خىجىللىق(ھىكايە)

mahatjan

	خىجىللىق                                                            (ھىكايە)            بۈگۈن يەكشەنبە بولغاچقىمىكىن،ئاپتۇبۇستا ئادەم كۆپ ئىدى.ئىشىكنىڭ يېنىدا تۇرغان ئەركىننىڭ چىرايىدا بىر خىل خۇشاللىق ئەكس ئىتىپ تۇراتتى.ئۇنىڭ ھەمشە كۈلۈمسىرەپ تۇرىدىغان قاپقارا،يوغان كۆزلىرى بۈگۈن بۆلەكچىلا يېقىملىق بولۇپ كەتكەن ئىدى.ئۇنىڭ كەيگەن كىيىملىرىمۇ ياشلىق قامىتىگە تولىمۇ ياراشقان ئىدى.            ئاپتۇبۇس بىر خىل رېتىمدە كىتىپ باراتتى،ئەركىن،بىرتۇرۇپ ئاپتۇبۇس ئەينىكىدىن سىرتقا قاراپ سىرتتىكى قاينام-تاشقىنلىققا چۈمگەن مەنزىرلەرگە نەزەر سالسا،بىرتۇرۇپ ئاپتۇبۇستىكى كىشىلەرگە نەزەر سالاتتى،گويا كىشىلەرگە ئۆزىنىڭ كۆڭلىدىكى خۇشاللىقلىرىنى بىلدۈرمەكچى بولغاندەك كۈلۈمسىرەپ قارايتى.             ئاپتۇبۇس ئۈچىنجى بىكەتكە كىلىپ توختىدى.ئاپتۇبۇستىن ئىككى-ئۈچ كىشى چۈشۈپ كەتكەندىن كىيىن،بىر قولىدا بىر ياغ تۇڭىنى،بىر قولىدا چوڭ بىر سومكىنى كۆتەرگەن،چىرايى ئاپتاپتا كۆيۈپ قارايغان قىرق بەش ياشلار ئەتراپىدىكى دېھقان سۈپەت بىر ئەر ئاپتۇبۇسقا چىقتى. ئۇ كىشى ئەتراپقا بىر قارىۋەتكەندىن كىيىن ئىشىكنىڭ يېنىدىلا ئۆرە تۇردى.ئاپتۇبۇس تۇيۇقسىز بىرلا چايقىلىپ،كىشىلەرئالدى-كەينىگە مۈدۈرۈپ بىر-بىرىگە ئۇرۇلۇپ،سوقۇلۇپ كەتتى.ھېلىقى كىشى تەڭپۇڭلۇقىنى يوقۇتۇپ،ئەركىنگە يۆلۈنىپ قالدى ۋە ھېلىقى كىشىنىڭ قولىدىكى ياغ تۇڭىنىڭ ئاغزى چىڭ ئىتىلمىگەنمۇ،تۇڭنىڭ ئاغزىدىن ئازراق ياغ ئېقىپ ئەركىننىڭ بۈگۈنلا كەيگەن يېڭى كەشىگە ئازراق تېمىپ كەتتى،بۇنى كۆرگەن ئەركىننىڭ چىرايى بۇلۇتلۇق ئاسماندەك تۇتۇلۇپ،مىڭىسى تەتۈر قۇيۇندەك پىقىراپ،بەش مىنۇت بۇرۇنقى خۇشاللىقتىن ئەسەرمۇ قالمىدى.         -ھو قېرى،كۆزۈڭ نەگە كەتتى سىنىڭ،مۇنداق تۇرە،مەن سىنىڭ يۆلىنىدىغان يۆلەنچۈكىڭ ئەمەس؛-دىدى-دە،ھېلىقى كىشىنى ياقىسىدىن تۇتۇپ ئىتتەردى،ھېلىقى كىشىنىڭ تەلىيىگە ئاپتۇبۇستا ئادەم كۆپ بولغاچقا يېنىدىكى كىشىلەرگە يۆلۈنىپ قالدى،بولمىسا قانداق ئاقىۋەت يۈز بىرەركىن-تاڭ.          -خاپا بولمىسلا ئوغلۇم،ئېھتىياتسىزلىقتىن------،           -كىم سىنىڭ ئوغلۇڭكەن،ئۈستى-بېشىڭغا قاراپ بېقىپ گەپ قىل ھو،ماي چاپان دىۋانى،-ئەركىن شۇنداق دىگىنىچە ئالدىغا بىر قەدەم سىلجىپ،ھېلىقى كىشىگە نەپرەت بىلەن قاراپ قويۇپ،دېرىزىدىن سىرتقا قارىۋالدى.