دوختۇرخانىدا

6788

	مانا، ئايالىم دوختۇرخانىدا تولغاق يەۋاتقىلى ئىككى سائەتتىن ئاشتى. بۇ ئۇنىڭ تۇنجى تۇغۇتى بولغاچقا نېمە قىلىشىمنى بىلمەي، تەمتىرەپ ئۇيان - ئۇيان دوقۇرۇپ يۈرەتتىم. << ئۆلمەكنىڭ ئۈستىگە تەپمەك>> دىگەندەك، دوختۇرلار ھەر يېرىم سائەتتە بىر دېگۈدەك چاقىرتىپ ھەرخىل ۋەھىيمىلىك گەپلەرنى قىلۋاتاتتى: - بال باش سۈيىنى ئىچىۋاپتۇ، تۇنجۇقۇپ قېلىشى مومكىن. شۇڭا تېزدىن ئوپراتسىيە قىلمىساق بولمايدۇ، ئوپراتسىيە كېلىشىمىگە قول قۇيۇ.... - بالا تەتۈر كېلىپ قاپتۇ. شۇڭا ئوپراتسىيە قىلمىساق بولمايدۇ. ..... قانداق قىلىشىمنى بىلمەيتتىم. ئاخىرى بولماي كېلىشىمگە قول قۇيۇشنى قارار قىلىپ، تىتىرەپ تۇرغان قوللېرىم بىلەن قەلەمنى قۇلۇمغا ئالدىم. - قول قويما،- دەپ توۋلىدىكى ئىشخانىغا سوڭدىشىپلا كىرىپ كەلگەن ئاتام، - ھەرگىز قول قويما، كېلىن بالام چوقۇم ئۆزى تۇغالايدۇ. -سەن ئۇنداق دىگىنىڭ بىلەن سەن تولغاق يەپ بەك قىينىلىپ كېتىۋاتسا ؟ - ئەلۋەتتە تولغاق يەيدۇ، بىر جاننى دۇنياغا ئاپىرىدە قىلماق شۇنداق ئوڭاي دەمسەن؟ ئوپىراتسىيە قىلسا، بەدەنگە تىغ تەگسە بىر ئۆمۈر كېسەلچان بۇلۇپ قالسىچۇ؟ شۇڭا سەل سەۋىرچان بول، ئەنسىرىمە،- ئاتام شۇنداق دەپ، مېنى سۆرىگەندەك قىلىپ كارىدورغا ئەپچىقىۋالدى. بىر ئازدىن كېيىن، ئايالىمنىڭ يەنە ۋايجانلىغان ئاۋازى ئاڭلىنىشقا باشلىدى. مەن جىددىيلىشىشكە باشلىدىم. پىشانەمدىكى تەر شۇرۇلداپ ئېقىشقا باشلىدى. ئارقىدىنلا دوختۇر چىقىپ كەلدى: - ئەمدى بولمىدى، ئۇنىڭ توغۇتى بەكلا قىيىن كېلىپ قالىدىغاندەك تۇرىدۇ. شۇڭا........ دوختۇرنىڭ گېپى ئاياغلاشمايلا ئاتام ئۇنىڭ گېپىنى بۆلدى: - يەنە بىردەم قاراپ باقايلى دوختۇر، ئامال ئۇنىڭ ئۆزى يەڭگىگىنى ياخشى. دوختۇر كىرىپ كەتتى. پۇت - قولۇمدا جان قالمايۋاتاتتى. قورققىنىمدىن مەڭزىمدىن ئىككى تامچە ياشنىڭ قانداق سىرغىپ چۈشكىنىنىمۇ تۇيماي قالغانىدىم. - يىغلىما، ھەي كىسپۇرۇش،- سىلكىشلىدى ئاتام،- نەرىڭ ئوغول بالاسېنىڭ؟ ئاتا بۇلۇش ئالدىدا تۇرغان ئادەممۇ يىغلامدۇ؟ مەن سېنى ئەركەك دەپ باققان، يىغلىما،- ئاتام غەزىپى قايناپ قالغان ۋاقىتلاردا، مېنى ئەنە شۇنداق ئۆزىنىڭ ئاغىينىسگە چاقچاق قىلۋاتقاندەك تەلەپپۇزدا تىللاپ قوياتتى. ئالاھەزەل يېرىم سائەتلەردىن كېيىن، تۇغۇت ئۆيىدىن بوۋاقنىڭ ئىڭەلەپ يىغلىغان ئاۋازى ئاڭلاندى. ئايالىم ئوڭۇشلۇق يەڭگىگەنىدى. << ئۇھ >> دىگىنىمچە تامغا يۆلەندىم، ئاتام بولسا سىرتقا قاراپ ماڭدى. ئاتامنىڭ نېمە قىلىدىغانلىقىنى بىلىپ بېقىش ئىستىكىدە ئۇنىڭغا ئەگەشتىم. ئاتام سىرتقا چىقىپ ئىشىك ئالدىدىكى ئورۇندۇقتا ئولتۇردى. -دە يۈرۈكىنى تۇتقىنىچە پىشانىسىدىكى تەرلەرنى سۈرتۈشكە باشلىدى. ئەمدى بىلدىم ئاتاممۇ ئەسلىدە خېلى جىددىيلەشكەنىكەن ئەمەسمۇ. -سەنمۇ قورقۇپسەن ھە، ئاتا ؟ - سورىدىم ئۇنىڭغا ياندىشىپ ئولتۇرۇپ. = قورقماي ئەمىسە ، كېلىنىم تۇغۇت ئستىدە تولغاق يەپ قىينىلىۋاتسا قورقمامدىم؟ -بىراق باياتىدىن بېرى شۇنداق ئېغر - بېسىق تەمكىن تۇراتتىڭغۇ؟ ئاتام كۈلۈپ قويدى. - مەن سېنىڭ ئاتاڭ، سېنىڭ يۆلىنىدىغان مەدەتكار تېغىڭ، مەنمۇ جىددىيلىشىپ ئالاقىزادە بۇلۇپ كەتسەم ، ئۇ چاغدا سەن نېمە بۇلۇپ كېتەرسەن؟ -راسىت دەيسەن، سەن مەدەت بەرمىگەن ، يېنىمدا بولمىغان بولساڭ قانداق بۇلۇپ كېتىدىغىنمنى ئۆزۈممۇ بىلمەيمەن. سەن بەك چىداملىق، قەيسەر ئىكەنسەن ئاتا، خۇددى پالۋانلاردەك!   -چۈنكى مەن سېنىڭ ئاتاڭ - دە! -توغرا، - دەپ شىۋىلىدىم ئىچىمدە ئۆزۈمگە، - سەن مېنىڭ ئاتام، ئاتا دېگەن سەندەك بۇلۇشى كېرەككەن..... ئاستا ئاتامغا قارىدىم. بېشىدا كونا دوپپا، ئۇچىسىدا توپ - چاڭ يېغىپ تۇرغان چاپان، پۇتىدا بولسا كونا ئۆتۈك ئەممە ئۇ يەنىلا شۇنداق مەزمۇت ئولتۇراتتى.

