مىيپلىقنى باھانە قىلغۇم يوق

6788

	-ئەتە يېقىن دوستۇمنىڭ تويى بولاتتى. شۇڭا ئورنۇمغا سىز ئىشلەپ تۇرسىڭىز،-دېدى جۈمە  كۈنى چۈشتىن كېيىن ئىشتىن چۈشۈشنىڭ ئالدىدا، ئامىنىگۈلنىڭ بىر گۇرۇپپىدا ئىشلەيدىغان خىزمەتدىشى ئۇنىڭغا ئىلتىجالىق كۆزلىرى بىلەن تىكىلىپ. -بولىدۇ،-دېدى ئامىنگۈل كۆڭلىدە << ئەتە بالىنى كىمگە قويۇپ تۇرارمەن>> دېگەن ئويىنى سەزدۈرمەسىلككە تىرىشىپ. ئەتىسى تاڭ سەھەردە، ئامىنگۈل تېخى يېشىغا توشمىغان بالىسىنى ئۈچ چاقلىق ھارۋىسىغا سېلىپ ئىشقا مېڭىشىغا، يولدىشى ئۇنىڭغا كايىپ كەتتى: -بۇنداق ئەتىگەندە بال سىرتتا يۈرسە سوغۇق تېگىپ قالمامدۇ؟ بىر ھەپتە ئىشلەپ ھارمىدىڭمۇ؟ ئىشىم بار دىسەڭ بولمامدۇ؟ -بىللە ئىشلىگەنلەر بىلەن چىقىشىپ ئۆتمىسەك بولمايدۇ-دە. ئەتىگەندە يولدىشى بىلەن جىدەللىشىپ قېلىشتىن ئەنسىرىگەن ئامىنگۈلنىڭ ئاۋازى بوشلا چىقتى. -سەن ئۇنىڭ دەردىنى چۈشىنىدىغانغا يا بەش ئەزەيىڭ ساق ئادەممىدىڭ! يولدىشىنىڭ ئاچچىقىغا پايلىماي ئاغزىدىن چىقىرۋەتكەن سۆزىدىن قەلبى ئازار يىگەن ئامىنگۈل، كۆز چانىقىغا كېلىپ قالغان ئىككى تامچە ياشنى تەستە سىڭدۈرۋىتىپ، ئالدىراشلا ئۈچ چاقلىق ھارۋىنى ئىتتىرىپ ئىشىكتىن چىقىپ كەتتى. تاڭ سەھەرنىڭ سوغۇق، ئەممە ساپ شامىلى ئۇنى سەل سەگىتتى. ئۇ ئىش ئورنىغا كېلىپ ئۆزىگە تەۋە تازىلىق رايونىنى سۈپۈرۈپ بولغىچە ناشتا ۋاقتى بولدى. ياخشى يېرى، يېشىغا توشمىغان قىزى ھارۋىدا تاتلىق ئۇخلاۋاتقان ئىدى. ئۇ ئىشىنى تۈگەتكەندىن كېيىن، ئادىتى بويىچە ئەخلەت ساندۇقلېرىنى سۈرتۈپ چىقتى. ۋە ئىچىدىن پۇلغا يارايدىغان بوتۇلكا قەغەز ساندۇق دېگەنلەرنى يىغىپ ھارۋىغا سېلىپ قويدى. -بۈگۈنمۇ ئىشلەپسىز-دە،- دېدى ئۇ ناشتىلىق قىلىۋىلىشقا ئاشخانىغا كىرگەندە، تونۇش خۇجايىن ئىللىق كۈلۈمسىرەپ. - ھەئە، مانتا بارمۇ؟ تۆتنى ئالاي. - تېخى بالىنى ئېلىپ ئىشقا كەلگەنمىدىڭىز؟ بۈگۈن بالىغا قاراپ تۇرىدىغان ئادەم يوق، شۇڭا،،،،، - ئىشلەپ بىر كىشلىك پۇل تېپىۋاتقانىكىن، يولدىشڭىز بالىغا بولسىمۇ قاراپ بەرسە بولمىدىمۇ....-دېدى خوجايىن ئامىنگۈلنىڭ سەل ئاقساپ مېڭىۋاتقان سول پۇتىغا سەزدۈرمەستىن قاراپ قۇيۇپ. ئامىنگۈل قىزى بىلەن ناشتا قىلىپ بولغاندىن كېيىن، ئىش ئورنىغا قايتىپ چىقتى ۋە قىزىنى ھارۋىغا ئولتۇرغۇزۇپ قۇيۇپ، كىشلەر ھېلىلا تاشلىۋەتكەن ئەخلەتلەرنى تېرىشكە باشلىدى. ئۇنىڭ ئەستايىدىل ھەرىكىتىگە قاراپ تۇرغان ئاشخانا خوجايىنى مۇلازىمەتچى قىزغا قاراپ سۆزلەپ كەتتى: -بىر قىسملارنىڭ بەش ئەزايى ساق، لېكىن ئىشلەشنى، ھالال پۇل تېپىپ ياشاشنى خالىماي باشقىلارغا يۆلىنىشنى، ئالدامچىلىق، ساختىپەزلىك قىلىپ كۈن ئۆتكۈزۈشنى نۇمۇس بىلمەيدۇ. لېكىن بۇ ئايال مىيىپلىقنى باھانە قىلىپ بىكار يۈرۈشنى خالىمايدىكەن . مانا قاراڭ، ئۇ ھازىر ئۈچ كىشى قىلدىغان ئىشنىڭ ھۆددىسىدىن چىقىۋاتمامدۇ؟ قۇتا يىغىپتۇ، بالىغا قاراپتۇ، يەنە كوچا سۈپۈرۈپتۇ. شۇڭا ئۇنى مىيىپ دېيىشكە كىمنىڭمۇ تىلى بارسۇن!

