ھاراقكەش كېلىن ( پوۋېست )

$叶子$

	داۋامىنى تىزراق يوللىسىڭىز !

nazila998

	ھىكايىڭىز بەك ياخشى داۋاملىشىۋىتىپتۇ  ، ئاخىرىنى تىزرەك يوللىڭە ، يىزىپ بولالمىسىڭىز مەن يىزىشىپ بېرمەن ،   مۇكاپاتلىق پالىيەتتە كىرىستال ئىكرانلىق تىلىۋىزور ئالسىڭىز بىللە كۆرشۈپ بىرمەن

mahliya

	شۇنداق قىزىقىپ ئوقۇۋاتسام تۈگەپ كەتتىغۇ..................... داۋامىنى تىزراق يوللىغايسىز............

bahadir5968

	ئەستا، ماۋۇ ھېكايىنىڭ ئاخىرى قېنى ئەمدى؟  تېزىراق چىقىرىڭلار دەيمەن

zulal27

	ئالدى بىلەن سىزگە چىن كۆڭلۈمدىن رەھمەت ئېيتىمەن . مۇشۇنداق ئالدىراش خىزمەت بېسىمى ئېغىر كۈنلەردە بىزنى ياخشى بىر ئەسەر بىلەن تەمىنلەپ بىزگە روھى ئوزۇق ئاتا قىلدىڭىز . ئەسىرىڭىز شۇنداق ياخشى داۋاملىشىۋاتىدۇ . قوللىرىڭىزغا دەرت كەلمىسۇن . سىزنىڭ ئەسىرىڭىزنىڭ مۇكاپاتقا ئېرىشىشىنى ئۈمۈت قىلىمەن . ئاندىن بارلىق دوستلارنىڭ سەۋرى تاقەت قىلىشىنى ئۈمۈت قىلىمەن . چۈنكى ھازىر ھەممە ئادەم ئالدىراش خىزمەت قىلىدۇ . بەزىدە بىزنىڭ ئىنكاس يازغىدەك ۋاقتىمىزمۇ چىقماي قالىدۇ . لېكىن جاپاكەش قەلەمكەشلىرىمىز يەنىلا بىز ئۈچۈن قىممەتلىك ۋاقتىنى ئاجىرىتىپ ئەسەر يېزىۋاتىدۇ . شۇڭا سەۋىر تاقەتلىك بىلەن كۈتەيلى .

nazpari

	ئەسسالامۇ ئەلەيكۇم شىرخان، ئامال بولسا داۋامىنى يازغان ۋاقتىڭىزدا قىسقا ئۇچۇر ئارقىلىق خەۋەر بىرىۋەتكەن بولسىڭىز تولىمۇ مىننەتدار بولغان بولاتتىم. ئاخىرى چىققانمىكىن دەپ نەچچە كىرىپ قۇرۇق قول چىقىپ كىتىۋاتىمەن.

gunqa721

	نامەرد ئانا ۋە ئەرنىڭ سەۋەبىدىن بىر ئايال بەختسىزلىك پاتقىقىغا چوڭقۇر چۆكۈپ، ئېغىر ئازاپقا دۇچار بوپتۇ. «بەدىنىدە تاتۇق بار» دەپ ئوغلىنى ئاجراشتۇرۇشقا قۇتراتقان ئانىنىڭ چېچىنى يۇلۇپ، يۈز-كۆزىگە تۈكۈرۈپ قويغۇم كېلىۋاتىدۇ. زەپەر ئەجەپ بىتەلەي ئىكەن، ھەر ئىككى نىكاھتا تەلىيى كەلمىگىنىنى كۆرمەمدىغان. مېنىڭ بىر دوستۇمنىڭ تۇنجى نىكاھتىن تەلىيى كەلمەي يولدىشى بىلەن قېينىئانىسى شۇنداق ئەسكىلىك قىلىپ ئاجرىشىپ كېتىشكە مەجبۇر بولغانىدى، ئىككىنچى نىكاھتا بولسىمۇ تەلىيى كېلەر دەپ ئويلىغانىدىم، لېكىن ئىككىنچى يولدىشى تۇنجىسىدىنمۇ بەتەر نائەھلى چىقىپ قالدى. زەپەرنىڭ ئەھۋالىنى ئوقۇپ شۇ دوستۇمنى ئويلاپ قالدىم. لېكىن ئامانگۈلنىڭ ئەھۋالى كىشىنى تېخىمۇ ئېچىندۇرىدىكەن. ئاخىرىنى تېزراق يوللىشىڭىزغا تەقەززامىز.

