ئەبەينى دوراپ قويدۇم

سۇمۇرۇغ

	شۇنداق قىلىپ ئۇتتۇرۋەتتىم-دە، نېمە يېزىش ھەققىدە ئۇيان ئويلاپ بۇيان ئويلاپ ھېچنىمىنى تاپالماي يۈرسەم، يالغۇز يۈرىۋەر، خەق سېنى بىر نەرسە دېمىگەندىكىن دەيدۇ. خەق بىر نەرسە دېمىگەن بىلەن بىر نەرسە يەيدۇ-دە ، دېسەم، يىيىشكە تىگىشلىك نەرسىنى يە، جىق يىسەڭ ئاشقازاننى بۇزىدۇ،دەيدۇ، بۇزۇلغان ھاۋادا سەيلە قىلىش ئادەمگە خوشياقمايدىكەن، خوشياققان بولسا مومىيانى تەكلىماكانغا كۈمۈپ قوياتتىم، دەپ ئويلاپ تۇرپانغا بارسام قۇم قىزىماپتۇ. قىزىغان تونۇرغا ياقىدىغان نەرسە تۇرسا نان دېگەن، دەيدۇ، مەن دېدىم: ناننى چايغا چىللاپ يىگەندىن سوغۇق سۇغا چىللاپ يىسە بەكرەك تەملىك بولامدىكىن. ئەمما تەمى يوق گەپنى قىلغاندىن قىلمىغان ياخشىراق، دېسەم، مومىيا ياخشى بولساڭ ئۆزۈڭگە، كىم سېنى ياخشىراق كىيىنىپ كەلمىسۇن دەپتۇ، دەيدۇ، كەلمىگەن تەلەيدە ئاناڭنىڭ ھەققى بارمۇ دەپ، نوسەندىگە دېيەلمىگەن گېپىڭنى خاتىرەڭگە يېزىپ قوي، دېسەم، قوينى باقماق ئاسان، ئەمما ئۆچكىلەر يامان قاچىدۇ، دەيدۇ، قاچقاننى قوغلاپ تۇت، ئەمما مايلامچىنىڭ ئايىغىنى مايلىما، دېسەم، مايلىشىپ كەتكەن قولنى يۇيماي تۇرۇپ بىر ئىش قىلغىلى بولمايدۇ، ئەمما، ھاكاۋۇر بار يەردە بېشىڭنى كۆتۈرمە، دەيدۇ، كۆتۈرسەڭ كۆتۈر قولۇڭنى، تەسلىم بولۇپ باردىغىنىڭ تۈرمە شۇ، دېدىم، شۇ يەردىن ماڭغانچە ئۇدۇل دۆڭكۈۋرۈككە كەلسەم ۋېنىرانىڭ ئىشەك ھارۋىسىنىڭ يېلى چىقىپ كېتىپتۇ.  چاقنى يەملەمدۇق؟ دېسەم، يەم دىگەننى كالىغا جىقراق، قويغا ئازراق بېرىسىز، كالىنىڭ قويدىن يوغان تۇرغىنىنى كۆرمىدىڭىزما؟ دەيدۇ، ھەي، ماڭا قاراڭ، مەن كۆرمىگەننى كۆردۈم دېمەيمەن، شۇنچە چوڭ مەيداندا پۇتبۇل ئوينىماي تانسا ئوينايمەن دىگەن قانداق گەپ ئۇ؟ دېسەم، ئۇ دىگەن مومىيا، نەچچە مىڭ يىلدىن بويان ئادەم بولىمەن دەپ بولالمايۋاتقان قاق تۇرسا، دەيدۇ، 365 كۈن قاق يەپ ئۆتكىلى بولمايدۇ، ئارىلاپ باشقا تاماقلارنىمۇ ئەتمەمسىز؟ دېسەم، چاپاننىڭ تۈگمىسىنى ئەتمىسىڭىز قانداق كىيىسىز شامالدا؟ يە بۇ شامالنى چاپانغا يۆگەپ قويغىلى بولمىسا، دەيدۇ، بولمىسا بوپتۇ، بۈگۈن يازمىسىڭىز ئەتە يازارسىز... دېسەم، يازمىغاننى ئاشۇ بوۋاي بوش قويۋېتەرما؟ دەيدۇ، ئىتنى قويۋەتسىڭىز ئادەم چىشلەيدۇ، شۇڭا چىشىڭىزنى ياخشى بىلەپ قېزىنى جىقراق يەڭ، دېسەم، يەڭسەك يېڭىلسەك بەرىبىر، بىراق يەڭگەن ئادەم يىڭىلگەن ئادەمدىن بەكرەك خوشال بوپ كېتىدىكەن، دەيدۇ. كېتىدىغانلار كەتكەچ تۇرسۇن، بىز يەپ ماڭىمىز. دېدىم. ئويلاپ باقسام ئىگىز ئادەمنىڭ بويى پاكار ئادەمنىڭ بويىدىن سەل ئىگىز كۆرۈندىكەن. مەن ئادەتتە كېچىسى ئۇخلىغان چاغدا كۈندۈزلىرى ئۇخلىمىغان ۋاقتىمدىكىدىن بەكرەك جىق چۈش كۆرىمەن. ئەمما ئەزەلدىن ئاچچىق نەرسە يەپ قالسام ئاغزىمنىڭ تاتلىق بولۇپ قالغىنىنى ھېس قىلمىدىم. شۇنداق بولسىمۇ سىلەرگە شۇنى دەپ قوياي، ھەرگىز كۈلمەيدىغان ئىشقا كۈلۈپ سالماڭلار، تاماق يىگەندە چىشىڭلارنى ئاسرىدىم دەپ ئاچ قالماڭلار. ئىشىكنى ئاچساڭلار ئېچىڭلار، قايتقاندا تاقاشنى ئۇنتۇپ قالماڭلار. ئوغرى ئۇچراپ قالسا پورتىمالنىڭ نەدىلىكىنى دەپ بەرمەڭلار. شۇنداق قىلىپ باغچىغا كېلىپ قالدىم، باغچىدا گۈلدار چوكان گۈلچى قىزنىڭ گۈلى جىقكەن، ئەمما دىلكەش مومايغا گۈل بەرمەيدىكەن. زۇننارە دوپپا تىكسە ئارغامچىنى ئوقياغا ئۆتكۈزۈپ تىكىدىكەن، ئۇزنارنىڭ چېچى ئۇزۇنتىكەن، تۈنۈگۈن رېستۇراندا چېچىنى چۈشۈرۋېتىپتۇ. مەرگەننىڭ تاپانچىسىنى چاشقان ئوغۇرلىۋاپتىكەن، چاشقاننىڭ ئۈستىدىن سوتقا ئەرىز قىپتۇدەك. مومىيا ئالبىنىنى جىق يەۋېرىپتىكەن  چىشىنى دىنازاۋۇرلار يىگىلى تۇرۇپتۇ ھازىر. بوۋام دىبادا ئېرلاندىيە تاپ ئۇسۇلى ئويناپ قوشۇمچە كىرىم قىلدىكەن. نوسەندى بىر پەردازخانا ئېچىپتۇ، تاپاۋىتى ياخشىمىش. پەيزى چوڭ بازاردا تېلفۇن كارتىسى ساتىدىكەن، جىلۋە كالا سۈتىگە جىق سۇ ئارلاشتۇرۇپ قېتىق ئۇيۇتۇپ ساتىدىكەن. مايلامچى ساتراچلىق ئۆگىنۋېتىپتۇ، ئاياغ مايلىغاندىن چاچ مايلىغان ياخشىكەن دەيدۇ. يېشىل ياپراق مۇھىت ئاسىراشقا تۆھپە قوشىمەن دەپ ئۆيىنىڭ ئىچى تېشىغا كۆچەت تىكىۋېتىپتۇ. ئارسىلاننىڭ قىلدىغان ئىشى يوقكەن، ئانتاركىتاغا كېتىمەن دەپ يۈرگىدەك. بېلگە ئالىم بولىمەن دەپ مارىسقا بىلىم ئاشۇرۇشقا كېتىپتۇ، تۈنۈگۈن ئەلۋىدا دەپ خوشلاشتى مەن بىلەن. قارىسام ھەممىڭلار ئۆز ئىشىڭلار بىلەن ئالدىراشكەنسىلەر، مەنمۇ نېمە يېزىش ھەققىدە داۋاملىق ئويلىنىپ يۈرىۋېرەي.

