ئەگەر يەنە بىر قېتىم ياشىغىلى بولسا...

kabil

	ئەگەر يەنە بىر قېتىم ياشىغىلى بولسا.......... ئوتتۇرا مەكتەپتە ئوقۇۋاتقان چاغلىرىمدا، ئالىي مەكتەپنىڭ غېمىنى تولا قىلىپ ساراڭ بولايلا دېگەنىدىم. ئالىي مەكتەپكە ئۆتكەندىن كېيىن، چاققانراق ئوقۇش پۈتكۈزۈشنىلا ئويلايدىغان بولۇپ قالدىم. ئارقىدىن توي قىلىشنىڭ، پەرزەنتلىك بولۇشنىڭ غېمى بېشىمنى ئوچاق قىلىۋەتتى. بۇ ئارزۇلىرىممۇ ئاخىر ئەمەلگە ئاشتى، ئەمما بالىنىڭ دەردىنى تولا تارتىپ، <<بالام چاققانراق چوڭ بولسا، خاتىرجەم خىزمىتىمنى قىلسام بوپتىكەن>> دېگەننىلا خىيال قىلىدىغان بولۇپ قالدىم. كېيىنكى چاغلاردا، كۈنبويى پېنسىيەگە چىقىشتىن باشقىنى ئويلىمايدىغان دەرىجىگە يەتتىم، ئاخىر پېنىسىيەگىمۇ چىقتىم، لېكىن بۇ چاغدا بىر پۇتۇم ئاللىقاچان گۆرگە ساڭگىلاپ بولغانىدى. تۇيۇقسىز بىر ھەقىقەتنى چۈشىنىپ يەتكەندەك بولدۇم. توغرا، مەن ھەقىقىي ياشاشنى ئېسىمدىن چىقىرىپ قويغانىكەنمەن. شۇنىڭ بىلەن، كاللامنى يەنە بىر مۇنچە خىياللار چىرمىۋالدى. ئەگەر يەنە بىر قېتىم ياشىغىلى بولغان بولسا، كۆپرەك سەۋەنلىك ئۆتكۈزۈشنى سىناپ باققان بولاتتىم، مۇكەممەلىك دېگەننى زادىلا قوغلاشماي، ئەركىن- ئازادە ياشىغان بولاتتىم. ئەمەلىيەتتىمۇ، نۇرغۇن ئىشلاردا ئۇنچىۋالا ئەستايدىل بولۇپ كېتىشنىڭ ھېچقانداق ھاجىتى يوقكەن، ئەگەر يەنە بىر قېتىم ياشىغىلى بولغان بولسا، مەن بەلكىم ئانچە- مۇنچە قاراملىق قىلغانمۇ بولاتتىم. ئەگەر ھەقىقەتەن يەنە بىر قېتىم ياشىغىلى بولغان بولسا، تېخىمۇ كۆپ پۇرسەتنى چىڭ تۇتۇپ، تېىىمۇ كۆپ يەرلەرگە، بولۇپمۇ ئىلگىرى بېرىپ باقمىغان يەرلەرگە بېرىپ سەيلە- ساياھەت قىلغان بولاتتىم. ئەگەر يەنە بىر قېتىم ياشىغىلى بولغان بولسا، ئىشلارنى پەقەت ئويلاپ قويۇش بىلەنلا بولدى قىلماي، بەلكى تېخىمۇ كۆپ ئەمەلىي مەسىلىلەرگە دادىل يۈزلەنگەن بولاتتىم. ئەگەر يەنە بىر قېتىم ياشىغىلى بولغان بولسا، پەقەت ئۆزۈمگىلا تەۋە بولغان تېخىمۇ كۆپ پەيىتلەرنى بېشىمدىن ئۆتكۈزگەن بولاتتىم. ئەگەر راستتىنلا يەنە بىر قېتىم ياشىغىلى بولغان بولسا، ھاۋا تەڭشىگۈچتىن نېرى تۇرغان، ئاپتاپنىڭ كۆيدۈرۈشىدىن ساقلاش مېيىنى ئىشلەتمىگەن، تالا- تۈزگە چىققاندا كۈنلۈك كۆتۈرۈۋالمىغان بولاتتىم. بىر يەرلەرگە بېرىپ قالساممۇ، تاغاردا نەرسە- كېرەكلەرنى ئېلىۋالمىغان بولاتتىم. ئەگەر يەنە بىر قېتىم ياشىغىلى بولغان بولسا، ھاۋا ئىسسىغاندىن باشلاپ يالاڭ- ئاياغ يۈرگەن بولاتتىم، كۈننىڭ ئولتۇرۇشىنى ۋە چىقىشىنى تېخىمۇ كۆپ تاماشا قىلغان بولاتتىم، كىچىك بالىلارغا ئوخشاش يۇمىلاپ ئوينىغان بولاتتىم. ئەگەر يەنە بىر قېتىم ياشىغىلى بولغان بولسا........... ئەپسۇس، مىڭ ئەپسۇس، مېنىڭ يەنە بىې قېتىم ياشىشىم زادىلا مۇمكىن ئەمەس ئىدى. قاھار ئوسمان تەرجىمىسى مەنبە: <<شىنجاڭ مائارىپى>> ژورنىلىنىڭ 2011- يىللىق 11- سانىدىن ئېلىندى.