پەرى

	ئەسسالامۇ ئەلەيكۇم! شىرخان بۇ ئەسىرىڭىزنى شۇنداق قىزىقىپ ئوقۇۋاتسام  تىزلا تۈگەپ كەتتىغۇ ...داۋامىنى تېزراق يىزىڭە قېرىندىشىم ...داۋامىغا تەشنا بولدۇق. بۈگۈن يازمىىسڭىز ئايىقى چىقمايدىغان بۇ يازمىڭىزنى ئۆچۇرۋىتىپ قاراپلا ئولتۇرىمەن ..... . ھى ھى

XERHAN

	داۋامى ... ( 4 ) كۆز ئالدىمدا تۇرغىنى مانا بۇ يەكەن ئىدى ، بەش ئالتە سائەتلىك سەپەردىن كىيىن ئوندەك كىشى بىلەن ياركوچا ئەتراپىغا يۆتكەپ كىلىندىم ، ئۇ كۈنى كەچ بولۇپ كەتكەچكە مەن يۆتكەپ كىلىنگەن ئۆينىڭ قايسى كوچا ، قايسى ئۆي ئىكەنلىكىنمۇ بىلمەي قالغان ئىدىم ، پەقەت ئۆي ئىچىگە كىرگەندىلا شۇنىڭدىن كىيىنكى ھاياتىمنىڭ ئاشۇ ئۆيدە بولىشىنى ئارزۇ قىلغان ئىدىم تەغدىر پىشانەم ئەسلا ئوڭ كەلمەيدىغانلىقىنى ئويلاپمۇ باقماپتىكەنمەن . ئۆيدىكى مىھمانلار كىتىپ ئۆي ئىچى تىنجىغان ، ھېلىقى ئەر بىلەن يالغۇز قالغان ۋاقىتتا ئۆزۈمنى ئۇنىڭغا تاپشۇردۇم ، بىر ۋاقىتلاردىن كىيىن ئۇ مەندىن يالتىيىپ قالدى ، نىمە بولغانلىقىنى ، مەندىن نارازى بولۇپ قالغان قالمىغانلىقىنى سورىدىم ئۇ ماڭا باشقىچە گەپ قىلمىدى ، ئەكىسچە چارچاپ قالغانلىقىنى ئېيىتىپ ئايرىم ئۇخلىغۇسى بارلىقىنى ئېيىتتى . مەن ئۇنىڭدىن خاپا بولمىدىم ھەم ئۇنىڭ ئېيىتقىنى بويىچە ئايرىم ياتتۇق ، ئۇ ماڭا گەپنىڭ ئوچىقىنى دىمىگەن بىلەن كۆڭلىدىكىنى بىلىپ تۇرغان ئىدىم ، بەدەنلىرىمدىكى يىرىك تارتۇق ئىزلىرىدىن ئۇ ئەمەس ھەرقانداق بىر ئەركەك زاتى قورىنىپ قالاتتى . ئۇنىڭ رايى بار كۈنلىرى ئۇنىڭ رايىغا بېقىپ ئىش كۆرەتتىم بولمىسا مەن ئۇنىڭدىن ماڭا يىقىنچىلىق قىلىشنى ، ماڭا كۆڭۈل بۆلۈشنى ئەسلا تەلەپ قىلمايىتتىم ، پەقەت ئۇنىڭ مىنى يارىتىپ خوتۇن قىلىپ ئۆيىسىدە ئولتۇرغۇزغىنىدىن رازى بولاتتىم . كۈنلەر شۇنداق ئۆتتى ، مەن ئىزچىل تۈردە ياخشى خوتۇن ، ياخشى كېلىن بولۇش ئىستىكىدە ئۇ ئۆيدىكىلەرنىڭ دىگەن يېرىدىن چىقىپ كەلدىم ھەتتا تالا - تۈزگە چىقىدىغان ئىش بولسىمۇ ئۇنىڭ رۇخسىتىسىز چىقمايىتتىم . كىيىم - كىچەك دىگەنلەرنىمۇ ئۇ ئۆزى خالاپ بىرەر قۇر ئېلىپ بەرسە كىيەتتىم بولمىسا بارىنى يۇيۇپ كىيەتتىم ، ئەلۋەتتە مەن ئۇنداق تۇرمۇشنى راھەت كۆرمەيىتتىم ئەمما يۇرتۇمدىكى ئاھانەت ، ئۆتمۈشلىرىم ئالدىدا