مەن زادى كۈلەيمۇ،يىغلايمۇ؟

abux

	كۈلەيمۇ،يىغلايمۇ ئىنسان بىشىغا ئاجايىپ قىسمەتلەر كىلىدىكەن، بەزىلىرىگە كۈلگىڭىز كەلسە ،بەزىلىرىگە يىغلۇغۇڭىز كىلىدىكەن،يەنە بەزىلىرىگە يا كۈلۈشنى يا يىغلاشنى بىلمەيدىكەنسىز. شۇنداق قىلىپ بۇ قىسمەتلەرمۇ مىنىڭ بىشمغا كىلىۋىدى ، يا كۈلۈشنى يا يىغلاشنى بىلمەيلا قالدىم . قانداق ئىش دىمەمسىز قېرىدىشىم ، ئاللاھنىنىڭ ھىممىتى ،مەرھىمىتى بىلەن بىر ئوغۇللۇق بولدۇم. ئۆزۈم ۋە ئائىلەم ئالەمچە خوش بولدۇق. شۇنداق قىلىپ كۈنلەر بىر -بىرسىنى قوغلاپ ئۆتكىلى تۇردى. يىڭىلا دۇنياغا كۆز ئاچقان ئوغلۇمغا قاراپمۇ ياكى تۈنجى پەرزەنتىم بولغاچقىمۇ ھەممە ئىشلارنى ئۇنتۇپ قاپتىمەن. ئايالىمنىڭ كۈندە دەۋەت قىلىشى بىلەن ئوغلۇمنىڭ نوپۇس مەسىلىسىنى ھەل قىلىشقا بەل باغلاپ ، رەسمىيەتلىرىنى نەچچە يەرگە دوقۇرۇپ يۈرۈپ ،ئاران تەستە بىجرىپ ،ج.خ ئىدارسىنىڭ نوپۇس بىجىرىش ئورنىغا ئۇھ دىگۈچىلىكم قالمىغان ئەھۋالدا  يىتىپ كەلدىم. شۇ يەردە پۈتىدۇ دەمسىز قېرىندىشىم؟ ئۇزۇندىن -ئۇزۇن ئۆچرەت ساقلاپ ،نۆۋەت مىنىڭ بولدى. -يولداش ،بالامىنىڭ نوپۇس رەسمىيىتىنى بىجىرمەكچى ئىدىم. -رەسىمىيەتلەرنى كۆرسىتىڭ. بىر -بىرلەپ رەسمىيەتلەرنى بەردىم. ھىچقانداق مەسىلە يوق. بىردەمدىلا نوپۇس رەسمىيىتى پۈتۇپ قولۇمغا ئالدىم. خوش بولدۇم، نىمىگە خوش بولدىڭىز دەمسىز؟ قاراڭ قېرىندىشم ،بالامنىڭ قارا نوپۇس بولۇپ قالمىغانلىقىغا خوش بولدۇم. نوپۇس دەپتەرنى قولۇمغا ئىلىپ سىنچىلاپ قاراپ باقسام ،ئاللا كارامەت ............... نىمە بولدى ،نىمە كۆردىڭىز دىدېڭىزما قېرىندىشم؟ مەسىلە ،مەسىلە بولغاندىمۇ بەكلا چوڭ مەسىلە باركەن .كەينىمگە ياندىمدە بايامقى نومۇس بىجىرگەن يولداشقا: -ئوغلۇمنىڭ نوپۇسىدا مەسىلە باركەن؟ قولىغا ئىلىپ ،يوغان كۆزلىرىنى تېخمۇ چوڭ ئىچىپ .ئۆزىنىڭ بالىسنىڭ نوپۇسىغا قارىغاندەك.مەندىنمۇ سىنچىلاپ قاراپ: -ھىچقانداق مەسىلە يوقكەن دىمەمدا ،ئاچچىقىم مىڭ گەز ئۆرلىسمۇ ،ئۆزۇمنى قاتتق تۇتىۋىلىپ،بىگىز بارمىقىمنى كۆزىگە قارىتىپ تۇرۇپ دىدىم: -ماۋۇ دىننى ئىتقادى دىگەن كاتەكچە بوش قاپتۇ . -بۇ يەرگە بىر نەرسە يىزىلمايدۇ. -ئەجىبا مىنىڭ ،ئايالىمنىنىڭ نوپۇسىدا ئىسلام دىنى دەپ يىزىلغانغۇ؟ -دىنغا ئىتقاد قىلىش ھەر كىشىنىڭ ئەركىنلىكى ،دۆلىتىمىز دىننى ئىتقاد ئەركىنلىكىنى قوغدايدۇ. -ئاتا -ئانىسى ئىسلام دىندا بولغاندىكىن ،بالىسىنى شۇ دىندا تەربىيەلەيدۇ. -سەن ۋە مەن بالىنىڭ دىننى ئىتقادىنى بەلگۈلەپ بىرەلمەيمىز. دىنغا ئىشنىش -ئىشەنمەسلىك  بالاڭنىڭ ئەركىنلىكى.بالاڭ كىيىن قايسى دىنغا ئىتقاد قىلىدۇ بۇنى سەن بەلگىلەپ بىرەلمەيسەن. -بۇنداق قىلىش قانداقسىگە دىننى ئىتقادىنى قوغدىغانلىق بولسۇن .بۇ دىگەن ئوچۇق ئاشكارە دىننى ئىتقادىنى يوقاتقانلىق.زادى يىزىپ بىرەمسەن ياكى........... -بۇ توغۇرلۇق يۇقرىنىڭ ھۆججىتى بار . -ئۇنداق بولسا شۇ ھۆججىتىنىڭنى چىقىرە ،مەن بىر كۆرۈپ باقاي. -ئۇنى ساڭغا كۆرسەتكىلى بولمايدۇ. -ئۇنداقتا ئۇ ھۆججەتنى ئىگى-سىڭلىڭغا كۆرسىتەمتىڭ؟ ھازىرغۇ دىننى ئىتقادىنى يازما ،كىيىن مۇشۇنداقلا كىتىۋەرسە مىللىتىنى يازمايسەن. شۇنداق قىلىپ ،بۇ ئىشلار چىڭىغا چىققىلى تۇردى. تالاشتۇق ،تالاشتۇق ،بىر نەچچىسى ئارلاشقانمۇ بولدى.قاينىغانمۇ بولدۇق. تەرتىپنى بۇزغانمۇ بولدۇق. -مۇشۇنداق تەرتىپنى قالايمىقان قىلساڭ سىنى جازالايمىز دىمەسما ،يوق قانبىسىمىم ئۆرلەپلا كەتتى. -خەلق ئۈچۈن خىزمەت قىلىمىز دىگىنىڭ مۇشۇ بولدىما دىسەم ،نىمە دەيدۇ دىمەمىسىز قېرىندىشىم! -خەلق سەندەك بولمايدۇ.خەلق دىگەن ياۋاش-يۇمشاق ،گەپ ئاڭلايدىغان بولىدۇ دەيدۇ. بولغان ئىش شۇ قېرىندشىم ! بۇ دەردىمىنى كىمگە ئىيتاي،كىمگە يىغلاي !!!! خوشاللىقىم شۇنداق يوق بولدى. ئۆيگە كېتىۋاتىمەن.ئۆز-ئۆزۈمگە ۋەدە بىرىۋاتىمەن. -خەپ ،شۇنداق بىر تەربىيە قىلايكى ئوغلۇم ،سەن چوڭ بولۇپ ئەقلىڭنى تاپقۇچە سىنى ئۆز مىللىتىڭنىڭ تارىخنى ،ئانا تىلىڭنى،دىننى ئىتقادىڭنى ،كىملىكىڭنى تولۇق بىلىدىغان ،مىللىتىڭ ،ئانا تىلىڭ ،دىننى ئىتقادىڭ ئۈچۈن جان بىرىدىغان ۋارىس قىلىپ تەربىيلەپ چىقىمەن. 2013-يىل 2-ئاينىڭ 1-كۈنى