ahsaxum

	شۇنداق مەزمۇنلۇق بوپتۇ ، بىراق خەتنى تولۇق يېزىڭ ، بىر نەچچە يېرىدە بىر نەچچە سۆز چۈشۈپ قالغاندەك تۇيغۇ بەردى . ھەقىقەتەن مەزمۇنلۇق بوپتۇ !!

kokbora520

	مەزمۇنلۇق ياخشى يېزىلغان ھىكايە ئكەن

nazpari

	مەن سېنىڭ ئاتاڭ، سېنىڭ يۆلىنىدىغان مەدەتكار تېغىڭ مۇنۇ قۇرلار ئادەمنىڭ يۈرىكىنى تىترىتىدىكەن .

بانكىر

	ھازىر دوختورلارنىڭ تۇغۇتلۇق ئاياللارنىڭ %80 نى ئوپىراتسىيە قىلىشىدا، دۆلەتنىڭ پىلانلىق تۇغۇت سىياسىتى بىلەن مۇناسىۋەتلىك بىرەر ئىچكى سىياسەت باردەك ھىس قىلىمەنيا! بۇرۇنلاردا ئوپىراتسىيە دىگەن ئىنتايىن ئاز ساندا ئىكەندۇق، لىكىن ھازىر بىجىرىم قىزلارنىمۇ تۇغۇتتا ئوپىراتسىيە قىلىۋىتىدىكەن.

mahatjan

	دوختۇر لارنىڭ كەسپى كۆيۈمچانلىقىغا كۆپ رەخمەت،ئەمما ئىختىسادى جەھەتتىن ئادەملەرنى قىيناۋاتقىنىغا لەنەت.

diyarm

	دوختۇردىگەن ئاشكارا بۇلانچى ،

babur-7

	شۇنداق بولغاچقا ئانىلار بەك ئۇلۇغ .

nader1141

	ياخشى يېزىلغان ھىكايە ئكەن

!UYGHURJAN

	بانكىر يوللىغان ۋاقتى  2013-2-18 09:35 PM ھازىر دوختورلارنىڭ تۇغۇتلۇق ئاياللارنىڭ %80 نى ئوپىرات ... ئوپراتسىيە قىلىپ بۇغىۋىتىدىغاندەك ھە ! تېخى ئىككىنى تۇغۇپ بولغاندىن كىيىن ، ئۇندا چاتاق بۇندا چاتاق بۇدا تۇغساڭ ئۈلىسەن دەيدىكەن تېخى .