ئۇ كۈنلەر ماڭا ناھايىتى راھەت ، يېقىشلىق بىلىنەتتى . ئارىدىن بەش ئالتە ئاي ئۆتۈپ كىيىنكى يىلى يازغا ئۇلاشتۇق . ئۇنىڭدىن ئېغىر ئاياغ بولغىنىمغىمۇ بەش ئاي بولۇپ قالغان بولۇپ قورسىقىم ئازراق چىقىپ قالغان چاغلاردا ئۇ تۇيۇقسىز مىنى ئىچكىرگە ئېلىپ چىقىدىغانلىقىنى ئېيىتتى ، ئۇ ۋاقىتتا مەن ئۇ مەھەللىدىكى كۆپىنچە ياشلارنىڭ ئىچكىرگە چىقىپ ، كىلىپ تۇرىدىغانلىقىنى ھەم ئۇ مەھەللە كىشىلىرىنى ئاساسەن چۈشىنىپ بولغان بولغاچقا ئۇنىڭغا باھانە كۆرسەتمىدىم ، قارشىلىقمۇ قىلمىدىم . شۇنىڭ بىلەن بىز شىئەنگە بېرىش ئۈچۈن يولغا چىقتۇق ، ئۇنىڭ بىر ئىنىسى شۇ يەردە ئىكەن ھەتتا بىز توي قىلغاندىن تارتىپ مەن ئىنىسىنى كۆرۈپمۇ باقمىغان ئىدىم ، پەقەت پات - پات تىلىفۇندا پاراڭلاشقىننى ئاڭلايىتتىم . نەچچە كۈنلۈك ئاپتۇبۇس ۋە پويىز سەپىرىدىن كىيىن بىز شىئەنگە چۈشتۇق . ئۇنىڭ ھېلىقى ئىنىسى ئالدىمىزغا چىقتى ۋە بىزنى ئۆزى تۇرىدىغان بىر ئىجارە ئۆيگە باشلاپ ئاپاردى ، ئۇ ئۆي چوڭراق بىر ئېتىز بولۇپ بىز كىرگەندىن كىيىن قايتا تۈزەپ مال يىشىكلىرى ۋە  پارچە ياغاچلاردىن ئوتتۇردىن توسۇپ يېرىمىدا ئەر - خوتۇن ئىككىمىز يېرىمىدا ئۇنىڭ ئىنىسى يېتىپ قوپتۇق ، ئۇ كۈنلەردە ئاخشىمى بولىدىغان بولسا شۈنچىلىك قورىنىپ كىتەتتىم ئەمما بىلىندۈرمەيىتتىم . ئۇلارغا تاماق قىلىپ قورسىقىنى تويغۇزۇپ بولغاندىن كىيىن ئۇلار بىلەن بازارغا چىقاتتىم ، دەسلەپكى بىر ئىككى ھەپتىدە ئۆيدە ئولتۇردۇم ، كىيىنچە ئۇلار مىنىمۇ ئېلىپ چىقىپ  پۇلنى قانداق تېپىشنى ماڭىمۇ كۆرسەتتى ھەم ماڭا باشقا ئىش قىلماي ئۆزى بىلەن قولتۇقلىشىپ بىللە مېڭىشنىلا تەلەپ قىلدى مەن ماقۇل بولدۇم . توۋا دەيمەن ، چاچ بويىقى بىلەن چېچىمنى بوياپ ئاچ سېرىق قىلىپ قويغان ئىدى ، تومپىيىپ قالغان قورسىقىمنى ئېلىپ سېرىق چاچلىرىم بىلەن ئۇنىڭغا ھەمراھ بولۇپ بازارغا چىقاتتىم ئۇ يەردە نە تونۇشۇم ، نە بىر تىلىمنى چۈشىندىغان ئادەم بولمىغاچقا يالغۇزلۇق ھىس قىلاتتىم ، ئەمما ئىلاجىسىز ئۇنىڭ بۇيرىقىغا ئىتائەت قىلاتتىم ، نىمىلا دىگەن بىلەن ئۇ بولمىسا مەن ئۇ يەردە ئىگە - چاقىسىز قالاتتىم . كۈنلەر ئۆتۈپ مەنمۇ ئۇلارنىڭ ئىش ، ھەركىتىگە كۆنۈپ قالدىم . ئۇ ئارلىقتا ئۇلار ماڭا ئەگەر