ئۆل

	ئەمدى بۇنڭغا ئاچقلاپ نىمە كەپتۇ ...بالىڭىزىنى ياخشى تەربىيلسڭزلا بولدى .بۇمۇ ئۇلارنىڭ قائدە-تۈزۈمدە ...راسلا بىر بۇۋاقىنى كىم كېيىن نىمە قىلدىغانلقىنى چوقۇم دەپ ھۆددە قىلالايدۇ ...ئەلۋەتتە سىزنىڭ تەربىيڭىزىگە باغلىق ..بۇ توغۇرلۇق ئاچقلاپ نىمە كەپتۇ ..

abux

	سىزنىڭ بىشىڭىزغا كەلمىگەن ئوخشايدۇ قېرىندىشىم ! شۇ چاغلاردا بىلىپ  قالىسىز !

arman312

	مىنىڭچە كۈلۈڭ...مۇشۇ خىل زىلزىلە بىلەن ئىتىقادنىڭ مۇھىملىقىنى يەنىمۇ ھېس قىلىپ،ئىرادىڭىزنىڭ كۈچيىشىگە سەۋەپ بوپتۇ.

kamran

	ھازىرچە بەك ئاچچىقلاپ كەتمەي سوغاق قانلىق بىلەن مەسلىنى ھەل قىلىڭ ، يەنى يۇقۇرى دەرجىلىك ج خ ئورۇنلىرىنىڭ نۇپۇس باشقۇرۇش بەلگىلىمىلىرىنى كۈرۈپ ، ھۆكۈمىتىمىزنىڭ دىنغا ئىشىنىش-ئىشەنمەسلىك توغرىسىدا قانداق بەلگىلىمىلىرى بار ، شۇ بويىچە بىجىرىپ بېرىشنى ئېيتىڭ ، بۇنىڭغىمۇ قۇشۇلمىسا سوتقا ئەرز سۇنسىڭىز بولىدۇ ، دىمىسىمۇ قورامىغا يەتمىگەن كىچىك بالىلارنىڭ دىنىغا ئىشىنىش-ئىشەنمەسلىگىنى ئاتا-ئانىسى بەلگىلەيدۇ ، قورامىغا يەتكەندىن كېيىن بولسا ئۆزىنىڭ ئىشى .

xohsanam886

	بولسا بالىڭىزنى سىز ئويلىغىنىڭىزدىكىدەك تەربىيلەڭ،قىسقىسى شۇنداق بىر تەربىيلەڭكى ئەڭ ئاخىرقى نەپىسىدە دىنىم،مىللىتىم دىيەلەيدىغان بولسۇن؛

hasalharisi

	مەنمۇ دىققەت قىلمىغان ئىشكەنغۇ بۇ؟ مېنىڭ نوپۇس دەپتىرىمدە ‹‹دىننىي ئېتىقادى››دېگەن كاتەكچە بوشمىدۇ ،قانداقتۇ ھە؟