ئىشىك چىكىلەر

6788

	ئىشىك چىكىلەر..... بۇ سەھەر پەيتى. ئىشىكنى ئاچسىڭىز، كەلگەن كىشى سۈتچى. سۈتچىنىڭ باكىدىن قاچىڭىزغا چۈشۈۋاتقان ئاپپاق سۈتىنى كۆرۈپلا، كۆز ئالدىڭىزدا ھۇزۇرلۇق ناشتىلىق جانلىنىدۇ، خىيالىڭىزدىن << بۈگۈن باغىچىدا ناشتا قىلىمەن>> دېگەن ئوي كېچىدۇ. ئىشىك چېكىلەر.... كەلگەن كىشى پوچتالىيون، قوچىقىدا چوڭ بىر بولاق. ئۇ ئۇزاتقان تالونغا ئىمزا قويدىڭىز. بۇيرۇتقان كىتابلېرىڭىزنىڭ كەلگىنى ئۈچۈن ئىنتايىن خوشال بولدىڭىز. بۇ كىتابلارغا ھەقىيقەتەن ئېتىياجىڭىز بولغاچ،<<ئەجەپ ئىچىم پۇشتى>> دەپ غەشلىكتە قالغان ئىدىڭىز. مانا ئەمدى تەشنا بولغان نەرسىڭىزنى ئېلىپ، يۆلەنچۈكلۈك ئورۇندۇققا سوزۇلدىڭىز. ئىشىك چىكىلەر...... ئىشىككە يۈگۈردىڭىز. كەلگىنى ئۇزۇن يىللاردىن بۇيان كۆرۈشمىگەن دوستىڭىز. سائەتلەپ، ھەتتا پۈتۈن كۈنلەپ سىرداشتىڭىز. <<ھايات نىمىدىگەن گۈزەل >> دەپ ئويلىدىڭىز. ئىشىك چىكىلەر..... مۈشۈك كۆزدىن قارىدىڭىز، ھېچكىم يوق. ئورنىڭىزغا قايتىپ يەنە سافاغا چۆكتىڭىز. ئىشىك يەنە چىكىلدى. خېلى ئۇزاق چىكىلگەندىن كېيىن ئىشىكنى ئاچتىڭىز. ئىشىكتە قوشنىڭىزنىڭ ئوغلى. ئو قولىدىكى تاياقنى ئىشىككە دالىيىپ تۇرپتۇ. <<بەلكىم تۇزى تۈگەپ قالغاندۇ،-دېدىڭىز ئۆز - ئۆزىڭىزگە ئىچكىركى ئۆيدىن تۇز ئاپچىقىۋىتىپ -قارىمامدىغان ئوماقلىقىنى ، قوڭغۇراققا قۇلى يەتمەي تاياق كۆتۈرىۋاپتۇ. -دە، بۇ پىستەك>>. بۇ كىچىككىنە ئىش سىزنى خوشال قىلىۋەتتى. ئىشىك چىكىلمەس..... ئەمما ئەزىز مېھمىنىڭىز كەپتۇ. ئۇ ئىشىكتىن تەكەللۇپسىزلا كىرىپ كەلدى. ئۇ سىزنى ئېلىپ كەتمەكچى. سىز بۇنىڭدىن تېڭىرقاپ قالدىڭىز ۋە <<نىمىشقا خەۋەر بەرمىدىكىنە؟>> دەپ ئويلىدىڭىز. ئۇ ئىچىڭىزدىكىنى بىلىۋالغاندەك <<سەن تۇغۇلغاندىن بېرى ئىشىكىڭنى چىكىۋاتىمەن>>دېدى. بىر نەرسە دىمەكچى بولدىڭىز. ئەمما تىلىڭىز تۇتۇلۇپ قالدى. شۇنداق، ئۆلۈم جىممىدە، ساداسىز كېلەر. مەنبە: ئۈرۈمچى كەچلىك گېزىتى

sirlikmalika

	كۆپ رەخمەت !!اللاھ ئەجرىڭىزنى بەرسۇن ھەدە!!

saba01

	ھەقىقەتەن چوڭقۇر ھىكمەتلەر يۇشۇرۇلغان تىما ئىكەن . توغرا ئۆلۈم ھەرۋاقىت بىزنى ساقلايدۇ . شۇڭا ھاياتنى مەنىلىك ئۆتكۈزىشىمىز كىرەك .

