ئەر قەرزى

blackrose

	قىلىچ ئاسقان، تاڭغا باققان، ئەر يىتۈپ كەتتى نەگە؟! ئايال چېچىدا قامچا ياساپ، ئەر بولماقىنى ئىستەيدۇ، لېكىن... ئېتى يوق بارالمايدۇ ھېچ يەرگە! ئات تاقىسى قالدى ئەنە، پۇچۇق پېتى. ئات تاقىلاش ئورنىدا يوق ئېتى! بىر بوۋاي ساقال سىيلاپ، ئۆتتى كوچىدىن، ھاسىسىدا نوقۇپ يەرنى. بىر ناتىۋان چىقتى ئۆيىدىن، قولتىقىدا يېتىلەپ ئەرنى... تال چىۋىق سالغان  بالىلار قېنى، پادىچى ئالدىدا كالىلار... قېنى ؟ بەلۋاغ باغلىغان ئەركەك قېنى، موزاينى كۆتۈرگەن ئەركەك قېنى؟! پەيشەنبىگە مەردانە باققان شۇ بوۋاي، كامال تاپقان بەلۋاغ بىلەن. ھاسسىغا چۈشۈپ قالغاندىمۇ يەنىلا يەر نوقۇپ ئۆتەلەيدۇ... جۈمەنى خاتىرجەم كۈتەلەيدۇ! ئېتى يوق يۈرەلەيدۇ... ئۆزى باسقان تاغ بىلەن. كىشنىگەن ئاتتىن قورققان، يۈگەن تۇتۇشقا جۈرئىتى يوق. جەۋلان دېگەن نېمە؟! ۋەتەن دېگەن نېمە؟! بىلمەيدۇ، بىلگەندەك شەھۋەتنى... بۇرتى بار، تۇرقى بار، ئېيىق بولسىمۇ، ئېرى بار. ئۆڭكۈر كېرەك ئەمەس، ياكى كەپە. كېرىكى چىرايلىق داچا، شۇنداق نازلىنالايدۇ ئاچا... ئاتقا قۇۋۋىتى يەتمىگەن بىلەن ماشىنىسى بار. تۆمۈر دېگەن تۆمۈر، ھېس  بېرەلمەس ئاتتەك! بىر كىشنىسە، بىر چاپچىسا، ئات تۇرقىدىن ھۇزۇر تاپىسەن... شۇڭا، ماشىنا ياتتەك! ئېتىڭ قېنى، ئېتىڭ قېنى؟! چاپالمايسەن ئېتىڭىسىز، يۈرەلمەيسەن تارىخ بېتىڭسىز... ئېتىڭ يوق، ئېتىڭ يوق، تارىخ پۈتكەن بېتىڭ يوق! يولغا چىقار خېتىڭ يوق... باشلاپ ماڭغان ھىلال ئاي، بۆرىسىدىن ئايرىلدىمۇ؟! قان كەچكەن ئەلەم-تۇغ، خادىسىدىن قايرىلدىمۇ؟! خادىسى بار تۇغى يوق، يىلتىزى بار گۈلى يوق. ئاقارغان قىيادا سارغايغان ياپراق، ۋەجى نېمە بىلمەيدۇ ئۇ. ئېرى بار سۈرى يوق؟! تۆشەكتە ياتىدۇ تاشقا تېڭىلىپ، ئۆتمۈشىنى ئەسكە ئېلىپ... پىچىقى يوق باشقا قويغۇدەك، ئۆزى بار ،ئېرى يوق! ئات كىشنەيدۇ ئەر ئىزدەپ، ئەر كىشنەيدۇ،شەھۋەت دەپ... ئات تاقىسى قالدى يەردە، ئات قەرزى قالدى ئەردە. ئات تاقىلايدۇ چۈشىدە ئېتى قېنى، ئېتنىڭ قېنى ، تارىخ بەرگەن خېتىڭ قېنى؟! قەرزىدارسەن ، ئەي ئەركەك، ئات ئۈستىدە يارالغان جاھانغا. تاقىسىدا كەچكەن قان دولقۇنىنى، ئۇلاپ ئۆتكەن ئارمانغا! بىر چىمدىم تۇپراق ئۈچۈن، بىر تال گىياھنى دەپ. قىلىچ،قالقاننى تەڭلەپ ياۋغا، تاشقا ئويدى تارىخىنى. ياۋروپاغا باسقان قەدەم، ياپوننى سىزىغان قەلەم... ھىلال ئايدا تۇتقان ئەلەم .......... ئېلىپ كەتتى بارلىقىنى! قىلىچ ئاسقان، تاڭغا باققان، ئەر يىتۈپ كەتتى نەگە؟! ئايال چېچىدا قامچا ياساپ، ئەر بولماقىنى ئىستەيدۇ، لېكىن... ئېتى يوق بارالمايدۇ ھېچ يەرگە! چېچى يوق ياسالمايدۇ يا قامچا.. بارلىقىنى ئېلىپ كەتتى ئېھتىمال ، داچا!؟ مەنبە:مەن