ئۆزلىرىنىڭ ساقچىغا تۇتۇلۇپ قالسا مىنىڭ شۇ ساقچىخانىنى ئىزدەپ بېرىپ قويۋىتىشنى ، ئۆتۈنۈشىمنى جىكىلەپ تۇراتتى . شۇڭىمۇ بىز كۆپ چۆرگىلەيدىغان جايلاردىكى ساقچىخانا ، دوختۇرخانا ۋە باشقا ئورۇنلارنى ماڭا كۆرسىتىپ ئادىرسى ماڭا يادا بولۇپ كەتكەن ئىدى . يامغۇر ياغقان بىر كۈنى ئۇلار دىگەندەكلا يولدىشىم بىرسىنىڭ يانجۇقىغا قول سېلىپ تۇتۇلۇپ قالدى ، ئارقىمىزدا بىزگە ئەگىشىپ مېڭىۋاتقان قېينىئىنىم شۇ ھامان قاياقلارغىدۇر يوقاپ كەتتى ، ئەسلى ھېلىقى ئادەممۇ ساقچى ئىكەن يولدىشىمنىڭ قول سالغانلىقىنى سىزىپ قالغاندىن كىيىن ئۇنى تۇتىۋىلىپ ساقچىخانىغا ئېلىپ كەتتى ، مەن بولسام ئۇنىڭغا قويۋىتىشنى قانچە قانچە دىدىم ئەمما ئۇ گېپىمنى چۈشەنمىگەچكە بېشىنى چايقاپ قويۇپ ، يولدىشىمنى ئېلىپ كەتتى . مەن دىيىشۋالغىنىمىز بويىچە ئۆيگە باردىم ، قېيىنئىنىم ساقلاپ تۇرغان ئىكەن ، بىز شۇ كۈنى كەچتىلا ئۇنى ئېلىپ كەتكەن ساقچىخانىغا باردۇق ، قېيىنئىنىم سىرىتتا ساقلىدى ، مەن توي خېتى ۋە ۋاقىتلىق نوپۇس كىنىشكىسىنى كۆتۈرۈپ ئۇنىڭ قېشىغا كىردىم ، ساقچى قويۋىتىشكە ئۇنىمىغان چاغدا تىغنى بىلىكىمگە تىرەپ تۇرۇپ ساقچىغا قوقاق سالدىم ، ساقچى ئۇنىڭ بىلەن بىر نىمىلەرنى دىيىشىپ ، بىر ماتىريالغا ئىمزا قويدۇرۋالغاندىن كىيىن قويىۋەتتى . شىئەندىكى كۈنلىرىم ئەنە شۇنداق ئۆتەتتى ، ھەتتا بىر قانچە قېتىم بىلىكىمنى تىلدىم ، ئۇ ۋاقىتتا ئىرىمنى ئەڭ چوڭ نىجاتكارىم دەپ بىلگەچكە ئۇ نىمە دىسە شۇنى قىلاتتىم ، ئۇنىڭ ئامانلىقى ۋە بىخەتەرلىكىنى ئۆزۈمدىن ئۈستۈن قوياتتىم . شۇنداق قىلىپ تۆت ئايچە كۈننى شىئەندە ئۆتكۈزدۇق . مەن ئېغىرلىشىپ تۈزۈك يولمۇ ماڭالمايدىغان بولۇپ قالدىم ، ئۇ ۋاقىتتا تۇغۇتۇم يىقىنلىشىپ قالغاچقا مىنى شۇ يەردە تۇغدۇرماقچى بولدى ، ئەمما مەن ئۇنىڭغا بەك يېلىنىپ تۇرىۋالدىم ، مىنىڭ ئۇ يەردە نا توغرا ئىشلارنى قىلىۋتقىنىمنى ھەم ئىچكىرگە بارغىنىمنى ھامماملار ئۇقمايىتتى ، ئۇلارنى گۇمانلاندۇرۇپ قويماسلىق ئۈچۈن بولسىمۇ ئاۋاتقا قايتىشنى تەلەپ قىلىپ تۇرىۋالدىم ئۇ ئاخىرى قوشۇلدى . بىز ئاۋاتقا قايىتتۇق ،  ئۇ مىنى ئەكىلىپ قويغاندىن كىيىن يەكەنگە قايتىپ كەلدى ، مەن ھەپتىگە قالماي ئاپراتسىيە قىلىنىپ بوشاندىم . بالا ئوغۇل ئىدى  ، تۇغۇتۇمنى ئەللىك كۈنگىچە ھاممام باقتى . ئەللىك كۈن بولغاندا ئۇنىڭ مەسلىھىتى ۋە بۇيرىقى بىلەن مەن يەنە شىئەنگە كىتىدىغان بولدۇم  ، مەندىن سۈت چىقمىغانلىقى ، كۆكسۈمنىڭ ئاغرىقىنى باھانە قىلىپ بالىنى ھاممامغا تاشلاپ قويۇپ يالغان گەپ بىلەن شىئەنگە ماڭدۇق . دەسلەپتە ھامماملار مىنى يەكەندىكى ئۆيدە تۇرىۋاتىدۇ دەپ ئويلىدى ، كىيىنچە بىزنىڭ كۆرىشىش ۋاختىمىزنىڭ ئۇزىراپ كىتىشى بىلەن مەن ئۈرۈمچىدە تىجارەت قىلىۋاتىمىز دەيدىغان بولدۇم ، كۈنلەر ئۆتتى ، ئايلار ئۆتتى ... ۋاقىتنىڭ ئۆتىشى بىلەن مەنمۇ شىئەندىكى كۈنلەرگە كۆنۈپ قالدىم ، بالامنىمۇ ئىككى ھېيىتتىلا كۆرىدىغان بولدۇم . شىئەن ھاياتى ماڭا نۇرغۇن ئەنسىزلىكلەرنى ، قورقۇنىچلارنى ۋە جاپانى ئېلىپ كەلدى ، مەن بەرداشلىق بەردىم . بالاممۇ ئەقىللىق ، شوخ چوڭ بولدى . ھەر قېتىم ھامماملارنىڭكىگە بارغاندا پۇل ، سوۋغا - سالاملارنى ئېلىپ بېرىپ بالامنى بېقىپ بەرگىنىگە تەشەككۈر ئېيتاتتىم ، بىچارە ھاممام مىنىڭ ئاھانەتلىرىمنى ، ئېغىرچىلىقىمنى كۆتۈرگەننى ئاز دەپ بالامنىمۇ بېقىپ مىنىڭ بەخىتلىك ، خۇشال ياشىشىمنى تىلەيىتتى . بىر كۈنى ئۇ بالىنىمۇ شىئەنگە ئېلىپ كىتىش توغرىسىدا ئېيىتتى ، ئەمما مەن قوشۇلمىدىم ، چۈنكى بالىنى ئېلىپ بارسا بالىنىمۇ شۇنداق ئىشقا سېلىپ كىچىككىنە تۇرۇپ يامان ئىشلارنى ئۈگىنىپ قېلىشىدىن ئەنسىرەيىتتىم ، ئۇنىڭ ئۈستىگە كىچىكىدىن تارتىپ ھاممام باققاچقا بىراقلا قايتۇرۇپ ئەكىتىشنى بىئەپ كۆرگەن ئىدىم  ، شۇ تالاش - تارتىشتا ئۇنىڭ بىلەن ئۇرۇشۇپ قالدىم . بۇرۇندىن  تارتىپ ئۇنىڭغا يول قويۇپ ، ئۇنىڭ كۆڭلىنى ئاياپ نىمە ئىش بولسا رايىشلىق بىلەن خوپ كۆرەتتىم  ، ئەمما شۇ سەۋەپلىك ئۇنىڭ پىكىرىگە زادىلا قوشۇلمىدىم ، بىز ھەپتە ئون كۈنگىچە بالا توغۇرلۇق ئۇرۇشۇپ گېپىمىز زادىلا بىر يەردىن چىقمىدى . بىركۈنى سەتلىشىپ قالدۇق ، ئۇ مىنى پەقەت ھامكارلاشقۇچى سۈپىتىدە كۆرىدىغانلىقى ئەر - خوتۇندارچىلىقنىڭ پەقەتلا بىر شەكىل ئىكەنلىكى ئۆزىنىڭمۇ ماڭا كۆڭلى يوقلىقىنى ، مىنىڭ بەدەنلىرىمدىكى تارتۇقلاردىن كۆڭلى ئېلىشىدىغانلىقىنى ئېيىتتى ، مەن ئۇنىڭ گەپلىرىنى ئاڭلاپ ئۆزۈمنى يەنە بىر قېتىم ئازاپ دېڭىزىغا تاشلىغاندەك بولدۇم . كۆڭلۈم شۈنچىلىك