شىخودىكى كونا مەھەللە

abaytarim

	شىخودىكى كونا مەھەللە      ھەممە يۇرتتا قەدىمىي مەھەللىلەر بولىدۇ ، ئەلۋەتتە . مېنىڭ سۆيۈملۈك يۇرتۇم شىخودىمۇ ماڭا نىسبەتەن ئۆزى كونا بولسىمۇ مەڭگۈ يېڭى بىلىنىدىغان ، قەلبىمدە مەڭگۈ كونىرىمايدىغان بىر مەھەللە بار . ئۇ بولسىمۇ " كونا مەھەللە " . كونا مەھەللە شەھىرىمىزدىكى ئۇيغۇرلار تەلپۈنىدىغان " تۆت كوچا " بىلەن تۇتىشىپ تۇرىدۇ . مەن ئەشۇ كونا مەھەللىدە ئەڭ غۇبارسىز چاغلىرىمنى ئۆتكۈزدۈم ، ئۇنتۇلماس ئەسلىمىلەر قالدۇردۇم . بالىلىقتىكى ئەسلىمىلەرنىڭ كۈچىگە پەقەتلا سەل قارىغىلى بولمايدىكەن . بەزىدە شۇ يىللاردىكى ئەسلىمىلىرىم مېنىڭ غەملەر ھۇجۇم قىلغىلى ئاران تۇرغان قەلبىمنى يېپيېڭى ھېسلارغا تولدۇرۇپ ئەركىن نەپەس ئالدۇرىدۇ .  مەھەللىمىزدە بالىلار شۇنداق كۆپ ئىدى . ئويۇنلىرىمىزنىڭ قايسىبىرىنى دەي ، ئىشقىلىپ ئانىلىرىمىز نەچچە چاقىرىپ ، تاياق كۆتۈرگەندىلا بىر - بىرىمىز بىلەن قىيمىغان ھالدا ئايرىلاتتۇق . ئويۇنچۇقلىرىمىزنىڭ ھەممىسى ئۆز قوللىرىمىدا ياسىلىپ ، بۇزۇلۇپ كەتسە ئۆز قوللىرىمىز بىلەن رېمۇنت قىلىنىپ يەنە ئوينىلاتتى . لەگلەكلىرىمىزنى يىغۇشتۇرۇپ بولالماي قاراڭغۇ چۈشۈپمۇ كېتەتتى . مەھەللىنىڭ تۆۋەن تەرىپىدىكى باغدا ھەر خىل مېۋىلە پىشىپ تۇراتتى . ئۇلارنى ئوغۇرلاپ يېيىشمۇ بىزگە ئاجايىپ ھوزۇر بىلىنىپتىكەن .  مەھەللىمىزدە سالاپەتلىك ، ياشانغان بەكراخۇن ( ئاللا ياتقان يېرىنى جەننەت قىلغاي ) دېگەن بىر ئاچچىقى يامان بوۋاي بولىدىغان . بىز رەھمەتلىكنى يىراقتىن كۆرۈپلا قاچاتتۇق . چۈنكى ئۇ بەك ھەددىدىن ئېشىپ ئوينىغانلىرىمىزدا ئاغزىنى بۇزۇپ تىللاپ قوغلاپ كېتەتتى . يولدا تۇرۇپ قالغان تاش - كېسەكلەرنى ئېرىنمەي ئېلىپ مۇۋاپىق جايغا تىزىپ رەتلەيتتى . قاق سەھەردە سۇ سېپىپ ئۆزىگە تېگىشلىك يەردىن ئاللىقاچان ئۆتۈپ نۇرغۇن جايلارنى پاك - پاكىز سۈپۈرۋېتەتتى . يولدىكى قەغەزلەرنى تام تۆشۈكلىرىگە نىقتاپ جايلاشتۇرۇپ مەھەللىنىڭ پاكىزلىقىغا خالس نازارەتچىلىك قىلاتتى . كەچتە مەھەللىمىز كۈندۈزدىكىدىنمۇ ئاۋات بولۇپ مەھەللە ئوتتۇرىغا يېغىلىپ تۈگىمەس ئويۇن ، تۈگىمەس رېۋايەت - چۆچەكلەر ئىچىدە ھاياتىمىزنى شۇنچىلىك مەنىلىك ئۆتكۈزەتتۇق . ئەتە نىمە ئويۇن ئويناشتىن پەقەتلا ئەنسىرىمەيتتۇق . چۈنكى ئارقا - ئارقىدىن نۆۋەتلىشىپ ئوينايدىغان ئويۇنلىرىمىزغا ئۈلگۈرەلمەيمۇ قالاتتۇق - تېخى . ئوينايدىغان دائىرىمىز رايون ئاتلاپ باشقا مەھەللىلەرگىچە سوزۇلۇپ كېتەتتى .  مانا ھازىر ھەممىسى ئەسلىمىگە ئايلاندى . چوڭلار ئارقا - ئارقىدىن ۋاپات بولدى ، كونا ئۆيلەر يېڭىلاندى ، سېتىلدى ، سۇ ئېقىپ تۇرىدىغان ئېرىقلارنىڭ ئىزلىرى ئاللىقاچان يوقالدى . بالىلار تەرەپ - تەرەپكە ، قاياقلارغىدۇر ئاتلىنىپ كېتىشتى . باغلىق ھويلىلار ، بالىلار ئوينايدىغان مەيدانلارغا زىچ ئۆيلەر سېلىنىپ كەتتى . تالاي ئەسلىمىلەر ، ئارزۇلار يەر ئاستىغا كىرىپ كەتتى . كونا مەھەللە يەنىلا ھاياتىي كۈچىنى ،بىراقلا يوقاتقىنى يوق . يوقاتقىنى ئادەملەر بولۇپ قالدى . ئەي ! كونا مەھەللەم ، سېنى قانداقمۇ ئۇنتۇي ...        مەنبە : بالىلىق ئەسلىمىلىرىم .  ئەبەي تارىم .  2013 - 2- 12 -كۈنى .    شەھىرى شىخو .

