نەزىرە مۇھەممەد سالىھقا شېئىرى مەكتۇپ

yancin

	نەزىرە مۇھەممەد سالىھقا شېئىرى مەكتۇپ نەزىرە! سەن ئۇيغۇرنىڭ  پەخىرلىك قىزى. ھۆرمىتىم بار ساڭا ئەجەپمۇ، بىلمىسەڭمۇ لېكىن سەن مىنى. سەن ! ھىدايەتتىن قانات چىقىرىپ، روھ چۆلىنى كەزگەن بىر سەيياھ. سۈزۈك-سۈزۈك نەپەسلىرىڭدە كۈيۈپ كۈلگە ئايلانغان گۇناھ. تۇنۇشمايمىز بەلكىم ئۇچراشساق، تۇنۇشىدۇ تۇيغۇلار لېكىن. ئاياللارنىڭ ئەڭ سەرخىلى سەن، سۈيۈنىمەن مەۋجۇتلىقىڭدىن . نەزىرە! سەن ئىزلىگەن شەرق يۇلتۇزى، بەكمۇ خىرە چاقنامدۇ ئۇندا. تاش شەھەردە ئاياللار قالتىس، ئۈلۈم مەۋجۇت ئەمەستەك گويا. نەزىرە! كوچىلارغا چىقساڭ نۇرلىنىپ، كىملىكىڭنى بىلمىگەنلەرمۇ، باقار چۇقۇم ساڭا ھەۋەستە. رەستىلەردە مىغىلداپ يۈرگەن، روھى ئۆلگەن بىچارىلەرگە، ئۇپىلانغان قورۇق يۈزلەرگە، شىر يايلىدەك چاڭگا چاچلارنىڭ مەئسىيەتلىك بەدەنلىرىگە. ئاھ!ئېچىنىپ مىڭبىر ئۆرتىنىپ لۇت قەۋمىنى ئالامسەن ئەسكە؟؟ نەزىرە ! ئۈرۈمچىدە كۆپ-ھە «يېڭىلىق». ئايال چولپان يۈرسە ئىچكىردە. رىياسەتچى ياراتسا «تۆھپە». زامانىۋى توي قىلىپ ئارتىس، ئەل ئالدىدا قالسا لەنەتكە. ھاجى ئاتلىق شەيتان خانلارنىڭ، سورۇندىكى غىڭجىڭلىقلىرى، ئېنتىرنىتتىن قانات چىقىرىپ، ھايال ئۆتمەي كەلگەن بۇ يەرگە... توۋا دىدۇق چەكسىز ئېچىنىپ، غاپىللارجىق ئاشۇ شەھەرگە. ئاھ نەزىرە جېنىم ھەمشىرەم، ھەممىدىن بەك دەرتلەندىڭمىكىن ، ھىدايەتلەر تىلەپ ئۇ ئەلگە. نەزىرە! نۇر ۋە زۇلمەت پەرقى نىمىدۇر، ئەمەل قىلماي يۈرسەك ئەگەردە. سەن ھەم بىلدىڭ ھەم ئەمەل قىلدىڭ. شۇڭا ئورنۇڭ چوڭدۇر دىللاردا. شۇڭا سەندىن يىراقتۇر رىيا. شۇڭا ساڭا لىباستۇر ھايا. شۇڭا ساڭا يۈلەكتۇر ئاللاھ. نەزىرە ئەي جېنىم ھەمشىرەم، دەرىجەڭنى چوڭ قىلسۇن ئاللاھ. نەزىرە ! ساڭا دىلداش چۈمبەلدىكى كۆز، ۋاراقلايدۇ خىياللىرىمنى. ھەدەمدۇرسەن ۋە ياكى سىڭلىم، تەڭتۈش بولساق دوستۇم دە مېنى. قېرىنداشمىز ئاللاھ باغلىغان، يوللار يىراق بولسىمۇ گەرچە. نەزىرە! ئامانمىكىن بۇزرۇك پاسىبان.؟ ئادىل ئاكام نەدە ئالدىراش.؟ پاك نەسەبىڭ ئېسىل جەمەتىڭ، زۇھەل بۇلۇپ تۈنلەردە يانغان. ھەققە باشلاپ تالاي دىللارنى، ھىدايەتتىن ياسىدى گۈلخان. ئالىملارنىڭ شاراپىتىدىن، غاپىللار جىق غېرىپ شەھەرگە، پاك رەببىمىز بەرمىدى تۇپان. رەھمىتىدۇر ئالىملار يۇرتنىڭ، بىلمەس لېكىن بۇنى پاسىق جان. نەزىرە! بارلىق ئۇيغۇر زىيالىيلىرى(ئايال) ئۈگەنسىكەن سەندىن ئەقىدە. ھەممە ئانا بولسا سەن كەبى، نۇسرەت قۇنار ئىدى مىللەتكە. نەزىرە! جەنۇپتىكى خىلۋەت كەنىتتە، ساقلىق تىلەپ ئالىمىمىزغا، ئەشئارىمدا يوللايمەن سالام. مەنبە؛ئۆزەم. رەببىيەل ئەۋۋەلنىڭ 26-كۈنى

