ئورۇن بەرمىگەنگە تويە!

lokmanhakim

	جەمئىيەت تەرەققىياتىنىڭ ئۇچقاندەك ئىلگىرلىشىگە ئەگىشىپ كىشىلەرنىڭ مەدەنىيەت، ئاڭ ساپاسىمۇ ماس قەدەمدە يۈكسەلمەكتە.بۇ بىر ياخشى ئەھۋال.لىكىن ئەتراپىمىزدىكى بەزىبىر ئەخلاقسىزلىق قىلمىشلىرىمۇ ھېلىھەم مەۋجۇتلىقىنى ساقلىماقتا.بۇ نېمە ئەھۋال دېسىڭىز ئۆتكەندە مەن ئىشتىن سەل كەچ قايتىپ،ئادەمنىڭ جىقلىقىدىن پۇت قويىدىغان يەرنى تاپقىنىمىزنى چوڭ بېلىپ چىقىدىغان مەھەللىمىزنىڭ كوچا ئاپتۇبۇسىغا بۈگۈنمۇ پۇلنى ئالدىدىن سېلىپ،كەينى ئىشىكىگە يامىشىپ دىگەندەك ئاران تەسلىكتە ئاپتۇبۇسنىڭ كەينى ئىشىك پەلەمپېيدىن پۇت ئىلناشقۇدەك بىر ئورۇن تاپتىم.ھوف!خۇداغا شۈكرى.ئىشقىلىپ ھەر كۈنى كەچتە بۇ خىل تەكرارلىنىش بالىبا.بىز يولۇچىلارمۇ مۇشۇ خىل ئەھۋالنى كۆرگىنىمىزدە چىرايىمىزنى پۈرۈشتۈرۈپ:ۋاييەي بۇ ئادەمىنىڭ جىقلىقىنى دەپ قويۇپ،ئەتىسى يەنە شۇ چاغ كەلمىگىچە ئۇ قىستا-قىستاڭچىلىقنى ياندۇرقى خىيالىمىزغىمۇ كەلتۈرمەيمىز.خۇددى ھېندىستان،بېنگال خەلىقلىرىنىڭ پويىزغا ياماشقىنىدەك،توختىماي تەكرارلىنىدىغان بۇ قىستاڭچىلىققا بىزمۇ كۆنۈك.ئارىلىقتا 2-3بېكەت ئۆتۈپ،ماشىنا ئىچى خېلى ئازادىلاشقان بولسىمۇ،ئۆرە تۇرغۇچىلار يەنىلا كۆپ سانلىقنى ئېگىلەيتتى.كىيىنكى بېكەتتە ئاپتۇبۇسقا 60-70ياشلار چامىسىدىكى بىر ياشانغان مويسىپىت قولىدا چوڭ بىر سۇلىياۋ خالتىنى كۆتۈرۈپ چىقتى.گەرچە بوش ئورۇن بولمىسىمۇ بىرەرىنىڭ ئورۇن بوشىتىپ بېرىشىنى تەمە قىلىپ ئەتراپقا قارىدىم.ئولتۇرغان يولۇچىلارنىڭ دېگۈدەك ھەممىسىلا نەرسە-كېرەك كۆتۈرىۋالغان ياكى ئوخشاشلا ياشانغان كىشىلەر ئىدى.ھىلىقى بېچارە تاغىمىز بولسا،بىر قولىدا چوڭ خالتا يەنە بىر قولىدا ئاپتۇبۇسنىڭ تۇتقۇچىغا ئېسىلىپ،شوپۇرنىڭ قوپال تورمۇز سىقىشلىرىدا ھەر تەرەپكە دەلدەڭشىيتتى.بىر-ئىككى بېكەت ماڭغان بولساقمۇ،ھېچ ئادەملەر ئازىيدىغاندەك ئەمەس.ئولتۇرغان يولۇچىلار ئىچىدە 20نەچچە ياشلاردىكى بىر خەنزۇ قىز گۈزەل شەھەر مەنزىرىلىرىگە،رەتلىك سېلىنغان كۆركەم بېنالارغا تۇغۇلۇپ تۇنجى قىتىم كۆرۈشىمۇ ياكى مۇشۇ ئاپتۇبۇسقا چىقىپلا ھەممىنى قايتىدىن كۆرمەكچى بولدىمۇ  ئىشقىلىپ يىراقلارغا نەزەر سېلىپ،يېنىدا تۇرغان ياشانغان بىر كىشىدىن خەۋەرسىز ئولتۇراتتى.ئاخىرى بولماي ھىلىقى خەنزۇ قىزغا:<خاپا بولماي ئورنىڭىزنى ماۋۇ ياشانغان كىشىگە بەرگەن بولسىڭىز،قولىدىكى نەرسىلەر بىلەن قىينىلىپ قاپتۇ>دېدىم خەنزۇچە ھىلىقى ياشانغان كىشىنى كۆرسىتىپ.ئۇ ماڭا شۇنداق قارىدى-دە،پىستاندەك كۆزلىرىنى يوغان ئېچىپ بىر چەكچىيۋەتكەندىن كىيىن تەپتارتماستىن <ئۇ قىينالسا مەن قىينالمامدىكەنمەن، مېنىڭمۇ يۈرەك كېسىلىم بار بوشىتىپ بېرەلمەيمەن>دەپلا باشقىلارنىڭ ئاڭلاپ قېلىپ خىجالەتكە قالمىسۇن دەپ پەسرەك دېگەن گىپىمگە ئۈنلۈك ئاۋازدا جاۋاپ بېرىپ سەت بىرنى ئالىيۋەتكەندىن كىيىن ئۇ يانغا قاراپ ئولتىرىۋەردى. ھەي مەن تېخى ئەتراپتىكىلەردىن خېجىل بولۇپ قالمىسۇن دەپ پەسرەك دېسەم نېمە كاركىرايدۇ ماۋۇ ئەدەپسىز-دېدىم ئۇيغۇرچىلا. گىپىمىزگە دىققەت قىلىپ تۇرغان ھېلىقى كىشى  <ئۇكام نېمە دەيدۇ بۇ؟