< قۇرئان ئاللاھنىڭ كالامى ئەمەس > دېگەنلەرگە رەددىيە

SDDIK

	< قۇرئان ئاللاھنىڭ كالامى ئەمەس > دېگەنلەرگە رەددىيە تەييارلىغۇچى: ئابدۇلئەزىز بۇھەجلە تەرجىمە قىلغۇچى: ئۇيغۇرەك بەزىلەر : < قۇرئان مۇھەممەد ( ئەلەيھىسسالام ) نىڭ سۆزى > دىسە ، يەنە بەزىلەر ئۇنى < مۇھەممەدكە شەيتان ئۆگەتكەن > دەيدۇ ، يەنە بىرسى < جىننىڭ سۆزى > دىسە ، بەزىلەر ئۇنى < قۇرئاننى توپلىغان ساھابىلارنىڭ سۆزى > دەيدۇ. ئەمما مەن باشقا مۇسۇلمانلارغا ئوخشاشلا قۇرئاننى < ئاللاھنىڭ كالامى > دەيمەن، ۋە بۇ سۆزۈمنى تۆۋەندە ئىسپاتلايمەن . 1- ( قۇرئان مۇھەممەد ( ئەلەيھىسسالام > نىڭ     سۆزى) -  بۇ كاپىرلار ئەڭ تالاش- تارتىش قىلىدىغان مەسىلە، شۇڭا مەن بۇ مەسىلىنى تەپسىلى بايان قىلىمەن .     1- ئەگەر قۇرئان كەرىمنى مۇھەممەد ( ئەلەيھىسسالام ) يازغان بولسا، ئۇ     نىمىشقا ئۆزىگە بىۋاستە خىتاب  قىلىدۇ؟     { وَقُلِ اعْمَلُواْ فَسَيَرَى اللّهُ عَمَلَكُمْ وَرَسُولُهُ وَالْمُؤْمِنُونَ وَسَتُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ } التوبة 105   تەرجىمىسى :  (ئى مۇھەممەد) ، (ئۇلارغا) ئېيتقىنكى : < (خالىغان) ئەمەللەرنى قىلىڭلار ، قىلغان ئەمەلىڭلارنى ئاللاھ ، ئاللاھنىڭ پەيغەمبىرى ۋە مۆمىنلەر كۆرۈپ تۇرىدۇ ، يۇشۇرۇن ۋە ئاشكارا ( نەرسىلەر) نى بىلگۈچى ( ئاللاھ) نىڭ دەرگاھىغا قايتۇرۇلىسىلەر ، ئاللاھ قىلمىشىڭلارنى سىلەرگە خەۋەر قىلىدۇ >  ( سۈرە تەۋبە 105 - ئايەت ) قۇرئان كەرىم مۇھەممەد ( ئەلەيھىسسالام ) نىڭ سۆزى بولغان بولسا ئۇ كىشىلەرگە بىۋاستە خىتاب قىلغان بولاتتى. دېمەك بۇ - قۇرئاننى پەيغەمبىرىمىزگە ئاللاھنىڭ نازىل قىلغانلىقىغا دەلىل . 2-  ئەگەر قۇرئان كەرىمنى مۇھەممەد ( ئەلەيھىسسالام ) يازغان بولسا نېمە ئۈچۈن قۇرئان بىلەن ھەدىس بىر كىتاب قىلىنمايدۇ ؟ ۋەھالەنكى خىرىستىئانلارنىڭ كىتابى ئىنجىل بولسا- ئىيسا ( ئەلەيھىسسالام ) نىڭ سۆزلىرى ۋە ئىش پائالىيەتلىرى تۇلۇق بايان قىلىنغان بىر تەرجىمىھال كىتاپ ئىكەنلىكى ھەممىگە مەلۇم، لېكىن قۇرئان كەرىم پەيغەمبىرىمىزنىڭ سۆزلىرىنى ۋە پائالىيەتلىرىنى تامامەن بايان قىلغان ئەمەس، ئەگەر بايان قىلىش توغرا كەلسە، ئاللاھنىڭ پەيغەمبىرىمىزگە قىلغان سۆزلىرى توغرۇلۇق ۋە ئۇنىڭ قەۋملىرى توغرۇلۇق ۋە ئۆز قەۋمىگە ئىسلام دىنىنىڭ ئەقىدە- پرىنسىپ ۋە شەرىئەت- ئەھكاملىرىنى ئۆگىتىشى توغرۇلۇق، ياكى- باشقا قەۋملەرگە ئىبرەت قىلىش ئۈچۈن- پەيغەمبىرىمىز بىلەن ئۇنىڭ قەۋمى ئوتتۇرىسىدا بۇلۇپ ئۆتكەن ئىشلار توغرۇلۇق سۆزلەيدۇ .     3- ھېچقانداق بىر ئادەم ئۆزىنى ئەيىبلەپ كىتاب يازمايدۇ . ئاللاھ قۇرئان كەرىمدە مۇنداق دەيدۇ : < عَبَسَ وَتَوَلَّى, أن جآءهُ الأعمى >  تەرجىمىسى : < يېنىغا ئەما كەلگەنلىكى ئۈچۈن (پەيغەمبەر ئەلەيھىسسالام) تەرىنى تۈردى ۋە يۈزىنى ئۆرىۋالدى> ( سۈرە ئەبەسە 1 - 2 - ئايەت ) ھەتتا < ئۆزىنى ئەيىبلىدى> دېگەن تەغدىردىمۇ نېمە ئۈچۈن بۇ     يەردىكى خىتاب ئۈچىنچى شەخس ئېنىقسىز ھالەتتە كېلىدۇ؟ ئەگەر قۇرئان كەرىمنى پەيغەمبىرىمىز يازغان بولسا  ئەسلى  < عَبَسَتُ وَتَوَلَّيتُ >  يەنى <تەرىمنى تۈردۈم ۋە يۈزۈمنى ئۆرۈۋالدىم> دەپ بىرىنچى شەخس ئېنىق ھالەتتە كېلىشى كېرەك ئىدىغۇ ؟ .     4-     بەزىلەر< قۇرئان كەرىمنى مۇھەممەد(ئەلەيھىسسالام) 23 يىل جەريانىدا يېزىپ چىققان> دەيدۇ . لىكىن بەزى چاغلاردا قۇرئان بىرەر مەسىلىگە جاۋاپ بېرىپ دەرھاللا نازىل بولاتتى . مەسىلەن : يەھۇدىلار پەيغەمبىرىمىزدىن (زۇلقەرنەين) توغرۇلۇق سورىغاندا، ئاللاھ تائالا تۆۋەندىكى ئايەتلەرنى نازىل قىلغان : {وَيَسْأَلُونَكَ عَن ذِي الْقَرْنَيْنِ قُلْ سَأَتْلُو عَلَيْكُم مِّنْهُ ذِكْراً } الكهف83 .  