يوق ( مۇخەممەس )

شىرئەلى

	جاھاننى ئىزلىسەم ، بىزنىڭ ۋەتەندەك باغۇ - بوستان يوق ، ئەگەر بۇلبۇل بولۇپ سايراي دېسەم ، مۇنداق گۈلىستان يوق . بېرىپ قالسام مىسىرگە ، مۇبادا زەرەپشان يوق ، ئۇلۇق تۈر تىغىغا چىقسام ، گۈزەل ئالتاي ، تىيانشان يوق . ئۆزۈمنى تارتسا كۆڭلۈم ، بۇ جايلاردا تۇرپان يوق . مېنىڭ بۇ تۇپرىقىمنىڭ ئاستى - ئۈستى ئېسىل مەدەن ، يېقىملىق ساپ ھاۋاسىدا سۆيۈنگەي بارچە جانۇ - تەن . گۈزەل باغدا پىشقان مېۋىنىڭ تەمى گويا قەن ، ئۇنىڭ ھېجرى - پىراقىدا كۆيۈپ ياندىم ھەمىشە مەن ، جاھاننىڭ ھېچ يېرىدە باي مۇنىڭدەك رەڭمۇ - رەڭ كان يوق . ياشاپ كەلدۇق تارىخ يېرىدە بۇ ماكاندا ياشاپ چال ، تارىخنىڭ ھەر بىر بېتىدە يالتىرار كاتتا بەخت - ئىقبال . كىيىن ھەرخىل ئىش بىرلە يامانلاشقان ئىكەن ئەھۋال ، لېكىن كۈزگە كۆرۈنگەيكى يىراقتىن بىزگە ئىستىقبال ، ئېسىت ، بۇ مىللەت ئۆتمۈشىگە كۆز يۈگۈرۈتكەن يوق . ئەسلىتەي ئاشۇ تارىخىمىزدىن بىرەر ۋاراق ، تەپەككۇر كۆزۈڭ ئېچىپ سەن كەڭ جاھانغا باق . سېلىشتۇرغىن بۈگۈنگە تارىختىن ئېلىپ ساۋاق ، جاھاندىن نەچچە گەز كەينىدە قالغاننى ئويلاپ باق ، كۆمۈگلۈك ئاشۇ تارىخلار ، ئۇنى بىز ھېچ قىدىرغان يوق . ۋىسال پەسلى پىراقىدا كۆيۈپ كۈل بولغۇسى جانىم ، لېكىن ئۆركەشلىنىپ تۇرغان تومۇرلاردا قىزىل قانىم . كۆرۈپ دىدار كۆرۈشكەيغۇ ئەگەر يەتسە بۇ ھالىم ، يېتەرمەنمۇ مۇرادىمغا ، ئېسەن بولسا ئەزىز باشىم . يېنىپ تۇرغان پورەكلەردەك ، جاھاندا كاتتا ۋولقان يوق . يېزىپ تۇرسام بۇ مۇخەممەسنى ، سەۋىيەم تۇرسا چەكلىكىدە ، يۈزگە قىلچە پەرداز قىلمىدىم مەن ، ئۇپا - ئەڭلىكتە . يازارمەن كەلگۈسى داستان - رومانلارنى كەڭلىكتە ، لېكىن ، دەلىلى - ئىسپات ئالدىدا ئەسلى قالمايمەن تەڭلىكتە . ئاناممۇ مەنىسىز كۈن ئۆتكۈزۈشكە مېنى تۇغقان يوق . پۈتۈن ئۆمرۈم بويى يازسام تۈگمەس دىلدىكى سانىم ، قەلىمىم تەۋرىسە كۈن - تۈن ، ئۈزۈلمەس قىلچە دەرمانىم . يېنىپ تۇرغان ئىچىمدە ، ھەر چاغ بىر ئىشقى - ھېجرانىم ، ئاشار بىر كۈن ئەمەلگە ، مېنىڭ ئۇشبۇ ئارزۇ - ئارمانىم ، ئۇ چاغ ئۆلسە ۋەتەن پەرۋانىسىدا قىلچە ئارمان يوق ... ھامۇت مەھمۇدى 1946- يىلى ، يانۋار

rahatmakan

	شىئىرىڭىزنىڭ مەزمۇنى ياخشى ئىكەن بۇدىيارىمىزنى قانچىلىك ماختىساق ئەرزىيدۇ. لىكىن شىئىرىڭىزنىڭ باش مىسراسى قانچە بوغۇم بىلەن باشلانسا ئاخىرغىچە شۇنچە بوغۇمدا چۈشىشى كىرەك بۇنىڭغا ئالاھىدە دىققەت قىلىڭ  بولسا داڭلىق شائىرلارنىڭ شىئىر يىزىش ئۇسلۇبىدىن ئىلھام ئىلىڭ ياكى شۇلارنى بىر مەزگىل ئۇستاز تۇتۇڭ

326ayixa

	ھەقىقەتەن ياخشى مۇخەممەس ئىكەن . تىما ئگىسىگە رەھمەت .

hunbag

	‹‹ تىيانشان ›› ئەمەس ‹‹ تەڭرىتاغ ›› دەپ ئالايلى . ئانا تىلىمىز بولغاندىن كېيىن.

Sebr@

	hunbag يوللىغان ۋاقتى  2013-2-18 05:43 PM ‹‹ تىيانشان ›› ئەمەس ‹‹ تەڭرىتاغ ›› دەپ ئالايلى . ئانا ت ... قىززىقدە سىز... لىكىن ياخشى تەنقىت

qaraxani

	مەزمۇن خېلى مېغىزلىق ئىكەن، شېئىرنىڭ  تىل ۋە قۇرۇلمىسىنى بىر تەكشۈرۈپ كۆرۈڭ؟

saparbay

	بەزى مىسرالار پەقەت قاپىيەنىلا مەقسەت قىلغاندەك تەسىرات بەردى ، يەنىمۇ «پىشۇرۇپ» باقسىڭىز بوپتىكەن !

satisil

	ھەي   باشقۇرغۇچىلارغا بىر گەپ   ....  مەن بىر مۇكاپاتلىك ئەسەر يازغان .يەنە بىرنى يازغۇم كەپقالدى    ...بۇلامۇ   ،،،خاتا چۇشەنمەڭلار ..مۇكاپات مۇھىم ئەمەس .تىمىنىڭ تەربىيەۋى ئەھمىيتى چوڭ ئىدى . كوپرەك ئادەم كۆرسۇن دىگەنتىم ...ئۇ سەھىپىدە ئۇزاق تۇردۇ ئەمەسمۇ؟؟؟؟

شىرئەلى

	rahatmakan يوللىغان ۋاقتى  2013-2-18 05:15 PM شىئىرىڭىزنىڭ مەزمۇنى ياخشى ئىكەن بۇدىيارىمىزنى قانچى ... رەھمەت سىزنىڭ كۆرسەتمىڭىزگە ، بۇ مېنىڭ تۇنجى ئەسىرىم ئىدى ...

شىرئەلى

	hunbag يوللىغان ۋاقتى  2013-2-18 05:43 PM ‹‹ تىيانشان ›› ئەمەس ‹‹ تەڭرىتاغ ›› دەپ ئالايلى . ئانا ت ... ياخشى مەسلىھەت ... سىزگە رەھمەت ...