buraqixi

	ماۋۇ بۇلىدىكەن .سۇمۇرۇغ تاققا-تۇققىدىن بىرىسى كۆپەيدى دەڭلا،بوپتۇ  بۇمۇ بوغىنى  قازامان،بۇنداق تاققا-تۇققا گەپلەرنى ئاڭلاپ باقمىغىلى، بولسا داۋاملىق تاققا-تۇققا لاردىن يوللاپ تۇرالا.

sayim

	ھە  بۇ  ياخشى  چىقىپتۇ

MiRul

	ھاھاھا، تازا كەپتۇ. ئەبەي تاققۇ-تۇققۇ سەھنىدە ئورۇنلاپ چىقسا بولغۇدەك...

nazila998

	ئەبەي تاققۇ - تۇققۇنىڭ نەۋرىسىمۇ يا ئەۋرىسىمۇ ؟ ياخشى يىزىلىپتۇ  ،

rustam205

	ياخشى چىقىپتۇ بۇ تاققا-تۇققا.

sayim

	ياكى  بۇ تىماڭلىنى ئەبەيكام  يىزىپ بەردىمۇ

SORINTO

	ما تاققا - تۇققا تىما ، ئا نۇرمال تىمىدىن سەەەەل تاققۇ - تۇققىدەك بىلىندى ماڭا .

ap~qilam

	تازا ئېسىل بوپتۇ ،لېكىن باشلىنىش قىسىمىنى ياخشى باشلىيالماپسىلەر ، ئەمما زە  راۋاجنىڭ ئېسىللىكىدە گەپ يوق ، ئىجادىيىتىڭلارغا بەرىكەت تىلەيمەن