يەنە شۇ ھېلىقى گۈلچاينىڭ گېپى

lokmanhakim

	ئەسسالامۇ ئەلەيكۇم ھۈرمەتلىك قېرىنداشلار!گەرچە پۇل ھەممىگە قادىر بولالمىسىمۇ،بەزىلەرنى يىغلاتسا بەزىلەر كۈلدۈرۈپ،ئۆزىنىڭ ھەر خىل ھېيلە-نەيرەڭلىرى بىلەن گاچىغا تىل،توكۇرغا پۇت چىقارماقتا.شۇنداق بولغانكەن پۇل تېپىشنىڭ يوللىرىمۇ ھەر خىل ئۇسۇللار بىلەن يىڭىلىنىپ جان ئاغرىمايدىغان،ئازغىنە دەسمى بىلەن مىليۇنىرلىق ماقامىغا يەتكىلى بولىدىغان يىڭى تىپتىكى ئىجادىيەتلەرمۇ ئىختىرا قىلىنماقتا.مىللىتىمىزنىڭ، ياق بارلىق ئىنسانلارنىڭ بۇخىلدىكى چۈشلىرى دەل بىزنىڭ يۇرتىمىزدا قانداق تېز بارلىققا كەلگەن بولسا شۇنداق تېز ئىنتىھاسىنى تاپتى.قانداق تېز خۇشاللىق بەخىش ئەتكەن بولسا شۇنداق تېز قان يىغلاتتى. بەلكىم بۇ بىزگە بېرىلگەن بەخىتمۇ ياكى ئاپەتمۇ بۇنى پەقەت بىر ئېگىمىزلا بىلىدۇ.بەلكىم بۇنى ئوقۇۋاتقىنىڭىزدا سىزگە خېلىلا تونۇش بولغان ھېلىقى سىز ئىچكەن چاي ئېسىڭىزگە كېچىپ بولدىغۇ دەيمەن.بۇ چاينىڭ تەمى بۇرۇن شېرىن ،كىيىن نورمال ،ئاخىرىدا بەتتام تېتىيدىغان ھېلىقى چاي شۇ. ئەمدى مەقسەتكە كەلسەك بۇلتۇرنىڭ ئالدىنقى يېلى ھەممىمىز پۇشايمان قىلدۇق.ئەلۋەتتە تېرىمىغانلىرىمىز تېرىمىغىنىمىزغا،ئازراق تېرىغانلىرىمىز جىقراق تېرىمىغىنىمىزغا،خىلى كۆپ تېرىغانلىرىمىز تېخىمۇ جىقراق تېرىمىغىنىمىزغا.خۇددى پەيغەمبىرىمىزنىڭ:<ئىنساننىڭ ئىككى ۋادىغا لىق كەلگۈدەك ئالتۇنى بولسا،يەنە ئۈچىنچى ۋادىدىمۇ بولسىكەن دەپ ئارزۇ قىلىدۇ.ئۇنىڭ كۆزىنى تۇپراقتىن باشقا نەرسە تويغۇزالمايدۇ>دىگىنىدەك ئىنسان ئاجايىپ نەرسىكەن. ئەمدى ئالدىنقى يىلدىكى شۇ ساۋاقنى ئېسىمىزدە چىڭ تۇتقان بىزلەر بارچە كۈچىمىزنى يىللاردىن بېرى يارتماي كېلىۋاتقان شۇ سەھراغا قاراتتۇق. بۇلتۇر دېھقان بولمىغان ھاكىممۇ قالمىدى،ساقچى، ئوغرى- بۇلاڭچى،ئوقۇتقۇچى،تىجارەتچىمۇ ھەم.بۇرۇنلاردا ئۆزىنى شەھەرلىك ھېسابلاپ يۈرىدىغان بازار بالىلىرى سەھرالىق  بولالمىغانلىقىدىن ئۆكۈندى.كۇنىگە 20-30يۇەن كىرىم قىلالىغانلىقىغا شۈكۈر قىلىپ يۈرىدىغان ئىشلەمچىلەر،ئۇستا كاسسىپ-ھۆنەرۋەلەردەك شۇ كۈنلۈك خىزمەت ئورنىنىڭ مۇھىتى،قوشۇمچە تەمىناتلىرىنىڭ ئالاھىدە بولۇشىنى ئالدىن جىكىلەيدىغان بولدى .