شېنجېندىكى جۇڭگو ئەنگىلىيە كوچىسىدىن مال ئېلىپ باققانمۇ ؟

muzkan

	ئەسسالامۇ ئەلەيكۇم  !  بۈگۈن ئازراق ۋاقتىم بولغاچ مۇنبەر كۆرۈپ بۇ تىمىنى يىزىشنى لايىق تاپتىم . يىللاردىن بىرى شېنجېنغا كىلىپ كىتىۋاتقان ساياھەتچىلەرنىڭ سانى كۆپىيىپ بۇ يەرنىڭ تەرەققىياتىغا كۆرۈنەرلىك تۆھپىلەرنى قوشۇش بىلەن بىرگە شېنجېن ئىقتىسادىغا غايەت زور ئىقتىسادى كىرىم يارىتىپ بەرمەكتە . شېنجېن جۇڭگودىكى تولىمۇ گۈزەل ۋە پاكىزە شەھەر ، شىياڭگاڭ بىلەن خوشنا بولۇپ  30 مىنۇتتا شىياڭگاڭغا كىرەلەيسىز . شېنجېن شاتۇجاۋ دىگەن ئورۇندىكى شىياڭگاڭغا كىرىدىغان ئىغىزدا بىر كوچا بولۇپ خەنزۇچە  中英街  يەنى جۇڭگو ئەنگلىيە كوچىسى دەپ ئاتىلىدۇ  . بۇ كوچا جۇڭگو بىلەن شىياڭگاڭ ئوتتۇردىكى ئەڭ يېقىن ئورۇن بولۇپ كوچىنىڭ بىر تەرىپى شېنجېنغا تەۋە يەنە بىر تەرىپى شىياڭگاڭغا تەۋە .   ئەمدى مەخسەتكە كەلسەك .  بۇ كوچىدا ئاساسلىق يايما شەكلىدىكى بىر قەۋەتلىك كىچىك دۇكانلار كۆپ بولۇپ بۇ دۇكانلار شىياڭگاڭنىڭ مەھسۇلاتلىرى دىگەن نامدىن پايدىلىنىپ خىلمۇخىل ساختا ئوخشىتىلغان تاۋارلارنى شىياڭگاڭدىن باج كەچۈرۈم قىلىنىپ كىرگەن مەھسۇلات ، ئەتكەس قىلغان مەھسۇلات شۇڭا باھاسى ئەرزان دىگەن ئوخشىتىشلار ئارقىلىق سەۋەپ سىزگە تولىمۇ ئەرزان باھادا بەرگەندەك قىلىپ يانچۇقىڭىزدىكى پۇللارنى سۇغۇرىدۇ . ئۆتكەن يىلى گۇاڭجۇدىكى ئاشخانىدا تاماق يەۋاتسام بىر كورلىلىق ئاكىمىز ئۇدۇلدىكى جوزىدا ئولتۇرۇپ بىز شىياڭگاڭغا باردۇق ، ماللار بەك ئەرزان ئىكەن . ئالما 4 - ئەۋلادنى 1800 دىن ئالدىم دەپ تېلفۇندا شۇنداق پەخىرلىك ھىسلىرى بىلەن سۆزلىگىلى تۇرۇپتۇ .   ئۇ ۋاقىتتا ئالما 4 - ئەۋلاد  4000 مىڭ يۈەن ئەتراپتا ئىدى مەن بۇ پاراڭلارنى ئاڭلاۋىرىپ ئاخىرى چىداپ بولالماي ئۇ ئاكىمىز تېلفۇننى قويغاندا ئاستا سۆز ئاچتىم . سىز شىياڭگاڭغا باردىڭىزمۇ . ئالما تېلفۇن راسلا شۇنداق ئەرزانمىكەن دەپ سورىدىم . شۇنداق بىر خەنزۇغا دىسەك ئاپاردى . بۇ شىياڭگاڭغا تەۋە ئورۇن ماللار بەك ئەرزان دەپ شۇڭا 3 نى سېتىۋالدىم ئالما تېلفۇندىن دىگەچ سومكىسىدىن 1800 يۈەنلىك ئالما تېلفۇننى چىقاردى قارىسام مەزكۇر ئالما تېلفۇننىڭ كەينى تەرىپىدە ئەجدەرھا سۈرىتى چۈشۈرۈلگەن ھەم ئاستىدا خەنزۇچە خەت بار ئېدى .  مەن قايتۇرۇپ سورىدىم .  ئالما تېلفۇننىڭ كەينىدە ئالما شىركىتى بەلگىسى بار ئىدى  ، لىكىن سىزنىڭ بۇ تېلفۇن كەينىدە خەنزۇچە خەت بار ئىكەنغۇ دەپ .  ئۇ ئاكىمىز جاۋابەن مۇنداق دىدى  < بۇ ئالما شىركىتىنىڭ جۇڭگوغا ئىشلەپ بەرگەن تېلفۇنى ئىكەن  ، ماڭا ساتقان خەنزۇ شۇنداق دىدى بۇ مال پەقەت شىياڭگاڭدىلا بار .  باج كەچۈرۈم بولغاچقا باھاسى شۇنداق ئەرزان >   مەن بۇ گەپنى ئاڭلاپ ھەيران قالدىم .  شىياڭگاڭدا ئالما تېلفۇن راسلا ئەرزان ، لىكىن جۇڭگو بىلەن 400 يۈەن ئەتراپتا پەرىق قىلىدۇ چوڭ بولغاندا ،  راسلا شۇنداق ئەرزان بولسا ھەممە خەنزۇلار شۇ يەردىن ئەكىلىپ ساتمامدۇ . ئۇلار قەشقەردىن ئۈرۈمچىگە بارغاندەك  شېنجېندىن شىياڭگاڭغا سومكىسىنى ئېلىپلا كىرىپ چىقالايدىغان تۇرسا . نەدە ئۇنداق ئاسان ئىش بولىدۇ  . مەن جاۋابەن ئۇ ئاكىمىزغا چۈشەنچە بەردىم . سىز بارغىنى شىياڭگاڭ ئەمەس ، ئەمدى بارسىڭىز مال ئالماڭ بۈگۈن بۇ تىمىنى يوللاشتىن 4 سائەت بۇرۇن شىنجاڭدىن كەلگەن بىر يۇرىتداش تېلفۇن ئۇرۇپتۇ .   بىز ھازىر شېنجېندىكى جۇڭگو ئەنگىلىيە كوچىسىدا ، مەن بىلەن بىللە كەلگەنلەر مال ئېلىۋاتىدۇ ، قايتىپ بىرىپ كۆرۈشەيلى دەپ ،  بۇ گەپنى ئاڭلاپ سۆزلەشكە ئاران ئۈلگۈردم ، مال ئالماي كۆرۈپلا قايتىپ كىلىڭ ، كۆرۈشكەندە چۈشەندۈرەي دەپ .  شