تەكلىماكان ئوغلى --كىتاب ئۇچۇرى

tayqak

	يېقىندا:ئاتاقلىق يازغۇچىمىز جالالىدىن بەھرامنىڭ تەكلىماكان ئوغى دەپ 1-2 قىسىمدىن تەركىب تاپقان ئىككى قىسىملىق رومانى چىقتى، دېھقانلارغا بېغشلانغان،    دېھقانلار تۇرمۇشى ئەكىس ئەتكەن. دوسلار ھەرقايسى كىتاپخانىدىن ئېلىۋالسا بۇلىدۇ باھاسى 98يۇەن، مەن ئادەتتە كۇندە ئارلايمەن، يەنە بىرى مەمتىمىن ھۇشۇرنىڭ تۇلۇن ئاي ،كونا ئىشلار دەپ ئىككى قېسىم كىتابى چېقتى ،بۇنىڭدىكى  بەزى ئەسەرلار يېڭى ھەم بەزى ئەسەرلەر ئوت كەتكەن دەر يادىن ئېلىنغان .بۇنىڭ باھاسى ئېنىق ئىسىمدە يوق كەچۇرگەيسىلەر. تەرمىلەر ۋە شنجاڭ مەدىنىيىتى قاتارلىق ژۇرنار چىقىش ئالدىدا،تورداشلار ۋاقىپ بولغايسىلەر،يېڭى خەۋەر بولسا دوسلارغا ۋاقتىدا خەۋەر قىلىمەن.[s:2] [s:12]