ئاپتۇبۇستىكى كىشىلەر بۇ يىگىتنىڭ قوپاللىقلىرىغا نارازى بولغاندەك نەپرەتلىك قاراپ قويۇشتى.              ئەركىننىڭ خىيال قۇشلىرى كۆكتە پەرۋاز قىلماقتا ئىدى،خىيال ئەينىكىدە مىھرىگۇلنىڭ تال چىۋىقتەك زىلۋا بويلىرى،قاپقارا سۇمبۇل چاچلىرى،قويۇق ئۇزۇن كىرپىكلىرى سايە تاشلاپ تۇرغان ئويناق كۆزلىرى،كەمپۈتنىڭ قاسىقىدەك يۈزلىرى،ئانارنىڭ دانىسىدەك لەۋلىرى پەيدا بولىشى  بىلەنلا،بايامقى تىمساقنىڭكىدەك ئەلپازى يېلى چىكەتكەن ئەرشىبا تەرەكتۇنىڭ چاقىدەكلا بوشاپ كەتتى.مىھرىگۇلنىڭ ئۆزىنى مەغرۇر،سالاپەتلىك تۇتۇشلىرى،مۇلايىم گەپ-سۆزلىرى،ئەدەپ-ئەخلاقى،خىزمەتتىكى تىرىشچان،ئەستايدىللىقى ئەركىننى ئۆزىگە كۈچلۈك جەلىپ قىلىۋالدى.            ئەركىن بىلەن مىھرىگۇل ئۆز-ئارا تونۇشقان ئالتە ئايدىن بۇيان،ئۇلار بىر-بىرىگە بولغان چۈشۈنىشنى چوڭقۇرلاشتۇرۇپ،تونۇشنى ئايدڭلاشتۇرۇپ ئۆز ئارا ياخشى كۆرۈشىپ قېلىشقان ئىدى.            بۈگۈن مىھرىگۇل، ئەركىننى بىر قانچە خىزمەتداشلىرى بىلەن بىرگە ئۆيىگە چاقىرغان.شۇڭا ئەركىن مىھرىگۇلنىڭ ئۆيىگە خىزمەتداشلىرىدىن بۇرۇنراق ماڭغان چېغى ئىدى.ئاپتۇبۇس ئاخىرقى بىكەتتە توختىدى،يولوچىلار بىر-بىرىنى ئىتتىرشىپ چۈشۈشكە باشلىدى،ئەركىننىڭ قولىدا بىر نەرسە يوق سالتاڭ بولغاچقا بالدۇرلا چۈشۈپ تۇرشىغا،بىكەتنىڭ ئالدىدىكى چوڭ ماگىزىندىن مىھرىگۇل چىقىپ كەلدىيۇ ئۇلار چىرايلىق سالاملىشىپ،تىنىچلىق سورشاپ تۇرىشىغا،ھېلىقى يولۇچى ياغ تۇڭلىرنى ۋە يوغان سومكىللىرىنى كۆتۈرۈپ كىلىپ مىھرىگۇل بىلەن سالاملىشىپ كۆرۈشتى،ئەركىن ھېلىقى ئادەمگە بىر قارىۋەتكەندىن كىيىن،مىھرىگۇلدىن سورىدى،         - ئۇ كىم؟          -مىنىڭ دادام،          -سىزنىڭ دادىڭىز؟          -شۇنداق.مىنىڭ دادام،          -مىنىڭ دادام،مىھمانلارنى ياخشى كۈتىۋىلىش ئۈچۈن يېڭى بازاردىن لازىملىق نەرسىلەرنى سېتىۋىلىپ كەلدى.          ئەركىننىڭ كۆز ئالدى قاراڭغۇلاشتى،ئۇ يا ئالدىغا مېڭىشنى،يا كەينىگە يېنىشنى بىلەلمەي، خۇددى تاشتا ياسالغان ھەيكەلدەك قېتىپلا قالدى.                                   ئاپتۇرى؛مەخەت ئابدۇرېھىم.

