ئەركەك مىجەز ئاياللار نەدىن كېلىدۇ؟

1670154432

	سوئال : ھۇرۇن ،ئىش خوشياقماس ئوغۇللارغا دەيدىغان گەپلىرىڭزنى ئاڭلاپ باقساق ...... جاۋاپ :ئاۋۋال ،شۇ ئوغلانلارنىڭ نېمە سەۋەپلىك ھورۇن بولۇپ قالغانلىقى ھەققىدە توختىلايلى......   سىز ئوغلىڭزدىن خاپا بۇلۇشتىن بۇرۇن ئېرىڭزنى تاسقاپ كۆرۈڭ ،ھەقىقەت  شۇكى ،بالا ئاتا-ئانىنىڭ ئېيتقىنىنى ئەمەس ،قىلغىنىنى قىلىدۇ . ئاتىسى ھورۇننىڭ بالىسىمۇ ھورۇن بولىشى ئېنىق .كەمدىن-كەم ئادەملەرلا باللىرىدىن ئەندىشە قىلىپ ،ئۆزلىرىنى مەجبۇرى يۇسۇندا بولسىمۇ قائىدىگە سالىدۇ.قىسمەن ئەركەكلەر ئۆز ئۆيۈمدىمۇ  ئەركىن بۇلالمايمەنمۇ ئەمدى ،دېگەن ئەلپازدا ئىش تۇتىدۇ .بالىلارنىڭ كۆز ئالدىدا ھاراق ئىچىدۇ ،خوتۇن ئۇرىدۇ ،ئېغىزىنى بولۇشىغا قۇيىۋېتىدۇ .ئېغلنى خوتۇنى تازلىسىمۇ ،خوتۇنى ئىنجىقلاپ سۇ توشۇپ تۇرغان بولسىمۇ ،ھەتتا كۆز ئالدىدا ئۆي ئاقارتىشقا باشلىسىمۇ ،ۋىجدانى مىت قىلمايدۇ ،ساقاللىرىنى كىرپىدەك ئۆستۇرۈپ ،تاماقنى بولىشىغا يەپ ،پۇشۇلدىغىنىچە تېلېۋىزۇر كۆرۈپ ئولتۇرۋېرىدۇ ئائىلە دېگەن توت تام ئىچىدە خالامسىز خالىمامسىز ،بالىلار ئەتىگەندىن كەچكىچە بىزنى كۆزىتىدۇ . ئاتىنىڭ ئەھۋالى شۇ بولسا ،ئۇنى كۆرۈپ چوڭ بولغان بالا كىم بولسۇن؟ ھورۇن ،ئاق نانچى ئوغۇللار يەنە قانداق بارلىققا كېلىدۇ ؟نەزەر سېلىڭ ،بونداقلار كۆپىنچە ھاللاردە باي ئائىللىلەردىن چىقىدۇ .بالىسىغا كەتمەن ،پالتا تۇتقۇزۇشتىن نومۇس قىلىدىغان ،ھۈنەرۋەنلەرگە شاگىرت بېرىشنى ئۆزىگە ئەپ كۆرمەيدىغان ،بەش قەدەم مەكتەپكىمۇ بالىسىنى ماشىنىسى  بىلەن توشۇيدىغانلار يەتكۇچە بار ،پۇل بارغۇ ،دەيدۇ ئۇلار ،بىز بار ۋاقىتتا يايرىۋالسۇن دېيىشىدۇ ،ئەمما پۇلدار ئاتا-ئانىنى باغلاپ قويغىلى بولمايدۇ ،پۇلنىڭ ئۆزىمۇ بىر كېلىپ ،بىر كېتىپ تۇردىغان نەرسە ،ئەركەك دېگەن  زات بولسا ئائىلىنىڭ قورغانى ،ئابىھاياتى ،جاۋاپكارى ! كۈنلەرنىڭ بىرىدە قولى قىسقا بولۇپ قالغاندا ،ئاتا-ئانىسى يوك بولسا ياكى ئۇلارنىڭمۇ قولى ئاللاقاچان قىسقا بولۇپ قالغان بولسا ،بالاچاقىسى يەيمەن دەپ تۇرسا ،خوتۇنى نىجات سوراپ ئۇنىڭغا تەلمۇرۇپ تۇرسا ،نېما قىلىدۇ ئۇ؟