General丶

	ياخشى يېزىلغان شېئىر،ئۇسسىغان يەرگە باردى.

seyyah

	"ئۇلار شۇنداق ئاتىلار ئىدى" ناملىق شېئىرنى ئېسىمگە سالدى بۇ تېما!!!

kokbora520

	راسلا ياخشى يېزىلغان شئېركەن مەنىسىمۇ چۇڭقۇر

mahatjan

	بىر ئوغۇل تۇغۇلسا بۈتۈن زىمىن كۈلۈپ كىتەرمىش،شۇڭا ئەرنىڭ قەرزى بۈتۈن كائىناتنى خۇشال قىلىش.

фросс

	كىشنىگەن ئاتتىن قورققان، يۈگەن تۇتۇشقا جۈرئىتى يوق. جەۋلان دېگەن نېمە؟! ۋەتەن دېگەن نېمە؟! بىلمەيدۇ، بىلگەندەك شەھۋەتنى...       نىمىشقىكىن مۇشۇ ۋەتەن دىگەن سۆز قىتلىپ قالغان شىئىرلارنى بەك ياقتۇرىمەن!

Gvljahan

	نوچى شىئىر ! بۇنىڭدىن ئارتۇق سۈپەت  تاپالمايمەن .... « كىشنىگەن ئاتتىن قورققان، يۈگەن تۇتۇشقا جۈرئىتى يوق. جەۋلان دېگەن نېمە؟! ۋەتەن دېگەن نېمە؟! بىلمەيدۇ، بىلگەندەك شەھۋەتنى... » دەل شائىر دىگەندەك بولغاچقا مۇشۇ كۈنلەردە بىرلىرىنىڭ پېيىنى قىرقىپ قوپالماس ، يەنە بىرلىرىنىڭ سېسىق نەپىسىنى بۇغۇپ تىنالماس قىلىۋەتكىم كىلىۋاتىدۇ .... جىسمى ئەر ، روھى  دۇنياسى سېسىق سۇدەك بېخسىپ كەتكەنلەرنىڭ جازاسىنى ياراتقان ئىگىسى بىرىدۇ بىر كۈنى ...

blackrose

	كۆرۈرمەن دوستلارغا رەھمەت! بىلمىدىم، تۇيغۇمنى ئېنىق ئىپادىلىيەلمىدىم... سىلەرگە يارىغۇدەك بىر نەرسە چىققان بولسا ئىدى. تەنقىدىي پىكىر بەرگەيسىلەر...

0999uyghurkizi

	blackrose يوللىغان ۋاقتى  2013-2-10 12:51 PM كۆرۈرمەن دوستلارغا رەھمەت! بىلمىدىم، تۇيغۇمنى ئېنىق ئ ... تەنقىد دەمسىز ؟ بۇ شېئىرنى ئوقۇپ تىلىم مەدھىيىدىن باشقىغا كەلمەيۋاتىدۇ .      راستلا ئۇسسىغان يەرگە باردى .  رەھمەت سىزگە !

تىلماچ13

	بىز ئاتالدۇق بەزمىدە يىگىت، ئاھ،جان ئاتىلار جەڭلەردە شېھىت