غۇلجىدا «خەلقئارا ئانا تىل كۈنى»گە سوۋغات

elqut

	«خەلقئارا ئانا تىل كۈنى»گە سوۋغات دۇنيا خەلقىگە نىسبەتەن ئېيتقاندا تىلنىڭ كۆپ خىللىقى ۋە مەدەنىيەتنىڭ كۆپ خىللىقى دۇنيانىڭ ئىناقلىقى ۋە ئۇيۇشۇش كۈچىنى ئاشۇرۇشتا مۇھىم ئەھمىيەتكە ئىگە. دۇنيادىكى تىللارنىڭ كۆپ خىللىقىنىڭ ئەۋزەللىكىنى نامايان قىلىش ئۈچۈن، ب د ت مائارىپ پەن مەدەنىيەت كومىتېتى 1999-يىلى 11-ئايدا قارار ماقۇللاپ، 2000-يىلىدىن باشلاپ ھەر يىلى 2-ئاينىڭ 21-كۈنىنى «خەلقئارا ئانا تىل كۈنى» قىلىپ تەبرىكلەشنى بېكىتتى. شۇنىڭدىن كېيىن ھەر يىلى مۇشۇ كۈندە دۇنيانىڭ ھەر قايسى جايلىرىدىكى خەلق ھەر خىل پائالىيەتلەرنى قانات يايدۇرۇپ، تىلنىڭ كۆپ خىللىقىنى ۋە مەدەنىيەتنىڭ كۆپ خىللىقىنى ئىلگىرى سۈرۈش ھەمدە كۆپ خىل تىللىق مائارىپنى ئىلگىرى سۈرۈشكە ئاۋاز قوشماقتا. ب د ت نىڭ بۇنداق بىر كۈننى بېكىتىشىدىكى ئاخىرقى نىشانى: چۈشىنىش، يول قويۇش ۋە ئۆز-ئارا دىئالوگ ئاساسىدا كىشىلەرنىڭ تىل ئەنئەنىسى ۋە مەدەنىيەت ئەنئەنىسىگە بولغان تونۇشىنى چوڭقۇرلاشتۇرۇشقا ياردەم بېرىشتۇر. كەڭ خەلقىمىزنى ئېلىم مەرىپەتكە باشلاپ، تۈرلۈك قىممەتلىك كىتابلار ۋە بىلىم مەنبەلىرى بىلەن تەمىنلەپ كېلىۋاتقان، شۇنداقلا كىتاپخۇمار زىيالىلار توپلاشقان،غۇلجا شەھرىنىڭ ئاۋات رەستىلىرىدىن بولغان ئېلى بەيتۈللا مەدرىسى ئەتراپىدىكى  ئىسلام جەمئىيىتى بىناسى1- قەۋىتىگە جايلاشقان «ئەلچۈن»كىتابخانىسى 14- قېتىملىق خەلقئارا ئانا تىل خاتىرە كۈنى مۇناسىۋىتى بىلەن ئۇيغۇر ئېلىپبە ئوقۇشلۇقىنى ھەقسىز تارقىتىش پائالىيىتى ئېلىپ بارماقچى. كۆپچىلىكنىڭ خەۋەردار بولىشىنى ۋە ئۆز ـ ئارا خەۋەر قىلىشىنى ئۈمىد قىلىمىز. پائالىيەت ئورنى : غۇلجا «ئەلچۈن» كىتابخانىسى غۇلجا شەھرى ئىسلام جەمئىيىتى بىناسىنىڭ بىرىنچى قەۋىتى( 10- ئاھالىلەر ئولتۇراق رايۇنىنىڭ ئۇدۇلى.) ئەلچۈن كىتابخانىسى كەڭ خەلق ئاممىسىنى  بۇ كۈننى ئۆز ئائىلىسىدە تۆۋەندىكىدەك  پائالىيەتلەر بىلەن خاتىرىلەشنى تەشەببۇس قىلىدۇ. 1.      ئانا تىلىدىكى كىتابلارنى سېتىۋىلىپ پەرزەتلىرىگە ۋە دوستلارغا سوغا قىلىش. 2.      ئانا تىل مەدھىيىلەنگەن شېئىر ، نەسىر ۋە ئەسەرلەرنى پەرزەنتلىرىگە ئوقۇپ بېرىش. 3.      ئانا تىلدا ئۆز ئارا سالام يوللاش. 4.      ئانا تىل ئۈچۈن كۈچ چىقارغان ئالىم ۋە داڭلىق شەخىسلەرنىڭ ئىش ئىزلىرىنى سۆزلەش ئۆز - ئارا يەتكۈزۈش. 5.      ئىلىم بەرگەن ئۇستازلارنى يوقلاش. پائالىيەت ۋاقتى: 2013- يىلى 2- ئاينىڭ 21- كۈنىدىن 24- كۈنىگىچە.