تەرجىمىسى : <ئۇلار ( يەنى يەھۇدىلار ) سەندىن زۇلقەرنەيىن توغرۇلۇق سورىشىدۇ . < سىلەرگە مەن ئۇنىڭ قىسسىسىنى ۋەھىي ئاساسىدا بايان قىلىمەن > دېگىن>(سۈرە كەھف 83 - ئايەت) يەنە ساھابىلەر پەيغەمبەر ئەلەيھىسسالامدىن ھاراق ۋە قىمار توغرۇلۇق پەتىۋا سورىغاندا ، ئاللاھ تائالا تۆۋەندىكى ئايەتنى نازىل قىلغان: {يَسْأَلُونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِن نَّفْعِهِمَا وَيَسْأَلُونَكَ مَاذَا يُنفِقُونَ قُلِ الْعَفْوَ كَذَلِكَ يُبيِّنُ اللّهُ لَكُمُ الآيَاتِ لَعَلَّكُمْ تَتَفَكَّرُونَ}  البقرة 219 تەرجىمىسى: < ( ئى مۇھەممەد !) سەندىن ھاراق ۋە قىمار توغرىسىدا سورىشىدۇ، سەن ئۇلارغا < بۇنىڭ ھەر ئىككىسىدە چوڭ گۇناھ ۋە كىشىلەرگە (ئازغىنە ماددى) پايدىمۇ بار، لېكىن ئۇلاردىكى گۇناھ پايدىغا قارىغاندا تېخىمۇ چوڭ > دېگىن، ئۇلار سەندىن نېمىنى سەدىقە قىلىش توغرۇلۇق سورايدۇ، < (ئېھتىياجدىن) ئارتۇقىنى (سەدىقە قىلىڭلار) دېگىن. (دۇنيا ۋە ئاخىرەتنىڭ ئىشلىرىنى) تەپەككۇر قىلىشىڭلار ئۈچۈن ئاللاھ ئۆز ئايەتلىرىنى سىلەرگە شۇنداق بايان قىلىدۇ . >   (سۈرە بەقەرە 219 - ئايەت) 2 - بەزى كىشىلەر    (قۇرئان شەيتاننىڭ سۆزى)  دەيدۇ. بۇ ئەڭ كۈلكىلىك گەپ بۇلۇپ، بۇ سۆزنى نادانلىقتا چېكىگە يەتكەن ئادەملەرلا دەيدۇ. 1- ئەگەر قۇرئان شەيتاننىڭ سۆزى بولسا ئۇنداقتا نىمىشقا ئۆزىنى ئەيىبلەيدۇ ۋە ئۆزىنى سۆكىدۇ؟ ھەتتا ئۆزىگە لەنەت قىلىدۇ؟ 2- يەنە نىمىشقا قۇرئاندا ئاللاھنى ئۇلۇغلاپ بىز ئاللاھقىلا ئىبادەت قىلىشقا بۇيرۇيدۇ؟ 3- ئەگەر مەن شەيتاننىڭ ئورنىدا بولسام، ئاللاھ مېنى ئادەم (ئەلەيھىسسالام) غا سەجدە قىلىشقا بۇيرۇغاندا ئۇنى رەت قىلغانلىقىمدىن ئىبارەت بۇ ھادىسىنى قۇرئاندا كەلتۈرمىگەن بولاتتىم. 3 - يەنە بەزى كىشىلەر (قۇرئان جىننىڭ سۆزى) دەيدۇ. 1- جىنلار ئىنسانلارغا كىتاپ يېزىپ بەرسە ئۇلارغا نېمە پايدىسى بار؟ 2- ئەگەر ئۇلارغا پايدىسى بار دېگەندىمۇ، نېمە ئۈچۈن قۇرئان مۇھەممەد (ئەلەيھىسسالام) غىلا ئالاقىدار بولىدۇ. 3- جىنلارنىڭ قۇرئاندىكى ناماز، روزا، زاكات، زىنانىڭ تەپسىلاتلىرى، تالاقنىڭ تەپسىلاتلىرى ......................  قاتارلىق شەرىئەت ئەھكاملىرىغا ئالاقىدار مەسىلىلەر بىلەن نېمە مۇناسىۋىتى بار؟ 4 -  ئەمدى (قۇرئان ساھابىلارنىڭ سۆزى) دېگەن سەپسەتىگە كەلسەك: 1- ئەگەر قۇرئاننى ساھابىلار يازغان بولسا ئەلۋەتتە ئىنجىلغا ئوخشاش پەيغەمبىرىمىزنىڭ پۈتۈن ئىش- ئىزلىرىنى ئۇنىڭغا كىرگۈزسە بولاتتى، قۇرئان بىلەن ھەدىسنى بىر توپلام قىلىپ، ئۇلارنى ئايرىمىسىمۇ بولاتتى. 2- ساھابىلار قۇرئاننى يېزىپ ئاندىن ئۇنى ئىسلامغا ۋە مۇھەممەد (ئەلەيھىسسالام) غا نىسبەت بەرگەن بولسا، ئەلۋەتتە ئۆزلىرىنىڭ ئىسىملىرىنى قۇرئاندىكى بىرەر سۈرىنىڭ ئارىسىغا قوشۇپ قويسا بولاتتى، ئاندىن ئۇلار تارىختا مەڭگۈ زىكىر قىلىنىپ تۇراتتى ئەمەسمۇ؟ دېمەك قۇرئان مۇھەممەد ئەلەيھىسسالامنىڭ ياكى جىن،  شەيتان ياكى قۇرئاننى توپلىغان ساھابىلارنىڭ سۆزى ئەمەس، بەلكى يەككە- يىگانە بىر ئاللاھنىڭ كالامىدۇر! ( ئاللاھنىڭ ياردىمى بىلەن تەرجىمە قىلدىم. سەھۋەنلىكلەرنىڭ بۇلىشى تەبىئىي. تەنقىد- پىكىرلەر بولسا ئايىمىغايسىلەر!) مەنبە: http://www.quran-m.com خۇلاسە - ( بۇ خۇلاسە ئۇيغۇرەك تەرىپىدىن ) قېرىنداشلار! قۇرئاننى ئاللاھ نازىل قىلغان، بۇ كۆز يۇمغىلى بولمايدىغان شەكسىز ھەقىقەت. قۇياش نۇرىنى توسۇۋالغىلى بولمىغاندەك بۇ ھەقىقەتنى ھەم ئىنكار قىلغىلى بولماس.  ئاللاھ تائالا قۇرئان كەرىمدە مۇنداق دەيدۇ: (قل أنزله الذي يعلم السر في السماوات والأرض إنه كان غفورا رحيما)   تەرجىمىسى: (ئېيتقىنكى < ئۇنى- يەنى قۇرئاننى- ئاسمانلاردىكى ۋە زېمىندىكى سىرنى بىلىپ تۇرىدىغان ئاللاھ نازىل قىلدى، ئاللاھ ھەقىقەتەن ناھايىتى مەغپىرەت قىلغۇچىدۇر، (بەندىلەرگە) ناھايىتى مېھرىباندۇر).  <سۆرە فۇرقان 6- ئايەت >   بىر شائىر مۇنداق دېگەن ئىكەن: ھەقىقەت ئالدىدا كۆز يۇمالمايمەن، قۇرئانسىز بىر نىشان كۆزلىيەلمەيمەن. پولاتتەك پاكىتلار تۇرسا ئالدىمدا، بوۋامنى مايمۇن دەپ سۆزلىيەلمەيمەن.                                                                          2011-5-24    سەيشەنبە.  مەدىنە مۇنەۋۋەرە تەييارلىغۇچى: ئابدۇلئەزىز بۇھەجلە تەرجىمە قىلغۇچى: ئۇيغۇرەك

