بىــر قىــــــــز ( تۈن لىرىكىســـى )

tvnlirikisi

	بىـر قىـــــز نىيازئەلى ئادىل ( تۈن لىرىكىســـى ) بىر قىز، ئولتۇرىدۇ يولنىڭ بويىدا، يالغۇز، يىگانە، كۆزلىرىدە ياش، سۇلغۇن ھۆسنى؛ كەچكۈزدىكى خازانغا رەڭداش. بىر قىز، بەكمۇ تەستە، كىملەرگىدۇر ئۇزىتىدۇ قول، يەنە تۆۋەن سالار بېشىنى، << ئۇزاتمايمەن >> دەيدۇ ئۆزىگە، ئەمما، ئۇزاتماسقا يوقتۇر ئىلاجى. بىر يېنىدا يۆلەكلىك ھاسا، ئىھ، قايسى قىسمەت تارتىۋالدى بىر جۈپ پۇتىنى؟ .     .     .      ئادەملەر ئۆتۈشمەكتە ئالدىراپ، بەزىللىرى پەرۋاسىز، بەزىللىرى شۈكرى قىلار ئۇنىڭغا قاراپ. تاشلاپ كېتەر پارچە پۇلىنى، يەنە بىرلەر ساۋاب نەرقىدە، بىراق، ئويلانمايدۇ ھېچكىممۇ قىزچاق ھەققىدە. بىر قىز، ئادەملەرگە ئۇزاتماقتا قول، تولدى قولى لىققىدە پۇلغا، بىرسى دېدى، << بۇنداقلار ئەشۇ پۇلغا قۇل >>. چۈشەنمىدى ھېچكىممۇ ئۇنى، پۇل، يەنە پۇل... ھېچ بىر ئىنسان ئۇزاتمىدى قول. بىر قىز، ئولتۇرىدۇ يولنىڭ بويىدا، يالغۇز، يىگانە، كۆزلىرىدە ياش، ئۇنىڭ قەلبى؛ كېچە ياغقان يامغۇرغا رەڭداش. 2012-يىلى 8-ئۆكتەبىر ئۈرۈمچى شەھىرى

muslina216

	سىزگە ئامەت تىلەيمەن .

mahatjan

	شۇنداق،ھەر بىر ئادەم ئۆز بېشىغا كەلمىگىچە ئۇ قىسمەتلەرنى چۈشۈنمەيدۇ.   رەھمەت سىزگە.

گۈلچۈشى

	شېئىرىڭىزدىن ئاشۇ كۆزلىرىنى غەملەر باسقان ،كۆزلىرىدە ياش ،غەمكىنلىك ھالدا باشقىلارنىڭ قوللىرىغا تەلمۈرۈپ ئولتۇرغان قىزنى كۆرگەندەك بولدۇم..... ياخشى يېزىپسىز......قەلەم تۇلپارىڭىز توختىماي چاپقاي!

太阳

	نەسىرى شىئىر دەمدۇق بۇنى، ياخشى چىقىپتۇ..........

1kilixkan

	ياخشى يېزىپسىز......

1kilixkan

	ياخشى يېزىپسىز......

edirlik

muhbul

	بىر قىز ياسىنىپتا زىيادە مۇدا، چىچىنى بوياپ  قاننىڭ رەڭگىدە، كالتە يوپكا- كوپتىسى كەلمەس تىزغىچە، ماڭار كۇچىدا شۇنچىلىك مەغرۇر، خۇددى ئۇ بىر كاتتا شەخىستەك، قارىماقتا نۇرغۇن كۆزلەر، بەزىلىرى نەپىرەتتە،بەزىلىرى شەھۋەتتە، ماڭماقتا مەنزىل قايان بىلمەيدۇ شۇ قىز، خىيال قىلامۇ ئاشۇ قىز، ئۇزۇن كىيىنىش،ئىبادەت قىلىش ھەققىدە،

مسكىنÍÍ

	بەك ئىسىل چىقىپتۇ ،