مىليونىر شئېرلىردىن تاللانما (مۇكاپاتلىق ئەسەرلەر سەھىپىسىگە)

MILYONIR

	ئۆزۈڭ ئاۋال باشلىغىن . باشقىلارنى يامان قىپتۇ دېگەندىن ، بار گۇناھنى بۇزاماندىن كۆرگەندىن ، ھەممە يەردە غەيۋەت قىلىپ يۈرگەندىن ، ئوڭشىلىشىنى ئۆزۈڭ ئاۋال باشلىغىن . زابويلارنى پەندى نەسىھەت قىلغۇچە ، باللىرىڭنى ھاراق ئىچمە دېگۈچە ، سەن ئۆزۈڭمۇ قاۋاقلاردا يۈرگىچە ، شۇم ھاراقنى ئۆزۈڭ ئاۋال تاشلىغىن . ئاق چەككەندىن ۋابا باردەك قاچىسەن ، ئاق ساتقاندىن ھەم ئۆلگىدەك قورقىسەن ، بىلىپ تۇرۇپ يامان يولدا ماڭىسەن ، تاماكىنى ئۆزۈڭ ئاۋال تاشلىغىن . كۈندە رەڭلىك سورۇن ئويناپ يۈرگىچە  ، ئاشنا ئۈچۈن ئايالىڭىن تانغۇچە ، بالىلارنى تىرىك يىتىم قىلغۇچە ، ئائىلەڭدىن ئۆزۈڭ ئاۋال تانمىغىن . قىمارۋازغا سورۇن راسلاپ بەرگۈچە  ، سەنمۇ گاھى دەتتىكوم دەپ يۈرگىچە  ، ئۇتتۇرۋىتىپ  قۇرۇق قاخشال بولغۇچە ، قىما دەپتۇ قىمارنى ھەم تاشلىغىن . پاك قىزلارنى ئەخمەق قىلىپ سۆيگىچە ، پاھىشەنى جانانىم دەپ بىلگىچە ، كوچا-كويدا بۇزۇق ئىزدەپ يۈگىچە ، تەن ۋە روھنى ئۆزۈڭ ئاۋال پاكلىغىن . پۇلۇم بار دەپ ھەشەمەتلىك قىلغۇچە ، ھەشەمەت ەپ تۈگمەس قەرىز بولغۇچە ، ھەشەمەتتىن قۇرۇق ئابروي تاپقۇچە ، ھەشەمەتنى ئۆزۈڭ ئاۋال تاشلىغىن . مىللىتىمنىڭ بولۇشى شۇ  دېگۈچە ، تارىخىدىن پەخىرلىنىپ يۈرگىچە ، مىللىتىڭنىڭ سۈت ئۇيقۇسى قانغۇچە ، ئوڭشىلىشنى ئۆزۈڭ ئاۋال باشلىغىن . ئاۋام سېنى ئوڭشىلىپتۇ دېگۈچە ، ھەممە كۆرسە ساڭا سالام قىلغۇچە ، ھايات بولساڭ ھايات بولساڭ ئۆلگىچە ، ئوڭشىلىشنى ئۆزۈڭ ئاۋال باشلىغىن . ئاپتورى : مىليونىر مەن بۇ ئەسىرىمنى قەلبىمدە چولپاندەك نۇرۇلۇق چاقنايدىغان ، مىللەت شائىرى  مەرھۇم ئابدۇخالىق ئۇيغۇر غا بېغىشلايمەن . ئايرىدى جاھالەت ۋاقىتسىز بىزدىن . نەۋقىران ئۇيغۇرۇم ئۇلۇغ شائىردىن . بارىنى مىللەتكە ئاتىغان ئىدى  ، ئۇيغۇرنى  ئويغان دەپ توۋلىغان ئىدى. دەرد بىلەن ئېيتىلغان ئۇنىڭ سۆزلىرى  ، ئىچىنى قايناتقان مىللەتنىڭ ھالى   . ئۇيغۇر دەپ سوقاتتى ئۇنىڭ يۈرىكى ، ئۇيغۇر دەپ توختىدى  شۇڭا تىنىقى . خار بولدى مىللىتى ئويغانمىغاچقا ، زار بولدى مىللىتى ئويلانمىغاچقا . ئالتۇندىن بىباھا ھاياتى سۇلدى ، شۇندىمۇ بۇ مىللەت يەنە شۇ پېتى  . لال بولدى ئويغان دەپ سۆزلىگەن جېنى ، تۆكىلدى ئۇيغۇر دەپ ھەم ئىسسىق قېنى . ئىنتىقام ساداسى ياڭرىماي يەنە ، كۆز يېشى بىلەنلا تىكلەندى قەبرە  . قاغا ھەم قۇزغۇنلار شاد كۈلدى شۇدەم، ئۇيغۇرنىڭ قەلبىنى قاپلىدى ماتەم  . ئۇيغۇرۇرم قەلبىدە