1670154432

	قۇرئان كەرىم ،ئەلۋەتتە ئاللاھنىڭ كالامى ،بۇ ھىچ قانداق مۇلاھىزە تەلەپ قىلمايدىغان ھەقىقەت ،پەقەت ئۆز دىنىدىن چەتنىگەن ۋە ياكى ئىسلامنىڭ ھەقىقە مەنىسىنى بىلمەيدىغان دىنغا ئىشەنمەيدىغان بىر قىسىم (............) لارنىڭ ئۆزىگە پايدىلىق بۇلىشى ئۈچۈن ئۇنى ئۆز خاھىشىغا بۇرمىلاش مەقسىتىدە ئېيتلغان پىتنە-پاساتچىلاردىن باشقىسى بىلىدۇ ھەم ئىشىنىدۇ .

سائەت

	ياخشى تىما كەن

SDDIK

	tewip0991 يوللىغان ۋاقتى  2013-2-20 11:52 AM مۇنازىرە قىممىتى يوق تېما! مەن بۇ تېمىنى  سىلىنى مۇنازىرە قىلامىكى دەپ ، يوللىمىغان ئوباما ئەپەندوم . جەمىيەتتىكى  بەزى ...... كىشلەرنىڭ كۆز قاراشلىرىنىڭ خاتا ئىكەنلىكىنى تۇنۇتۇش  ئۈچۈن يوللىغان . ئازراق ۋاقىت ساقلاپ تۇرسىلا سىلىگە ۋەھشى مۇنازىرە قىلىدىغان تېمىدىن بىرنى سوغا قىلاي ، ھە .

