غۇلجىدىن win8 ئالىدىغانلارغا ھەقسىز مۇلازىمەت قىلىمەن

ili~oghli

	ئەسسالامۇ-ئەلەيكۇم مىسرانىم مۇنبىرىدىكى قېرىنداشلىرىم. مىسرانىمدىن ئىبارەت كاتتا مۇنبەرگە بۇ تېمىنى يوللايمۇ-يوللىمايدۇ دەپ خېلى ئويلىشىپ ئاخىرى ئۇستازىم ئالىم ئەھەت ئەپەندىمنىڭ <ئۇيغۇر كومپيۇتېرچىلىقى>غا قېتىۋاتقان تۆھپىسىگە قاراپ، جىم تۇرغۇم كەلمەي،ۋىجدانىم قايناپ بۇ تېمىنى يوللىدىم.(ۋىجدانىمنىڭ نېمىشقا قاينىغىنىنى تۈۋەندە بىلىپ قالىسىز!) بۇنچىلىك ئۆزرەخالىق ئېيتىشىمدىن سەۋەب تېمامنىڭ بىر قاراشتىلا<يۇرتۋاز>لىق چەمبىرىكىگە كىرىپ قالغانلىقى. قېرىنداشلارنىڭ توغرا چۈشىنىشىنى يەنە بىر ئۆتۈنىمەن. ئالىم ئەھەد ئەپەندىم بلوگىدىكى <مەن نېمە ئويدا، سىلەر نېمە كويدا؟>دېگەن تېمىسىدا مۇنداق دېگەن:<- يەنە مۇھىم بىرسى ھەممە ئادەم ئورگان تور بېكىتىدىن ئۇيغۇرچە تىل بولىقىنى چۈشۈرۈپ قاچىلىسا، ئۇيغۇر تىل يېزىقىغا بولغان ئېھتىياجنى ۋە قىزغىنلىقنى ئېنىق بىلەلەيدۇ. بۇ Microsoft نىڭ باشقا مۇھىم مەھسۇلاتلىرىغىمۇ ئۇيغۇرچە تىل بولىقىنى كېڭەيتىشكە بەلگىلىك پايدىسى بولىدۇ. ئەگەر تور بېكىتىڭىز بولسا، ئازىراق ئېلان ئورنىدىن ۋاز كەچسىڭىزمۇ Windows 8 نى تەشۋىق قىلىپ قويۇڭ. مەن تېخى بارلىق ئۇيغۇرچە تور بېكەتلەردە Windows 8 توغرىسىدا بەس-بەستە تەشۋىقات بولامدىكىن دەپ ئويلاپتىمەن. گەرچە چۆچۈرىنى خام سانىغان بولساممۇ، ھازىرمۇ كېچىكمەيسىز، تور بېكىتىڭىزدە ھازىرغىچە ئۈزۈلدۈرمەي ئىشلىتىۋاتقان Microsoft نىڭ ئاشۇ كىچىككىنە eot تېخنىكىسىنىڭ يۈزىنى قىلىپ بولسىمۇ، 2-3 ئاي تەشۋىق قىلىپ قويۇڭ. سېتىۋېلىشنى خالايدىغانلار ئېتىبار مەزگىلىدىن پايدىلىنىپ سېتىۋالسۇن. ئىناۋەت كارتىسى سەۋەبىدىن سېتىۋالالمىغانلارغا ئىناۋەت كارتىسى بارلار ياردەملىشىپ ئېلىشىپ بەرسۇن. لېكىن ئىمكان بار پايدا ئېلىشنى مەقسەت قىلماڭ. چۈنكى دۇرۇس يۇمشاق دېتال سېتىۋالىمەن دەپ ئالدىڭىزغا كەلدى، بۇ ھەرگىزمۇ ئاسان ئەمەس. 