jiuxing

	كونا ئۆي، كونا مەھەللە ياق قەدىمى ئۆي، قادىمى مەھەللىلەر بىر - بىرلەپ يوقۇلۇپ ئۇنىڭ ئورنىنى زامانىۋى ئۆي، زامانىۋى مەھەللىلەر ئىگەللىدى...لېكىن كىشىلەر ئارىسىدىكى سەمىمىلىك، ئۆملۈك ئىتتىپاقلىق  بۇزۇلدى، ئۇنىڭ ئورنىنى زامانىۋى مەدەنىيەت، ئالدامچىلىق، بىر -بىرسىنى يات كۆرۈش، تۇنۇشماسلىق ئىگەللىدى.....

banker625

	ھازىر ئۇنداق كونا مەھەللىلەر قالمىغىلى تۇردى ، نەگىلا قارىسىڭىز چېقىۋاتقان   كەپىلىك ئۆيلەرنى تۈزەيمىز دەپ

dilbar

	بىزنىڭ مەھەللىمۇ  ئەسلىمىگە ئايلىنىپ قالدى

alenur

	MY_Dreām يوللىغان ۋاقتى  2013-2-13 01:58 PM شىخۇ نامىنىڭ ئۇيغۇرچە ئاتىلىشى يوقمۇ ؟ بەزى شەھەر ، نا ... ئاشۇنداق ئاتاپ كۆنۈپ قالغاندكىن شۇنداق دەيدىغان گەپ توغرا چۈشىنىڭ

rahmansaykin

	تېما ئىگىسى . خاپا بولماي باش سۆرىتىڭىزنى بىر چۈشەندۈرۋىتەمسىز . قارىسام بىرەر داڭلىقلىرىمىزدەك قىلىدۇ . ئىش ئىزلىرىدىن خەۋەردار بۇلۇپ قالىلى .

murat001

	شۇ  چىنىۋاغ  مەلىسىمۇ   ئەسلىنى  يوقاتتى