ئەرتۇرا

	ئەسسالامۇئەلەيكۇم!  تورداشلار. ( قۇرئان ئاللانىڭ كالامى ئەمەس) دىگەنلەر بىلىمسىز كاپىرلارنىڭ گىپى. تىما ئىگىسىنىڭ ئەجرىگە رەھمەت!  بۇھەقتىكى ياخشى پاكىتلارنى ئوتىرىغا قويۇپتۇ. ئاللاھ ئەجرىنى بەرگەي! مەنمۇ تۆۋەندە قۇرئان كەرىم ئاللاھنىڭ سۆزى ئىكەنلىكىنى ئىسپاتلايدىغان بىر تەتقىقات نەتىجىسىنى قېرىنداشلارغا سۇناي :    قۇرئان كەرىم ھەقىقەتەن بىر مۆجىزە بۇئەسەر قۇرئان كەرىمنىڭ ھەقىقەتەن بىر مۆجىزە،ھەم ﷲ سۆزى ئىكەنلىكىنى تېخمۇ ياخشى دەلىللەر بىلەن ئىسپاتلايدۇ. تەتقىقاتچى ئاپتورى ئۆمەرچېلەك (تۈركىيە ) قۇرئان كەرىم كومپىيوتىرغا كىرگۈزۈلگەندىن كىيىن بۇ مۆجىزىلەر بايقالدى. 1-سانلار  مەلۇماتى سانلارنىڭ  تەكرارلىقى  قۇرئان  كەرىمنىڭ  ماتىماتىكىلىق   تۈزۈلۈشكە  ئېگە  ئىكەنلىكىنىڭ  دەلىلى  . مەسىلەن :قۇرئان كەرىمدە؛ مەلەك  88 قېتىم ، شەيتان 88 قېتىم  تەكرارلانغان . جەننەت  77 قېتىم ، جەھەننەم  77 قېتىم  تەكرارلانغان . دۇنيا 115 قېتىم ، ئاخىرەت 115 قېتىم  تەكرارلانغان . ئۆسۈملۈك 26 قېتىم، دەرەخ 26 قېتىم تەكرارلانغان . ئايغا  چىقىش  تارىخى؛ قۇرئان كەرىمنىڭ ‹قەمەر›سۈرىسىدە  ئايغا  بارماقنىڭ  مۇمكىنلىكىگە دائىر ئىشارەتلەر  بار . ‹قەمەر ›سۆزى تىلىمىزدا ‹ئاي › دىمەكتۇر . سۈرىدە ئاي سۆزى بىرىنچى ئايەتتە  ئورۇن ئالغان . ‹قىيامەت يېقىنلاشتى ، ئاي يېرىلدى . ›(قىيامەت سۈرىسى ، 1- ئايەت ) . مانا بۇ ئايەتتىن قۇرئان كەرىمنىڭ ئاخىرىغىچە 1389 ئايەت بار ، ھېجرىيە كالىندارى بويىچە 1389 – يىلى مىلادى بويىچە 1969– يىلىغا تەڭ كەلمەكتە ، بۇ دەل ئايغا چىقىش تارىخىدۇر . ئاينىڭ ئوربىتىسى قۇرئاندا ئالەم جىسمى  سۈپىتىدە  تىلغا  ئېلىنغان ئاي سۆزى تولۇق 27 قېتىم ئۇچرايدۇ  ئوخشاشلا ئاينىڭ يەر شارى ئەتراپىدا ئېللىپىس شەكىللىك ئايلىنىشىمۇ 27 كۈندۈر . دېڭىز – قۇرۇقلۇق  نىسبىتى قۇرئاندا قۇرۇقلۇق سۆزى  13 قېتىم ، دېڭىز  سۆزى 32 قېتىم ئۇچرىغان نىسبەتلەشتۈرگەندە  دېڭىز  نىسبىتى  45\32 ، قۇرۇقلۇق  نىسبىتى  45\13 بولۇپ ، بۇنى يۈز نىسبەتكە  ئايلاندۇرغىنىمىزدا  دېڭىز  نىسبىتى يۈزدە %71  ، قۇرۇقلۇق  نىسبىتى يۈزدە %29 ، زامانىۋى بىلىمنىڭ  نەتىجىلىرىمۇ دېڭىز  دۇنيانىڭ % 71 ىنى ، قۇرۇقلۇق  دۇنيانىڭ  %29 ىنى تەشكىل قىلىدۇ دەپ قارىماقتا . سىرىئوس يۇلتۇزى  ۋە 49 كېچىلىرى  ئاسماندا ئەڭ پارلاق يۇلتۇز بولغان سىرىئۇس يۇلتۇزى قۇرئاندا  نەجىم (يۇلتۇز) سۈرىسىنىڭ  49 – ئايىتىدە ئۇچرايدۇ . ‹ئاللاھ شىئرا يۇلتۇزىنىڭ  پەرۋەردىگارىدۇر › (نەجىم سۈرىسى ، 49 – ئايەت ) ئەرەبچە مەنىسى ‹شىئرا› بولغان سىرىئۇس يۇلتۇزىنىڭ پەقەت 49 – ئايەتتە    ئۇچرىشى  ھەقىقەتەن  قىزىقارلىق  بىر ئەھۋالدۇر . چۈنكى ئالىملار سىرىئۇس  يۇلتۇزىنىڭ ھەركىتىنى كۆزىتىش ئارقىلىق تېلىسكوپسىز كۆرۈنمەيدىغان  سىرىئوس ب يۇلتۇزىنىڭ  سېرىئوس ئا ئەراپىدىكى ئايلىنىش ۋاقتىنىڭمۇ 49 يىل ئىكەنلىكىنى بايقىغان . تۆمۈرنىڭ  ئاتوم نۇمۇرى قۇرئاندىكى ھەدىد ناملىق سۈرىدە ناھايىتى قىزىقارلىق بىر چۈشەنچە  بار . بۇ سۈرىدە تۆمۈرنىڭ ئەرشتىن چۈشۈرۈلگەنلىكى تەكىتلىنىدۇ . ئاۋال بۇ ئايەتنى تەھلىل قىلايلى :‹ ... بىز تۆمۈرنىمۇ  چۈشۈردۇقكى ، ئۇنىڭدا بۈيۈك بىر قۇۋۋەت ۋە ئىنسانلار  ئۈچۈن مەنپەئەتلەر  بار ..› ( ھەدىد  سۈرىسى ، 25 – ئايەت ) ، بۇ ئايەتتىكى ‹چۈشۈرمەك › سۆزى تۆمۈرنىڭ دۇنيا سىرتىدىن كەلگەنلىكىنى  تەكىتلەيدۇ . بۈگۈنكى ئاسترونومىيە  بىلىمىمۇ تۆمۈر ماددىلىرىنىڭ ئالەمدىكى  چوڭ يۇلتۇزلاردىن كەلگەنلىكىنى  يەكۈنلىدى . تۆمۈر  سۆزىنىڭ ئەرەبچىدىكى  سانلىق قىممىتى 26 ، تۆمۈرنىڭ   ئاتوم نۇمۇرىمۇ  26  . 365 كۈن قۇرئان كەرىمدە  ‹بىر كۈن › سۆزى 365  قېتىم ئۇچرايدۇ . بىلگىنىمىزدەك ، يەر شارى  قۇياش ئەتراپىدا تولۇ ق  بىر قېتىم ئايلىنىشىغا 365 كۈن كېتىدۇ ، يەر شارى قۇياش ئەتراپىدا ئايلانغاندا ئوخشاشلا ئۆز ئوقىدىمۇ  دەل 365  قېتىم ئايلىنىدۇ .   