(دۇلدۇل) قەلىمىمگە

DULDUL

	ئەي، قەلەم. ئەجەپ زېرىكمەيسەن مېنىڭدەك بىر كىشىدىن، كەچكىچە چوڭ-كىچىك ھەممىگە ئاھ-پىغان چىكىپ ئولتۇرىدىغان. كىشى ئاڭلىغان بولسا، قالماس ئىدى ھەرگىزمۇ ھازىرغىچە تاقىتى. ھەرزامان ئىچىمدىكىنى يوشۇرماي تۆكىمەن ساڭا. دەردمەنلىكىمدىن چانمىدىڭ، ئاجىزلىقىمدىن كۈلمىدىڭ. يا مەن ساڭا يازغۇزۇپ تۈگىتەلمىدىم، يا بۇ دۇنيا مەن تەلپۈنگەننى بەخش ئەتمىدى. ئىنسانلار يالغان، دۇنيامۇ ھەم شۇ، پەقەت سەنلا چىن.      بۇ دۇنيانىڭ شادلىقى نېمە؟ ئۇ قەيەردە؟ مەن ئۈچۈن ئۇ سېنىڭ بىلەن سۆھبەتتە. ئۆزۈم سوئال قويىمەن، جاۋابىنىمۇ ئۆزۈم تاپىمەن. ئۆزۈم چۈشكۈن بولىمەن، روھىمنىمۇ يەنە ئۆزۈم كۆتىرىمەن. سەن مېنىڭدەك مۇشۇنداق بىر رەڭگارەڭ چىراقتەك لاپىلداپ تۇرىدىغان ئادەمگە قاراپ كۈلگۈڭ كەلمىدىمۇ؟ قىزىل، قارا، ئاق...بەزىدە ھەتتا سېرىق....      قەلەم! مەن سېنى سۆيىمەن، ساڭا رەھمەت ئېيتىمەن. سەن بۇ رەزىل قارا مېينەت دۇنيادىكى مەۋجۇت بولۇپ ساقلىنىپ قالغان بىر گۈزەللىكسەن. ھەر كىشىنىڭ دەردىنى يازىسەن. قاچان كېرەك بولسا شۇ چاغدا ئۈنىسەن. ئاش-نان تەلەپ قىلمايسەن.     قەلەم! سەن مەندىن ئايرىلما....مەزمۇت قەددىڭ بۇ ئاجىز يۈرىكىمنى تىرەپ تۇرسۇن. چۈنكى مەن ياشاشقا يەنە تەلپۈنىمەن، كېيىننى كۆرمەككە مەيلىم بار.

sirlikmalika

	ھەقىقەتەن ياخشى يېزىپسىز ...مەنمۇ قەلەمگە بەك ئامراق ،ئۇھەقىقەتەن بىر سادىق ھەمراھ..

nazi0997

	بارلىق ئىنسانلارغا ھەمرا بۇ قەلەم دىگەن نەرسە.

بەرگى

	مىنىڭ خاتىرەم ، ماڭا شۇنداق تەسىر قىلغان ھەم مىنىڭ ئۆزگىرشىمگە تۈرۈتكە بولغان ئېسل جۈملىلەر سۆزلەرنى شۇ پىنھان خاتىرەمگە ساقلايمەن . ھەر بىر قېتىم ۋاراقلاپ كۆرگەندە ئوخشىمىغان ھاياجانغا چۆمىلىمەن ، مىنىڭ ياخشى ياردەمچىم . ساڭا يەنە نۇرغۇنلىغان ھېكمەتلەرنى ، گۈزەل سۆزلەرنى قايتا-قايتا ئوقۇغۇسى كېلدىغان جۈملىلەرنى كۆپلەپ يازسام دەيمەن .

kakkuk11

	ياخشى يېزىپسىز..... تەشەككۈر....   شېئىرمىكى دەپ يۈگرەپ كىرگەن ئىدىم.... بۇمۇ ياخغى چىقىپتۇ...

teneklerem

	قەلەم- قان چىقارماي جان ئالغۇچىدۇر . دەپتىكەن شۇنداق بىر كىشىلىرىمىز .. . .