يىرگەندىكى ئۇنىڭدىن ئەمەس ئۆزۈمدىن سەسكىنىپ كەتتىم . ئاشۇ كۈنى كەچتە ئۇ ئۆيگە قايتىپ كەلمىدى ، قېيىنئىنىممۇ كەلمىدى . مەن يالغۇز ياتتىم ئەتىسى ئۇ يەنە مەن بىلەن جىدەل قىلىپ توي خېتىمىزنى ، ۋاقىتلىق تۇرۇش كىنىشكىسىنى ، مىنىڭ كىملىكىم بىلەن قوشۇپ  كۆيدۈرۋەتتى ، شۇ يەرلىك ئاھالە كومىتىتى ئىجارە ئۆيلەرنى پات - پات تەكشۈرۈپ تۇرغاچقا توي خېتى ، ۋاقىتلىق تۇرۇش كىنىشكىسى ۋە كىملىك بولمىسا ئۇ ئۆيدە تۇرۇشۇم ئاۋارچىلىق بولۇپ قالاتتى ،  ئۇنىڭ ئۈستىگە ئۇ مەندىن بىزار بولغانلىقىنى يۇرتقا قايتىپ كىتىشىمنى ئوتتۇرغا قويدى . شۇنىڭ بىلەن ئاۋاتقا قايتىپ كەلدىم ئەمما ئويلىمىغان يەردىن بالام يوق ، بارسام ھامماملار بالا ئىزدەۋىتىپتۇ ... ئۇ ئەھۋالنى كۆرگەندىن كىيىن يۈرىكىم ئېغىزىمغا تىقىلىپلا قالدى ، قېيىنئىنىمدىن گۇمانلاندىم ، نەچچە ۋاقىتتىن بۇيان بار ئادەم بالا جىدىلى چىققاندىن كىيىنلا يوقاپ كەتكەن ئىدى ، شۇنىڭ بىلەن مەن يەكەنگە كىلىپ قېيىنئانام بىلەن كۆرۈشتۈم ، بالا يوق ئىكەن ، ئۇ يەردىن يەنە شىئەنگە ماڭدىم . مەن بارغاندا بىز تۇرغان ئۆينى ئۆتكىزىۋىتىپ ئاللىقاچان كۆچۈپ كەتكەن ئىكەن . قانچە ئىزدەپمۇ ئۇلارنىڭ دىرىكىنى ئالالمىدىم ، كاللام ئېلىشىپ ساراڭ بولايلا دەپ قالغان ئىدىم ، شۇ ئاچچىقىمدا يەنە يەكەنگە قايتىپ كىلىپ قېيىنئانام بىلەن بىللە تۇرۇشنى نىيەت قىلدىم ، ئويلىمىغان يەردىن قېيىنئانام كۈنبويى ماڭا تاپا تەنە قىلىپ ، مىنى پاتۇرمىدى ، مەن نىمە قىلارىمنى بىلمەي سوت مەھكىمىسىگە بېرىپ ئەھۋالنى ئېيىتتىم ، ئۇلار بالىنى ئېلىپ قاچقانلىق توغرىسىدا ئىسپات بولمىسا ئۇلارنى ئەيىپلىگىلى بولمايدىغانلىقى ، ھەمدە ئاجرىشىش ئۈچۈنمۇ ئەر تەرەپ بىلەن بىر يەرگە كىلىپ بىجىرمىسە بولمايدىغانلىقىنى ئيىتتى ، مەن توي خېتىنى تولۇقلاش ئۈچۈن خەلق ئىشلار ئىدارىسىگە باردىم ، يەنە بىر بولمىغۇر ئىش شۇكى - بىزنىڭ توي خېتىمىز ئۇلارنىڭ ئارخىپىدىن چىقمىدى . ئۇ ۋاقىتتا مەن بېشىمنى مىڭ يەرگە ئۇرغان بىلەن ھۆكۈمەت تەرىپىدىن ئىتىراپقا ئېلىنمايدىغانلىقىمنى بىلگەچكە نىمە قىلارىمنى بىلەلمەي قالدىم . ئاۋاتقا تېخى قايتالمىدىم ، بالا دەردى مىنى كىچىدىكى ئۇيقىدىن ، كۈندۈزدىكى نورمال تۇرمۇشتىن مەھرۇم قىلغان ئىدى . ئۇيان - ئويلاپ ، بۇيان ئويلاپ مېڭىپ يۈرۈپ مانا مۇشۇ دۇكانغا كىرىپ قالدىم ، ئۇ كۈنى مەن ساراڭلارچە  دەرت ، ئازاپلىرىمنى تاماكا ئارقىلىق بېسىقتۇرۇش ئۈچۈن كىرىپ تاماكا ئالدىم . ھەم سىزگە ئوخشاشلا دەرت تۆكۈپ خوجايىن بىلەن تونۇشۇپ قالدىم ، خوجايىن ئايال ئىدى ، ئايال خوجايىن شۇ كۈنى كەچتە مىنى قوندۇرىۋالدى . مەن ئۇ ئايالغا يىقىن تۇرۇپ ئىشلىرىغا قارىشىپ بىرىدىغان ، ئۇ ئايال بالامنىڭ ئىز دىرىكىنى قىلىشىپ بىرىدىغان بولدۇق ، گەرچە مەن بۇ دۇكاننىڭ تىجارەت شەكلىنى ياقتۇرمىغان بولساممۇ ئەمما بالا سېغىنىشى مىنىڭ كاللامنى قايدۇرۇپ قويغان ئىدى . ۋاقىت ئۆتتى ، ئۇ ئايالمۇ ئانچە - مۇنچە بالامنى ئىزدىشىپ بەرگەن بولسىمۇ لىكىن ئىزدىرىكى بولمىدى . كىيىن  ئۇ ئايال ئۈرۈمچىگە كۆچۈپ كىتىش مۇناسىۋىتى بىلەن دۇكاننى ماڭا ئۆتكىزىپ بەردى . شۇنىڭدىن كىيىن مەن بۇ يەرگە ئىگىدارچىلىق قىلىۋاتىمەن ، مەن ئەسلى پات - پات قېيىنئانام بار ئۆيگە بېرىپ بالامنىڭ ئۇچۇرىغا ئىگە بولۇش مەقسىتىدە مۇشۇ يەردە تۇرۇپ قېلىشنى ئويلىغان ئىدىم ، ئەمما ئۇ خۇمسى قانداق بىلدىكىن مىنىڭ بۇ يەردە ئىكەنلىكىمنى بىلىۋاپتۇ . پات - پات كىلىپ پۇل بەر دەپ قىستايدۇ ، بىرىشنى رەت قىلسام بالاڭنى كۆرسەتمەيمەن ، بالاڭنى مەڭگۈ كۆرەلمەيسەن دەپ قورقىتىدۇ ... مانا ھازىر ئۆز بالامنى كۆرەلمىگىلى ئىككى يىل بولۇپ قالدى ... يۈرەكلىرىم تىلىم - تىلىم بولۇپ كىتىۋاتىدۇ ، بىچارە بالام قەيەرلەردە ، نىمىش قىلۋاتقاندۇ ؟ چىرايى قانداقراق تۇرغاندۇ ؟ بالامنىڭ تىنىچ - ئامان ھالىتىنى كۆرىدىغان ئىش بولسا قانداق بەدەل تۆلىسەم مەيلى ئىدى ، مەن بالام ئۈچۈنلا مۇشۇ كەمگىچە ياشىدىم ، بولمىسا بۇنداق ھاياتتىن جاق تويۇپ كەتكەن ئىدىم . ئاھ بالام ، يۈرەك پارەم ئىھسانجان ... داۋامى بار ...

nazakat888

	بىچارە مەزلۇم.......،مېنىڭمۇ يىغلۇغۇم كېلىۋاتڭدۇ دىسە..... دەسلەپتە بۇ ئامانگۈلگە شۇنداق ئاچىچىغىم كەلگەن ئىدى،ئايال كىشى تۇرۇپ،ھاراق دۇككىنى ئاچىدىكەن ھەم ئىچىدىكەن دەپ.بىچارىنىڭ يەتكۈچە دەردى باركەن ئەمەسمۇ؟ھەي ئىنسانچىلىق... جاپا چەكتىڭىز XERHAN ،شۇنداق بولسىمۇ غەيرەت قىلىڭ.ئەسىرىڭىزگە مېنى مەپتۇن قىلىۋالدىڭىز،قىينىماڭ مېنى.....ساقلايمەن.رەھمەت.