تارىم

	زور ھەجىملىك رومان «تەكلىماكان ئوغلى» نەشىردىن چىقىپتۇ! ھەممىمىزگە ئايان ئاتاقلىق يازغۇچى جالالىدىن بەھرام ئىزچىل ھالدا ئۆزىنىڭ قىممەتلىك قان-تەرى بەدىلىگە نادىر ئەدەبىي ئەسەرلەرنى يېزىپ بىزنىڭ ھۇزۇرىمىزغا سۇنۇش ئارقىلىق بىزنىڭ مەنىۋى ھاياتىمىزنى بېيىتىپ كېلىۋاتىدۇ. ئالدىنقى قېتىم يازغۇچى جالالىدىن بەھرام نەشردىن چىقارغۇزغان رومان «ئامەت ۋە ئاپەت» دىيارىمىزدا ناھايىتى يۇقىرى تەسىر قوزغاپ قايتا-قايتا تىراژىنى كۆپەيتىش ئارقىلىق ھازىر ئۇيغۇرچە كىتابلار ئارىسىدا تىراژى 20000 دىن ئاشقا كىتاب بولۇپ قالدىغۇ دەيمەن. بۇ قېتىم جالالىدىن بەھرام يەنە بىر زور ھەجىملىك رومانى «تەكلىماكان ئوغلى» ناملىق ئىككى قىسىملىق رومانىنى نەشردىن چىقىرىپتۇ. مەن تۈنۈگۈن ئاخشام ئىشتىن چۈشۈپ قايتىشىمدا بۇ كىتابنىڭ تامدىكى ئېلانىنى كۆرۈپ، قاتتىق ھاياجانلانغىنىمدىن(مەن ئىزچىل ھالدا يازغۇچى جالالىدىن بەھرامنىڭ ئەسەرلىرىنى ناھايىتى ياقتۇرۇپ ئوقۇپ كېلىۋاتىمەن، بولۇپمۇ يازغۇچىنىڭ تىل ئىشلىتىشتىكى ماھارىتى مېنى ناھايىتى قايىل قىلىدۇ.) بۈگۈن چۈشتىلا بۇ كىتابنى سېتىۋالدىم(ئاخشام كىتابخانىنى تاقىۋەتكەن بولغاچقا سېتىۋېلىشقا ئامال بولمىغان). ئىشىنىمەنكى يازغۇچىنىڭ مەزكۇر رومانىمۇ «ئامەت ۋە ئاپەت» دەك، بەلكىم ئۇنىڭدىنمۇ نادىر چىققۇسى! تۆۋەندە كىتاب مۇقاۋىسى ۋە كىتاب مۇندەرىجىسىدىن كۆپچىلىكنى خەۋەردار قىلماقچىمەن. جالالىدىن بەھرامنىڭ مەزكۇر رومانغا يازغان بېغىشلىمىسى: ئاز كەم يېرىم ئەسىر ئۆتۈپتۇ! ئەمما بىپايان دەشتى قۇملۇق باغرىدا يېشىل زۇمرەتتەك چاقناپ تۇرغان ئاشۇ يېزا كەنتلەر، قىپقىزىل يۇلغۇنلار، ياۋا قومۇش قاپلىغان قۇم بارخانلىرى، نەچچە مىڭ يىللىق قەدىمىي توغراقلار...... ۋادىكلىك دېھقان ئۆيلىرى، ئەتراپى چىتلانغان قاراڭغۇ باغلار، شاخ-شۇمبىلار جىجىپ تارغاقتەك بولۇپ كەتكەن سوقما تاملار، قۇملۇقتىكى ئەگرى-بۈگرى غېرىبانە يوللار..... چوڭقۇر ئېرىقلىرىدا تۈگىمەس سىرلىرىنى پىچىرلىشىپ ئاقىدىغان مۇلايىم سۇلار..... ھېلىھەم ئېسىمدە تۇرۇپتۇ! مەن بۇ رومانىمنى تەكلىماكان باغرىدا ياشاۋاتقان، ئەۋلادمۇ-ئەۋلاد قۇم-بورانلار بىلەن ئېلىشىپ، ئۆز ماكانىنى قوغداۋاتقان دىلكەش دېھقانلارغا بېغىشلايمەن.                                                            ـــــــ جالالىدىن بەھرام مەزكۇر روماننىڭ ئاپتور تەرىپىدىن يېزىپ قالدۇرۇلغان بېغىشلىمىسىدىن چىقىپ تۇرۇپتىكى، مېنىڭچە(مەن تېخى بۇ روماننى ئوقۇشقا باشلىمىدىم) بۇ رومان تەكلىماكان باغرىدا ياشاۋاتقان ئەڭ تۆۋەن تەبىقىدىكى قۇلى گۈزەل، دىلى پاك، جاپاكەش دېھقانلىرىمىزنىڭ ھاياتىنى يورۇتۇپ بېرىشتە زور ئەھمىيەتكە ئىگە. مەزكۇر رومان ئاللىبۇرۇن ھەر قايسى شىنخۇا كىتابخانىلىرىغا سېلىنىپ بۇلۇپتۇ، كەڭ دوستلارنىڭ سېتىۋېلىپ ئوقۇپ چىقىشىنى تەۋسىيە قىلىمەن. يۇقارقى ئۇچۇرلار ئىقۇت بىلوگىدىن ئېلىندى