قالدى ئۆچمەس ئىز ، قىزىل قان بېكارغا تۆكۈلمەس ھەرگىز. يۈزمىڭ يىل ئۆتسىمۇ ئۇنتۇلماس تارىخ ، ئۆزگەرمەي ساقلىندۇ پاكىتلار ئېنىق . غۇنچىدەك شائىردىن ئايرىلدى مىللەت ، مىسرالىرى جاراڭلار ئەبەدىي-ئەبەد. ئۇيغۇر دەپ سوقاتتى ئۇنىڭ يۈرىكى . ئۇيغۇر دەپ توختىدى شۇڭا تىنىقى . روھىمۇ مىللەتكە بولدى تەئەللۇق ، قەلبىمدە شۇڭا ئۇ چولپاندەك نۇرلۇق . مىليونىر ئايرىلمىغىل  (تەخمىس) ھامىنى بار بىر ئۆلۈم مۇناپىق دەپ ئاتىلمىغىل ، ياكى سەن تاشلاپ بالاڭنى يىراق-يىراققا قاشمىغىل ، ئۇيغۇرۇم قوللار سېنى بۈيۈك جەڭلەرنى باشلىغىل ، ھىممىتىڭدىن، غەيرىتىڭدىن ئۆل، لېكىن ئايرىلمىغىل، ھەقلىقىن بىلگەن يولۇڭدىن جاننى بەر، قايرىلمىغىل. ئاتا-ئاناڭ زۇلۇم  تارتتى سۈكۈت قىلماي ئالغىن قىساس ، ئەۋلادلىرىڭ راھەت كۆرسۇن جېنىڭ بىلەن سالغىن ئاساس ، ئويغىندىغان ۋاقىت كەلدى كۆزۈڭنى ئاچ قىلغىن قىياس ، مانىئىڭ كۆپ بولسىمۇ، قورقماي ئۈزۈپ ئالدىڭغا باس، تاغۇ تاش، دەريا ئۇلۇغ سۆزلەرگە سەن تاڭ قالمىغىل. مۇنقەرىز  بولغانىدىن  ئۆلگەن ياخشى يۇتۇپ زەھەر ، ئارمانىم قالماس ئىدى ھۆرلۈك ئۈچۈن ئۆلسەم ئەگەر ، سانجىلسىمۇ يۈرەكلەرگە  تۈمەن دۈشمەندىكى نەشتەر ، ئات ئۆزۈڭنى بەھرىگە، يا غەرق بول، يا تاپ گۆھەر، شىر نە يولۋاس كەبى باسقان ئىزىڭدىن  يانمىغىل. دۈشمىنىڭ تۈلكە بولۇپ سېنى قاشىمگە كەل دېسە ، مۇناپىق بول دەپ سېنى شىرىن شېكەردەك سۆزلىسە ، ئاقمىسا ھىلە مىكرى ئۆلتۈرىمەن دەپ ھۆكىرىسە ، تۆت تەرەپ ياۋ ھۇۋلىشىپ، سەككىز تەرەپ تىغ تەڭلىسە، ئېلىشىپ قانغا بويال، نومۇسنى ھەرگىز ساتمىغىل. بېكارغا كەتمەس ھەرگىز جەۋرى جاپانى چەككىنىڭ ، ۋەياكى يۈرەكىڭدىن ئىسسىق قانلارنى تۆككىنىڭ ، ئادالەت ھۆرلۈك ئۈچۈن ھەتتا جېنىڭدىن كەچكىنىڭ ، كىمكى ھەق تولغا قەدەم قويسا ئۇتۇق مۇتلەق شۇنىڭ، بۇ نېچۈك بولغاي كېيىن دەپ، توق خىيالغا قالمىغىل. بۈگۈن تەرگەن گۈللىرىڭ  ئەتە خۇشپۇراق  چاشقۇسى ، كېرەك ئەمەس بولسۇن ساڭا يۇرت ھەم مىللەتتى باشقىسى ، ئەنە شۇنداق  ئويلىساڭ گەر گۈزەل كېلەچەك بولغۇسى ، سەن ۋە ۋەتەن، مىللەت دېسەڭ، تارىختا نامىڭ قالغۇسى، بول جەسۇر، ئالىي نىشان، كۆلچەك بۇلاققا قانمىغىل. ياشىغىن ئەي ئۇيغۇرۇم ياخشى يامانلارنى بىلىپ ، كەلمىسۇن پۇشايماندا يۈرىدىغان كۈنلەر كېلىپ ، كۆزۈڭنى ئېچىپ ياشا  جەڭگە ھازىر تەييارلىنىپ  ، ئابدۇخالىقنىڭ سۆزى دەپ ئېتىبار قىلماي قېلىپ، ئۇشبۇ ۋىجداننى كېيىن پۈتمەس ئازابقا سالمىغىل. ئاپتورى : مىليونىر ياشايمەن دىنىم ئىسلام بولغاچقا جەننەت ياشايمەن . ئۇيغۇر بولغاچ مىللىتىم مىللەت ئۈچۈن ياشايمەن . مەخموت ،يۈسۈپ  بوۋامنى ئۇستاز قىلىپ ئۆزۈمگە ، ئالىم بولالمىساممۇ ھېكمەت ئۈچۈن ياشايمەن . ناھەقچىلىق  ، جاھالەت  ھۆكۈم سۈرسە  ناۋادا ، جېنىم قۇربان بولسىمۇ  ئادالەت دەپ ياشايمەن  . ۋىجدانسىزلىق نامەردلىك سىڭمىسۇن  پاك دىلىمغا ، ساداقەتنى ئەزىزلەپ مۇھەببەت دەپ ياشايمەن . يالغانچى ھەم تۆھمەتخور مۇناپىق ھەم ھەسەتخور ، بولۇپ قالماي بىر ئۆمۈر  سەمىمىيەت  ياشايمەن . يامان يولدا ماڭمايمەن ياخشىلىقنى ئىزدەيمەن ، كىرمەي شەيتان كەينىگە ھىدايەت دەپ ياشايمەن . بەزىلەر ياخشىلىققا ماڭ دېسە ماڭمايدىكەن بەزىلەر  ، يامانلىقتىن قايت دېسە قايتمايدىكەن بەزىلەر . بېكار كۈلكە ، ئويۇننى ياشلىقىغا يار قىلىپ ، ياش ، نەۋقىران ۋاقتىنى ، خارلايدىكەن بەزىلەر . ئۆزىنىلا ئويلايدۇ  ياخشىلىقنى  قىلمايدۇ ، دوست يىغلىسا بىر چەتتە كۈلەر ئىكەن بەزىلەر . ھايات بەكمۇ قىممەتلىك دەيدۇ ھەربىر سۆزىدە ، قەدىرلىمەي  ۋە لېكىن يۈرەر ئىكەن بەزىلەر . كىچىككىنە نەپ ئۈچۈن ئىكىلەنمەي قىلچىمۇ ، ۋىژدان  بىلىەن غورۇرنى ساتارئىكەن بەزىلەر . سەۋەپ قىلماي بىر ئىشقا سۈرۈپ ياتار خام خىيال ، غايىپ تالەي ، ئامەتنى كۈتەرئىكەن بەزىلەر . كۈلسە ھەممە خاتىرجەم  قىزغىنامدۇ بىلمىدىم ، قۇۋلۇق بىلەن شۇملىقنى ئىزدەيدىكەن بەزىلەر . كۆتۈرسە گەر بىرەيلەن ئەمدىلەتىن بېشىنى ، شۇ كىشىنى ئۆلسۈن دەپ تىلەيدىكەن بەزىلەر . ئويلىمايدۇ ئەزەلدىن يامانلىقتىن باشقىنى ، شۇڭا ئەلنىڭ كۆزىگە سىغمايدىكەن بەزىلەر . مەنبە:مىليونىر مەكـتەپكە  ئەمدى بارمايمەن ئاتا . ئوقۇ دېمىگىن بولامدۇ مېنى ، مەكـتەپكە  ئەمدى بارمايمەن ئاتا . ئوقۇ دەپ زورلاپ ئۇرمىغىن مېنى ، مەكـتەپكە  ئەمدى بارمايمەن ئاتا . ھەركۈنى سەھەر دەيمەن ناشتىدا ، مەكتەپتىن قال دە مېنى ۋاقتىدا ، ئۆلسەممۇ مەيلى كەتمەن ئاستىدا ، مەكـتەپكە  ئەمدى بارمايمەن ئاتا . مەن ئۆچ ھەممىدىن كىتاب ئوقۇشقا ، كۈندە مەكتەپكە سەھەر مڭىشقا ، ئوقۇش خوشاقماس دېسەڭ نىمىشقا ، مەكـتەپكە  ئەمدى بارمايمەن ئاتا . زېرىكتىم بەكمۇ ئوقۇيدىغاندىن ، دوسكىغا قاراپ ئولتۇردىغاندىن ، مۇئەللىم دېگەن ئۆلمەيدىغاندىن ، مەكـتەپكە  ئەمدى بارمايمەن ئاتا . بولساممۇ مەيلى قالاق ۋە نادان ، كادىر بولالماي بولساممۇ دېھقان ، يۈك دېسىمۇگەر مېنى يەرجاھان ، مەكـتەپكە  ئەمدى بارمايمەن ئاتا . مەدىكار بولۇپ قۇيساممۇ كېسەك ، باقساممۇ مەيلى قوي كالا ئېشەك ، يېسەممۇ مەيلى دەشنام ۋە تەستەك ، مەكـتەپكە  ئەمدى بارمايمەن ئاتا . يۈسەممۇ مەيلى كۆپ پۇل تاپالماي ، بىرەر ئىشنىمۇ ئەپلەپ قىلالماي، بىر گە ئىككىنى قوشۇپ ئالالماي ، مەكـتەپكە  ئەمدى بارمايمەن ئاتا . ئۆگەن دېگەندە ئۆگەنمەپتىمەن  ، بىلىم بېغىدىن زېرىكىپتىمەن ، ئەقىلسىزلىكتە شۇنداق دەپتىمەن ، مەكـتەپكە  ئەمدى بارمايمەن ئاتا . ئۆتۈلدى مانا بىلىمنىڭ قەدرى ، بىلىمسىزلەرنىڭ كۆپ ئىكەن دەردى ، ھەرگىز دېمەيمەن ،دېمەيمەن ئەمدى ، مەكـتەپكە  ئەمدى بارمايمەن ئاتا . ئاپتورى: مىليونىر   ئويغان(مۇۋەششەھ) ئوتۇن ئارتىپ  يۈرىمىز جاڭگاللاردا ئېشەككە ، كوچا-كويدا  بالىلار مايلامچى ھەم يانچۇقچى . مەھمۇد يۈسۈپ  فارابىي  ئەۋلادلىرى ئىدۇق بىز ، تۇنۇلغۇدەك ئالىم يوق تۇنۇلغۇنى مۇقامچى . ياخشىلىقنى قىلمايمىز مىڭ سەر ئالتۇن بەرسىمۇ ، يامانلىقنى ۋە لېكىن سېتۋالىمىز دوللارغا  . نادانلىق ھەم يامانلىق  يوقالمىدى تېخىچە ، ئاغرىپ قالساق بارىمىز ئەڭ ئالدىدا موللىغا . غېرىپ بىلەن سەنەمدەك ، لەيلى بىلەن مەجنۇندەك  ، ئاشىق-مەشۇقلار قېنى ، قېنى ۋاپا ساداقەت . قېنى بىزدە مۇھەببەت ، قېنى بىزدە ھالاللىق ، تەن ۋە روھنى بۇلغىدى زىنا بىلەن پەس شەھۋەت . ئالىم بىلەن پەيلاسوپ  ئازلاپ كەتتى مىللەتتە ، بىلىم ھېكمەت قەدىرسىز بولۇپ قالدى بۇ كۈندە . قاڭسىق ھاراق پۇرىقى كېلەر مەكتەپلەردىنمۇ ، يازغۇچىغا خىروئىن كونا تېما  بۇ كۈندە . ناخشىچىلار كۆپەيدى پېتىشمايدۇ  سەھنىگە ، ئۇيغۇر قىزى ئوينايدۇ كىيىم سېلىش ئۇسۇلى . چېركىاۋلاردا يۈرمەكتە سەبىي ئۇيغۇر باللىرى ، كىرىست ئېسىپ بوينىغا كۆتىرۋىلىپ ئىنجىلنى . مىليونىر ئويلان ئويلان ئۇيغۇر ، ئۇيغۇر دېگەن ئىسمىڭ بىر  . ئويلان ئۇيغۇر  مەدىنيىتىڭ ، تىلىڭ  بىر  . ئويلان ئۇيغۇر يېزىقىڭ بىر  ،  دىنىڭ بىر  . ئويلان  ئۇيغۇر  قاچان بولۇر دىلىڭ  بىر . بىر شىنجاڭدا شەھەر ئايرىپ يۈرىسەن ، بىر ئىسلامدا مەزھەپ ئايرىپ يۈرىسەن ، ھەتتا گاھى جەمەت ئايرىپ يۈرىسەن ، ئويلان  ئۇيغۇر  قاچان بولۇر دىلىڭ  بىر . ئۇيغۇر تۇرۇپ ئۇيغۇرلاردىن قاچىسەن ، مەنپەت ئۈچۈن مىللىتىڭنى ساتىسەن ، ئۆزۈڭ ئۈچۈن بالاڭدىنمۇ تانىسەن ، ئويلان  ئۇيغۇر  قاچان بولۇر دىلىڭ  بىر . ھەممە يەرنى قاپلاپ كەتتى مۇناپىق ، ئۈنلىگەرەك كۈلەلمەيدۇ خالايىق ، نىمە ئۈچۈن يوقالمايدۇ نادانلىق ، ئويلان  ئۇيغۇر  قاچان بولۇر دىلىڭ  بىر . ئويلاپ باققىن ئويلاپ باققىن  ئولتۇرۇپ ، ھەممە ئۇيغۇر ھەممە ئۇيغۇر جەم بولۇپ ، ئۇيغۇر سەندە كۆپ بىرلىكلەر بار تۇرۇپ  ، ئويلان  ئۇيغۇر  قاچان بولۇر دىلىڭ  بىر . مىليونىر

ap~qilam

	ئابدۇخالىق ئۇيغۇرغا ئاتاپ يازغان شېئىرىڭىزمۇ بىر مۇۋەششەھ ئوخشىمامدۇ ، ئايرىلمىغىل دېگەن غەزەلنى بەك جىق ئادەم تەخمىس قىلىپ يېزىپ باقتىغۇ دەيمەن،بۇمۇ ياخشى يېزىلغان تەخمىس بولۇپتۇ ، ئەمما بەزى كۇبلىتلاردا شېئىرى پۇراق سەل كەمدەك بىلىندى ، شۇ نوقتىغا دېققەت قىلسىڭىز بولغىدەك ، قەلىمىڭىزگە بەرىكەت تىلەيمەن ، ئۇتۇق قازىنىشىڭىزغا تىلەكداشمەن

mahatjan

	بەزىلەر دىگەن شىئېرىڭىزغا مۇكاپات......            ئەتتىگەندە سىلىق-سىپايە سالاملاشتى بەزىلەر،             چۈش ۋاختىدا ئېغىز-بۇرۇن يالاشتى بەزىلەر.               كەچقۇرۇندا ھىساپ بوغدى ئەھۋال باشقىچە،                بىر پۇڭ ئۈچۈن غالجىر ئىتتەك تالاشتى بەزىلەر.

nimjan0903

	كۆپ رەھمەتماڭا بەك يارىدى!! بۇلۇپمۇ ئابدۇخالىق(ئۇيغۇر)ئەپەندىگە ئاتاپ يازغىنىڭىز!! ئەجرىڭىزگە بارىكاللا!!!!

nimjan0903

	mahatjan يوللىغان ۋاقتى  2013-2-2 08:32 PM بەزىلەر دىگەن شىئېرىڭىزغا مۇكاپات...... كەچۈرۈڭ،سىز (دىل گۈزەل)نىڭ كىملىكىنى ماڭا ئېيتىپ بىرەمسىز؟ شۇنداق بوسا مەن سىزدىن تۇلىمۇ مەمنۇن بولغان بۇلاتتىم.

ap~qilam

	nimjan0903 يوللىغان ۋاقتى  2013-2-3 12:46 AM كەچۈرۈڭ،سىز (دىل گۈزەل)نىڭ كىملىكىنى ماڭا ئېيتىپ بىرە ... يېڭىدىن پەيدا بولغان باشقۇرغۇچىكەنغۇ ، ئىشقىلىپ بۇرۇن كۆرمىگەن باشقۇرغۇچى ئىكەن ، بولسا يېڭى باشقۇرغۇچىلار تىزىلىملىكى يوللانغان بولسا بولاتتى  ،

sultannur

	bazilar bilan ayrilmigil heli yahxi qikiptikan,jikrak hat yazay desam tilfundettim,taza kolaylik bolmaywatidu.

mahatjan

	دىل گۈزەلنىڭ كىم ئىكەنلىكىنى بىلمەيدىكەنمەن،سىز دەپ بەرگەن بولسىڭىز بىلىۋالسام ياخشى بولاتتى.    كەچۈرۈڭ ئاۋارە قىلىدىغان بولدۇم.

kakkuk11

	مىليونىرنىڭ مىليادىر ئىلھامى قوزغىلىپتۇدە.... رەھمەت....

sahipjamal

	بەك ياخشى چىقىپتۇ مۇكاپاتقا ئىرشىشىڭىز گە تىلەك داشمەن