ساغلاملىق مەسلەھەتچىسى(19-قىسىم )

sawapkar

	ھاۋا تۇراقسىز چاغلاردا بەدىنىڭىزنى ئىسسىق تۇتۇڭ كۈز پەسلى بىلەن قىش پەسلى ئالمىشىدىغان مەزگىلدە ھاۋا تېمپېراتۇرىسى تۇراقسىز بولۇپ ، بۇ مەزگىلدە بەدەننىڭ مۇھىم قىسىملىرىنى ئىسسىق تۇتۇش كېرەك . مۇتەخەسسىسلەر مۇنداق دەيدۇ : ئادەتتىكى ۋاقىتلاردا كىشلەر باش ، مۈرە ، قورساق ، پۇت ، تىز بوغۇمى قاتارلىق ئورۇنلارنى ئىسسىق تۇتۇش كېرەك ، بولۇپمۇ پەسىل ئالمىشىدىغان ۋاقىتتا تېمپېراتۇرىنىڭ ئۆزگىرىشى تۇراقسىز بولۇپ ، بۇ ۋاقىتتا تېخىمۇ بەك دىققەت قىلىش كېرەك . كۈز ، قىش پەسىللىرىدە سەھەردە چاچ يۇيۇش مۇۋاپىق ئەمەس ؛ مۈرە بوغۇمى بىلەن ئەتراپتىكى تەشكىلىي بوغۇملار بىر ئاز ئاجىز بولۇپ، تېمېپراتۇرا تۆۋەنلىگەندە ، مۈرە ئەتراپى ياللۇغى كۆپ قوزغىلىدۇ ، شۇڭا مۈرىنى ئىسسىق تۇتۇش كېرەك ؛ ئاشقازان ، ئۈچەي كېسىلى بار ئاغرىقلار قورساق قىسمىنى ئىسسىق ساقلاشقا دىققەت قىلىپ ، كېسەللىكنىڭ قايتا قوزغىلىشىنىڭ ئالدىنى ئېلىش كېرەك . مۇتەخەسسىس مۇنداق دېدى : ‹‹ پۇت ئادەم بەدىنىنىڭ ھەر قايسى قىسىملىرىنىڭ يۈرەكتىن ئەڭ يىراق قىسمى بولغاچقا ، پۇت مۇزلىسا ، پۈتۈن بەدەن مۇزلاپ كېتىدۇ . بۇلۇپمۇ ۋاقىت ئۇزارغانسېرى ئاستا خاراكتېرلىك رېماتىزملىق بوغۇم ياللۇغى پەيدا قىلىدۇ . ئوزۇقلۇق ۋە سالامەتلىك 20 – ئەسىردىكى مەشھۇر دوكتورج. ۋىليامۇسنىڭ تەتقىقات دوكلاتىدا كۆرسىتىلىشىچە، نۇرغۇن كېسەل، ئاساسلىقى، ئوزۇقلۇق يېتىشمەسلىك ۋە توكسىنلارنىڭ يىغىلىپ قېلىشىدىن پەيدا بولىدىكەن. بەزىلەر ماددىي تۇرمۇشىمىز باياشات بولۇۋاتقان بۈگۈنكى كۈندىمۇ، بەدىنىمىز ئېھتىياجلىق ئوزۇقلۇقلارغا ئېرىشەلمەي قالارمۇ، دېيىشى مۇمكىن، ئەمەلىيەتتە، دەل مۇشۇ باياشاتلىق بىزنى بىر مەيدان ئوزۇقلۇق كىرىزىسىگە سۆرەپ كىرمەكتە. كىشىلەر بەدىنىمىز نېمىگە ئېھتىياجلىق، قانچىلىك ئېھتىياجلىق، نېمىلەرنى يېيىش، قانداق يېيىش، نېمىلەرنى يېمەسلىك كېرەكلىكىنى ئانچە بىلىپ كەتمەيدۇ. بۇنىڭ بىلەن ئوزۇقلۇق يېتىشمەسلىك ياكى ئېشىپ كېتىش كېلىپ چىقىدۇ، بۇنداق ھالەت ئۇزاق داۋاملاشسا، ئادەم كېسەلگە ئاسانلا مۇپتىلا بولىدۇ. بۇرۇننى ئۇۋۇلاپ بەرسە ، زۇكامنىڭ ئالدىنى ئالغىلى بولىدۇ مۇتەخەسسىسلەرنىڭ تونۇشتۇرىشىچە ، جۇڭيى تېبابىتىدە بۇرۇن نەپەسلىنىش يولىنىڭ سىرت بىلەن ئالاقىلىشىشىدىكى ئىشىك دەپ قارىلىدىكەن . ئىقتىدار جەھەتتىن ئېيتقاندا ، بۇرۇن ھەم نەپەسلىنىش يولىنىڭ كىرىش -چىقىش ئېغىزى ، ھەم كېسەل پەيدا قىلىدىغان مىكروب ، چاڭ - توزان قاتارلىقلار كىرىدىغان 1- مۇداپىئە سېپى بولغاچقا ، قىش پەسلىدە بۇرۇن ساغلاملىقى ، بۇرۇننى قوغداش ئىنتايىن مۇھىم ھېسابلىنىدىكەن . ئۇۋۇلاش ئۇسۇلى ئارقىلىق شىللىق پەردىنىڭ ئاجرالما ئاجرىتىش ئىقتىدارىنى ئاشۇرۇپ ، بۇرۇن بوشلۇقىنىڭ نەملىكىنى ساقلىسا ، نەپەسنى راۋانلاشتۇرۇپ ۋە بۇرۇن ياللۇغىنى داۋالاپ ، زۇكامنىڭ ئالدىنى ئېلىش رولىنى ئوينايدىكەن . كونكېرت قىلىپ ئېيتقاندا ، بۇرۇننىڭ ئىككى يېنىدىكى پەللىنى ئۇۋۇلاشنى ئاساس قىلىدىكەن . بۇرۇننى ئىككى تەرەپتىن ئۇۋۇلاپ بەرگەندە ئوكسېگىننىڭ سۈمۈرۈلۈشى ۋە قان ئايلىنىشىنى راۋانلاشتۇرغىلى ، باكتېرىيەگە قارشى ئىممۇنىتېت كۈچىنى ئاشۇرغىلى بولىدىكەن . ئىككى قولنىڭ كۆرسەتكۈچ بارمىقى بىلەن بىر ۋاقىتتا بۇرۇننىڭ ئىككى تەرىپىدىكى پەللىنى بېسىپ ، سائەت ئىستىرېلكىسىنىڭ ئايلىنىش يۆنىلىشىگە قارشى ۋە ئوخشاش يۆنىلىشتە ئايرىم-ئايرىم ھالدا 10 قېتىم ئايلاندۇرسا بولىدىكەن . ئاڭلاش ئىقتىدارىڭىز تۆۋەنلەپ كەتسە ، يوپۇرماق كىسلاتاسى تولۇقلاڭ ئادەمنىڭ يېشىنىڭ چوڭىيىشىغا ئەگىشىپ ، ئاڭلاش ئىقتىدارى تەدرىجى تۆۋەنلەيدۇ . بىراق ئامېرىكىنىڭ ‹‹ بۈگۈنكى مېدىتسىنا››تور بېكىتىدە خەۋەر قىلىنىشچە ، ياشانغانلارنىڭ ئاڭلاش ئىقتىدارىنىڭ تۆۋەنلەپ كېتىشى قاندىكى يوپۇرماق كىسلاتاسى بىلەن مۇناسىۋەتلىك ئىكەن . تەتقىقاتچىلار 60 ياشتىن يۇقىرى 126 ساغلام كىشىنى يىغىپ ، ئۇلارنىڭ قېنىدىكى مىكرو ئېلېمېنتلارنى ، شۇنداقلا ئۇلارنىڭ ئاڭلاش ئىقتىدارى تەكشۈرگەن ، نەتىجىدە يوپۇرماق كىسلاتاسى قانچە تۆۋەن بولغان كىشلەرنىڭ يۇقىرى چاستوتىلىق ئاۋازلارغا بولغان سەزگۈسىنىڭ شۇنچە تۆۋەن بولىدىغانلىقىنى بايقىغان . يوپۇرماق كىسلاتاسىنىڭ ئاڭلاش ئىقتىدارى بىلەن بولغان مۇناسىۋىتى ناھايتى زىچ . ‹‹ قۇلاق ، بۇرۇن ، كېكىردەك كېسەللىكلىرى بۆلۈمى ، بويۇن تاشقى كېسەللىكلىرى بۆلۈمى›› ژۇرنىلىدا ئېلان قىلىنغان بۇ تەتقىقات نەتىجىسى شۇنى كۆرسىتىپ بەردىكى ، گەرچە ياشانغانلارنىڭ ئاڭلاش ئىقتىدارىنى تۆۋەن بولۇشى كۆپ ئۇچرىسىمۇ ھەم ئۇنىڭدىكى سەۋەب ئېنىق بولمىسىمۇ ، بىراق بۇ تەتقىقات نەتىجىسىدىن ئىسپاتلىنىشچە ، ياش بىلەن مۇناسىۋەتلىك بولغان ئاڭلاش ئىقتىدارىنىڭ ئاجىزلىشىشى مىكرو ئېلېمېنتلارنىڭ كەمچىل بولۇشى بىلەن مۇناسىۋەتلىك ئىكەن . ئاڭلاش ئىقتىدارى تۆۋەنلەپ كەتكەن ياشانغانلار مۇۋاپىق مىقداردا يوپۇرماق كىسلاتاسى تولۇقلىسا بولىدىكەن ياكى يوپۇرماق كىسلاتاسى مول بولغان يېمەكلىكلەرنى يېسە بولىدىكەن ، مەسلەن ، كۆكتات ، يېڭى مېۋە-چىۋە دېگەندەك . شىنجاڭ گىزىتىدىن ئىلىندى

alenur

	بىلىۋالدىم رەھمەت سىزگە

TORGONJAN

	ياخشى گەپ بوپتۇ

abaytarim

	ساغلام تەندە ساپ ئەقىل ، ياخشى مەسلىھەتلەركەن .

QQtulpar

	.

QQtulpar

	.

QQtulpar

	.

QQtulpar

	.

QQtulpar

	.

QQtulpar

	.