«كىنارە» سۇنغان كۆڭۈل سوۋغىسى

Misranim2

	16-فېۋرال چۈشتىن كېيىن، شىنجاڭ كىنارە بىئو پەن – تېخنىكا تەرەققىيات چەكلىك شىركىتى ئۈرۈمچى ئۆكتەبىر تىياتىرخانىسىدا ئىللىقلىق يەتكۈزۈش سەنئەت پائالىيىتى ئۆتكۈزدى.   پائالىيەتكە ئاپتونوم رايونلۇق خەلق قۇرۇلتىيى دائىمىي كومىتېتىنىڭ سابىق مۇئاۋىن مۇدىرى مىجىت ناسىر قاتارلىق رەھبەرلەر، ئاپتونوم رايونلۇق ئاياللار بىرلەشمىسى، ئۈرۈمچى خەير-ساخاۋەت باش جەمئىيىتى ساخاۋەتچى ئاتىلار، مېھرىبان ئانىلار كوللىكتىپىنىڭ ئەزالىرى، كىنارە شىركىتىنىڭ ئاپتونوم رايونىمىزنىڭ ھەر قايسى جايلىرىدىكى ۋاكالەتچىلىرىدىن بولۇپ 1000 گە يېقىن ئادەم قاتناشتى. پائالىيەتتە سەرخىل سەنئەت نومۇرلىرى ئورۇندالغاندىن باشقا يەنە ئىللىقلىق پائالىيىتى ئۆتكۈزۈلۈپ، ئۈرۈمچى شەھىرى تەڭرىتاغ رايونى تاشبۇلاق ئاھالىلەر رايونى بىلەن بەيگە مەيدانى ئاھالىلەر رايونىدىكى تازىلىق ئىشچىلىرى ۋە ئۈرۈمچى شەھەرلىك 44 – باشلانغۇچ مەكتەپتىكى ئائىلىسىدە قىيىنچىلىقى بار ئوقۇغۇچىلارغا جەمئىي 70 مىڭ يۈەن قىممىتىدە نەق پۇل ۋە ماددىي بويۇم سوۋغا قىلىندى.   شىنجاڭ كىنارە بىئو پەن – تېخنىكا تەرەققىيات چەكلىك شىركىتىنىڭ باش دېرىكتورى ئالىمجان ھاجىم مۇنداق دېدى: بۇ يىللىق پائالىيىتىمىز نۇرغۇنلىغان مەزمۇنلارنى ئۆز ئىچىگە ئالغان بولۇپ، شىركىتىمىزنىڭ يىللىق خۇلاسە يىغىنىنى ئېچىش، ئىللىقلىق يەتكۈزۈش پائالىيىتى ئۆتكۈزۈش، ۋاكالەتچىلەرنى مۇكاپاتلاش ھەمدە قېرىنداش شىركەتلەر بىلەن ھەمكارلىق ئورنىتىش قاتارلىقلارنى ئۆز ئىچىگە ئالغان. مەن بۇ مۇناسىۋەت بىلەن مېنى قوللىغان بارلىق ئۇرۇق-تۇغقان، دوست-بۇرادەرلەرگە، ۋاكالەتچىلەرگە، ساخاۋەتچى ئاتىلار ۋە مېھرىبان ئانىلارغا چىن كۆڭلۈمدىن رەھمەت ئېيتىمەن.     ئىگىلىنىشىچە، شىنجاڭ كىنارە بىئو پەن – تېخنىكا تەرەققىيات چەكلىك شىركىتى مۇقىم تىجارەت قىلىش، يېڭىلىق يارىتىشتەڭ شىركەت ئېڭىنى جارىي قىلدۇرۇپ، قىزغىن، ئاكتىپ، تېخنىكىلىق بولۇشتەك شىركەت ئوبرازىنى نامايەن قىلىپ، قىسقىغىنە بەش يىل ئىچىدە مەھسۇلات تۈرىنى 40 نەچچە خىلغا، خادىملارنى 50 نەچچىگە يەتكۈزۈپ، قەشقەر، ئاقسۇ، غۇلجا قاتارلىق جايلاردا تارماق دۇكانلارنى ئېچىپ، خەلق ئاممىسىنىڭ ئالقىشىغا ئېرىشىپلا قالماستىن يەنە 2010 – يىلى كەسىپ تۈرلىرى بويىچە مەملىكەتلىك 10 داڭلىق تاۋار ماركىسى شەرىپىگە ئېرىشكەن. يەنە AAA دەرىجىلىك كارخانا قاتارلىق شەرەپگىمۇ ئېرىشكەن.

alenur

	ھەجەپ ياخشى ئىش قىپتۇ بۇنىڭدىن كىيىن تېخىمۇ روناق تىپىپ قىيىنچىلىقى بارلارغا ياردەم بېرشىنى ئۈمۈد قىلمەن

blackrose

	بەرىكەت بەرسۇن!

banker625

	ئىللىقلىق  يەتكۈزۈش پائالىيەلىرى مۇشۇنداق  پات-پات ئۆتكۈزۈلۈپ تۇرسا دەيمەن ،

18099736949

	ياخشى  ئىش  بوپتۇتەشەككۈر

musilina

	ناھايىتى داغدۇغۇلۇق پائالىيەت بوپتۇ كۆرۈنۈشلەردىن قارىغاندا..... كىنارە شىركىتىنىڭ بۇنىڭدىن كېيىنكى ئىشلىرىغا مۇۋاپەققىيەت تىلەيمەن،مۇشۇنداق پائالىيەتلەرنىڭ كۆپرەك مەيدانغا كېلىشىنى ئۈمىد قىلىمەن...

huxqiray

	دۇنيا مىھرى مۇھەببەت بىلەن گۈزەلدۇر ... مۇشۇنداق خەيرى ساخاۋەت ئىشلىرىنىڭ تېخىمۇ كۆپىيىشىنى ، مىللىي كارخانا ۋە چوڭ ساھەدىكى بايلارنىڭ پۇلىنى مۇشۇنداق ياخشى يوللارغا سەرپ قىلىشىنى ئۈمىد قىلىمەن !

گۈلچۈشى

	ھەجەپ ياخشى بوپتۇ ،بۇنىڭدىن كىيىنكى ئىشلىرىغا بەركەت بەرسۇن!

لەزىينە

	كىنارە شىركىتىنىڭ بۇنىڭدىن كىيىن تېخىمۇ روناق تېپىشىنى ئۈمۈد قىلىمەن .

لەزىينە

	كىنارە شىركىتىنىڭ بۇنىڭدىن كىيىن تېخىمۇ روناق تېپىشىنى ئۈمۈد قىلىمەن .