250 يۈەن بەرسىمۇ 2 يۈەننى قايتۇرۇپ بېرىڭ. ئەجرىڭىزنى باشقا يەردىن تېپىڭ. بىرسىگە ياخشىلىق قىلسىڭىز، چوقۇم شۇ كىشى قايتۇرۇشى كېرەك دەيدىغان تامادا بولماڭ. ياخشىلىق ھامان ياخشىلىقتۇر، بەلكىم سىز ئويلاپ باقمىغان باشقا كىشىلەر تەرىپىدىن سىزگە قايتىشى مۇمكىن. ياكى بۇ دېگەن تىجارەت دېسىڭىز، دوللارچى تونۇشلىرىڭىزغا دەپ قويۇڭ. مۇشۇ قارا سوغۇقتىمۇ 100 دوللار ئالماشتۇرسا، ئاران نەچچە پۇڭ ياكى نەچچە موچەن پايدا ئالىمەن دەپ بانكىنىڭ ئالدىدا ئولتۇرىدۇ. ماۋۇ 40 دوللارلىق نەرسىنى ئېلىپ ساتىمەن دېسە گەپ يوق 1-2 دوللار پايدا ئالالايدۇ. ئۇلاردا دوللار چىقىم قىلالايدىغان نۇرغۇن كارتا بار. ئارتۇق ۋاقتىڭلار بولسا، باشقىلارنىڭ نەرسىسىنى بۇزىمەن دەپ يۈرمەي يېڭى نەرسىلەرنى ئۆگىنىڭلار، مەسىلەن: Windows 8 دۇكىنىغا ئەپ يېزىشنى مەشىق قىلىڭلار. شىركەت بولساڭلار Windows  دۇكىنىغا تىزىملىتىشقا ياردەملىشىمەن. شەخس بولۇپ ئەپ يېزىپ قالساڭلار Windows دىكى ئۇيغۇرسوفت دۇكىنىدا ئېلان قىلىپ سېتىۋالساڭلار بولىدۇ. تور بېكەتلىرىڭىزدە بىرنەچچە ئاي بولسىمۇ Windows 8 توغرىسىدا تەشۋىق قىلالامسىز-يوق؟ Microsoft بىزدىكى يۇمشاق دېتال قىزغىنلىقىنى بىر كۆرۈپ باقسۇن، قېنى مەرھەمەت.> ئالىم ئەھەد ئەپەندىمنى <ئۇيغۇرنىڭ پەخرى> دىيىشكە تامامەن ھەقلىقمىز. ئۇستازىمغا ھەر قېتىم تېلفۇن قىلغان ۋاقتىمدا  كۆزنەك سەككىزنىڭ ئالدىراشچلىقىدا يۈرگەن مۇئەللىم يەنە ۋاقت چىقىرىپ تېلېفۇننى ئېلىپ پەقىر بىلەن كۆرۈشىدۇ.  