دوستۇم: يۈرىكىڭىزدە ئىز قالدۇرۇپ كەتكەن ئىنسان كىم؟

dostum.

	شۇنداق بىر ئىنسان باركى، ئۇنى ئۇنتۇي دەپ ئۇنۇتالمايسىز. يەنە شۇنداق بىر ئىنسان باركى،ئەستە ساقلايمەن دەيسىزيۇ، ئەمما ئاسانلا ئۇنتۇپ كىتىسىز.  شۇنداق بىر ئىنسان باركى، ئۇنى يېنىڭىزدا ئەمەس، پەقەتلا قەلبىڭىزدە ساقلىۋېلىشىڭىز مۇمكىن. يەنە شۇنداق بىر ئىنسان باركى، ئۇنى قەلبىڭىزدە ئەمەس پەقەت يېنىڭىزدىلا ساقلىيالىشىڭىز مۇمكىن.   شۇنداق بىر ئىنسان باركى، ئۇ ئەسلىمىلىرىڭىزگە ئۇرۇق سالىدۇ، ئەمما مەڭگۈ چېچەكلەپ مېۋە بەرمەيدۇ. يەنە شۇنداق بىر ئىنسان باركى، ئۇ يېنىڭىزدا گۈللەپ ياشنايدۇكى، ئەمما مەڭگۈ خاتىرىلىرىڭىزگە كىرەلمەيدۇ. ئۇ ۋاقىتنىڭ ئۆتۈشى بىلەن، ئاستا-ئاستا خاتىرىلىرىڭىزدىن يوقۇلۇپ كىتىدۇ.            شۇنداق بىر ئىنسان باركى، ئۇ سىزگە ئىشىنىدۇ، سىزگە قۇچاق ئاچىدۇ، سىزگە كۈيۈنىدۇ،سىزنى چۈشىنىدۇ،سىزگە يۈكسەك ئېتىبارىنى بېرىدۇ، سىزنى ئاسرايدۇ، سىزگە كەڭ قورساق بولىدۇ،سىز ئۈچۈن ھەممە نىمىسىنى ئاتاشقا تەييار تۇرىدۇ، ئۇ سىزنىڭ خۇشاللىقىڭىزغا ھەمراھ بولىدۇ، قايغۇلىرىڭىزغا ھەمدەم بولىدۇ، سىزنىڭ مۇشەقەتلىرىڭىزنى ئۇ ئېسىدە ساقلايدۇ، سىزنىڭ ئامانلىقىڭىزغا ئۇ كۆڭۈل بۆلىدۇ، ئۇ باشقىلارنىڭ سىزگە قىلچىلىك دەخلى-تەرز قىلىشىغا،ھاقارەتلىشىگە ۋە زەخمىلەندۈرۈشىگە قارشى تۇرىدۇ، ھەقىقىي سۆيگۈسى بىلەن جىمجىتقىنە ھەممە نىمىسىنى سىز ئۈچۈن تەقدىم قىلىدۇ،سىز ئۈچۈن خالىسانە ھەرىكەتلەردە بولىدۇ.                  شۇنداق بىر ئىنسان باركى، سىز بىلەن بىللە بولغىنىدا، سىزنىڭ ياخشىلىقىڭىزنى بىلىپ، ئۇنى ئەستە ساقلاپ، سىز بىلەن بەھىرلىنىدۇ. ئايرىلىپ تۇرغاندا، سىزدىن ئەنسىرەيدۇ، سىزنى ئەسلەيدۇ، سىزگە تەلپۈنىدۇ. ھەقىقىي سۆيگۈ ئەنە شۇنداق يۈرەكتىن چىققان نىيەتسىز ئىرادە، غەمخورلۇق،ئەسلەش ۋە كۆڭۈل بۆلۈشتۇر. شۇنداق بىر ئىنسان باركى، سىز يات جىنسلارغا يېقىنلاشقاندا كۈندەشلىك قىلىدۇ، چۈنكى ھەقىقىي سۆيگۈ بىر خىل شەخسىيەتچىلىك ۋە ئىگىدارچىلىق تۇيغۇلىرىنى ئۆزىگە مۇجەسسەملىگەن بولىدۇ. ئۇنىڭ كۆزىگە قىل سىغمايدۇ،چۈنكى ئۇ سىزگە كۆڭۈل بۆلىدۇ، سىزگە كۆڭۈل بۆلگەنلىكى ئۈچۈن، بۇ جەھەتتە “مەرد” لىك ۋە “كەڭ قورساق” لىق قىلالىشى ئىنتايىن تەسكە توختايدۇ.                  بىر ھەر كۈنى ھەرخىل-ھەر ياڭزا ئوخشىمىغان كىشىلەرنى ئۇچرىتىپ تۇرىمىز، ئۇلارنى كۆپىنچىسى پەقەتلا يېنىڭىزدىن ئۆتۈپ كىتىۋاتقان يولۇچى خالاس. بەلكىم ئۇلارنىڭ بەزىلىرى سىزنى ئەسلىمىرىڭىزگىمۇ يولۇچى بولۇپ قېلىشى مۇمكىن، ئەمما پەقەتلا يولۇچى خالاس، خۇددى شامالدەك، ئۇچىدۇ، ئىزى قالمايدۇ. ئەمما شۇ كىشىلەرنىڭ ئارىسىدا شۇنداق بىر كىشى باركى، ئۇ سىزنىڭ قەلبىڭىزگە بىر دەۋىرلەردە يولۇچى بولغان، ھەمدە مەڭگۈ ئۆچمەس مۆھۈرلىرىنى سېلىپ كەتكەن، ئۇنىڭ قەلبىڭىزدىكى ئىزى مەڭگۈ يوقالمايدۇ، ۋاقىتلار ئۆتسە ئۆتىۋىرىدۇكى، ئەمما ئۇنىڭ ئىزى قەلبىڭىزدە خۇنۇكسىرىمايدۇ ۋە يوقالمايدۇ.                    