ئوماقلار ئىجاد قىلغان ئوماق سۆزلەر

BAHADIRHAN

	قىزىمنىڭ تىلى چىقىپ ھازىر پۈتۈن پۈتۈن، خۇددى چوڭ ئادەەملەردەك سۆزلەيدىغان بولۇپ قالدى، ئۇ كىچىككىنە تۇرۇپ چوڭ ئادەملەردەك سۆزلىگەنسىرى ئۇنىڭ تىلى ئەمدىلا چىقىۋاتقان ۋاقىتلىرىدا دەيدىغان، پەقەت ئانىسى بىلەن مەنلا چۈشىنەلەيدىغان ھىلىقى تاتلىق سۆزلىرىنى ئەسلەپ كاللامنى ئارام ئالدۇرىدىغان ۋە شۇ سۆزلىرىنى سىغىنىدىغان بولۇپ قالدىم. شۇنىڭ بىلەن بىللە ئۆزەم ۋە قىرىنداش ئىنى سىڭىللىرىم كىچىكىدە سۆزلەيدىغان شۇنداق ئوماق سۆزلەرنى  ۋە ئۇلارنىڭ ئىزاھلىرىنى مىسرانىمغا تاشلاپ تور ئەھلى بىلەن بىرلىكتە ھوزۇرلىنىش ۋە شۇنداقلا ھەممەيلەننىڭ ئۆزلىرى بىلىدىغان ئاشۇنداق كەشپىياتلارنى تاشلاپ ھەممەيلەننىڭ كەپيىياتىنى كۆتۈرۈش ئۈمىدىدە بۇ تىمىنى يازدىم. 1- مەن كىچىك ۋاقتىدا مەھەللىدە قىزلار توخو پىيىدە تەپكۈچ ياساپ ئوينايدىغان، تەپكۈچ ياسايدىغان توخو پىيىنىڭ ئەڭ ئۇزۇنلىرىنى سۇلايمان تۈك دەپ ئاتايتتىكەنتۇق. يىڭى تىلىم چىققان ۋاقىتلاردا مەن ئاشۇ  خوراز پىيىنى  بارماقلىرىم ئارىسىدا سىيرىپ تۇرۇپ: سۇلايمان، سۇلايمان، ئۇلۇپاتتاڭ ئۇلايمان، ( سۇلايمان، سۇلايمان، ئۈزۈلۈپ كەتسەڭ ئۇلايمەن. ) دەپ ئوينايتتىمكەن. 2- ئىنىمنىڭ تىلى يىڭى چىققان ۋاقىتلاردا غەرپكە ساياھەت فىلىمىنى تولا بىرەتتى تىلۋىزوردا، قانداق بىلىپ قالغانلىقى نامەلۇم، دادام ئۇنىڭدىن : بالام، جۇباجىي نىمىش قىلىدۇ دەپ سورىسا ئىنىم: خولەك تاتىدۇ، ( خورەك تارتىدۇ ) دەپ جاۋاپ بىرەتتى. 3- چوڭ ھەدەمنىڭ بىر قىزى يىڭى تىلى چىققان ۋاقىتلاردا ناننى شىكەر سۈيىگە چىلاپ بىرىپ ئادەتلەندۈرۈپتىكەن، ئۇ قورسىقى ئاچسىلا، نان، كە، قوش ( نان، شىكەر، قوشۇق ) دەپ تۇرۇۋالاتتى دە بىز ئۇنىڭ قورسىقى ئاچقانلىقىنى بىلەتتۇق. 4- چوڭ ھەدەمنىڭ يەنە بىر قىزى بولسا مايمۇننى ( مون )، كىچىك تەرەت قىلغۇسى كەلسە ( ئىلدوك)، قوشۇقنى ( بىلدىك ) دەيدىغان. 5- مىنىڭ قىزىم ئاشۇنداق تاتلىق ۋاقىتلىرىدا گۆشنى تىتى، ئاياقنى پىتى دەپ ئاتايتتى، ئاپىسى سەي قورۇۋاتسا، ماڭا تىتى بىيىڭە ئاپا دەپ قىشىدا تەلمۈرۈپ تۇرۇۋالاتتى. بىر قىتىم ئۇ ئايىقىنى كىيەلمەي ( پىتى پاتاممىدى ) دەپ ھەممەيلەننى كۈلدۈرۈۋەتكەنىدى، شۇ گىپىنى ئويلىسام ھازىرمۇ كۈلۈپ ئاغزىم يۇمۇلماي قالىدۇ. قىنى مەرھەمەت كۆپچىلىك ئەمدى سىلەر ۋە ئەتراپىڭلاردىكىلەرنىڭ ئوماق سۆيۈملۈك كەشپىياتلىرىنى ئوتتۇرىغا تاشلاشقا باشلاڭلار ئەمىسە !!!

