ساغلاملىق مەسلەھەتچىسى (18-قىسىم)

sawapkar

	زەھەرلىك ئەخلەتلەرنى تازىلاپ تۇرۇش كېرەك   بەدەننىڭ بەلگىلىك دەرىجىدە زەھەر تازىلاش ئىقتىدارى بولىدۇ، بىراق بۇنداق ئىقتىدار چەكلىك بولۇپ، بەدەن يېتەرلىك ئوزۇقلۇققا ئېرىشەلىگەن شارائىتتىلا، ئۆز رولىنى تولۇق جارى قىلدۇرالايدۇ.مۇۋاپىق بولمىغان يېمەكلىكلەرنىڭ قوبۇل قىلىنىشى، دورا ئىشلىتىش، فىزىيولوگىيەلىك ئىقتىدارنىڭ قالايمىقانلىشىشى، كەيپىياتنىڭ تۆۋەن بولۇشى قاتارلىقلار توكسىنلارنىڭ مەلۇم خىل شەكىللەردە يىغىلىپ قېلىشىنى كەلتۈرۈپ چىقىرىدۇ، بۇنىڭ بىلەن ئادەم ئاسانلا كېسەلگە گىرىپتار بولۇپ قالىدۇ. بەدەندىكى توكسىنلار ئادەتتە سۇدا ئېرىيدىغان توكسىن ۋە ياغدا ئېرىيدىغان توكسىن، دەپ ئىككىگە ئايرىلىدۇ، بۆرەك، جىگەر، تېرە ۋە ئۈچەي قاتارلىق ئەزالار توكسىنلارنى تازىلىيالايدۇ، بۇ ئەزالار توكسىنلارنى ۋاقتىدا چىقىرىپ تاشلىيالمىسا، سۇدا ئېرىيدىغان توكسىنلار قان ئارقىلىق كۆمۈرچەك، سىلىق پەردە ۋە پەي قاتارلىق ئورۇنلارغا يىغىلىپ قېلىپ، يەللىك بوغۇم ئاغرىقى دېگەندەك بوغۇم يەللىكلىرىنى كەلتۈرۈپ چىقىرىدۇ. ياغدا ئېرىيدىغان توكسىنلار قان ئارقىلىق لىمفا سىستېمىسى ياكى ئەزالارنىڭ شىللىق پەردىسىدە مونچاق گۆش، خالتىلىق ئىششىق ياكى ئۆسمىلەرنى پەيدا قىلىدۇ. توكسىن تازىلىغاندا بەدەندە بوغۇم، سۆڭەك، مۇسكۇللار ئاغرىش ياكى ئىچى سۈرۈش دېگەندەك ئالامەتلەر كۆرۈلىدۇ، بۇنداق ئەھۋاللار يۈز بەرگەندە مېۋە شىرنىسى ياكى سۇنى كۆپرەك ئىچىپ بېرىش كېرەك. بەزىدە ئوزۇقلۇق ماددىلىرىنى كۆپرەك تولۇقلاپ، جىگەرنىڭ توكسىن تازىلاش ئىقتىدارىنى كۈچەيتىشكە دىققەت قىلىش كېرەك، شارائىت يار بەرسە ئارىشاڭغا چۈشۈپ، توكسىنلارنىڭ چىقىرىپ تاشلىنىشىنى تېزلىتىش كېرەك. سەل قاراشقا بولمايدىغان كېسەل ئالامەتلىرى     باش قېيىش، ھارغىنلىق ھېس قىلىش يۈرەك زەئىپلەشكەنلىكنىڭ ئالامىتىدۇر. بىر قىسىم ياشانغانلاردا دائىم بېشى قېيىش، ھارغىنلىق ھېس قىلىش، يۈرەك ئەنسىز سېلىش قاتارلىق ئالامەتلەر كۆرۈلىدۇ. بۇ يۈرەك زەئىپلەشكەنلىكنىڭ ئالامىتىدۇر.يۈرەك زەئىپلەشكەندە قان تومۇرلارنىڭ قان يەتكۈزۈش مىقدارى تۆۋەنلەپ، مېڭىگە قان يېتىشمەسلىك ئېغىرلىشىدۇ. باشنىڭ ئىككى تەرىپى چىڭقىلىپ ئاغرىسا قان بېسىمى يۇقىرى بولۇشى مۇمكىن.باشنىڭ ئىككى تەرىپى ئاغرىش، باش ئاغرىش، ئۇيقۇسىزلىق، ئۇنتۇغاقلىق، ئاسان چارچاش، دىققىتىنى يىغالماسلىق قاتارلىق ئالامەتلەر كۆرۈلگەندە قان بېسىمىدا مەسىلە بار – يوقلۇقىنى تەكشۈرتۈش لازىم، بولۇپمۇ قاندىكى ياغ تەركىبىي يۇقىرى ۋە يۇقىرى قان بېسىمى بارلار بۇنىڭغا ئالاھىدە دىققەت قىلىشى كېرەك. تاماق يېگەندە كۆڭلى ئېلىشسا يۈرەك مۇسكۇل تىقىلمىسىنىڭ ئالدىنى ئېلىشقا دىققەت قىلىش كېرەك. شۇڭا، 50 ياشتىن ئاشقانلار، ياخشىسى، يىلدا بىر قېتىم يۈرىكىنى تەكشۈرتۈپ تۇرۇشى كېرەك. تىلى ئۇيۇشۇش ئەھۋاللىرىكۆرۈلسە، يېنىك سەكتىنىڭ ئالامىتى بولۇشى مۇمكىن. ئەتىگەندە تۇرغاندا، تىلى ئۇيۇشۇش ئالامەتلىرى كۆرۈلسە يېنىك سەكتە بولغان – بولمىغانلىقىغا دىققەت قىلىش كېرەك. مۇبادا يېنىك سەكتە بولۇپ قالسا، ئېغىز ئۇيۇشۇپ راۋان سۆزلىيەلمەي بەدەننىڭ قىسمەن ئورۇنلىرى پالەچلىنىپ، قول – پۇتلىرى ماغدۇرسىزلىنىپ، تەڭپۇڭلۇقنى يوقىتىپ، باش قېيىش، كۆرۈش قۇۋۋىتىدە مەسىلە كۆرۈلۈش قاتارلىق ئالامەتلەر كۆرۈلىدۇ.بۇنداق كېسەل ئالامىتى بىر قانچە مىنۇتتىن بىر قانچە سائەتكىچە داۋاملاشقاندىن كېيىن، يەنە نورمال ھالەتكە كېلىدۇ. دەككە – دۈككە بولۇپ، دېمى سىقىلىش بويۇن ئومۇرتقا كېسىلىدىن دېرەك بېرىدۇ. ياشانغانلاردا باش ئاغرىش، باش قېيىش، ھودۇقۇش ئالامەتلىرى كۆرۈلسە سالامەتلىكىدە ئاسانلا مەسىلە كۆرۈلىدۇ. بويۇن ئومۇرتقا كېسىلىدە يۈرەك سانجىپ ئاغرىش، يۈرەك رىتىمى نورمالسىزلىنىش ئەھۋاللىرى كۆرۈلىدۇ. شىنجاڭ گىزىتىدىن ئىلىندى

qiqakkiz

	پايدىلىق تىمىلىرىڭىز ئۈزۈلمىسۇن ، مۇھىم ساۋاتلارنى بىلىۋالدىم .

ujbsr

	辛苦！辛苦！！！ 什么牌子的酸奶机好   哪个牌子的酸奶机好　酸奶机价格