نۇھ ئەلەيھىسالام  كېمىسى ۋە 44 – ئۇزۇنلۇق ؛ قۇرئان كەرىمدە نۇھ كېمىسى جايلاشقان  يەر ‹ھۇد› سۈرىسىنىڭ 44- ئايىتىدە ئۇچرايدۇ :‹ ئى زېمىن ، سۈيىڭنى  يۇتقىن ، ئى بۇلۇت ، تارقىغىن ، دىيىلدى ، سۇ سوغۇلدى ، ئاللاھنىڭ ( كاپىرلارنى  غەرق قىلىشتىن ئىبارەت ) ھۆكمى  ئىجرا قىلىندى ، كېمە جۇدى ئۈستىدە توختىدى ، (زالم قەۋم ھالاك بولسۇن ) دېيىلدى › (ھۇد سۈرىسى ، 44- ئايەت ) قۇرئاندا نۇھ كېمىسىنىڭ جايلاشقان يېرىنىڭ 44 – ئايەتتە تىلغا ئېلىنىشى ناھايىتى قىزىقارلىق  بىر ئەھۋال . چۈنكى تەۋراتتا  كېمىنىڭ جايلاشقان يېرى  دەپ كۆرسىتىلگەن ئاغرى تېغى ۋە ئەتراپى 44- ئۇزۇنلۇقتا . ھەج ۋە 22- كەڭلىك مۇسۇلمانلارنىڭ  داۋاملىق يۈزلىنىدىغان بۇ مۇھىم مەركەزنىڭ جۇغراپىيلىك ئونى ‹قۇرئان كەرىم › دە ئۆزىنى  يوشۇرماقتا . ھەر يىلى  مىليونلارچە مۇسۇلمانلارنىڭ  ھەج ئىبادىتىنى ئورۇنلىماق ئۈچۈن بارىدىغان يېرى – مەككە  22- كەڭلىكتە ، قۇرئان كەرىمدىكى  ھەج سۈرىسىمۇ دەل  22- سۈرىدۇر . 33- كەڭلىك ۋە 35 – ئۇزۇنلۇق ، ئىسرائىل قۇرئاندىكى  ئال ئىمران سۈرىسى ئىسرائىل دۆلىتىنىڭ  قايسى كەڭلىك ۋە قايسى ئۇزۇنلۇقتا  قۇرۇلىدىغانلىقىغا بىشارەت بەرمەكتە . ‹ ئال ئىمران › تىلىمىزدا ‹ ئىمران ئائىلىسى › مەنىسىدە . ئىمران ئائىلىسى ئىسرائىل ئوغۇللىرى نەسلىدىن ، شۇنداقلا ‹ ئال ئىمران › سۈرىسىنىڭ  پەقەت  33- ۋە 35 – ئايەتلىرىدە ‹ ئىمران › سۆزى ئۇچرايدۇ . دىققەت قىلىنسا ، بۈگۈنكى ئىسرائىل دۆلىتىمۇ  33- كەڭلىك ۋە 35- ئۇزۇنلۇقتا . جىنىس ۋە 23- خروموسوم  جۈپلۇكى ئىنسانلارنىڭ ۋە باشقا جانلىقلارنىڭ گېن تۈزۈلۈشى خروموسوملار غا باغلىق ھەمدەDNA لار بۇ خروموسوملارغا  ئورناشقان . جىنىسنىڭ ئىنىقلىنىشى 23- خروموسوم جۈپلىكىگە باغلىق ، ھەر قانداق بىر كىشىنىڭ 23- خروموسوم جۈپلىكى شەكىلدە بولسا ايال جىنىسلىق ،  شەكىلدە بولسا ئەر جىنىسلىق بولىدۇ . ماس ھالدا قۇرئان كەرىمدە ‹ ئەر › ھەم ‹ ئايال › سۆزى ئايرىم – ئايرىم  23 قېتىم تەكرارلىنىدۇ . ھەرىنىڭ  گېن نۇمۇرى جانلىقلارنىڭ  گېن شىفىرى بولغان  د ن ا لار خروموسوملاردا ئورناشقان ، مەسىلەن ، دۇنيانىڭ  ھەر يېرىدىكى  ھەرىلەرنىڭ خروموسوم  سانى ئوخشاش ھەم ئۆزگەرمەستۇر . ئومومەن ، ھايۋانلارنىڭ  چىشى ۋە ئەركىكىدە ئوخشاش خروموسوم بولىدۇ ، پەقەت ھەرىنىڭ ئەھۋالى ئوخشىمايدۇ ، چۈنكى ئەركەك ھەرە 16تاق خروموسومغا ، چىشى ھەرە  16 جۈپ خروموسومغا  ئىگە . قۇرئاندا  باش ماۋزۇسى ‹ نەھل (ھەرە ) ›  ئىسمىدە  بولغان بىر سۈرە بار ، بۇ سۈرە دەل 16 – سۈرىدۇر . ئېشەك  ۋە  31 – 62 – سۈرە قۇرئان كەرىمنىڭ بىر قانچە  يېرىدە ئېشەك سۆزى ئۇچرايدۇ ، پەقەت ‹لوقمان ›(31- سۈرە ) ۋە  ‹جۇمۇئە › (62- سۈرە )  سۈرىلىرىدە  تىلغا ئېلىنغان بىردىنبىر  ھايۋان ئېشەكتۇر . مانا بۇ نۇقتىدا  يەنە بىر قىزىقارلىق  ئەھۋالغا دۇچ كېلىمىز ، چۈنكى ئېشەكنىڭ  خروموسوم سانى  سۈرە  نۇمۇرى  بىلەن بىرمۇ بىر ئوخشاش .  ئېشەك  تۈرىدە  31 جۈپ ، يە نى 62 تال خروموسوم بار . ئەنە شۇ سۈرىلەرنىڭ  نۇمۇرلىرىمۇ  31 ۋە 62 . بۇ كىتابتا يەنە نۇرغۇنلىغان زامانىۋى بىلىملەرنى  پەن ۋە دىن نۇختىسىدا تۇرۇپ چۈشەندۈرۈپ ، زامانىۋى پەن - تېخنىكا ۋە ئۈسكۈنىلەر تەرەققىي قىلىپ ، ئەمدىلەتىن بايقىلىۋاتقان  مەسىسىلەرنىڭ بۇندىن 14 ئەسىر بۇرۇن مەيدانغا كەلگەن  قۇرئان كەرىمدە ئوچۇق  بايان قىلىنغانلىقىنى  بىزلەرگە  بىلدۈرگەن . بۇ  پەقەت دېڭىزنىڭ بىر تامچىسى خالاس . يەنە؛ دوكتۇر تارىغئەل سۋائدىن قۇرئان كەرىمدىكى بەزى ئايەتلەردە تىلغا ئېلىنغان بىر نەرسە بىلەن يەنە بىر  نەرسە ئوتتۇرسىدا ئوخشاشلىق بارلىقىنى بايقىغان. مەسىلەن،  دوكتۇر بۇ ھەقتە يەنىمۇ ئىلگىرلەپ تەتقىق قىلىش ئارقىلىق قۇرئان كەرىمدە كۆرۈلۈش قېتىم سانى ئوخشاش بولغان سۆزلەر ئوتتۇرسىدا ماس كېلىش بارلىقىنى بايقىغان.    ئەرەب تىلىدىكى قۇرئان كەرىمدە تىلغا ئېلىنغان بەزى سۆزلەرنىڭ كىشىنى ھەيران قالدۇرىدىغان كۆرۈلۈش قېتىم سانىغا دېھقەت قىلىڭ. دۇنيا 115 قېتىم ، ئاخىرەت 115 قېتىم پەرىشتىلەر  88 ، شەيتان 88 ھايات 145 ،ئۆلۈم 145 پايدا 50 ،زىيان 50 ئادەملەر 50 ،پەيغەمبەرلەر 50 ئىبلىس 11 ،ئىبلىسنىڭ شەررىدىن پاناھلىق تىلەش 11 مۇسىبەت 75 ،ئاللاھ غا رەھمەت ئېيتماق 75 سەدىقە 73  ،مەمنۇنلۇق 73 ئازغان بەندىلەر 17 ،ئۆلگەن كىشىلەر 17 مۇسۇلمانلار 41 قېتم ، جىھاد 41 قېتىم ئالتۇن(بايلىق) 8 ،جاپا-مۇشەققەتسىز تۇرمۇش 8 سېھرىگەرلىك 60 ، پىتنە 60 زاكات 32 ، بەراكات 32 ئەقىل 49 ،نۇر 49 تىل 25 ،ئىلىم ئۆگىتىش 25 ئوچۇق-ئاشكارا (ئىلىم) سۆزلەش 18 ،دەۋەت 18 جاپا-مۇشەققەت 114 ،سەۋىر 114 ئەر 23 ، ئايال 23     تۆۋەندىكى  سۆزلەرنىڭ قۇرئان كەرىمدىكى كۆرۈلۈش قېتىم سانى كىشىنى تېخىمۇ ھەيران قالدۇرىدۇ .   