مارشال

	بۇ ھەدىمىزنىڭ ‹‹شەرق يۇلتۇزلىرىنى ئىزلەپ››دېگەن كىتابى ساقلاپ قويۇشقا ھەمدە ئوقۇپ قويۇشقا تېگىشلىك ياخشى كىتاب.

rizwangul0995

	مۇھەممەت سالىھ  دامۇللامنىڭ قىزىغۇ دەيمەن رەھمەت ياخشى تېمىلارنى يوللا ۋاتسىز

zulal0999

	رەھمەت ئەجرىڭىزگە

hekmat-uyghur

	سەن ئىزلىگەن شەرق يۇلتۇزى، بەكمۇ خىرە چاقنامدۇ ئۇندا. تاش شەھەردە ئاياللار قالتىس، ئۈلۈم مەۋجۇت ئەمەستەك گويا. نەزىرە! كوچىلارغا چىقساڭ نۇرلىنىپ، كىملىكىڭنى بىلمىگەنلەرمۇ، باقار چۇقۇم ساڭا ھەۋەستە. رەستىلەردە مىغىلداپ يۈرگەن، روھى ئۆلگەن بىچارىلەرگە، ئۇپىلانغان قورۇق يۈزلەرگە، شىر يايلىدەك چاڭگا چاچلارنىڭ مەئسىيەتلىك بەدەنلىرىگە. ئاھ!ئېچىنىپ مىڭبىر ئۆرتىنىپ لۇت قەۋمىنى ئالامسەن ئەسكە؟               مېنىڭچە بۇ  مەن  يېقىنقى  زاماندا  كۆرگەن ئەڭ  ئېسىل  مىسرالار  بولدى.         ئۇشبۇ  شېئىرىنى يازغان  شائىرەنىڭ  ئەجرىگە  ،ئىرادىسىگە  ۋە  قەلبىگە   چوڭقۇر  رەھمىتىمنى  ئېيتىمەن.  شۇنداقلا  بۇنداق  ھىدايەت  تېمىسىدىكى  شېئىرلىرىڭىزنىڭ  ئۈزۈلۈپ  قالماسلىقىنى  ئۈمىد  قىلىمەن.

hekmat-uyghur

	ئانىنىڭ  قەلبىدىكى ئىمان  سۇس  بولسا  ۋۇجۇدىدىكى  سۈتى  پاك  بولمايدۇ،  مەيدىسىنى  يېرىم  ئۇچۇق  قويۇپ  يۈرگەن  ئانىنىڭ  قىزى  ئۇ  بۇ  يىرىنى  ئوچۇق  قويۇپ  يۈرىدىغان  ھاياسىز  بولۇپ  چوڭ  بولىدۇ.

qaraxani

	بۇ قەسىدە يەڭگىل ھەم ھېسسىياتلىق چىقىپتۇ،رەھمەت.

tewelgha

	چىن ھېسىيات بىلەن يېزىلغان ياخشى شېئىركەن .

yaprah0999

	ئالدى بىلەن مەزكۇر شېئىرنىڭ ئاپتۇرىغا تەشەككۈر. مەيلى ئوغۇل ياكى قىز بولسۇن بىر ئادەمنىڭ  قانداق ئۆسۈپ يېتىلىشىگە ئەلۋەتتە ئالدى بىلەن ئائىلە تەربىيە ئۇل سالىدۇ،نەزىرەدەك ئىستىداتلىق ئىگىسىنى چوڭ قىلغان ئاتا-ئانىسىغا چوڭقۇر سالاملار بولسۇن. قىز-ئاياللىرىمىزنىڭ مەنىۋىتىگە ئاز بولمىغان روھى ئوزۇق ئاتا قىلغان نەزىرەنىڭ ئىشلىرىنىڭ ئاسان ،ئەزىز تېنىنىڭ سالامەت بولىشىنى ئۈمىد قىلىمەن.

توقماق

	ياخشى يىزىلغان،چىن ھىسسىيات بىلەن سۇغۇرۇلغان،رۇشەن ئىدىيە خاسلىغىغا ئىگە لىرىكا ئىكەن.