> -نېمە دەيتتى،سىلىنى قولىدىكى نەرسىلەر بىلەن قىينىلىپ قاپتۇ سەن ياش بولغاندىكىن ئورنۇڭنى بەر دېسەم تېخى بېزەڭلىك قىلىپ يۈرەك كېسىلىم بار دەپ ئولتىرىدا ماۋۇ.نېمانداق نېمە سەن چوڭلارغا ئورۇن بېرىشتىن  ئىبارەت بۇ ئەقەللى ئەخلاقنىمۇ بىلمەمسەن؟ بولدى ئۇكام زۇكۇنلاشماڭ دەپلا ھېلىقى بوۋاي گېپىمنىڭ ئاخىرىنى ئۈزىۋەتتى. مەيلى ئۇكام جەنۇپتىن تۇققان يوقلىغىلى چىققان،بۈگۈن كەتمەكچى بولۇپ سوۋغا-سالامغا بىر نەرسىلەرنى سەل جىق ئېلىۋاپتىمەن. -نەدە چۈشەتتىلە؟ -ئىسمىنىمۇ ئۇقمايمەن، مۇشۇ ئاپتۇبۇسنىڭ ئاخىرقى بېكىتىدە. -ۋاي خۇدايىم ئارىلىقى خېلى بار،ئەكەلسىلە مەن ئېلىۋالاي،-دېدىم قارا خالتىغا قولۇمنى ئۇزۇتۇپ. -بولدى رەھمەت ئۇكام،ياخشى بالىكەنلا سېلىمۇ كۆتۈرۈپ بولالمايلا،ئارىلىقى خىلى بولسا مۇشۇنىڭ ئۈستىدىلا ئولتۇرىۋالاي دەپ چوڭ سۇلىياۋ خالتىنىڭ ئىككى ئۇچىنى بىر-بىرىگە چىگىپ،ئۆزىمىز ياشىنىپ قالغاندەك قىلغان بىلەن خېلى تېرەڭ تۇرىمىزغۇ مانا دەپلا سۇلىياۋ خالتا ئۈستىدە موككىدە ئولتىرىشى بىلەن تەڭ بومبا پارتىلىغاندەك <گوم>قىلغان ئاۋاز گەرچە قاراپ تۇرغان بولساممۇ،مېنىمۇ قاتتىق چۈچۈتۈپ ، قاراڭغۇدا نېمە بولغىنىنى بىلەلمىگەن شوپۇرنىڭ جىددى تورمۇزلىشى ،يولۇچىلارنىڭ قورقۇپ چىرقىراشلىرى ئاپتۇبۇسنىڭ ئىچىنى بىر ئالدى. ئۇلارنىڭ ئىچىدە  ھىلىقى بېشەم يۈرەك كېسىلى بار قىز يېقىن بولغانلىقى ئۈچۈنمۇ قورققىنىدىن تاقلاپ كەتكەنىدى. نېمىش بولغانلىقىنى بېلىپ ئېسىگە كەلگەن يولۇچىلارنىڭ پاراققىدە كۈلۈشىدىن ئوڭايسىزلانغان بوۋاي بېشىنى قاشلىغان پېتى<مۇشۇنداقلا ئولتۇرغان بولمىسا>دەپ ئاستا ئورنىدىن تۇردى.ھېلىقى قىز بولسا خېجىللىقتىنمۇ ياكى راستىنلا بەك قورقۇپ كەتتىمۇ يىغىسى خېلى ۋاقىتقىچە پەسەيمەي، كىشىلەرنىڭ ئۈنلۈك ئاۋازدا ئورۇن بەرمىگەنگە تويە!مانا مۇشۇنداق بولىدۇ. سەن ياش بولغاندىكىن ئورنۇڭنى بەرسەڭ نېمە بولىدۇ دىگەندەك تاپا-تەنىلىرى ۋە توختىماستىن بېقىنلىرىنى تۇتۇپ كۈلۈشلىرىدىن ھىلىقى قىز يىغلىغان پېتى چۈشۈپ كەتتى. توۋا!ئۆيگە قايتىپ كېلىپمۇ بىر تەرەپتىن بايامقى قىزنىڭ ئەدەپسىزلىكىگە  ئاچچىقىم كەلسە، يەنە بىر تەرەپتىن ھېلىقى قىزىقارلىق كۆرۈنۈش  ئېسىمگە كەلسىلا ئۆزۈمنى توختىتالماي كۈلۈپ كەتتىم.<چوڭلارنى ھۆرمەتلەپ،كىچىكلەرنى ئىززەتلەش جۇڭخۇا مىللەتلىرىنىڭ ئېسىل ئەخلاقى>دېگەندەك ئاۋازلار ئاپتۇبۇس ياڭراتقۇسىدىن دەرقەمدە بىر ئاڭلىنىپ تۇرسىمۇ،ئۆردەككە سۇ يۇقمىغاندەك بۇ گەپلەر بىرەر قېتىممۇ قۇلىقىغا كىرمەيدىغان كىشىلەرمۇ يوق ئەمەسكەن. بۇ قانداقتۇر نوقۇل ھەلدا بىرەر مىللەتكە ياكى ھېلىقىدەك قىزلارغىلا قارىتىلغان سۆز ئەمەس.لىكىن مەيلى كىم بولىشىدىن قەتئىنەزەر چوڭلارنى كۆرگىنىمىزدە ئۇلارنى ھۆرمەتلەش،جۇڭخۇا مىللەتلىرىنىڭلا ئەمەس،ھەر بىر ئىنساننىڭ تۆت پۇتلۇقتىن پەرىقلىنىشتىكى بىر چىگرا.چوڭلارنى قەدىرلەيلى!تۈنۈگۈنكى ياشلار بۈگۈنكى چوڭلار،بۈگۈنكى ياشلار ئەتىدىكى مويسىپىتلاردۇر.

