جەڭگاھتىكى غېنى باتۇر

karahan0998

	جەڭگاھتىكى قەھرىمان-غېنى باتۇر                      غېنى باتۇرنىڭ جەڭگاھتىكى ھەقىقى ئىش ئىزلىرىدىن  . غېنى باتۇر قۇماندانلىقىدىكى پارتىزانلار،ئارشاڭ ناھيەلىك ھۆكۈمەتنى قورشاپ ئالغاندىن كىيىن ،ناھىيە ھاكىمى تەسلىم بۇلۇشقا ماقۇل بولدى . شۇنىڭ بىلەن ناھيىلىك ھۆكۈمەت ئىشغال قىلىندى . غېنى باتۇر ھاكىمنى ساقچى باشلىقىنىڭ ئالدىغا ئەلچىلىككە كىرگۈزىدى .بىراق ساقچى باشلىقى تەسلىم بۇلۇشقا ئۇنمىدى .بۇنى ئاڭلاپ غېنى باتۇرنىڭ قاتتىق ئاچچىقى كىلىپ كەتتى ۋە ئاچچىقى كىلىپ مۇنداق دىدى <<  تەسلىم بۇلۇشقا ئۇنمىغان بولسا ئوغۇل بالىكەن،ئۇنىڭ بىلەن بىر ئېلىشىپ باقاي،غېنى ئاكىسىنىڭ قانداق ئادەملىكىنى كۆرۈپ باقسۇن >> غېنى باتۇر شۇنداق دەپلا ساقچى ئىدارىسىغا كەينى ۋە ئىككى ياندىن تەڭ ھۇجۇم قىلىشقا بۇيرۇق بەردى ۋە تەجىرىبىلىك ئىككى پارتىزاننى چاقىرىپ كىلىپ،سېپىلغا يېقىن بېرىپ لەخمە كولاپ پارتىلتىشنى بۇيرىدى . ئۆزىمۇ ماۋزۇرىدىن سېپىلغا قارتىپ توختىماي ئوق ئۈزەتتى . دۈشمەن ئۈچ كىچە - كۈندۈز قاتتىق تىركەشتى .3-كۈنى پارتىزانلار سېپىلنى پارتىلتىپ،ساقىچى شىتابىغا بېسىپ كىردى . شۇنىڭ بىلەن ئارشاڭ ناھيەسى ئازاد قىلىندى .   ئارىدىن ئون نەچچە كۈن ئۆتكەندە،غېنى باتۇر قوماندانلىقىدىكى پارتىزانلار، يارىدەمگە كەلگەن دۈشمەن  ئارمىيسىنىڭ ئالدىنى ئەنگىلىك دىگەن جايدا توستى . غېنى باتۇر سەپنىڭ ئالدىدا كىتىپ باراتتى .دۈشمەن قوماندانى غېنى باتۇرنى نىشان قىلىپ،ماۋزۇرىدىن ئوق ئۈزدى ،غېنى باتۇر چاققانلىق بىلەن ئۆزنى يەرگە ئاتتى ،لىكىن ئۈلگۈرەلمىدى .دۈشمەننىڭ ئوقى غېنى  باتۇرنىڭ ئومۇرىتقىسىنىڭ ئازراق يىرىنى يۇلۇپ چىقىپ كەتتى . باتۇر چەبدەسلىك بىلەن دومىلاپ ئۆزنى دالدىغا ئېلىپ،ماۋزۇرىنى يانچە سىلكىپ ئېتىپ،دۈشمەن قۇماندانىنى يەر چىشلەتتى . قوماندانىدىن ئايرىلىپ قالغان دۈشمەن ئەسكەرلىرى قالايىمقانلىشىپ كەتتى .غېنى باتۇر ئورنىدىن دەس تۇرۇپ ‹‹ قېرىنداشلار ئالغا! ›› دەپ ۋاقىراپ دۈشمەنگە ئېتىلدى . پارتىزانلار غېنى باتۇرنىڭ ‹‹ ئالغا! ›› دىگەن بۇيرۇقىنى ئاڭلاپ،ئورۇنلىرىدىن چاچراپ تۇرۇپ،‹‹ ھۇررا !›› دىگىنچە ئالغا ئېتىلدى . يول ئۈستىدە گىرەلەشمە ئۇرۇش باشلىنىپ كەتتى .غېنى باتۇر ئالدىغا ئۇچىرغان دۈشمەن ئەسكىرىنى يەر چىشلىتىپ،‹‹ غەيرەت قىلىڭلار ئەزمەتلەر ! ›› دەپ ۋاقىراپ قۇياتتى . بەزى دۈشمەن ئەسكەرلىرى پارتىزانلانىڭ ھەيۋىسىدىن قورقۇپ، قۇراللىرىنى ئىككى قولى بىلەن ئىگىز كۆتۈرۈپ،،تەسلىم بولغانلىقىنى بىلدۈرۈپ تىزلىناتتى . ئۇرۇش بىر قانچە سائەت داۋاملىشىپ ،غېنى باتۇرنىڭ يارسىدىن كۆپ قان ئېقىپ كەتتى. بۇنى كۆرگەن ئەترەت باشلىقلىرى- -باتۇر يارىلىرىدىن كۆپ قان ئېقىپ كەتتى،يارىلىرىنى تاڭدۇرۋالسىلا -دىيىشتى . لىكىن باتۇرنىڭ قولىقىغا گەپ كىرمەيتى . دۈشمەننىڭ ئۆلگەنلىرى ئۆلۈپ ،تەسلىم بولغانلىرى تەسلىم بۇلۇپ،بىر قىسىملىرى قىچىشقا باشلىدى . ۋەزىيەت ياخشىلانغاندىن كىيىن ،غېنى باتۇر مەجبۇرى داۋالىنىشقا ئېلىپ كىتىلدى . غېنى باتۇرنىڭ ئەينى يىللاردىكى ئەسكىرى ئابدۇۋەلى قادىرنىڭ ئەسلىمىسىدىن قىسقارتىپ ئېلىندى . مەنبە ؛ئىلى دەرياسى ژۇرنىلى 2005-يىللىق 2-سان