alenur

	ھازىرقى ياشلارنى زە ئاپتوبۇستا يۆلىنىپ قېلىشتىن ساقلانغىلى بولمايدۇ ،كالىنىڭ بېشىغا كەلگەن كۈن موزاينىڭ بېشىغىمۇ كېلىدۇ بۈگۈنكى ياشلار ئەتىكى كۈندە ياشانغانلارغا ئايلىنىدۇ مۇشۇنچىلىك ئىشقا ياقىسىدىن تۇتۇپ ھەي ~~

ئەلشاھ

	ئەسسەلامۇ ئەلەيكۇم. تېما مەزمۇنى خەت چوڭلىقى 4- نۇمۇردىن چوڭ بولۇپ كەتسە يانفۇن زىيارەتچىلىرى نۇرمال كۆرەلمەيدۇ. شۇڭا ئالاھىدە ئىھتىياج بولمىسا 4-نومۇردىن چوڭ قىلىۋەتمەڭلار.

mahatjan

	مەن خەت دەرجىسىنىڭ ئىكرانغا تەسىر كۆرسىتىدىغانلىقىنى  بىلمەپتىمەن،مەن ئۆزەم يازغان ھىكايىدىكى پىسۇناژ ئەركىندىنمۇ بەكرەك خىجىل بولدۇم.بۇدا چوقۇم دىققەت قىلىمەن.

mamatjan0223

	نىمە دىسەم بولار

سۈمەييە

	ھە مانا ئوبدان بوپتىغۇ ، تازا كۆڭۈل ئازابى تارتقۇزىدىغان گۇيكەن ...خەخنىڭ تىشىغا قاراپ باھا بەرگىلى بولمايدۇ جۇمۇ ،

MILYONIR

	سۈمەييە يوللىغان ۋاقتى  2013-2-9 04:47 PM ھە مانا ئوبدان بوپتىغۇ ، تازا كۆڭۈل ئازابى تارتقۇزىدىغ ... توغرا دەيسىز

0999uyghurkizi

	ئەجەب ئادەملەر بار ھە !

kokbora520

	ئەدەپ -ئخلاق ھەممىمىزگە يار بولسۇن ،شۇندىلا يۈزىمىز يورۇق بۇلىدۇ

YuqunAdam

	تېلى يىنىك ياخشى ئەسەر بوپتۇ.كەش، ئەرشىبا تەرەكتۇر،... دىگەن گەپنى ئويلۇشۇپ بېقىڭ. باشقا ئوخشۇتۇشلارمۇ بارغۇ تېلىمىزدا؟ كىيىنكى ئەسەرلىرىڭىزنىڭ بۇنىڭدىن ياخشى چىقىدىغانلىغىغا ئىشىنىمەن. يەنە ئەركىن ئۇ كىشىنى ئىتتىرگەندە ئەركىندىنمۇ قاۋۇر باشلىق سۈپەت ئوقىغان ئادەمنىڭ شىمىغا تۆكىلىپ كەتسىمۇ خۇشاللىق بىلەن بىلەن ئۇ كىشىگە ياخشى مۇئامىلە قىلىش كۆرنىشى قىستۇرۇلسا ئەركىنگە تەنبىھ بولۇپ زورىغا ئەينەك تەرەپكە قاراپ تۇرۋالغان كۈرنىشىنى ئويلاشسىڭىز تېخىمۇ مەزمۇندا بېيىدىغۇ دەيمەن.