Windows 8 چىقىشتىن بۇرۇن پەقىرمۇ ئۇيغۇر كومپيۇتېر دۇنياسىدا  كاتتا بىر يېڭى بۆسۈش بولىدۇ دەپ ئويلىغان. دەرھەقىقەت، ئالدىنقى يىلى 12 ئايدا ئۈرۈمچىگە بارغىنىمدا <ئۇيغۇر سوفت >كومپيۇتېر شېركىتىگە بارغىنىمدا ئالىم ئەھەد مۇئەللىم يوقكەن. شېركەت خادىملىرىدىن ئاڭلىشىمچە ، Windows 8 چىقىپ 2 ئايغىچە ئۇيغۇرچە تىل بولىقىنى چۈشۈرۈپ ئىشلەتكەنلەر سانى 100،000 دىن ئاشقانىكەن. تۈنۈگۈن 2013-يىلى 2-ئاينىڭ 12-كۈنى غۇلجا شەھىرى قىزىل بايراق كومپيۇتېر شەھەرچىسىگە بېرىپ ، جىلۋە كومپيۇتېر مۇلازىمەت مەركىزىدىكى ئۇستىمىمدىن بۇ يەردە Windows 8 نىڭ ھەقىقىي نۇسخىسىدىن ئالغانلار بارمۇ؟دېسەم،  يوق دەيدۇ. كۆڭلۈم بەك يېرىم بولدى. ئۇيغۇر سوفت شېركىتىنىڭ ئىلگىرىكى مۇئاۋىن دېرىكتورى(ھازىرقى ئۆزخان كومپيۇتېر شېركىتى)نىڭ دېرىكتورى روزىمۇھەممەد ئەپەندىم ئاكامغا تېلفۇن قىلىپ، غۇلجىدىن قانچە ئادەم Windows 8 ئالدى دېسەم، سىزدىن باشقا يەنە بىر قىز ئالدى دەيدۇ. 2009-يىلى ئۇيغۇر سوفتنىڭ 2-قارارلىق تەربىيىلەش كۇرسىغا بارغىنىمدا، ئالىم ئەھەد مۇئەللىمنىڭ <-غۇلجىدا كومپيۇتېرچىلىق بەك تەرەققىي قىلغان ئوخشايدۇ، ئۇيغۇر سوفتنىڭ مەھسۇلاتىنى سېتىۋالغانلار يوق دىيەرلىك.> دېگىنىنىڭ مەنىسىگە ئەمدى يەتكەندەك قىلىمەن. يېشىۋىتىلگەن نۇسخىسىنى ئىشلىتىمىز، باھاسى چۈشىدۇ....سېتىۋىلىش ئۈچۈن مۇشۇنداق قىلىۋاتىدۇ.. ئۇيغۇرچىسىغا كۆنەلمەيدىكەنمىز.... بۇ گەپلەرنى بەك جىق  ئاڭلىدىم. Windows 8نىڭ ئۇيغۇرچىسى(ئۇيغۇرچە تىل بولىقى) نىڭ مەيدانغا كېلىشى ئاللاھنىڭ، بەندىلىرى ئارقىلىپ بىز ئۇيغۇرلارغا قىلغان كاتتا ئىنئامى، ئىنشائاللاھ. قانداق ئىشلارغا ئىشلىتىشىڭىز ئۆزىڭىزگە باغلىق. ئۇزۇن گەپنىڭ قىسقىسى ، غۇلجىنىڭ 8ناھىيە 1 شەھىرىدىكىلەرگە شۇنداق دەيمەنكى، ئەگەردە Windows 8 نىڭ ھەقىقىي نۇسخىسىنى سېتىۋالسىڭىز (248سوم) مەيلى غۇلجىنىڭ نەرىدە بولماڭ، ئۆيىڭىزگىچە ھەقسىز مۇلازىمەن قىلىمەن. كىرا ھەققى، تاماقلىرىم پەقىر ئۆزۈمدىن.   ئالاقىلىشىش تېلفۇن نومۇرۇم:  13679929948 ئادىرىسىم: خەنزۇ بازىرى يېڭى تېلفۇن بازىرىدىكى< ئۇتۇق تېلفۇن شەھەرچىسى>.