غەييۇر

	زم

sabak

	ئاشۇ  باتۇرلۇقلارمۇ  ئۆلۈم بىلەن  تۈگەيدۇ

jmgur

	غېنى باتۇرنىڭ قەبرىسى قەيەردىكىنە ؟

qaraxani

	ئاپىرىن ! خەلق ئارىسىدا ‹‹غېنى باتۇر ››توغرىسىدا مۇنداق ناخشا تارالغان: غېنىكام چىقىپ كەلدى، ئالا ئاتنى تاقىلاپ. دۈشمەنلەر كۆرۈپ قاچتى ، كېرەمباغنى ياقىلاپ. غېنى باتۇر ئۆزى ياش ، مىليون ئەسكەرلەرگە باش. دۈشمەن كەلسە باغرى تاش ، ‹‹ئۆلۈپ كەتتى›› بەكمۇ ياش . غېنىكام ئۇ جەڭ كەچتى، جەڭلىرى مېنى ئەچتى. دۈشمەن بىلەن جەڭ قىلىپ، ئات كۆكسىدە قان كەچتى. ..................................... ئۇ ئۆزىنىڭ بىر تال مويىنى دۈشمەنلەرگە تۇتقۇزمىغان ئوغۇل بالا ،خۇددى سادىرغا ئوخشاش! يوللانمىڭىزغا رەھمەت قاراخان 0998

توقماق

	ئابدۇۋەلى قادىر غىنى باتۇرنىڭ ئەسكىرى ئەمەس،ئەسلىمىنى خاتىرلەپ ئېلان قىلغۇچىمىكىن،تېما يوللۇغۇچى ئىنىق ئۇچۇرىنى بىرىۋەتسىڭىز.

abdulahad7

	غېنى باتۇرغا   مۇناسىۋەتلىك  ھەرقانداق نەرسە  بولسا   يوللاپ  بەرسەڭلەر بەك  ياكشس   بولاتتى

yadikar-

	jmgur يوللىغان ۋاقتى  2013-2-6 10:19 AM غېنى باتۇرنىڭ قەبرىسى قەيەردىكىنە ؟ باتۇرنىڭ قەبرىسىنى قىرغىزىستان تەۋەسىدە دەپ ئاڭلىغان ئىدىم. ئىنقىلاپقا قاتناشقان كۆپلىگەن  قىز-ئوغلانلىرىمىز ئۇمۇمەن قىرغىزىستان، ئۆبېكىستان  قاتارلىق خوشنائەللەرتەۋەسىگە چىقىپ كەتكەن بۇلۇپ، شۇتەرەپلەردە ئۈزىنىڭ قەھرىمانلىق ھاياتىنى تاماملىدى. «ئانايۇرت» رۇمانىدا غېنى باتۇرنىڭ باتۇرلىقى جانلىق تەسۋىرلىنىدۇ.

muslina216

	ئىستىداتلىق ، ئوقۇغان رەھبەرلىرىمىزنىڭ ئەينى چاغدا غېنى باتۇرچىلىك كاللىسى ئىشلىگەن بولسا كاشكى ....

banker625

	ئانا يۇرت رومانىدا غېنى باتۇرنىڭ ئىش ئىزلىرى خېلى كۆپ تەسۋىرلىنىدۇ ، مەن غېنى باتۇرنى 1952-يىلى ئالمۇتاغا چىقىپ كەتكەن دەپ ئاڭلىغان ، لىكىن بۇ خەۋەر ئىشەنچىلىكمۇ بىلمەيمەن .   ھەممە ئىشنى ئالدىدىن بىلگىلى بولسىدى بەلكىم تۇرمۇشىمىزمۇ ھازىرقىدىن پەرىقلەنگەن بولاتتى