18099736949

	ياخشى   يىزىلغاندەك  تۇرىدۇ  قالغىنىنى ئوقۇپ بولۇپ  ئاندىن يازاي    ھە.

18099736949

	بالا  دەپ  تەھرىرلەپ  قويۇڭە« بال» بوپ  قاپتۇ

kar0923

	ھەممىدىن قەلىبنىڭ مېيىپلىقى ئېغىر . ئۇ ئايالنىڭ ئېرىنىڭ قەلبى مېيىپكەن . ھەقىقىي بىر ئەركەك بولغان بولسا ، ھەقنى چۈشەنگەن بولسا ئۆز ئايالىنى بالىسى بىلەن قۇشۇپ پۇل تېپىشقا چىقارمىغان بولار ئىدى . ئۆز ئايالىنى ئۇنداق كەمسىتمىگەن بولاتتى .     بۇ مەزمون ئالدىنقى كۈندىكى '' قىزلار قۇربانلىقمۇ '' دېگەن تېمىغا تولىمۇ ماس كېلىدىكەن .  شۇ ئاپتورنىڭ ئىدىيىسى بويىچە ئېيتقاندا ماۋۇ تېمىدىكى ئامىنەنى يولدىشى قۇربانلىق قىلىۋاتىدۇ .

غەييۇر

	ياخشى   يىزىلىلىپ تۇ

nul

qiqak0998

	ياخشى يىزىلغان ئەسەركەن

nazila998

	جىسمانى مىيىپلىقتىن روھى مىيىپلىق بەك يامان ، مىيىپلىقنىڭ يىلتىزى جىسمانىيەتتە ئەمەس روھىيەتتە

kokbora520

	بەزىلەر 7ئەزايى ساق ، ھىچ ئش قىلماي  ھۆكۈمەت بەرگەن تۇرمۇش پۇلىنى خەجلەپلا ،قاۋاقتا،قەرتخانىلاردا يۈريدۇ جەمىيەتكە،باشقلارغا قىلچىلىك پايدىسى تەگمەيدۇ،مانا شۇنداقلار نى  روھى مېيىپ دىسە بۇلامىكىن دەيمە ن.