abdul915

	ئەمدى سېتىۋالماي، يېشىۋېتىلگەن نۇسخىسىغا قاراپ تۇرغانلار ئۆزىدىن كۆرسۇن، ھەقىقى نەشىرىنىڭ قەدرىنى ھەقىقى نەشىردىكىنى ئىشلەتكەنلەر بىلىدۇ، 248سومغا سېتىۋالسا شۇ پۇلغا ئەرزىگۈدەك نەتىجىگە ئېرىشەلەيدۇ، مەنمۇ بىر ئاي بۇرۇنلا سېتىۋالغان، 13قېتىم سىناپ ئالتە كۈن بۇرۇن قاچىلىۋالدىم، ئەسلى biosنىڭ دەرىجىسىنى ئۆستۈرۈپ قويساملا بولىدىغان گەپكەن، كومپىيۇتېرىمدىكى قاچىلانماسلىقنىڭ سەۋەبىنىمۇ تاپتىم، ۋىندوۋس8نى قاچىلاپ، ياماقلىرىنى ياماپ، ئۇيغۇرچىلاشتۇرۇپ ئىشلىتىۋاتىمەن، ئۇيغۇرچىغا كۆنەلمەيدىغان ياكى ئۇنداق مۇنداق ئىشلار يوق، شۇنداق ساز كېتىۋاتىدۇ، ئىدارىدىكى بىر خەنزۇ قىزغىمۇ ئېلىپ قاچىلاپ بەردىم، شۇنداق خۇش بولۇپ ئىشلىتىۋاتىدۇ، بۇ سېستىمىنىڭ موقۇملۇقى شۇنداق ياخشى، قېتىۋالىدىغان ئىشمۇ يوق، قوزغىتىش كۇنۇپكىسىنى بېسىپ بولغۇچە قوزغىلىپ بولىدۇ، مېنىڭ كومپىيۇتېرىم تەخمىنەن 15سېكۇنتتا تولۇق قوزغىلىۋاتىدۇ، مىكروسوفىت شىركىتى ۋىندوۋس9غابارغاندا كومپىيۇتېرنىڭ قوزغىتىش كۇنۇپكىسىنى بېسىپ بولغۇچە قوزغىلىپ بولىدىغان قىلىپ ياساپ چىقارمىش دەپ ئاڭلىغان، ۋىندوۋس8نىڭ ھەقىقى نەشىرىدىكىنىڭ قوزغىلىش سۈرئىتىگە قاراپ بۇ گەپنىڭ رىئاللىققا ئايلىنىشىغا ئىشىنىپ قالدىم... مەيلى غۇلجا، مەيلى قەشقەر، مەيلى خوتەنلىكلەر بولسۇن ئازىراق پۇلغا چىداپ ھەقىقى نەشىرىدىكىنى سېتىۋېلىڭلار، ھەقىقەتەن پۇل خەشلەشكە ئەرزىيدىكەن بۇ سېستىما....

tatti-patti

	غۇلجىدىكى يىڭى تىلفۇن بازىرى قەيەردە ؟خەنزۇ بازىرىدىكى سۇپۇرگىچى بۇۋاينىڭ كەيندىكى تىلفۇنچى بالا سىز ئەمەستۇ،،،؟؟

abdul915

	tatti-patti يوللىغان ۋاقتى  2013-2-13 11:36 PM غۇلجىدىكى يىڭى تىلفۇن بازىرى قەيەردە ؟خەنزۇ بازىرىدىك ... ھېلىقى ساقچىخانىنىڭ ئالدىدىكى سۈپۈرگىچى بوۋاينى دەمسىز يا؟؟؟

tatti-patti

	abdul915 يوللىغان ۋاقتى  2013-2-13 11:37 PM ھېلىقى ساقچىخانىنىڭ ئالدىدىكى سۈپۈرگىچى بوۋاينى دەم ... شۇ،،،شۇ ،،شۇ يەردە تىلفۇن ساتدىغان دۇكانلار بار غۇ؟؟

blackrose

	مەن ئىزدەي...........

YAZR

	مەنمۇ كۆزنەك 8 نى  ئىشلىتۋاتقىلى  2 ئايدەك بولدى ، ئېغىر تەۋسىيە قىلىمەن

h.n.uyghur

	خەنزۇ بازىنىڭ باشقا ئسمى يوقما ..بۇرۇن قەشقەردىمۇ  ئاشۇنداق دەيدىغان بىر يەر بارتى ئازىر ئۇنى ئوي بازار دەيدۇ !!!!  ئامال بولسا ئىزدىنىپ باقسىڭىز ..

hayran2222

	يارايسىز .

mator

	مەنمۇ بىرنى سېتىۋالدىم شۇنداق پەيزىكەن ، بىراق ئۆزۈم قاچىلايمەن دەپ قىل قالدىم كومپىيوتىرنى بۇزۇپلا ئولتۇرغىنى شۇڭا  قۇچقاچ بولسىمۇ قاسساپ سويسۇن ،  ئانا تىل يېزىقىمىز ئۈچۈن بولسىمۇ ئازراق كۈچ چىقىرىپ قويۇڭلار ، كومپىيوتىرىڭلار شۇنداق ئېسىل بولۇپ قالىدىكەن ، ئىقتىدارلىرىمۇ شۇنداق ئېسىل دەڭلار .... 248يۈەن دىگەنگە بىرەر قۇر چاپانمۇ كەلمەيدىغان بولۇپ كەتتىغۇ ھازىر ...