دەزمال سېلىشمۇ پۇل ،ئىشىكنى غىچىرلاتماي يېپىلىدىغان قىلىشمۇ پۇل !تىرىك جانغا ئۇزمەي دورا كېرەك ،كىيىم-كېچەك كېرەك ،ئۇلارمۇ پۇل،پۇل ! ئاتىسى ياراتقان ئىمكانىيەتلەر تۈگىگەندىن كېيىن ،ھونەرسىز قولى ،ئېگىلىپ ،تىكلىنىشكە يارامسىز بېلى ،ۋاقتىدا قىينىلىپ ئىلىم ئالمىغان بوش كاللىسى بىلەن تەمتىرەپ ئۆزى قالىدۇ !يۇقىردا ئېيتتۇق،ئەركەك ئائىلە ئۈچۈن باش جاۋاپكار! خوش ،نېمە قىلالىدى ئۇ؟دېرىزىنىڭ سونغان كۆزىنى سالالمىسا ،بىر مىخنى جايىنى تېپىپ قاقالمىسا ،ھەممە جۇمەكلەر سۇنۇپ ،سۇ ئېقىپ ياتسا ،تۈزتىشكە قول يوق ،ئوستا ئېلىپ كېلەي دېسە پۇل يوق! ئەنە شۇ ۋاقىتتا بالىچاقنىڭ ئالدىدا ئابرۇيسىز بولۇشىنى كۆرۈڭ ،ئېرىنى ھۆرمەت قىلمايدىغان خوتۇنلار مۇشتىنى ئېرىنىڭ ئېڭىكىگە تەڭلەپ ،غەزەپ قىلىدىغان بولۇپ قالىدۇ ،ئەركەك مىجەز ئاياللار  قايدىن كېلىدۇ دەپ غوۋغا كۆتۈرمىز ،بىر چاغلاردا بىر مۇخبىر ماڭا:<< تۇرسۇنئاي ھەدە ،ئەركەك مىجەز ئاياللار كۆپىيىپ كېتىۋاتقىنىدىن تەشۋىشكە چۇشمەمسىز؟>> دەپ سوئال بەرگەندە،<< كۆڭلوڭ توق بولسۇن بالام ،خوتۇن مىجەز ئەركەكلىرىڭ تۈگىگەن كۈنى ئەركەك مىجەز ئاياللارمۇ تۈگەيدۇ >> دەپ جاۋاپ بەرگەندىم .كۆپ ئائىلىلەردە ئەرلىرى ئەپلىيەلمىگەن ئىشلارنى ئاياللارنىڭ ئۆزلىرى بىجىرىشكە باشلايدۇ .مانا ئەمدى ئەرنىڭ خوتۇنىنىڭ ئالدىدا ئىككىنجى بالىدەك بۇرۇن تارتىپ تۇرۇشىنى كۆرۈڭ ! بونداق ئەرنىڭ قانداقلارچە قەددى تىك بولىدۇ ،قانداقلارچە ئەمىر-پەرمان بېرىدۇ،قانداق قىلىپ ئۆزىنىڭ گېپىنى ئۆتكۇزىدۇ ؟ كۆرىسىزكى ،بۇ يارىماسلىق چىدىماسلىققا ئېلىپ كېلىدۇ ،ئەلەم بىلەن ئىچىشكە ،چېكىشكە ئۇتىدۇ.قىمارغا ،ھاراقكەشلىككە بېرىلدۇ .ئېغىر ھالىتىدىن چىقىش ئۈچۈن ھالال-ھارامنى ئارلاشتۇردۇ،بۇنىڭ كاساپىتى ئەڭ ئالدى بىلەن يەنە ئۇنىڭ ئائىلىسىگە تېگىدۇ،نەتىجىدە روزىغارى چېچىلىپ كېتىدۇ .ئالاقىدار ئورۇنلارنىڭ تەتقىق  قىلىشىچە ،نىكاھ بۇزۇلۇشلارنىڭ ئەڭ كۆپى ئۆزىگە توق،باي ئائىلىلەرگە تېگىشلىك ئىكەن .ئەپلەپ-سەپلەپ ياشايدىغان ئائىلىلەردە ئاجىرشىش كەم بولىدىكەن ،چۇنكى ئۇلار تىرىكچىلىك ئۈچۈن كۈرەش قىلىپ ،جانلىرىنى قىيناپ ،ئەقلىنى ئەڭ يۇقىرى چەكتە ئىشلىتىپ ياشايدۇ .