ئىككى غەزەل (مۇكاپاتلىق ئەسەرلەر سەھىپىسىگە) (قىرانى)

kirani

	1                                     كۆڭۈلنىڭ كەينىگە كىرمەك بىرۇر دېرەك خارابلىقتىن،                              يەنە مۇنداق كىشى نېرى بولالــماس ئىزتىراپلىقتىــــن.                              كىمىكى كۆڭلىگە تىزگىن سالالماي بولدى كۆپ رەسۋا،                              داۋاسىن ئىزدىسە دەردنىڭ كەيىپ،مەستلىك،شاراب. . .لىقتىن.                              بىراۋلەر بىلمەيىن شۇنداق ئۆزىنى چاغلىدى ئاشىق،                              تۈفى!بىل بۇ-بۆلەك نەرسە ئەمەس روھىي بىتاپلىقتىن.                              مۇھەببەت تەبىرى ئەسلى ۋاپا،ھۆرمەت ، ساداقەتتۇر،                              يەنە ئايرىلمىغان ئەخلاق،ھايا،ئالىجانابلىقتىن.                              بىلىق قىزلارغىلا ئېرمەس كېرەك ئەركەككىىمۇ پاكلىق،                              قىرانى سەنمۇ ھەم ئايرىلمىغىن پاكلىق ۋە ساپلىقتىن.                                                           2                             مۇھەببەت سۆيگۈسىز ئىنسان پەرىقسىزدۇر ئۆلۈكلەردىن،                             دىمەك ھېچكىممۇ مۇستەسنا ئەمەس ھەرخىل كۆيۈكلەردىن.                             بىر پۇل-مال،بىرى مەنسەپ،بىرى جانان. . . غا جان بەرگەن،                             بىرى پەنگە كۆڭۈل بېرىپ بولۇپ چىققان بۈيۈكلەردىن.                             لىكىن بىلكى<چىمەنلەر ئىچىدە نازۇك چىمەن بار>دۇر،                             ۋەتەن يۇرت سۆيگۈسى شۇنداق بۆيۈك بارچە سۆيۈكلەردىن.                             ۋەتەننى سۆيمىگەن مەلئۇن ئۈچۈن دوست دۈشمىنى ئوخشاش،                             شۇڭا خائىن ،ۋەتەن ساتقۇچ. . . چىقۇر روھىي خۇنۈكلەردىن.                             ئىسىت!ئارمان بىلەن كەتكەن ئىدى خەلپەم بىلەن ھاجىم،                             ۋەتەن تۇپراقىنى قوغداپ نومۇسسىز<خەي><ئۆتۈك> لەردىن.                             قىرانى سەنمۇ ھەم شۇنداق ۋەتەنگە جانپىدا بولغىن،                             ئۈمىد خائىن مۇناپىق چىقمىسا ئۇيغۇر-تۈرۈكلەردىن .

qidax

	ۋەتەن توغۇرلۇق يازغان غەزىلىڭىزدىن تولىمۇ سۆيۈندۈم. ھازىر بارماق ۋەزىندە شېئىر يازىدىغانلار ئىنتايىن كۆپ لىكىن سىزدەك غەزەل يازىدىغانلار ناھايىتى ئاز. مەن غەزەلنىڭ ئۆلچىمىنى تازا بىلىپ كەتمەيمەن. لىكىن يازغان شېئىرىڭىزنى غەزەل دېسە خاتا بولمامدىكىن دەپ قارايمەن.( مېنىڭ بۇ يەردە دېمەكچى بولغىنىم ھەقىقى غەزەل،ھەرگىزمۇ غەزەل سىياقىغا كىرىۋالغان ‹غەزەل› ئەمەس

غەييۇر

	كۆڭۈلنىڭ كەينىگە كىرمەك بىرۇر دېرەك خارابلىقتىن، توغراگەپ

uyol

	ياخشى يېزىپسىز،تىرىشىڭ

SAZGUV

	بەك ياخشى يىزىپ سىز،  مەزمۇنى ئىنىق تولۇق چىقىپ تۇ

jarulla77

	بۇ غەزەللەرنى ياخشى يېزىپسىز . مۇكاپاتقا ئېرىشىشىڭىزگە تىلەكداشمەن

UluhZat

	قىرانى سەنمۇ ھەم شۇنداق ۋەتەنگە جانپىدا بولغىن،                             ئۈمىد خائىن مۇناپىق چىقمىسا ئۇيغۇر-تۈرۈكلەردىن   بەك قالتىس يېزىپسىز...... داۋاملىق تېرىشڭ.... قولىڭىزغا دەرت كەلمىسۇن...

11karwan

	بۇ غەزەللەرنى ياخشى يېزىپسىز .قولىڭىزغا دەرت كەلمىسۇن.........  مۇكاپاتقا ئېرىشىشىڭىزگە تىلەكداشمەن

muslina216

	سىزگە ئامەت تىلەيمەن .

zulal27

	راستىنلا ياخشى  يېزىپسىز . مەددەت تىلەيمەن . مۇكاپاتقا ئېرىشىڭىزنى ئۈمۈت قىلىمەن .