سالات(ناماز) 5 ،ئاي 12 ، كۈن 365 دېڭىز 32 قېتىم ،قۇرۇقلۇق 13 قېتىم . يەر شارىنىڭ تاشقى يۈزى دېڭىز ۋە قۇرۇقلۇقتىن  تەركىب تاپىدۇ. (دېڭىز)32 +( قۇرۇقلۇق) 13 =45 دېڭىز= 32 \45 =0.711111111=  %   71.11111111 قۇرۇقلۇق=13\45= 0.288888889= % 28.88888889 ھازىرقى زامان ئىلغار پەن-تېخنىكىسى پەقەت يېقىنقى نەچچە يىلدا سۇ يەر شارىنىڭ 71.111 % نى ،قۇرۇقلۇق بولسا 28.889 % نى تەشكىل قىلىدىغانلىقىنى ئىسپاتلاپ چىقتى.   ئەجىبا بۇلارنىڭ ھەممىسى تەساددىپى توغرا كېلىپ قېلىشمۇ؟ مۇھەممەد پەيغەمبەرگە بۇلارنى زادى   كىم  ئۆگەتكەن؟ ھەر قانداق بىر ئەقىل  ئىگىسى بۇنىڭ جاۋابىنى تەبىئي ھالدىلا ئويلاپ يىتەلەيدۇ. بۇلارنى ھەممىگە قادىر ئاللاھ تائالا ئۆگەتكەن.   بۇ ماتىريالنى دوستلىرىڭىزغا يەتكۈزۈپ بېرىڭ.   ئاللاھ ھەممە قېرىنداشلارنى ئۆز پاناھىدا ساقلىغاي! ئامىن ...............................................................................               مەن 1994-يېللېق مېللەتلەر ئېتتپاقلىقى جورنىلىدا ئېلېكتىرونلۇق مېڭە ئاستىدىكى قۇرئان كەرىم دىگەن تېمىدا مۇشۇنداق سان-سىپىرلىق مۆجىزەلەرنى ئوقۇغانتىم  .ئۇنڭدا قۇرئاننىڭ 19بىلەن بولغان ئاجايىپ  مۇناسىۋەتلىك مۆجىزەلەرىنى بايان قىلغان ئىكەن.بۇنى مەن ئېسىمدەقالغىنى بويىچە قىرىنداشلارغا يەتكۇزەي.             ئىلىكتىرۇنلۇق مىڭە ئاستىدىكى قۇرئەن كەرىم قۇرئان كەرىم دۇنياغا نازىل بولغىلى 1400-يىلدىن ئاشتى .بۇ جەرياندا نورغۇنلىغان كىشىلەر ئوخشىمىغان نوقتىدىن تۇرۇپ قۇرئان كەرىمنى تەتتىق قىلىپ كەلدى .ئىلىكتىرۇنلۇق پەن تىخنىكىنڭ ئۇچقاندەك راۋاجلىنىشىغا ئەگىشىپ،بىر قىسىم كىشىلەر قۇرئان كەرىمنى ئىلىكتىرۇنلۇق مىڭنىڭ شىفىرىگە تەرجىمە قىلىپ چىقتى ۋە بۇئارقىلىق ئادەمنى ھەيران قالدۇرىدىغان ئاجايىپ مۆجىزىلىك سان-سفىرلارنى بايقىدى. شۇنىڭ بىلەنقۇرئاندىن ئىبارەت  بۇمۇقەددەس كىتاپنى ئىنساننىڭ يىزىپ چىقىشى مۇمكىن ئەمەسلىكىنى ئىسپاتلاپ چىقتى ،تۆۋەندە ئىلىكتىرۇنلۇق مىڭە ئارقىلىق بايقالغان بىر قىسىم مۆجىزىلىك سانلارنى كۆپچىلىككە سۇنىمىز: 1.قۇرئان كەرىمنىڭ بىرىنجى جۇملە ئايىتى <<بىسمىللاھىر رەھمانىر رەھىم >>بولۇپ ،بۇ جۇملە ئەرەبچە <<ئىسىم،اللە،رەھمان،رەھىم>>دىن ئىبارەت تۆت سۆزدىن ھەم 19 ھەرپتىن تەركىپ تاپقان.  ،پۇتۇن قۇرئان  كەرىمدە يۇقارقى تۆت سۆزنىڭ ئومۇمى تەكرارلىنىش قىتىم سانى ئايرىم-ئايرىم ھالدا 19نىڭ ھەسسىسىگە توغرا كىلىدۇ.(يەنى19غا پۇتۇن بۆلىنىدۇ) 2.قۇرئان كەرىمدە جەمئى 114سۈرە بولۇپ ،9-سۈرە  سۈرە تەۋبىدىن باشقىلىرى (بىسمىللاھىر رەھمانىر رەھىم )بىلەن باشلانغان .يەنى (بىسمىللاھىر رەھمانىر رەھىم )بىلەن باشلانغان 113سۈرە بولۇپ بۇنىڭغا يەنە بىر سۈرىنىڭ ئچىدىكى يەنى سۇلايمەن ئەلەيھىسسالامنىڭ بىلقىسقا يازغان مەكتۇبى بايان قىلىنغان ئايەتتىكى (بىسمىللاھىر رەھمانىر رەھىم)نى قوشقاندا  جەمىئى  (بىسمىللاھىر رەھمانىر رەھىم )بىلەن باشلانغان سۈرە 114بولىدۇ.  114بولسا 19نىڭ 6ھەسسىسىدۇر، 3.قۇرئان كەرىمنىڭ ئىككىنچى سۈرىسى سۈرە بەقەرە بولۇپ بۇ سۈرە (ا ل م)(ئەلىف،لام،مىم) دىگەن ئەرەبچە يالغۇز ھەرىپلەر بىلەن باشلان- غان،بۇ ھەرىپلەرنىڭ مەزكۇر سۈرە ئىچىدىكى ئومۇمى تەكرار لىنىش قىتىم سانى ئايرىم-ئايرىم ھالدا19نىڭ ھەسسىسىگە توغرا كىلىدۇ.(يەنى 19غا پۇتۇن بۆلىنىدۇ)(ھەر بىر ھەرىپنىڭ تەكرارلىنىش قىتىم سانى ۋە 19نىڭ قانچە ھەسسىسى بولىدىغانلىقى ئىنىق ئىسىمدە قالماپتۇ،كەچۇرگەيسىزلەر). 4.قۇرئان كەرىمدە يۇقارقىدەك يالغۇز ھەرىپلەر بىلەن باشلانغان سۈرىلەردىن جەمئى29سۈرە بولۇپ ،شۇ يالغۇز ھەرىپلەرنىڭ شۇ سۇرە ئچىد- ىكى تەكرارلىنىش قىتىم سانى ئايرىم -ئايرىم ھالدا 19نىڭ ھەسسىسىگە توغرا كىلىدۇ(يەنى 19غا پۇتۇن بۆلىنىدۇ). مەسىلەن قۇرئان كەرىمدىكى قاف سۈرىسى (ق )بىلەن باشلانغان بولۇپ بۇ ھەرىپنىڭ مەزكۇر سۈرە ئچىدىكى تەكرار لىنىش قىتىم سانى 19نىڭ ھەسسىسىگە توغرا كىلىدۇ،يەنى 19غا پۇتۇن بۆلىنىدۇ.ياسىن سۈرىسى ئەرەبچە (يس)(ياسىن)دىگەن ئىككى يالغۇز ھەرىپ بىلەن باشلانغان بولۇپ بۇ ئىككى ھەرىپنىڭ بۇ سۈرە ئىچىدىكى تەكرارلىنىش قىتىم سانى 19غا پۇتۇن بۆلىنىدۇ(19نىڭ ھەسسىسگە توغرا كىلىدۇ).  پۈتۇن قۇرئان كەرىمدە مۇشۇنداق يالغۇز ھەرىپلەردىن 80دىن ئارتۇق بولۇپ،ھەممىسىنىڭ شۇ سۈرىلەر ئچىدىكى سانى19نىڭ ھەسسىسىگە توغرا كىلىدۇ،بۇنىڭ توغرىلىقىغا قىل سىغمايدۇ،ھەرقانداق ئادەم  ھىسابلاپ كۆرسە بولىۋىرىدۇ . 