ئۆزى بىر نەرسىنى تاپقان ئىنسان ئۇنى تېجەشنىمۇ  بىلىدۇ قىينىلىپ تاپقىنى ئۈچۈن ،مالنىمۇ ،ئادەمنىمۇ قەدىرلەيدىغان ،ئايايدىغان بولىدۇ ،ھۇنەرۋەنلەر ئاددى ياشايدۇ ،ئەمما بايۋەچچىلەردەك مەمنۇن ياشايدۇ ،چۈنكى ئۇلارغا بۇ قېنىقىش تۇيغۇسىنى ياراتقاننىڭ ئۆزى بېرىپ قويغان ،.كىم پېشانە تەرى بىلەن ھالال پۇل تېپىپتۇ - ئۇ تەڭرىنى رازى قىپتۇ ،ئۇنى ئۆزى مۇكاپاتلايدۇ ! دۇنيادا يىگىتنىڭ قولى قاداقلىق بولسۇن !كۇچىدا تۇلپار مىنىپ يۈرسىمۇ ،ھەتتاكى خۇسىي ئايرۇپىلانى بولسىمۇ ،ئەمما ئۆيگە ئىبرەتلىك ئاتا،ئەپلىك ،تىرشچان ئەر بولۇپ كىرىپ كەلسۇن.ئۇ ئائىلىنىڭ ھەممە سۇئاللىرىغا يېشىم بولسۇن .ئۇ قولغا ئالسا ،رەندىلەر شېئىر ئېيتىپ ،ھەرىلەر ناۋا قىلسۇن،بۇ ھالدىن پەخرلەنگەن خوتۇنى ئۇنىڭغا تەلمۇرۇپ تويمىسۇن ،قىزلىرى دادىمىز ھەممە نەرسىنى بىلىدىغان ئالىم دەپ بىلسۇن ،ئوغۇل؛لىرى ئەتىراپىدىن كەتمەي ھەقىقى ئاتا ئوغلى بۇلۇشنى ئارزۇ قىلسۇن . يىگىتلەر ،يىگىتنىڭ يىگىتلىكى پەقەت پۇل ،بالاچاقا تېپىشتا ئەمەس !ئۇ ئائىلە ئۈچۈن پاسىبان بولسۇن،ئۆزىگە بويرۇلغان ئىشلارنى خوتۇنىغا يۈكلەپ قويغان ئەركەك بىزنىڭ مىللەتتىن ئەمەس ! خوتۇنىنىڭ پۇلىغا يۈكۈنىدىغان ،خوتۇننىڭ تاپقىنىنى خىجالەتسىز قوبۇل قىلىدىغان ئەركەك بىزنىڭ مىللەتتىن ئەمەس! دۇنيادا كەمبەغەللىككە ،كېسەل بېقىشقا ،خۇنۇك ئەرگە ياكى ئەرلەرنىڭ ئايرىم قىلىقلىرىغا چىداش مۇمكىن ،ئەمما كۈچ قۇۋۋۋىتى جايىدا تۇرۇپ پەقەت تاماقنىڭ ياخشىسىنى يەپ يېتىۋېردىغان  ھۇرۇن ئەركەككە چىداشنىڭ ئەسلا ئىلاجى يوق ،ئىش خوشياقماس ئەركەك بولسا زىيانداشنىڭ ئۆزى ،ئائىلىنىڭ بەدىنىگە چۈشكەن كانا،ئۇنىڭ ئۇستىگە بالىلارنىڭ تەربىيەسىنى بۇزىدۇ.نەتىجىدە بۇ ئائىلىنى پەرىشتە ،پەيىز-بەركەت يوقلىماي قويىدۇ. ئەي يىگىت ،ئوغۇل بولۇپ تۇغۇلغىنىڭىزغا  يارشا ئوغۇللۇق سىياقىڭىز بولسۇن ،يەنى ھەمىشە يېڭىڭىز شىمەيلەنگەن ،بەلبېغىڭىز مەھكەم باغلانغان بولسۇن ! ئەتىراپىڭىزدا سىزگە ئانا ،رەپىقە ،ئاچا- سىڭىل ،قىز بولۇپ تۇرغان ئاياللار سىز ئۈچۈن خجالەتلىك بولمىسۇن .سىز تۈپەيلى ئەل ئالدىدا يەرگە قاراپ قالمىسۇن! مەنبە :قىز -يىگىتلەرگە مەسلىھەتلار