ھەتتاكى يېڭىدىن تىل چىققان بالىلارمۇ تىل تاۋۇشىغا يىقىن بولغان <نان>سۆزىنى چايغا ئۆزگەرتتى. شۇنداق قىلىپ مەيلى ھارامدىن بولسۇن،مەيلى ھالالدىن بولسۇن تاپقان -تەرگىنىمىزنى سېخىلەرچە ھىلىقى ئىتىكى كەڭ ئېتىزلىرىمىزغا توكتۇق.ئۇيغۇر خەلق ماقال-تەمسىللىرىگە <چاي تېرىمىغان ئەر ئەمەس>مەزمۇنىمۇ قوشۇلدى. لىكىن نېمە ئۈچۈن تېرىغانلىقىنى ،نېمىگە ئىشلىتىدىغانلىقىنى،ئاخىرىدا كىمگىمۇ ساتىدىغانلىقىنى خىيالغىمۇ كەلتۈرمىگەن شۇ چايچىلار تېخىچە مىليۇنېرلىق ھۇزۇرىنى سۈرۈش بىلەن بەنت بولۇپ كىتپ بۇلارنى ئويلاشقا ۋاقىت چىقىرالمىدى.مانا مەندەك 200مو يەرنىڭ خوجايىنى بولغان كەمىنىمۇ گۈلچايلىرىمنى سېتىپ،قانداق خەجلەيدىغانلىقىمنى،سېتىۋالىدىغان ماشىنامنىڭ قايسى ماركىدىن ئىكەنلىكىدىن  باشلاپ ئوبدانلا بېلەتتىم.ھەي!تەتۈر پەلەك. ئەمدى ئويلايدىغىنىم بولسا بالدۇرراق  قەرىزلىرىمنى قايتۇرۇپ،غورىگۇل بولسىمۇ ھىلىقى غەمسىز كۈنلەرنىڭ ۋىسالىغا تېزراق يېتىش.ئاللاھقا مىڭلارچە شۈكرىكى  يۈرىكىم زېدە بولسىمۇ تېنىم ساق،تالاي غەملەر كېچەيۇ-كۈندۈز مېڭەمنى چىرمىۋالغان بولسىمۇ،ھەر-ھالدا كاللام ساق.مانا بۇلتۇرقى بىزنىڭ ئالدىراش بوپ كەتكەن شۇ كۈنلىرىمىزنىڭ قايتىلانمىسى سۈپىتىدە،يىللار كالېندارى ئاشۇ رېئاللىقنىڭ كارتىنىلىرىغا شاھىد بولۇپ تۇرۇپتۇ. ئەمدى يەنە <تاز بولساڭ گەردەنگىچە>دىگەن سۆزنى ھېكمەت بىلگەن ئاشۇ چايداشلىرىمىز ئەتىياز شامىلىنىڭ ئىللىق يەلپۈندۈرۈشلىرى بىلەن،بۇلتۇرقى تۆۋە قىلغانلارنىڭ كۆپلىكىدىن بۇ يىلقى چاي تېرىغۇچىلار ئىگىلىگەن نېسبىتىنى ئالدىن مۆلچەرلەپ،ھېلىقى پۇتى چۈشۈپ كەتكەن كۆۋرۈككە قايتا دەسسىمەكچى بولىۋاتىدۇ.سوقۇلغان چوت،قىلىنغان ھېساۋات يەنە ئۆزگىچە.لىكىن ئۇلار دۇنيادا تۇگمىچىلىك مەبلەغ سېلىپ تۆگىچىلىك پايدا ئالىدىغان بىر سودىنىڭ يوقلىقىنى بىلمەمدۇ ياكى بەكلا بېلىپ كەتتىمۇ بۇنىسى ماڭا نامەلۇم.مەۋھۇم دۇنيا ئىشتىراكچىلىرى بولغان تورداشلارغا شۇنداق دەيمەنكى ئەگەر راستىنلا بۇلتۇرقى زىياننىڭ  ئورنىنى تولدۇرۇپلا قالماي،يەنە ساناپ تۈگەتكۈسىز بايلىققا ئېرىشتۈرىدىغان شۇنداق بىر پايدا بار دىيىلسىمۇ، ئويلىنىپ قەدەم بېسىشىڭلارنى،پۇشايمان قاچىسىنى ئىزدەپ تېنەپ-تەمتىرەپ قالماسلىقىڭلارنى ئەسكەرتمەكچىمەن.ئاخىرىدا دوستلاردىن شۇنى سوراپ باقاي:بۇ يىلقى گۈلچاي بەخىت چېيىمۇ ھەسرەت چېيىمۇ؟

