ئىسراپچىلىق توغرىسىدا مۇنازىرىلىشىپ باقامدۇق؟

faeza

	قەدىرلىك تورداشلار ، مەن شىنجاڭ تېلېۋىزىيە ئىستانىسىسىنىڭ تۈنۈگۈنكى "كۆڭۈلدىكى سۆز" ۋە بۈگۈنكى "ئىستىمال ۋە ساغلاملىق" پروگراممىلىرىدىكى ئاچ يالىڭاچلىقتا قېلىۋاتقان ئادەملەرنىڭ ئېچىنىشلىق سۆرەتلىرىنى كۆرۈپ بەك ئىچىم سىيرىلدى . ئەتراپىمىزدىكى ئىسراپچىلىقلار ھەقىقەتەن كۆپ ئىكەن . بىزنى ئەڭ ئويغا سېلىشقا تىگىشلىكى يىمەكلىك ئىسراپچىلىقى ئىكەن دەپ ئويلاپ قالدىم . ئارىمىزدا تاماقنى ئارتۇق ئىتىپ قۇيۇپ ياكى باشقا سەۋەبلەردىن ئاشقان تاماقنى ئەخلەتكە تاشلايدىغانلار بار . ھەرخىل توي تۈكۈن ، نېزىر چىراقلارنى رىستۇراندا ئۆتكۈزۈپ ھەم خەقنىڭ ۋاقتىنى ئېلىپ ، ھەم نۇرغۇن قورۇمىلارغا زىيادە پۇل خەجلەپ بەك ئىسراپچىلىق كەلتۈرىۋاتىمىز . ئاشۇ تۈكۈلۈۋاتقان تاماقلارنى بەزىلىرىمىز ھەتتا ئۈمرىمىزدە يەپ بېقىشقىمۇ مۇيەسسەر بۇلالماسلىقىمىز مۇمكىن .     بىز ئۇيغۇرلار مىھماننى بەك چوڭ بىلىدىغان مىللەت . مىھمان كەلدىمۇ ئۇنىڭغا نەچچە خىل تاماق قىلىپ ھارمايمىز ياكى رىستۇرانغا ئەكىرىپ قانچە جىق پۇللۇق مىھمان قىلىۋالساق شۇنچە مەغرور يۈرىمىز ، تاماقنىڭ ئېشىپ قېلىۋاتقىنى ، ھەم يانچۇقىمىزغا زىيان ھەم زىيادە تاماق ئادەمنىڭ سالامەتلىكىگە زىيانلىق ئىكەنلىكىنى ئويلاشمايمىز . مىھمانغا ئۈستى ئۈستىلەپ بەش ، ئالتە خىل تاماقنى بېرىشنىڭ ئۆزى ئىسراپچىلىق ئەمەسمۇ قېرىنداشلار ! بىر قېتىم باشقىلارنى مىھمان قىلساق بىر نەچچە ئاي ھالىمىزدىن كىتىمىز ، شۇنداق بولسىمۇ يەنە زىيادە ئىسراپخورلۇقتىن ھالقىپ كىتەلمەيۋاتىمىز . بىز ئابرۇيىمىزنى مانا مۇشۇنداق مەنىسىز ئىشلارغا سەرپ قىلىۋاتىمىز . مىنىڭچە ، يىسەك يەيلى ، لېكىن لايىقىدا يەيلى . بىر كۈنلۈك ئىستىمالىمىزدا كېرەكلىك بولغان ئاقسىل ، ماي ، ۋىتامىن ، كراخمال ، سۇ ، كاربون بىرىكمىلىرى دىگەندەك ئۇزۇقلۇقلارنى ئويلىشىپ تۇرۇپ ئىستىمال قىلايلى ! بىز ئۇنداق جىق يەۋالىدىغان ئات ، كالا ئەمەس . تاماقنى سىڭدۈرۈش مەسىلىسىنى ئويلىشايلى ! ھازىر ئەتراپىمىزدا سىمىزلىك ، قان بېسىم ، يۈرەك قان تۇمۇر دىگەندەك نۇرغۇن كېسەللەرنىڭ مەنبەسى مانا مۇشۇنداق يىمەكلىك ئىسراپچىلىقىدىن كەلگەن ئەمەسمۇ !   مۇشۇنداق شارائىتتا يەنە بەزىلىرىمىزنىڭ كۆزى كور بۇلۇپ قالغاندەك ھەدىسە كۇچىدىكى ئەخلەت يىمەكلىكلەرگە خۇددى " ......قا چىۋىن ئۇلاشقاندەك " ئۇلىشىۋاتىمىز . نىمىشقا ھالال بىلەن ھارامنى ، يىمەكلىك بىلەن ئەخلەتنى ئىلغىيالمايمىز؟؟؟؟؟؟   قەدىرلىك تورداشلار ، مەن يەنە نۇرغۇن گەپلەرنى قىلماقچى ئىدىم . ھازىرقىنىڭدەك ئىسراپچىلىققا قارشى تۇرۇلۇۋاتقان ۋەزىيەتتە ، بۇ تىمىنى كۆرگەن ھەرقانداق بىر ئەزانىڭ بۇ تىمىغا ئەستايىدىل پوزىتسىيە تۇتۇپ ئۆزىنىڭ كۆز قاراشلىرىنى ئىپادىلىشىنى سەمىمى ئۈمىد قىلىمەن . يەنە گەپلەر بولسا ئىنكاس ئارقىلىق دىيىشىۋالارمىز . ھەرگىزمۇ مىنى بىھۇدە تىللاپ كەتمەڭلار ! گەرچە بۇ ئىشلار ھەممىمىز بىلىدىغان ئىشلار بولسىمۇ يادىمىزغا كەلتۈرۈپ ئويلىنىشىمىزغا تىگىشلىك دەپ قارايمەن . مەنبە : ئۆزەمنىڭ ئويلىغانلىرى

naznigar

	توغرا ھازىر ئسراپچىلىقلار كۆپىيىپ قالدى،ياخشى تېما بوپتۇ

كېچە

	قۇرئان كەرىمدە يەڭلار ئىچىڭلار ئىسراپ قىلماڭلار، ئاللاھ ئىسراپ قىلغۇچىلارنى ھەقىقەتەن ياقتۇرمايدۇ ، سۈرە ئەئراف31- ئايەت

nazakat888

	مەنمۇ  مۇشۇ تېمىدا ئەسەر يوللاي دەپ ئويلىغان ئىدىم.شۇنداق جەمىيىتىمىزدە ھازىر ئىسراپچىلىق بەك ئېغىرلىشىپ كەتتى.ھەممىمىز بۇنىڭغا قارشى تۇرساق بولاتتى.تېمىڭىزغا رەھمەت.مەنمۇ ئەتىلەردىن بىر تېما يوللاي.

KARAMAT147

	ھەقىقەتەن ياخشى ئويلاپسىز،دىمىسىمۇ ھازىر ئىسراپچىلىق چىكىگە يەتتى، بۇنى ھەر قانداق بىر ئەقلى -ھوشى جايىدا ئادەم چوقوم ئويلىنىشقا تىگىشلىك  .          ئۇنتۇما كۆكتات يەپ چامغور قاينىتىپ،         ئوماچقا زار بولوپ ئۆتكەن كۈنىڭنى.        ئالتۇنغا بىر بۇردا زاغرا تاپالماي،        ھاياتتىن قول ئۈزگەن ئەجداتلىرىڭنى.