rahmansaykin

	ھازىرقى نۇرغۇن مەسىللەر دەل مۇشۇ قىزلا قىزلادەك بولماي، ئوغۇللار ئوغۇللاردەك بولماسلىقتىن چىقىۋاتىدۇ .   ياخشى ماقالىدىن بىرنى ئەكەپسىز .

nazila998

	ئەسسسالام ، مۇنبەرگىمۇ كىردىكەنسىز - ھە !  ئۇزۇن بوپتىكەن سىزنى مۇنبەردە كۆمىگىلى . ياخشى تىمىدىن بىرنى يوللاپسىز  ، بىر ئۆي دىگەندە ئەر ئەردەك بولمىسا ، ئايال ئايالدەك بولمىسا پەرزەنىتلەرمۇ شۇنىڭغا بىقىپ چوڭ بولدىغان گەپ شۇ ،

TáwpéK0903

	ياخشى   تىما بوپتۇ   ......................................

yurkimzida

	ياخشى   تىمىكەن !! لىكىن بىر يىرى كاللامدىن ئۆتمىدى،كادىرنىڭ بالىسى كادىر،دىھقاننىڭ بالىسى دىھقان بولىدۇ دىگەندەك،سىز ھۇرۇننىڭ بالىسى ھۇرۇن بولىدۇ دەپ يېزىپ قۇيۇپسىز. مىنىڭچە ئۇنداق ئەمەسمىكى دەيمە،نىمىشقا دىسڭىز نۇرغۇن ھاراقكەشنىڭ باللىرىغا قارايدىغان بولسىڭىز شۇنداق ئوبدان چوڭ بولغان،يۇرۇت ئىچىدە 4نىڭ بىرى ئاتىلىپ كەلگەنلەرنىڭ باللىرى بولسا قاۋاقتىن چىقماي يۈرۈيدۇ!! يىغىپ ئېيىتساق بەزىدە پىشانىگە پۈتۈلگەننى كۆرمەكتىن باشقا چارە يۇق بەندىگە دىگەن سۆزنىڭ ھەقىقەتەن توغرىلىغنى ھىس قىپ قالىمە! تازا قۇسۇرچىكەن ماۋۇ دىمەڭ جۇمۇ ،تىمىڭىز شۇندق ياخىشى چىقىپتۇ شۇ كاللامدىن ئۆتمىگەن يەرنى دەپ قويدۇم.

osmaniya99

	ھەقىقەتەن ياخشى بىر تىما ئىكەن ،رەھمەت.

ziba2

	ھەقىقەتەن  ياخشى تىما يوللاپسىز  !

jalipkar!

	ئەرلەر ئوبدان كۆرسە بولغۇدەك

abaytarim

	ئەرلەر قايتا - قايتا ئوقۇساق بولغىدەك 。。

1670154432

	yurkimzida يوللىغان ۋاقتى  2013-2-11 02:44 PM ياخشى   تىمىكەن !! لىكىن بىر يىرى كاللامدىن ئۆتمىدى،كاد ... سەمىمى پىكىر بەرگىنىڭزگەرەھمەت ،مەنمۇ سىزدەك قاراشتا ،لىكىن بۇ تېمىنى مەن يازمىغان ،مەنبەسىنىمۇ ئەسكەرتىپ قويدۇم . ئۆز بېكىستاننىڭ داڭلىق يازغۇچىسى : تۇرسۇنئاي سادىقۇۋا يازغان ،شۇڭا بۇ تېمىغا ئۆزگەرتىش كىرگۇزۇشكە سالاھىيىتىم توشمايدۇ .