تارىم

	قېنى ئەمىسە كۆپچىلىكنىڭ دىققىتى مەزكۇر روماننىڭ مۇندەرىجىسىدە بولسۇن: مۇندەرىجە: بىرىنچى قىسىم: قۇملۇقتىكى ئاتەش مۇقەددىمە بىرىنچى باب: قۇملۇقتىكى ئۇزۇن يوللار ئىككىنچى باب: ئاق كۆڭۈل بالا ئۈچىنچى باب: قۇمتاملىقنىڭ ئۈمىدى تۆتىنچى باب: پاتقاققا مىلەنگەن مارجان بەشىنچى باب: يېتىم قىزنىڭ دەردى ئالتىنچى باب: زەپ ئەپچىل پىلان يەتتىنچى باب: ئەنسىزلىك ئىچىدىكى سۆيگۈ سەككىزىنچى باب: سىرلىق خەۋەر توققۇزىنچى باب: «خەتەرلىك ئادەم» ئونىنچى باب: دەسلەپكى ئۈششۈك ئون بىرىنچى باب: ئېغىر ۋەزىپە ئون ئىككىنچى باب: ئۈمىدلەر چېچەكلىگەندە ئون ئۈچىنچى باب: ئەنسىز ئۆتكەن بىر كېچە ئون تۆتىنچى باب: تەشۋىشلىك مۇھەببەت ئون بەشىنچى باب: قۇملۇقتەك بىپايان كۆڭۈل ئون ئالتىنچى باب: تۈندىكى سىرلىق ھۇۋقۇشلار ئون يەتتىنچى باب: لەيلىنىڭ كۈشەندىلىرى ئىككىنچى قىسىم: چاياننىڭ ئاخىرقى ئىشى ئون سەككىزىنچى باب: دۈشمەننىڭ قارارى ئون توققۇزىنچى باب: يەكتا پالۋان يىگىرمىنچى باب: ئاچچىقتىن چىققان ئويۇن يىگىرمە بىرىنچى باب: قۇترىغان دۈشمەن يىگىرمە ئىككىنچى باب: چاۋار چاياننىڭ ھەسرىتى يىگىرمە ئۈچىنچى باب: كۈلۈپ قارىمىغان بەخت يىگىرمە تۆتىنچى باب: بورانلىق كېچە يىگىرمە بەشىنچى باب: چاياننىڭ قىسمىتى يىگىرمە ئالتىنچى باب: شادلىق يار بولغان كۈنلەردە يىگىرمە يەتتىنچى باب: چاياننىڭ ئاخىرقى ئىشى يىگىرمە سەككىزىنچى باب: ئالدىراش ئۆتكەن بىر كۈن يىگىرمە توققۇزىنچى باب: قانغا تويمىغان جاللات ئوتتۇزىنچى باب: ئىبلىسنىڭ زەھەرلىك ئويۇنى ئوتتۇز بىرىنچى باب: كولىغان ئورىسىغا ئۆزى چۈشەر ئوتتۇز ئىككىنچى باب: تەكلىماكان ئوغلى ئوتتۇز ئۈچىنچى باب: قەرزىنى تېرىسى بىلەن تۆلىگەن بۆرە ئوتتۇز تۆتىنچى باب: قۇمتامنىڭ كۈلكىسى خاتىمە 2010-يىلى 4-ئاينىڭ 2-كۈنى       خوتەن

izbasar

	مەن بۈگۈنلا سىتىۋالسام بولغۇدەك.....

Tuzukzat

	بۇنىڭدىن باشقا  يەنە  <<  تەقدىرنىڭ   قىسمىتى>> دىگەن رومانىمۇ نەشىردىن چىقتى..... خەۋەردار  بوپ قېلىڭلار ....

Zinnura

	بۈگۈن پايدىلىق تىمىلار خېلى بارغۇ ........ تىما ئىگىسى ۋە ياخشىلىق ئاكاشقا رەھمەت  [s:2]  [s:2]  [s:2]

XERHAN

	مىللىتىمىزنىڭ مەنىۋى مەدەنىيەت تەرەققىياتى ئۈچۈن مۇشۇنداق ياخشى ئەسەرلەرنى قەدىرلەپ ، قەدرىگە يىتەيلى !

kamran

	ئەتىلا سېتىۋالاي .

dilmurat530

	مەمتىمىن ھۇشۇركاممۇ ئاخىر قەلەم تەۋرىتىپتۇدە -يەنە،نەچچەۋاخ مەن ئۇنىڭ ئەسەرلىرىگە تەلپۈنىۋاتقىلى . جالالىدىن بەھرام ئەپەندىنىڭ ئەسەرلىرى مەن ئەڭ ياقتۇرۇپ ئۇقۇيدىغان ئەسەرلەردىن ،مەنمۇ بۇ ئايلىق ۋازىپەمگە مۇشۇ ئىككى كىتاپنى ئالسام بولغۇدەك.