قاغىلىق ناھىيىمىزنىڭ تىل-ئەدەبىيات ئىشلىرى ،ئوقۇ-ئوقۇتۇش جەھەتتە ئەڭ ئالدىنقى قاتاردا كۆزگە كۆرۈنگەن ،قاغىلىق ناھىيىلىك مىللى تولۇق ئوتتۇرا مەكتەپنىڭ تىل-ئەدەبىيات ئوقۇتقۇچىلىرىنىڭ باشلامچى سەركىسى ،تىل –ئەدەبىيات ئىشلىرىغا زورتۆھپە قوشۇۋاتقان، ياش نوتىلارنى ئۈن-تۈنسىز يىتىشتۈرۈپ تەربىيلەۋاتقان .مائارىپ ساھەسىدە توختاۋسىز ئىزدىنىۋاتقان كۆيۈمچان ئۇستازىم،شائىر ۋارىسجان قاسىمنىڭ ۋەتەن دىگەن نەسىرىنى تورداشلارغا سۇندۇم.
ۋەتەن
ۋەتەن-ئەلمىساق ئۇپۇقتىن ئىچىلغان يول
قانلىق خىياللاردا نۇربىلەن ۋىجدان،
بىزتەقدىم قىلغۇچى ئەمەسمىزمىھمان.
ۋەتەن-ئانا،تەبىئەت پەرزەنىتلىرىنىڭ كۆڭۈل قىرغاقلىرىنى تۇتاشتۇرغۇچى ئالتۇن كۆۋرۈك،مۇقەددەس قىسمەت بۇرچىدا چاقناپ تۇرغۇچى يۇلتۇز.
قاراڭغۇ دىللارغا مۇھەببەتنىڭ جىلغىلىرىدا تەشنالىق شارابىغا چىلىنىپ قانسىراپ ياتقان تاڭلارنى سۆرەپ كىرگۈچى زىلتارنىڭ قاڭقىپ يۈرگەن يىگانە كۈچى.
ۋەتەن-ئادەم ئەلەيھىسالامنىڭ تۇنجى ئاياغ ئىزى،
ۋەتەن_ھەۋۋا ئانىنىڭ بۇزرۇكۋارچاڭقاشتىن بالقىغان نۇرانە جامالى.
ۋەتەن-خىزىرنىڭ ئىنسانلارغا مەڭگۈلۈك تەلپۈنۈش شارابىنى ئىچكۈزگەن چاغدىكى ئاھىدىن ئۈنۈپ چىققان گىگانىت سادا.
ۋەتەن-مەۋھۇم ماكاندىن زەيتۇن چىشلەپ كەلگەن كەپتەرنىڭ كۆزىدىن ئىقىپ چۈشكەن نۇر.
ۋەتەن-نوھ كىمىسى توپان بالاسىدا يول تاپالمىغاندا تۇنجى بولۇپ كۆرۈنگەن ئەزىم تەڭرى تىغىنىڭ قارلىق چوقىسى.
ۋەتەن-كائىنات ئوقىنى سىلكىۋەتكەن قۇدرەتلىك ئاۋاز.
ۋەتەن سۆيگۈسىنىڭ يىراق مەزگىزىدە نەپرەتلىك ئىلاھى مەشئىلى يىنىپ تۇرىدۇ،
ۋەتەن-بۇلۇتلار قاتلىمىدا چايقىلىپ ياتقان ئەگىم ئاينىڭ يىپەكتەك يۇمشاق ۋە يىنىڭ نۇرلىرى توقۇپ چىققان نازۇك مۇزىكا.
ۋەتەن-سۈمۈرۈشنىڭ پايانسىز بوشلۇقىدا چاڭقاپ تىتىرىگەن ئەزىمەتلەرنىڭ يۈرىكىدىن تامچىلىغان مەغرۇربەخىت.
ۋەتەن-نۇرنىڭ –نۇرغاتىيىلىشىدىن چاچراپ چىققان يالقۇننىڭ ئۆزگەۋدىسىنى يۈدۈپ يۈرگەن بۈيۈك سىماھىسى.
ۋەتەن-تەگسىز كۆزلەرنىگاھىدا تۈنەپ قالغان ئاق كىچە.