umut47

atewa0405

	ياخىشى چىقىپتۇ

yasinawut

	ھەجەپمۇ  بىر ئىش بوپتۇ ھە - ........

qanayman

	ساپادىگەن يوق........

18099736949

	كۈلۈپ  تاشلاپتىمەن  رەھمەت جۇمايەنە بىر كۈلىۋالاي

qintax

	بەش مىڭ يىل مىش!

mostafa

	يەنە مۇشۇ چاھرپايلارنىڭ چاھارپايدەك قىلىق لىرمۇ؟ مەن بۇلارنى ئەزەلدىن ئىنسان ئورنىدا كۆمەيمەن

musilina

	ھەم كۈلكىلىك ھەم تەربىيىۋى ئەھمىييەتكە ئىگە چىقىپتۇ يازمىڭىز... ئاپتوبۇسقا چىقىپ قالسام،ياشانغان كىشىلەرنىڭ ئۆرە تۇرىشى بىلەن كارى يوق ئولتۇرىدىغان بىر قىسىم ياشلاردىن  نەپرەتلىنىمەن....

seddichin

	ئاللا، بۇنداقمۇ ئىشلار بولىدىكەن دىسە؟ ئەجەپ بوپتۇ، ئەمما يامان جايىدا بوپتۇ. نەدە بولغان ئىش بۇ؟ئادرىس بىلەن يوللاڭلار دەيمەن....