kar0923

	دادام بىلەن ئاپامنىڭ دېيىشىچە كىچىك چېغىمدا ھاجەتنى ئىشنە ، پۈپنە دەپ ئۇقتۇراتتىمكە .   ھازىر بىر يېرىم ياشقا كىرەي دېگەن ئۇكام لەغمەننى مەمە ئاش ؛   ھاجەتنى دۈتۈ ؛   ipadنى ئاپات ؛  بادامنى بانام دەيدۇ ، ئاھاڭلىرى بەك تاتلىق بەك تاتلىق . ئۆزەمنىڭ كىچىك ۋاقتىغا قايتقۇم كېلىپ كېتىدۇ .

18099736949

	ئوماقلارغا   قاراپ  ئادەمنىڭ ھەۋىسى  كىپ  كىتىدۇ  جۇما

kokatirgol

	مىنىڭ ئوغلۇم تىلى چىققاندا مىۋىنى قاقا دەپ ئاتايتى،يازدائاچامنىڭ ئۆيىدە بىر ھەپتە تۇرغانتى ،بالام قاقا يەيمەن دىسە «قاق»يەيمەن دەيدىغان ئوخشايدۇ دەپ كۈندە «مىۋە قىقى»بىرىپتۇ ،   ئويلاپ باقسام باشقا گەپلەرنى بەك تۇلۇق دەيدىكەن.

qiqak1219

	ئاكامنىڭ ئوغلى يېڭى تىلى چىققان ۋاقتىدا ،ئاپىسى كىچىك كورىغا تۇخۇم پۇشۇرۇپ بېرەتتى ، شۇنى كۆرىۋېلىپ تۇخۇم يىگىسى كەلگەندە ئاپىسىغا ( كودايا پوتى پىش يەڭ ) ( كورىدا تۇخۇم پۇشۇرۇپ بەر ) دىگىنىكەن ، ئاش يايىدىغان نوغۇشنى ( ھودى تاياق ) دەيتى .يېڭى تىلى چىققان ئوماقلارنىڭ گەپلىرى بەك تاتلىق . كۆپ رەھمەت

sahipjamal

	مىنىڭ سىڭلىم مۇ  بەك تاتلىق گەپ قىلدۇ ،كومپىيوتور دا كارتۇن قۇيۇپ بەرسەم ، قىتۋالغان چاغدا، ‹‹كومپوت كىتىدى ›› دەيدۇ، يەنە تىخى ئايپەت ئويناشقا بەك ئامراق بولغاچ  ئەتتىگەندىن كەچكىچە ئوينايتى ،توكى تۈگىسە ‹‹ئاپەت توك ھوق›› دەپ تۇر ۋالىدۇ.. گەپ لىرىگە بەك ئىچىم كۆيدۇ ئوماقنىڭ.......

ئالماس

	ئوماقلارنىڭ راس تاتلىق سۆزلەيدىكەن

غەييۇر

	.يېڭى تىلى چىققان ئوماقلارنىڭ گەپلىرى بەك تاتلىق . كۆپ رەھمەت

nul

	مىنىڭ بالام ھازىر مەلەن يەمەن [لەغمەن يەيمەن ] دەيدۇ؟

nul

	مىنىڭ بالام ھازىر مەلەن يەمەن [لەغمەن يەيمەن ] دەيدۇ؟