ۋەتەن-تۈن قوۋىقىدا ئۈزۈپ ئاققۇ كۆكسىدەك سۈبىھىنى چاقىرغۇچى جاراھەتلىك قۇياش.
ۋەتەن-ۋەتەن سۆيگۈسىنىڭ مېھرابىدا سامان يولىدەك سوزۇلغان چاقناق مىھرىنىڭ ئەزگۈ كۆكسىدىن ئىتىلىپ چىققان زەمزەملەر قاينايدۇ.
ۋەتەن-قىتىپ قالغان چۈش ئەمەس،بەلكى ئىنسانلارنى ئۇلۇغلۇقنىڭ ،ئۆزىنى تونۇشنىڭ يىگانە ئاتەش نىدا پەرۋىش قىلغۇچى ئاق روماللىق ئانا.
ۋەتەن-كۆك بۆرىنىڭ ئىزىدىن دولقۇنلاپ ئىقىپ چىققان ئۇپۇقتەك بىجىرىم چەكسىز يورۇقلۇق.
ۋەتەن-داغسىز سەلتەنەتنىڭ كۆزىگە قوزغۇن سا يىسىنى يۇشۇرغۇچىلاردىن شاھەنە قىساس ئىلىشنى بىلىدىغان يەكلەنمەس تارىخ.
ۋەتەن-نەپەسلەردىن ئارلىشىپ چىقىدىغان چەكسىز خۇشاللىق ۋە تۈگىمەس ناخشا.
ۋەتەن-ئۆزىنى –ئۆزى ياراتقۇچى چەكسىز ئىقىن.
ۋەتەن-ھىسابسىز ھارغىن جىددىيلىكتىن قۇتۇلغان يولۇچىلارنى كۈتىۋالىدىغان بىكەت.
ۋەتەن-مىللەتنىڭ تەقلىتسىز قەلبى.
ۋەتەن-بەدرەڭ ئوق زەربىسىدە ئاچچىق كىشنگەن تۇلپارنىڭ بەخىتلىك ئاۋازىدىكى ئەبەدىي چايقىلىپ تۇرىدىغان،مەڭگۈ تولمايدىغان بوشلۇق.
يالقۇنلۇق ھايات ۋە ئاچچىق كۈلپەتلەرقاينىمىدا ئۆزىنى چۈشەنگەن خەلق ،ھەكسىز روھى زىمىندا ئۇلۇغ سەجدىگاھ ۋەتەننى ياراتتى،ۋىجدان،نۇمۇس،غۇرۇر،جاسارەت،ئىجادكارلىق ۋەتەننىڭ ئىقبالىيەت مۇنبىرىگە نۇربەردى.
بىزيوقۇلۇشنىڭ شىددەتلىك قىرغاقلىرىدىن ھالقىپ ئۆتۈپ،مۇنەۋۋەرخەلق سۈپىتىدە ياشاپ كەلدۇق،ۋەتەن ئۈچۈن تۆكۈلگەن ياشلار تىكەنلىك سىم توساقلارنى كۆيدۈرۈپ تاشلايدۇ.
سۇمۇرغلارنىڭ تۇخۇمى قورىغان تەقدىردىمۇ –كىشىلەر ھوۋقۇش قانىتى ئاستىدا ئارام ئىلىشنى خالىمايدۇ،خەلق ۋەتەننىڭ كۆزىدە ئۈنگەن ،ئەبەدىي پەلەكتەك چايقىلىپ تۇرىدىغان.زەبەردسىت مىھرىگىياھ!
ئەگەر ۋەتەن ئۆتكۈر تەپەككۈر،ھەققانىيلىق ،ئادىمىگەرچىلىك ،سۇنماس ئىرادە بەرمىگەن بولسا غايىۋى سىلجىشلار داۋامىدا ئابىدىلەر ئورنىدا قاقشال سۆگەت قالغان بولاتتى.