5.قۇرئان كەرىمدە نورغۇنلىغان سان-سفىرلار تىلغا ئىلىنغان .مەسىلەن :1000يىل ،1000ئاي ،40كۇن ،12بۇلاق ،قاتارلىقلار. قۇرئاندا تىلغا ئىلىنغان بارلىق سان-سفىرلارنى قوشقاندا كىلىپ چىققان سان يەنە 19نىڭ ھەسسىسىگە توغرا كىلىدۇ،(يەنى 19غا پۇتۇن بۆلىنىدۇ) بۇسانلارنىڭ بەزىلىرى بىر قانچە يەردە تىلغا ئىلىنغان بولۇپ تەكرارلانغانلىرىنى چىقىرىۋەتكەندىن كىيىنكى جۇغلانما سان يەنە 19نىڭ   ھەسسىسگە توغرا كىلىدۇ (يەنى19غا پۇتۇن بۆلىنىدۇ). 6.قۇرئان كەرىمنىڭ ئەڭ دەسلەپكى نازىل بولغان    ئەلەق سۈرىسى سۈرە تەرتىبى بويىچە 96-سۈرە بولۇپ بۇ سۈرە ئاياغدىن سانىغاندا (يەنى 114-سۈرىدىن باشلاپ باشلام تەرەپكە سانىغاندا) 19-سۈرىدۇر. بۇ سۈرىنىڭ بىشىدىكى (ئوقۇ،ياراتقان پەرۋەردىگارىڭنىڭ ئىسمى بىلەن ئوقىغىن،ئۇ ئىنساننى لەختە قاندىن ياراتتى ،ئوقۇ،پەرۋەردىگارىڭ ئەڭ كەرەملىكتۇر،ئۇ ئىنسانغا قەلەم بىلەن خەت يىزىشنى ئۇگەتتى،ئىنسانغا بىىلمىگەن نەرسىلەرنى بىلدۇردى ) دىگەن بەش ئايەت مۇھەممەد ئەيھىسسالام ھىرا غارىدا ئىستىقامەت قىلىۋاتقاندا  اللە تەرىپىدىن جىبرىئلنىڭ ۋاستىسى بىلەن چۇشۇرۇلگەن تۇنجى ۋەھىيدۇر،  بۇ بەش ئايەت جەمئى 19 ئەرەبچە سۆزدىن تۈزۇلگەندۇر. بۇبەش ئايەت قۇرئان كەرىمنىڭ ئوسمانى نۇسخىسى (قۇرئاننىڭ ئەڭ دەسلەپكى نۇسخىسى )بويىچە ھىسابلىغاندا  76ئەرەبچە ھەرىپتىن  تۇزۇلگەن بولۇپ ،76بولسا 19نىڭ 4ھەسسىسىدۇر، بۇ ئەلەق سۈرىسى يەنە 19 ئايەتتىن تۈزۇلگەن سۈرىدۇر ، قۇرئان كەرىمنىڭ بۇ 19دىن ئىبارەت ئاجايىپ مۆجىزىلىك سان بىلەن نىمە ئۈچۇن  بۇ قەدەر زىچ  مۇناسىۋەتلىك ئىكەنلىكىگە ۋە بۇ نىڭ سەۋەبىگە ھازىرغىچە ھىچ بىر ئىنسان جاۋاپ بىرەلىگىنى يوق . ماقالىدە تىلغا ئىلىنغان سان-سفىرلار تۇگىدى . بىر قىسىم كىشىلەر قۇرئان كەرىمنىڭ 19دىن ئىبارەت بۇ سان-سىفىرلىك مۆجىزىلىرىنى مۇلاھىزە قىلىپ مۇنداق دەيدۇ:قۇرئانى كەرىمدە ؛ <<بىز دەۋزەخ پەرىشتىلىرىنىڭ سانىنى 19 قىلدۇق ،بۇ ئارقىلىق كاپىرلارنى سىنىدۇق ،تاكى ئەھلى كىتاب (يەھۇدى ۋە ناسارالار) بۇ ساننى ئۆزلىرىنىڭ   كىتابلىرىدا كۆرۇپ (ئسلامنىڭ ۋە قۇرئاننىڭ )ھەق ئىكەنلىكىگە ئىمان ئىيتقاي>>.دىگەن مەزمۇندا ئايەت بار ، ھازىر نەزەر سالىدىغان بولساق مۇھەممەد ئەلەيھىسسالام ياشىغان  دەۋەرلەردە كومپىيۇتىر ئەسلا مەۋجۇت ئەمەس .مۇھەممەد ئەلەيھىسسالام ئوقۇمىغان ساۋاتسىز كىشىدۇر .  بىر كىشى ئەسەر يازار بولسا يازماقچى بولغان ئەسىرىگە مەخسەتلىك ھالدا بىر قىسىم سان-سفىرلارنى قوشماقچى بولسا بۇ سان-سىفىرلارنىڭ ئەسەرنىڭ سۈپىتىگە دەخلى يەتكۇزىشىدىن ئەنسىرەيدۇ ،ئەمما 19دىن ئىبارەت بۇ مۆجىزىلىك سان پۇتۇن قۇرئان كەرىمگە شۇ دەرىجىدە بىرىكىپ كەتكەنكى ئۇ قۇرئاننىڭ پاساھەت ۋە بالاغىتىگە ھىچ قانداق تەسىر يەتكۇزمىگەن . زامانىمىزدە ھىچ قانداق يازغۇچى كومپىيۇتىردا ھەرىپ تىزىش ئارقىلىقمۇ سان-سىفىرلارنى ئۆز ئەسىرىگە مۇنداق زىچ بىرىكتۇرەلمىگەن ھەم بىرىكتۇرەلمەيدۇ. يەنە مۇلاھىزە قىلساق كومپىيۇتىرنى كەشىپ قىلغۇچىلار ناسارالار بولۇپ ،بۇگۇنكى كۇندە ئۇلار قۇرئانى كەرىمنىڭ 19بىلەن بولغان مۆجىزىلىك باغلىنىشىنى ئىلىكىتىرۇنلۇق مىڭىدە تەتقىق قىلىپ 19دىن ئىبارەت بۇ مۆجىزىلىك ساننى كۆرگىنىدە ۋە اللەنىڭ يۇقارقى ئايىتىنى ئاڭلىغىنىدا ، ئسلامنىڭ ۋە قۇرئاننىڭ ھەق ئىكىەنلىكىگە ئىشەنمەسلىىگە نىمە پاكىتى بولسۇن؟؟؟؟!!!!!!!! اللە مۇنداق دەيدۇ:<اللە قۇرئاننى ئۆز ئىلمى بىلەن نازىل قىلدى ،>. اللە ھەممىمىزنى ئسلامغا ھىدايەت قىلسۇن . قىرىنداشلىرىمغا قۇرئاننىڭ مەن ئاڭلىغان يەنە بىر مۆجىزىسىنى ئىيتىپ بىرەي:اللە قۇرئاندا << بىز قوياشنى نور چاچقۇچى ،ئاينى يورۇق قىلىپ ياراتتۇق.>>دىگەن .ئايەتتىكى  ئاينى يورۇق قىلىپ ياراتتۇق  دىگەن كەلىمە ئاينىڭ يورۇق قىلىنغانلىقىنى بىلدۇرىدۇ،بۇگۇنكى كۇندە ئاستورونۇمىيە ئىسپاتلىدىكى ،ئاينىڭ ئۆزىدىن يورۇقلۇق چىقمايدۇ ،ئۇ پەقەت قۇياشتىن قايتقان يورۇقلۇقتۇر،دىمەك ئاي قۇياش نورى ئارقىلىق يورۇق قىلىنغان .مۇلاھىزە قىلساق ئايەتتە ئىنىق ھالدا ئاينىڭ ئۆزىدىن يورۇقلۇق چىقمايدىغانلىقى ئىيتىلغان ،   ئويلاپ كۆرگەن كىشىگە قۇرئاننىڭ ھەقىقەتەن اللەنىڭ سۆزى ئىكەنلىكى ئاشكارا بولماسمۇ؟؟    چۇنكى قۇرئان نازىل بولغان چاغدىكى كىشىلەر ۋە يىقىنىقى زامانغىچە كىشىلەر بۇ ئاستورنومىيلىك بىلىمدىن بىخەۋەر ئىدى . اللە توغرىسىنى بىلگىچىدۇر.