aptap104

	دىھقانلىرىمىز بەس - بەستە تىرىغاچقا   بەس - بەس  چىيى دەپ ئات قويغان مەن .   ئۇ چينى تەرگەن ئادەمنىڭ قولىنىڭ ئۇچى ، ئىچكەن ئادەمنىڭ بىشى ئاغرىيدۇ . توۋا نىمىسى دورا شۇ چاينىڭ ،تەبىىيتى بەك سوغۇق ئىكەن . قان بىسىمنى چۈشۈرگەن بىلەن ئادەمنى خان بىسىم قىلىپ قويىدۇ ئۇنداق چاي ...    قانداق دىدىم

satisil

	توغرا    جۇمۇ   ... خوتەنلىككە   ئاپەت چاي   ،،،،قاراقاشلىققا پوق چاي بولدى بۇ  نىمە.....لىكىن ئادەم دىگەن بەك ئەخمەق ئەمەسمۇ..........

555rikabatqi

	بۇ يىلقىسى چۇقۇم بەخىت ئېلىپ كەلگۈسى ،چۈنكى مەن بۇ كەسىپنىڭ ئەھلى بولمىساممۇ شۇنداقلا يەرتېرىمىساممۇ بۇنىڭغا قىزىقىپقېلىۋاتىمەن شۇنداقلا چەت ئەلگە چىققاندا بۇ گۈل چايدىن ئازىراق ئېلىۋېلىپ چەت ئەللىكلەرنىڭ ئىنكاسىنى كۈرۈەپ باقماقچى ،مېنىڭ ئاڭلىشىمچە چەتئەللەردە گۈلچاي خېلىلا ئىناۋەتكە ئىرىشىپتىمىش ،بۇنىڭ راس يالغانلىقى شۇ چەت ئەلگە چىققاندا ئىسپاتلىنىدۇ ،يەنە بىر ئىش ئالدىنقى يىلى  قارىغۇلارچە كۆپلەپ    تېرىلغان گۈلچاي دىخانلارنى چۈچۈتتى شۇڭا بۇيىل گۈل چاي تېرىيدىغانلارنىڭ ئاز بولىشى ئېنىق ،تېرىغانلارنىڭ بولسا پۇل تېپىشىمۇ ئېنىق

DARITYAMAN

	بۇلتۇر نورغون ئادەم چايدىن ھوسۇل ئالماي تۇرۇپ تاشلىۋەتتى .   مىنىڭچە بۇلتۇر يىغۋىلىنغان چايلار دىيارىمىزنىڭ نەچچە يىللىق ئىھتىياجىنى قامدىيالىشى مومكىن .

ئەلشاھ

	شۇنداق بۇ يىل گۈلچاي تېرىغانلار يەنىلا ياخشى باھادا ساتالمايدۇ، 5- قەۋەتتىكى توردىشىمىز ئېيتقاندەك 2012-يىلدىكى چاي ئىھتىياجدىن ئېشىپ كەتتى... يەنە نەچچە يىل بازار ئىھتىياجى بىلەن تەمىنلىيەلەيدۇ...

edirlik

	بۇ گۈلچاينىڭ دارۋىڭى بەك چوڭتى . كېيىن نېمە بولدى . تۇيۇقسىز تېرىغانلا ئورۇپ تاشلىدىغۇ ؟!!!

بانكىر

	مىڭ بىر جاپادا تىرىپ، گۈلچاي ئىچىلغاندا، قۇرۇتۇلغان كىلوسىنى 30 كويدىن ئارتۇق ئالمايۋاتسا (مەقسەتلىك ھالدا دىھقاننى باپلاش) قانداق قىلىدۇ ئۇ بىر نىمىنى ئىتىزلىققا كىرىپ تىرىپ. كۈز بولغاندا 100 كويغا ئالدى، لىكىن بۇ كاززاپ باققاللار، دىھقانلارنىڭ نەچچە يۈز مىليۇن يۈەن پۇلىغا توپا چاچتى. بۇ ئىشتا شۇ يەنە دىسەم يەنە شۇ:  ئۇيغۇر كاززاپ باققاللار، ئۇيغۇر دىھقانلارنى باپلىدى. ئاخىرى ئۆزىنىڭ گۆشىدە ئۆزىنىڭ يىغىنى قورولدى. خەنزۇلار بىلەن توختاملاشقاندا ياكى گۈلچاي باھاسىنى دىيىشكەندە، چىقىشقا بولىدىغان ئەڭ يۇقىرى باھانى خەنزۇلارغا قويۇش كىرەك ئىدى. لىكىن مىنىڭچە بۇنداق قىلالمىدى. شۇڭا بۇ گۈلچاي باھاسىنى ئۇيغۇرلار بىۋاستە كونتورل قىلالمىغان چىراي. يازدىن قۇرۇتۇلغان گۈلچاينىڭ ھەر كىلوگىرامىنى 30 يۈەندىن 45 يۈەنگىچە سىتىۋالغان كاززاپ باققاللار، ئۆرۆمچى ياكى ئىچكىرى ئۆلكىگە ھەر كىلوگىرامىنى قانچە يۈەندىن ساتقاندۇ؟ قىنى بۇ سىرنى بىلىدىغانلار بارمۇ؟

uqkun134

	بۇ گۇلچاي كۆپ ئادەمنى ۋەيران قىلدىغۇ -تاڭ

uqkun134

	ئادەم خام سۇت   ئەمگەن ئەمەسمۇ؟