بېچارە دادام يەنە كولدۇرمىسىنى ياڭراتقىنىچە تىرىكچىلىك ھارۋىسىنى ھەيدەپ سەپەرگە ئاتلىنىپ كېتەتتى .  مەن مۇشۇنداق بىر كۈنلەردىمۇ ، بىر كىشىنىڭ ئاغزىدىن مۇشۇنداق بىر ھەقىقىي ۋەقەنى ئاڭلاپ ، قەلبىمنى تىڭشاپ باقتىم . زامانىۋېي كولدۇرما سادالىرى قۇلاقلىرىمنى ئاللىقاچان پاڭ قىلىپ قويغاندەك ھېس قىلىپ ئەندىكىپ كەتتىم . ياق ، زامان ئۆزگەردى . .. زامانىۋى كولدۇرما ئاۋازلىرى ياڭرىماقتا . تۇرۇپلا ئەشۇ زامانلاردىكى كولدۇرما ئاۋازلىرىنى سېغىنىپمۇ قالىدۇ - كىشى . يىراقتىن بىر كولدۇرما ئاۋازى كېلىۋاتاتتى ...       مەنبە :  ئۇچرىغان ھەقىقىي ۋەقە .    2013 - 2 - 23 .    ئەبەي تارىم . شەھىرى شىخو .

adj

	كولدۇرما دىگەن نىمدىگەن گەپ بولسا چۈشەنچە بىرىۋەتكەن بولسىڭىز ...تۇنجى قېتىم ئاڭلىشىم ئىدى .....

abdulahad

	قۇڭغۇراقنىڭ ئىپتىدائىسى