Dautjan

	پائالىيەتنىڭ  ئوڭۇشلۇق  ھەم  غەلبىلىك  بولۇشىغا  تىلەكتاشمىز  !

edirlik

	پائالىيەت غەلبىلىك بولغاي !!!!!!

kaxkarlek

	شۇنداق زور ئەھمىيەتكە ئىگە ئىش بولغۇدەك ئەمسە...

kaxkarlek

	شۇنداق زور ئەھمىيەتكە ئىگە ئىش بولغۇدەك ئەمسە...

YAZR

	21-چىسلا  دوس يارەنلەر ئۆز ئارا  تېلفۇن ياكى كومپىيوتىردا ئۇچۇر  يوللاشقاندا    چۇقۇم  سا پ ئۇيغۇر تىلى بىلەن  خەت يىزىشىنى  تەۋسىيە قىلىمەن ،  مەيلى كونا يىزىق بولسۇن مەيلى يېڭى يىزىق ياكى پىنيىن بولسۇن   ئۇيغۇرچە  ھارماي بىر ئۇچۇرلىشىپ بېقىڭلار،بۇنداق قىلىش ئۆزئارا  دىلغا خۇشلۇق بېغىشلىيالايدۇ ھەم بۇنىڭدىن كىيىن شۇنداق قىلىدىغان بولىدۇ

alwasti1

	YAZR يوللىغان ۋاقتى  2013-2-15 05:36 PM 21-چىسلا  دوس يارەنلەر ئۆز ئارا  تېلفۇن ياكى كومپىيوتىرد ... كۈندە شۇنداق قىلايلى.

abaytarim

	قالتىس سۆيۈندۈم بۇ پائالىيەتنى ئاڭلاپ .

YAZR

	alwasti1 يوللىغان ۋاقتى  2013-2-15 05:47 PM كۈندە شۇنداق قىلايلى. سىز بىزغۇ كۈندە شۇنداق قىلامىز ، يۇقارقىلارنى  ئۇمۇمىيەتنى كۆزدە تۇتۇپ شۇنداق دەۋاتىمەنغۇ ،  21- چىسلا بۇ توغىرسىدا ئېنىق كۆپلىگەن تەشۋىقاتلار بولىدۇ، شۇڭا باشقىچە بىر دولقۇن ۋە كەيپىيات بارلىققا كىلىشى مۈمكىن ، شۇڭا شۇ پۇرسەتتە  بۇززۇۋانلارنى ئازايتىش ئۈچۈن جىقراق كۈچەيلى دىمەكچى. كۈندە شۇنداق قىپ بولالمايدىغانلار  شۇ كۈنى ئازراق مەززە قىلىپ باقمىسۇنمۇ ، تېتىپ قالسا ئۇنىڭدىن كىيىن داۋاملىق ساپ سۆزلىشىدىغان بولىدۇ

alwasti1

	YAZR يوللىغان ۋاقتى  2013-2-15 05:51 PM سىز بىزغۇ كۈندە شۇنداق قىلامىز ، يۇقارقىلارنى  ئۇمۇمى ... توغرا دېدىڭىز.