ئەگەر ۋەتەن رىشتى تاتلىق ئازلچلارنى –تەقدىرقىلىچىنىڭ سوغۇق ھەيۋىلىرىگە تىزپۈكمەسلىك جاسارىتىنى ھۇجۇدىغا پۈتمىگەن بولسا ،مەھمۇد قەشقىرى چىڭگىل دالىلىرىنى ،تۈرۈك قەبىلىلىرىنى 15يىل كەزمىگەن،تىلشۇناسلىقنىڭ ئۇلۇغ قامۇسىنى يارىتىپ ،تىل دۇنياسىنىڭ يىڭى ئىرادىسىنى ئۆركەشلەتمىگەن ،بىزنى ئىپتىخارلىق دىڭىزىغا چۈمدۈرمىگەن ،يىراق باغداددىيارىدىن ئوغۇز سۈتى،زۇمرەت قەشقەرگە تەلپۈنمىگەن.ئەگەرتاڭلارجۇلالىسى ئانا تۇپراقنىڭ جەلىپكارسىماسىنى پۈركۈمىگەندە ئۇيغۇرلار ياۋرۇپا،ئەرەب دۇنياسىنى لەرزىگە سالغان يارقىن پەرزەنتى فارابى ساماۋى سىرلار قاينىمىدا پەلسەپە دىڭىزىنىڭ دولقۇنلىرىغا تىل بەرمىگەن،ھىكمەت كانلىرىدىن جاۋاھىرقىزىپ ،توم-توم كىتاپلارنى يازمىغان بولاتتى،ئەزگۈ پەزىلەتنىڭ ئۇلۇغۋارنىداسى،ھاياتلىقنىڭ ،ياشاشنىڭ كامالى.
شان-شەرىپى تىرىكلىكنىڭ ۋىجدانى تىرنىقى يۈرىكىنى تاتىلىمىغان بولسا،زامان چەمبىركىدىن ھالقىپ ،كىلەچەككە تىك باققان مۇتەپەككۇر شائىر،،يۈسۈپ خاس ھاجىپ ئەڭگۈشتەرقۇتاتنامىسىنى ئەۋلادلارغا قالدۇرمىغان،ئەلشىرنەۋائىي ،تەجەللى شىرىيەتنىڭ يۈكسەك چوققىسىدا نادىر تەپەككۇرنىڭ توزىماس چىچەكلىرىنى ئەبەدىيەت قولىغا تۇتقۇزمىغان بولاتتى.
قانلار،سادالار،دەۋرەشلەرنىڭ ھەممىسى دەردى كۆپ،قەدرى بۈيۈك جاپاكەش ئەزىزتۇپراق ئۈچۈندۇر،ئۆتمۈش ھەرىكەتجان ئەزىمەتلەرنىڭ ئارامگاھى ئەمەس.كەلگۈسىنىڭ سايىسى ئەمەس،مەممە مەدھىيە،ئۇلۇغلۇق،تىنىمسىز ئەمگەكلەر،ۋە ھەرىكەتلەر ئەۋلاتنى كۆكلەتكەن زىمىنغا چىرماشقان.ۋەتەننىڭ بىشىغا كۈن چۈشسە ،ياتلار تۆمۈرتاپانلىرىدا چەيلىسە«لەببەي تەخسىلىرىدە ئۇسۇل ئوينايدىغان»ھالاۋەتلىك كۈنلەردە ئۆزىنى پەردازلاپ «ۋەتەنپەرۋەر»بولىۋالىدىغان ،جەڭدە مۈكۈپ تۇرۇپ جان ساقلاپ ،جەڭدىن كىيىن ساۋۇت كىيىپ داۋراڭسىز ئەزىمەتلەرنىڭ ئۇچقۇر ئوقىدا يەرچىشلىگەن دۈشمەننىڭ گىلىنى سىقىپ باھادىرلىق ئوردىننى تەلەپ قىلىدىغان ساختا شۆھرەتنىڭ جۈپرەندە ،قوللىرى پەرزەنىتلىك شەرپىدىن مەڭگۈلۈك مەھرۇم.
ۋەتەن-ئىس تۈتەكلەرنىڭ سۈزۈك ئۆركەشلىرىدە ھىكمەت بەلۋاغلىرىدا سىلكىنىپ تۇرىدىغان پاسىبان نۇر،دەۋىركالىندارىنىڭ مۇبارەك يىلنامىسى ،ئۇپۇقلارسەلتەنىتىدە سېنى ئولتۇرغۇزدى....................