ھەممە كىشىلەر ئەسىلىمىڭىزدە بارغانسېرى بىر غۇۋا سىماغا ئايلانغاندا، ئۇ ھامىنى قەلبىڭىزدە خۇددى قۇتۇپ يۇلتۇزىدەك چاقناپ تۇرىدۇ. ، پەسىللەر ئالمىشىشى بىلەن ھەممە يۇلتۇزلار ئورنىنى ئۆزگەرتسە ئۆزگەرتىدىكى، ئەمما پەقەت ئۇ —- قۇتۇپ يۇلتۇزى، يەنىلا ئەسلى ئورنىدىن مىدىرلىماي چاقناپ تۇرىدۇ، ھەر بىر كىشىنىڭ قەلبىدە ئۇنىڭغا تەئەللۇق بولغان ئەنە شۇنداق بىر قۇتۇپ يۇلتۇزى بولىدۇ، ھەر بىر كىشىنىڭ ئۆزىگە خاس ھاياتلىق نىشانى بولىدۇ، ھالبۇكى ئەنە شۇ قەلبىڭىزدە يولۇچى بولغان ئىنسان، ھامىنى قەلبىڭىزنىڭ ئەڭ يۇمشاق يېرىدىن ئورۇن ئالغان، ئاددىغىنە ھەم ئۇنتۇلماس بىر ئىنسان. قۇتۇپ يۇلتۇزى ھەم شۇنداق كۈندە چاقناپ تۇرىدۇ، ئۇ ھەم ئۆز ئورنىدا تۇرىۋېرىدۇ.                     ئۇنتۇپ كىتىمەن دەپ ئاۋارە بولماڭكى، ئۇ خاتىرىلىڭىزدە تېخىمۇ چوڭقۇرلىشىدۇ، ئۇ قەلبىڭىزگە يولۇچى بولغانىكەن، ئۇنىڭغا كىچىككىنە بىر ئورۇن قالدۇرۇپ، ئۇنى ئۇزاق ئەسلىشىڭىزنىڭ ئارىسىدىكى بىر تاتلىققىنە خاتىرىڭىزگە ئايلاندۇرۇپ بېقىڭ! شۇنداق بىر جۈملە سۆز بولغان «ئىنسان قەلبى ئىككى ئەسلىمىگە تارلىق قىلىشى مۇمكىن». بەلكى بۇ ھاياتىڭىزدا، پەقەت شۇ ئىنسانلا ھەقىقىي ئىزىنى قالدۇرۇپ كەتكەندۇ…                     مۇھەببەت خۇددى ئارغامچا تارتىشقا ئوخشايدۇ، بىر تەرەپ قولىنى قويۇۋەتسە، يەنە بىر تەرەپ زەخمىلىنىدۇ، بەزى ئىشلار شۇنداق بىر ئۆرۈلسىلا بىر ئۆمۈرلۈك ئىشقا ئايلىنىپ قالىدۇ، دەسلەپتە تونۇمايسىز، كېيىن بولسا ئىزدىمەيسىز. بەزى سۆيگۈنى قويۇۋەتمەي ئامالىڭىز يوق، يۈزەكى ئەسلەيسىزكى، ئەمما قەلب ئىزھارىڭىزغا مادارىڭىز بولمايدۇ. ۋاقىت ئازابنى يەڭگىللەتمەيدۇكى، پەقەتلا ئازاپقا ماسلىشىدۇ.ھاياتلىقمۇ خۇددى شۇنىڭدەك، پەسىللەرگە ئەگىشىپ ئالمىشىپ تۇرىدۇ، بىر قىسىم كىشىلەرنى بايقايسىز،  ۋە بىر قىسىم كىشىلەرنى يوقۇتۇپ قويىسىز، ئەمما ئاقىۋەتتە شۇلارنىڭ ئىچىدە قايسىبىرى يېنىڭىزدا قېلىپ سىزگە ھەمراھ بولدى؟!

alehram

	توغرا دەيسىز

DiLgiYaR

	راست دەيسىز

پەرىزات

	راسىت،ئىنتايىن توغرا دەيسىز، شۇنداق بىر ئىنسان باركى سىز ئۇنى ھەم ئۇنىڭغا مۇناسىۋەتلىك ئەسلىمىلەرنى ئۇنتاي دەپمۇ ئۇنتۇيالمايسىز، ئۇنتۇلۇپ كېتىشكە تىرىشىسىز، چوقۇم ئۇنتۇپ كېتىشىم كېرەك دەپ ئويلايسىز، بىراق شۇنىڭغا مۇناسىۋەتلىك ھەربىر ئىشلار، خۇددى كىنو لىنتىسىدەك، ھازىرلا يۈز بەرگەن ئىشلاردەك شۇنداق ئېنىق ھالەتتە كۆز ئالدىڭىزدىن ئۆتۈپ تۇرىدۇ.

qaxrang

	نايىتى  توغرا  دەيسىز