مسكىنÍÍ

	رەھمەت ، ئاخىرى كۆڭلۈم سۇئچكۈدەك  بىر تېما ئۇقۇدۇم . شۇنداق ئۆلۈم خەۋەرسىز كىلىدۇ.

lawa0998

	بىز ئۆزىمىزمۇ ھىس قىلمىغان ھالدا  ئۆلۈمىمىزنى ئىزلەپ يۇرگۈچىلەرمىز...........................

qiqakkiz

	توغرا  ، ئۈلۈم ھەرۋاقىت  ئىشىكىمىزنى چىكىدۇ بىز ئاڭلىساقمۇ ئاڭلىماسقا سېلىپ ، ئىشىكنى بۇزۇپ كىرگەندە پۇشايمان قىلىمىز ، ئەپسۇس ئۇ ۋاقىتتا ئاللىبۇرۇن كىچىككەن بولىمىز .

kar0923

	شۇنداق ئۈلۈم خەۋەرسىز كېلىدۇ ، شۇڭا ھەرۋاقىت تەييار تۇرىشىمىز كېرەك . ئېڭەك چېتىلغاندا ، جاننى ئالغۇچى ئەزرائىل كېلىپ بولغاندا شۇ كۈنگە ياخشى تەييارلىق قىلمىغىنىڭىزغا پۇشايمان قىلغان بىلەنمۇ بىكار .....

axek13999649893

	راس ھەممىسى جىمجىت

xukur0996

	ئىشىك چېكىلەر . ئىشىكنى ئېچىۋېدىڭىز ئۆي ئىگىسىنىڭ يامان قاپىقى كۆزلىرىڭىزگە ئىلىشتى ، ئۇ ئۆي ئىجارىسىنى بۈگۈندىن قالدۇرماسلىقىڭىزنى ئېيتىپ ئىشىكنى جالاققىدە يېپىپ چىقىپ كەتتى . ئىشىك چېكىلەر . پار پۇلىنى سۈيلەپ ئۇقتۇرۇش چاپلىماقچى بولغان بىر يىتىم ھىجىيىپ تۇراتتى .... ئىشىك چېكىلەر . ئەڭ يېقىن دوستىڭىز جىددى پۇلغا ئېھتىياجلىق بولۇپ قالغانلىقىنى ئېيتىپ مىشىلداپ تۇراتتى ئىشىكتە ...ئۇ ھامىلىنى چۈشۈرىۋەتمىسە بولمايدىغانلىقىنى ، بۇنىڭ ئۈچۈن سەككىز يۈز يۈەن بېرىپ تۇرۇشىڭىز كېرەكلىكىنى ... ئىشىك چېكىلەر ... ئىشىك چېكىلەر ... ئىشىك كۈندە چېكىلەر ...

nimjan0903

	ھەقىقەتەن ئىسىل تىما بۇپتۇ!!! راست ئۆلۈم ھەممىمىزگە بار!! شۇڭا بىز ئۆلۈمگە ياخشى تەييارلق قىلىشىمىز(يەنى ياخشى ئەمەل، ئاللاھ نىڭ بۇيرۇق-تۇسۇقلىرىنى بەجاندىل قۇبۇل قىلىپ ھەم ئەمەلىيتىمىزدە كۆرسۈتۈشىمىز) شۇ ئارقىلىق ئۈلۈم بىزنى ئەمەس ،بىز ئۆلۈمنى كۈلۈپ تۇرۇپ كۈتەلەيدىغان ھالەتكە يىتىش ئۈچۈن تىرىشمىقىمىز زۈرۈر.