alenur

	بىز دائىم مۇنداق بولسىكەن دەپ ئارزۇلاپ كېتىمىز ئارزۇيمىزغا يەتكەندە قەدىرلىمەيمىز

baykiz

	پىيادە ماڭغان چاغلىرىمدا يېنىمدىن ماشىنىسىنى ئۇچقاندەك ھەيدەپ ماڭغان شوپۇرلارنى  تازا تىللايتتىم ئىچىمدە. ئۆزەم ماشىنا ھەيدىگەندىن كېيىن بولسا يولدىن خىيالى كېسىپ  ئۆتىۋاتقان پىيادىلەنى تازا تىللايدىغان بولدۇم ئۈنلۈك قىلىپ. ھەي.... ئىشقىلىپ قايتا ياشاش پۇرسىتى بولسا ئىدى، خاتالىق سادىر قىلىدىغانلار چىقماس بولغىيتتى بەلكىم... تېمىڭىزغا رەھمەت!

mahatjan

	ھايات تاتلىق،ھايات قىممەت بۇنىڭغا ھەممىمىز قايىل، ئەگەر قولدىن كىتىپ قالسا بىرىپ ئالتۇن ئالالمايمىز.    ئۆلۈم جاللات ،ئۆلۈم زالىم  ئۇنۇڭغا يوق ئامال چارە،     خېرىدار ئىزدىسەك بەر ھەق سېرىق پۇڭغا ساتالمايمىز.

mahmut0996

	ھەر بىر مىنۇت بىر پۇرسەت ، كېيىنكى پۇشماننىڭ ئالىدىغان قاچىسى يوق .

ئۇلكەر

	كىيىنكى پۇشايمان ئۆزىگە دۇشمەن

hokumran

	تەشەككۈر تورداشلىرىم! مەن يوقۇرىدا باھالىغان تورداشلىرىمنىڭ ئىنكاسى تېما مەزمۇنى بىلەن چەمبەرچەس باغلىنىپ تېمىنىڭ قىممىتىنى تېخىمۇ يۈكسەكلىككە كۆتۈرۈپتۇ. مۇمكىن بولسا ھەممە تېمىدا مۇشۇنداق كەيپىيات شەكىللەنسە.............................

komkom2

	‏ما مسرانىم ئۇيغۇرچە فونت قاچىلاپلا تۈگىشپتۇ.خەت نۇسقىسى ئۆزگەرگەن بىلەن بەزى خەتلەر چقمايدىكەن