ساغلاملىق مەسلەھەتچىسى (21-قىسىم )

sawapkar

	قانداق كىشلەر سۆڭەك شالاڭلىشىش كېسىلىگە ئاسان گىرىپتار بولىدۇ؟ ھاراققا خۇمار كىشلەر :ھاراق يېتىلگەن سۆڭەك ھۈجەيرىلىرىنىڭ ئىقتىدارىنى چەكلىمىگە ئۇچرىتىپ ، سۆڭەك شالاڭلىشىش ، سۆڭەك سۇنۇشقا ئۇل ھازىرلايدۇ . تاماق تاللايدىغان كىشلەر:تاماق تاللايدىغان كىشلەرنىڭ بەدىنىدە كالتسىي ، ئاقسىل كەمچىل بولىدۇ ، بۇ سۆڭەك شالاڭلىشىش كېسىلىنى كەلتۈرۈپ چىقىرىدۇ . ھەرىكىتى ئاز كىشلەر : بۇنداق كىشلەر ئاسانلا سۆڭەك شالاڭلىشىش كېسىلىگە گىرىپتار بولىدۇ . تاماكا چېكىدىغانلار:بۇ خىل كىشلەرنىڭ بەدىنىدىكى كالتسىي سۈيدۈك ئارقىلىق چىقىپ كەتكەچكە ، ئوڭايلا سۆڭەك شالاڭلىشىش كېسىلىگە گىرىپتار بولىدۇ . ئىرسىيەت خاراكتېرلىك سۆڭەك شالاڭشىش كېسىلى بار كىشلەر : بۇ خىل كىشلەرنىڭ داس سۆڭىكى سۇنۇش خەۋپى ئېغىر . يول مېڭىش سۈرئىتى ئۇزاق ئۆمۈر كۆرۈش بىلەن مۇناسىۋەتلىك شىنخۇا ئاگېنتلىقى، لوس ئانژېلېس، 4 – يانۋار تېلېگراممىسى. ئامېرىكىنىڭ يېڭى تەتقىقاتىدا كۆرسىتىلىشىچە، ياشانغانلارغا نىسبەتەن ئېيتقاندا، يول يۈرۈش سۈرئىتىنىڭ تېز – ئاستىلىقى ئۇلارنىڭ ئۇزاق ئۆمۈر كۆرۈشى بىلەن مۇئەييەن باغلىنىشلىق ئىكەن. ئامېرىكا پىتسبۇرگ ئۇنىۋېرسىتېتىنىڭ تەتقىقاتچىلىرى يېڭى بىر ساندىكى ‹‹ئامېرىكا مېدىتسىنا ژۇرنىلى››دا خەۋەر قىلىپ مۇنداق دېدى: بىز 65 ياشتىن يۇقىرى 340مىڭ كىشىنى ئىز قوغلاپ تەتقىق قىلغاندىن كېيىن، يول يۈرۈش سۈرئىتى تېزراق ياشانغانلارنىڭ ئۆمرىنىڭ ئۇزاق بولىدىغانلىقىنى بايقىدۇق. تەتقىقاتچىلارنىڭ قارىشىچە، يول يۈرۈش سۈرئىتى بۇنىڭدىن كېيىن بەلكىم ياشانغانلارنىڭ ساغلاملىقى ۋە ئۇزاق ئۆمۈر كۆرۈشىنى ئۆلچەشتىكى كۆرسەتكۈچ بولۇپ قېلىشى مۇمكىن. تەتقىقاتچىلار چۈشەندۈرۈپ مۇنداق دېدى: يول يۈرۈش جىسمانىي كۈچكە ئېھتىياجلىق، يۈرەك، ئۆپكە، قان ئايلىنىش سىستېمىسى، نېرۋا سىستېمىسى ۋە مۇسكۇل، سۆڭەك سىستېمىلىرىنىڭ ئۆزئارا ماسلىشىشىنى تەلەپ قىلىدۇ. يول يۈرۈش سۈرئىتىنىڭ ئاستىلىشى بەلكىم ئادەم تېنى ئىچىدىكى مەلۇم سىستېمىنىڭ ئاجىزلاشقانلىقىنى ئەكس ئەتتۈرىدۇ، شۇنىڭ بىلەن بىللە، يول يۈرۈش تېخىمۇ كۆپ جىسمانىي كۈچ ۋە ئىقتىدارنى سەرپ قىلىدۇ، بۇ بەلكىم ياشانغانلارنىڭ ئۆمرىنىڭ ئۇزاق – قىسقىلىقى بىلەن مۇناسىۋەتلىك بولۇشى مۇمكىن. بۇرۇننى ئۇۋۇلاپ بەرسە ، زۇكامنىڭ ئالدىنى ئالغىلى بولىدۇ مۇتەخەسسىسلەرنىڭ تونۇشتۇرىشىچە ، جۇڭيى تېبابىتىدە بۇرۇن نەپەسلىنىش يولىنىڭ سىرت بىلەن ئالاقىلىشىشىدىكى ئىشىك دەپ قارىلىدىكەن . ئىقتىدار جەھەتتىن ئېيتقاندا ، بۇرۇن ھەم نەپەسلىنىش يولىنىڭ كىرىش -چىقىش ئېغىزى ، ھەم كېسەل پەيدا قىلىدىغان مىكروب ، چاڭ - توزان قاتارلىقلار كىرىدىغان 1- مۇداپىئە سېپى بولغاچقا ، قىش پەسلىدە بۇرۇن ساغلاملىقى ، بۇرۇننى قوغداش ئىنتايىن مۇھىم ھېسابلىنىدىكەن . ئۇۋۇلاش ئۇسۇلى ئارقىلىق شىللىق پەردىنىڭ ئاجرالما ئاجرىتىش ئىقتىدارىنى ئاشۇرۇپ ، بۇرۇن بوشلۇقىنىڭ نەملىكىنى ساقلىسا ، نەپەسنى راۋانلاشتۇرۇپ ۋە بۇرۇن ياللۇغىنى داۋالاپ ، زۇكامنىڭ ئالدىنى ئېلىش رولىنى ئوينايدىكەن . كونكېرت قىلىپ ئېيتقاندا ، بۇرۇننىڭ ئىككى يېنىدىكى پەللىنى ئۇۋۇلاشنى ئاساس قىلىدىكەن . بۇرۇننى ئىككى تەرەپتىن ئۇۋۇلاپ بەرگەندە ئوكسېگىننىڭ سۈمۈرۈلۈشى ۋە قان ئايلىنىشىنى راۋانلاشتۇرغىلى ، باكتېرىيەگە قارشى ئىممۇنىتېت كۈچىنى ئاشۇرغىلى بولىدىكەن . ئىككى قولنىڭ كۆرسەتكۈچ بارمىقى بىلەن بىر ۋاقىتتا بۇرۇننىڭ ئىككى تەرىپىدىكى پەللىنى بېسىپ ، سائەت ئىستىرېلكىسىنىڭ ئايلىنىش يۆنىلىشىگە قارشى ۋە ئوخشاش يۆنىلىشتە ئايرىم-ئايرىم ھالدا 10 قېتىم ئايلاندۇرسا بولىدىكەن . شىنجاڭ گىزىتىدىن ئىلىندى

شىرئەلى

	سىز مەخسۇس ساغلاملىقتىن مەسلىھەت بېرىدىكەنسىزدە ... قولىڭىزغا دەرت كەلمىسۇن ...!