تاغلار يۈركىدە مۇستەھكەم سادا:
سازاڭدەك ئۆمىلەپ ياشاش ياكى پىرومىتدەك تىك تۇرۇپ ياشاش ئۆزئىلكىڭدە ،چەبدەس بولمىساڭ يول بارغانسىرى تارىيىپ ،نەپەس ئالىدىغان ھاۋامۇ قىچىپ كىتىدۇ.
جەڭگە سال ئەجدەرگە سال قاينام ئۆلۈم ،خىزمەت ئەمەس.
ئەڭ قىيىنغا ئەمرى قىل،بىرئازقىين مېھنەت ئەمەس.
سەن ئۈچۈن كۆرسەم جاپا،راھەت ماڭا كۈلپەت ئەمەس.
چۈنكى ھىچ نەرسە ماڭا سەندەك يىقىن ئۈلپەت ئەمەس.
شان -شەرەپ سەنسىز ۋۇجۇد كەلبىمگە كۈچ-قۇۋەت ئەمەس.
تۇتيادەك تۇپرىقىڭنى كۆزگە سۈرتەي،ئۆزۋەتەن.
سەنسىز ئادەم كورغا ئوخشاش ،سەن كۆرەرگە كۆزۋەتەن.
قەدرى بىرتۈپ يانتىقىڭ مىڭ يىل يازارغا سۆزۋەتەن.
شايىدىن كىمغاپتىن ئارتۇق سەندە كىيسەم بوزۋەتەن.
لاي سۈيۈڭنىڭ ئالدىدا كەۋسەرماڭا شەربەت ئەمەس.
ئىززىتىم شۇ ئۆسسە دۇنيادا ۋەتەننىڭ ئىززىتى.
سەن ئەگەرچەكسەڭ ئەلەم زىممەمدە مەسئۇلىيىتى.
بۇنچىلىك ھىس يوق ئىكەن،ئارتۇق ماڭا «ئادەم»ئىتى.
كىمكى ھۈرمەت ،نەپسىچۈن ساتسا ۋەتەننىڭ ھۈرمىتى.
كاتتا خائىنلىق تۇمارئۇ،ھىچقاچان ھۈرمەت ئەمەس.
قانچە ئالىم،پەيلاسۇپ ئۇ،كەشپىياتچى بولسا ھەم.
قانچە باتۇر،قەھرىمان ئۇ،ئاپتۇماتچى بولسا ھەم.
قانچە شائىر،قانچە ماھىر،زورئىجاتچى بولسا ھەم.
بولسا ئەمما باغرىداۋەتەن سۆيۈش بىرنەرسە كەم.
خۇددى ھىسىز بىرماشىنا،مىنىكى خىسلەت ئەمەس.
سىنى چوڭقۇرسۆيمىگەن قانداق يۈرەك بولسۇن بىكار.
سىنى مەزمۇ قىلمىغان قانداق تىلەك بولسۇن بىكار.
ساڭا خىزمەت قىلمىغان قانداق بىلەك بولسۇن بىكار.
ۋەتىنى يوق بىركىشى قانداق كىرەك بولسۇن بىكار.
چىقسىمۇ ئاسمانغا ئۇ،شەۋكەت ئاڭا شەۋكەت ئەمەس.
ئۆلسە ئۆلمەك ،كۈلسە كۈلمەك ،چىن قارارىم ئۆزۋەتەن.
ئىپـتىخارىم،ئىتبارىم،كۈچ-ماددارىم ئۆزۋەتەن.
ھەرقىتىم شىرىمدا ئىتقان گۈلنىگارىم ئۆزۋەتەن.
ئەڭ تەرەققى بىرجامالنىڭ كۆزخۇمارىم ئۆزۋەتەن.
مەن ئۈچۈن ھەرقانچە جەننەت ،سەنچىلىك جەننەت ئەمەس.
2008-يىلى 10-ئاينىڭ 25-كۈنى (خاتىرەمدىن)
مەخمۇتجان مەمەت
1521356225چ چ
رۇخسەتسىز باشقا مۇنبەرلەرگە يوللاشقا خالىغانچە كۆچۈرۈشكە بولمايدۇ.
مەنبە:قاغىلىق مۇنبىرى (
http://bbs.kagilik.cn/forum.php)
يوللىغان ۋاقتى 2013-2-13 01:33:11 PM
.gif)