ئەرتۇرا

	   .          گۆھەردۇرقۇرئان بىباھا گۆھەردۇر قۇرئان ئالامەت، ئىنسانلارغا بىرەركەن قۇت ھالاۋەت. كەلسە قانداق دەۋرىلەر چانمايدىغان، ئىلىم-پەننىڭ بۇلىغىكەن كارامەت. مۆجىزلەرگە تولغانكەن بەك جۇلالىق، بىلەر بۇنى ھەق ئىلىم پەن ئادالەت. ئەقىدىسى بەك ئىلمى پۈتۈن پاكلىق، سۆزلىرىگە كىرگەن چەكمەس نادامەت. يامانلىق يوق سۆزلىرىدە ياخشىلىق، قىلغىل دەيدۇ دائىم پاكلىق ساخاۋەت. دائىم قۇرئان روھى بىلەن ياشىساق ، بولاركەنمىز بەخىتلىك ھەم سالامەت. ئوقىمىغان بىلمەس ئۇنىڭ قەدرىنى، ئوقىغان قەدر ىنى قىلار داۋامەت. ئىنسانىيەت  بەختى  چۈنكى  نىشانى ، قۇرئان بىلەن ماڭغان تاپتى سائادەت. ئىنسان يېزىش قولىدىن كەلمەيدىغان، مۆجىز ىكەن   قىلىدىغان  شاپائەت.             مۇزلۇق قەلبىم نۇرلاندى ئىرىپ مانا،   بەرگەچ قۇرئان ھەق ئىلىمدىن ھارارەت.   2013-1

apisi502

	ئەرتۇرا يوللىغان ۋاقتى  2013-2-20 12:39 PM ئەسسالامۇئەلەيكۇم!  تورداشلار. ( قۇرئان ئاللانىڭ كالام ... رەھمەت سىزگە،ناھايتتى ياخشى يېزىپسىز،

HaNaFi

	توۋا خۇدايىم .....

SDDIK

	ئەرتۇرا يوللىغان ۋاقتى  2013-2-20 12:48 PM    .          گۆھەردۇرقۇرئان ئاللاھ رەھمەت ، ئاتا قىلسۇن ، ئەمىين !

SDDIK

	ئەرتۇرا يوللىغان ۋاقتى  2013-2-20 12:39 PM ئەسسالامۇئەلەيكۇم!  تورداشلار. ( قۇرئان ئاللانىڭ كالام ... ئاللاھ رەھمەت قىلغاي ئەمىين !