ئاددىي ئۇسۇلدا كىسەل داۋالاش (يەرلىك رىتىسىپ)

★Köktürk★

	بۇ مەن ياقتۇرۇپ ئوقۇيدىغان 100 كىسەلگە 1000 رىتسىپ دىگەن كىتاپتىن ئىلىنغان ئاددى رىتىسىپلار.    زۇكام 1 .ئۈچ سىقىم ئارپىنى قاينىتىپ ئىچىپ بەرگەندە زۇكامغا ياخشى مەنپەئەت قىلىدۇ. 2.بەسەيدىن ئىككى قۇلاق، باشپىيازدىن ئىككى تال زەنجىۋىلدىن ياڭاق چوڭلۇقىدا ئىلىپ قايىنىتپ ئىچىپ بەرگەندە ياخشى شىپاھ بولىدۇ. 3. بىرباش سامساقنى ئىزىپ ، ئۇنىڭ سۈيىگە يىرىم پىيالە قايناق سۇ قۇشۇپ ئىچىپ بەرگەندە زۇكامنى پايدا قىلىدۇ، قىزىتمىنى قايتۇرىدۇ. 4.بىر سىقىم ئاق قىچىنى سوقۇپ، بىرتال تۇخۇم ئىقىغا ئارلاشتۇرۇپ ،ئىككى پۇتنىڭ ئالقىنىغا چىپىپ بەرگەندە زۇكامغا شىپاھ بولىدۇ. 5. بىھىنى ئوتقا كۆمۈپ بىشۇرۇپ يىسە زۇكامغا شىپاھ بولىدۇ.    كۆك ھۆتەل 1. قارمۇچتىن بىر چىمدىم،بادام مىغىزىدىن بەش تال ،ناۋاتتىن ياڭاق چوڭلۇقىدا ئىلىپ سوقۇپ،بىرقوشۇق قىتتىق ياكى قايماققا ئارلاشتۇرۇپ، ئىككىگە بۆلۇپ ئەتىگەندە ۋە كەچتە ئىچىپ بەرسە ھۆتەلگە مەنپەئەت قىلىدۇ. 2. بىردانە توخۇ ئۆتىنى بىر سىقىم ئاق شىكەرگە ئارلاشتۇرۇپ، بەشكە بۆلۈپ ،كۈندە بىر بۆلىكىنى يەپ بەرسە ھۆتەلگە شىپاھ بولىدۇ. 3.بىرباش سامساقنى ئىككىگە بۆلۈپ، يىرىم باش سامساقنى ئەينەك قاچىغا قاچىلاپ داۋاملىق بۇراپ بەرگەندە ئۈنۈم ياخشى بولىدۇ. 4. بىر تال ئاچچىق ئانارنى ھۆل لاتىغا ئوراپ قىززىق تونۇرغا سىلىپ ئستىپ،سۈيىنى سىقىپ ، بىر قوشۇقتىن ،كۈنىگە 3-4 قىتىم ئىچىپ بەرسە ئۈنۈمى ياخشى بولىدۇ. 5. بىر باش سامساقنى ئوتقا كۆمۈپ پىشۇرۇپ، كۈندە بىر تالدىن يەپ بەرسە ئۈنۈمى ياخشى بولىدۇ         باش ئاغىرىقى 1 .بىر چىمدىم قىزىلگۇلنى بىر پىيالە قايناق سۇغا دەملەپ ئىچىپ بەرسە باش ئاغىرىقىغا مەنپەئەت قىلىدۇ. 2 .ئۆچكە سۈتىگە چىلانغان داكىنى داۋاملىق باشقا قويۇپ بەرگەندە باش ئاغىرىقى توختايدۇ. 3.پالەكنى چالا سوقۇپ قاينىتىپ ، سۇيىنى ئىچىپ بەرسە ،باش ئاغىرىقى توختايدۇ 4.ئاپىلىسىننى مۇۋاپىق يەپ بەرسە ياكى سىقىپ سۈيىنى كۇندە بىر پىيالىدىن ئىچىپ بەرسە ،باش ئاغىرىقى پەسىيدۇ. 5. لىمون شەربىتىنى مۇۋاپىق ئىچىپ بەرسە ،باش ئاغىرىقى پەسىيدۇ. كاناي ياللۇغى 1. زىغىر بىلەن بىھى ئۇرۇقىنى بىر ئۇچۇمدىن ئىلىپ ، قايناق سۇغا چىلاپ سۇيىنى ئىچىپ بەرسە بولىدۇ. 2. بىھىنىڭ ئۇرۇقىنى دائىم شۇمۇپ بەرسە ئۈنۈمى ياخشى بولدۇ . 3. زىغىر يىغى بىلەن دائىم تاماق ئىتىپ يىسە كاناي ياللۇغىغا ئۈنۇمى ياخشى بولىدۇ . 4. ئاچچىق ئۆرۈك مىغىزىدىن بىر سىقىم ، ئۈجمە يوپۇرمىقىنى ئىككى سىقىم ئىلىپ قاينىتىپ سۈرۈپ، سۈيىگە بىر مونەك ناۋات سىلىپ ،قىزىتىپ ئىرىپ بولغاندىن كىيىن ئىككىگە بۆلۈپ ئەتىگەن ۋە كەچتە ئىچىپ بەرسە ياخشى ئۈنۈمى بولىدۇ. 5. بىر پىيالە ئانار شەربىتىگە بىر مونەك ناۋاتنى سىلىپ سۇس ئوتتا قىيام ھالەتكە كەلگىچە قاينىتىپ ،كۇندە ئۈچ قىتىمدا بىر قوشۇقتىن ئىچىپ بەرسە مەنپەئەت قىلىدۇ. 6. بەش تال سەۋزىنى ئاقلاپ ئوتتۇردىكى غولنى ئىلىۋېتىپ ئۇششاق توغراپ ،سۇدا قاينىتىپ ئوبدان پىشقاندا سۈزۈپ سۈيىگە بىر قوشۇق شىكەر قوشۇپ قىيام قىلىپ ،ئۈستىگەسۈزۈۋالغان سەۋزىنى سىلىپ يەنە قاينىتىپ كۈنىگە ئۈچ قىتىم بىر قوشۇقتىن ئىچىپ بەرگەندە كاناي ياللۇغى ساقىيدۇ. سىياداندىن بىر چىمدىم ئىلىپ سوقۇپ ،بىر قوشۇق قايماق بىلەن يىسە،ھىق تۇتۇشقا مەنپەئەت قىلىدۇ. ھازىرچە مۇشۇنچىلىك يوللاپ تۇراي.ئاللاھ خالىسا يەنە داۋاملىق يوللايمەن، ئىملادا خاتالىق بولسا تۈزتۈپ قويغايسىلە!!!!!

太阳

	ئەجەپ ياخشى بولدى، مەنمۇ مۇشۇ ئۇسۇل بويىچە ئۆزۈمنى داۋالاپ باقايچۇ؟ يۆتەل بوپ قاپتىم،

yasinawut

	بۇ بەك ئاددى ھەم ئۈنۈملۈك چارىكەن . بىلۋالدىم ، ئەجىرڭىزگە كۆپ رەخمەت ........

kokatirgol

	بەك ياخشى بولدى ،مىنىڭ دائىم گىلىم ئاغرىيتى .رەخمەت

xaban010

	مۇشۇنداق تېمىلار  كۈندە  نەچچە  قېتىمدىن يولىنىپ تۇرسا بەكمۇ ياخشى بولاتتى،،رەھمەت قېرىندىشىم يەنە  داۋاملىق ئەۋەتىپ تۇرىشىڭىزنى ئۈمۈت قىلىمەن

سابا

	ئىنكاس  ئارقىلىق ساقلىۋالاي ، رەھمەت سىزگە .

★Köktürk★

	خۇداغا شۇكرى بۇ تىمام تەستىقلىنىپتۇ . بۇنىڭدىن بۇرۇن يوللىغانلىرى نىمە سەۋەپتىن مۇنبەرگە چىقمىغان بولغىيتى.

1kilixkan

	تېما يوللىغىچىغا رەھمەت.

mahatjan

	مەندە بىر خىل قۇرۇق يۆتەل بار ئىدى، سىز كۆرسەتكەن ئاددى ئۇسۇللارنى بىر قوللۇنۇپ باقاي.

intikam

	ئەسسالامۇ ئەلەيكۇم ،  ھارمىغايسىز   ئادەم قىش  ۋە  ئەتىياز پەسىللرى دائىم زۇكامدىن خالى بولمايدىكەن  شۇڭا مۇشۇنداق  تىمىلار بولسا يەنە يوللاپ تۇرۇڭ  رەھمەت سىزگە.