سايرام سۈرئىتى

qaraxani

	سايرامنىڭ <<قالدۇق >>سۈرئىتى (تەركىنىڭ <<سايرام سۈرئىتى>> ناملىق شېئىرىغا ياندىما) قاراخان سىرلىق سايرام ساپ ھاۋالىق تاغلىرىڭدا گۈل شەربەت، بىرى ئۇچقان بىرى قونغان باغلىرىڭدا قۇت-بەركەت. ئەلگە شىپا سۈت ھەسەلىڭ ،ئىرىمچىك ۋە قىمىز ،ئەت، كۈن -تۈن بىدار كۆزلىرىڭدە ،ئاي يۈزۈڭدە نۇر سۈلكەت. روناق تاپقاچ شائىرىڭ كۆپ قەلبى گويا دۇر-لۇغەت، يېشىل يەردە چىۋەر قولدا قۇدرەت تاپتى چۆل خىلۋەت. ئالقىنىڭدا دان يىگەن قۇش يىراق كەتمەس بىل ئەبەد، غەم -قايغۇ خاس شاتلىقىمغا ئۆزۈڭ ئۈلپەت داۋامەت... كۆلدە قوشماق غاز ئاققۇ،كۆكتە شۇڭقار شادىمان، سۈيۈڭ بوينى سەگىتەر،كۈيۈڭ قوزغار ھاياجان. يەردە ،كۆكتە رېلىس،كۆۋرۈك،تۇتاش تونېل ،باياۋان... خىيابان ساي ،غول ئېقىندا ھايات قاينار پاراۋان، ئاۋۇل-ئايماق ،بوتا -تايلاق جەۋلان قىلار مال چوپان. قولى ئوچۇق مەرت يارەنلەرئىكەن سەندە <<ساھىبخان>>، بەرگەن تۇزۇڭ نومۇسى بار ھەر ئىماندا ھەر قاچان، غەم -قايغۇ دەرد -شاتلىقىمغا ئۆزۈڭ ئۈلپەت داۋامەت... 2010-يىلى ئۆكتەبىر

0999uyghurkizi

	تەركىنىڭ شېئىرىنى كۆرمەپتىكەنمەن ، ئەمما بۇ شېئىر ياخشى چىقىپتۇ

anatil77

	ياخشى شىئىر ئىكەن.. بۇ شىئىرنى ئوقۇپ مەرىپەتچى مەمتېلى ئەپەندىم،،20نەچچە ياش ۋاختىدا يۇرتى ئاتۇشتىكى زىيالىيلارنىڭ زىيانكەشلىككە ئۇچىرىشى سەۋەبىدىن چۆچەككە مېڭىۋاتقاندا سايرام كۈلى بۇيىدا ئولتۇرۇپ ھەسرەت بىلەن ئوقۇغان شىئىرى ئىسىمگە كىلىۋاتىدۇ،،شىئىرنىڭ مەزمۇنى مۇنداق ئىدى؟؛ سايرام كۈلى ئۆزۈڭ كىچىك دەردىڭ تۇلا، داۋالغۇيسەن ساھىللاردىن تاشالمايسەن. قورشىۋالغاچ ئەتراپىڭنى ئىگىز تاغلار، ئۈمتىلىسەن داۋانلاردىن ئاشالمايسەن.. مەن مۇشۇ شىئىرنى شۇ چاغدىكى ۋەزىيەتكە باغلاپ تۇرۇپ،خەلىقنىڭ ھەقىقىي ئارزۇ-ئارمانلىرىنى ئەكىس ئەتتۈرۈپ بەرگەن شىئىر دەپ بىلگەنتىم..... يوللىغۇچىغا كۆپ تەشەككۈر

qaraxani

	anatil77 يوللىغان ۋاقتى  2013-2-12 11:46 PM ياخشى شىئىر ئىكەن.. بۇ شىئىرنى ئوقۇپ مەرىپەتچى مەمتېل ... چۈشەنچە بەرگەن ئۇنتۇلماس تارىخ ۋە قىستۇرما شېئىرلارغا ئاپىرىن...

nazila998

	سايرام ھەققىدە يىزىلغان ياخشى شېئىر بوپتۇ ، سايرام ھەققىدە مۇنداق بىر قوشاقمۇ بار تىخى                              سايرامنىڭ كۆلى دەيدۇ ،                              يا ئاقمايدۇ ، چۆكمەيدۇ                              ئۆلۈمنىڭ نۆۋىتى كەلسە                             ياش-قىرىغا باقمايدۇ

qaraxani

	nazila998 يوللىغان ۋاقتى  2013-2-14 09:27 PM سايرام ھەققىدە يىزىلغان ياخشى شېئىر بوپتۇ ، سايرام ھە ... رەھمەت! ....................... يا ئاقمايدۇ ،چۆكمەيدۇ     ئەمەس، يا ئاقمايدۇ،تاشمايدۇ........................غۇ دەيمەن؟

nazila998

	qaraxani يوللىغان ۋاقتى  2013-2-14 11:16 PM رەھمەت! ....................... يا ئاقمايدۇ ،چۆكمەيدۇ     ئەمەس،    راس مەن خاتا يىزىۋاپتىمەن ، ئەسكەرتىش بەرگىنىڭىزگە رەخمەت

qaraxani

	nazila998 يوللىغان ۋاقتى  2013-2-14 11:28 PM راس مەن خاتا يىزىۋاپتىمەن ، ئەسكەرتىش بەرگىنىڭىزگە  ...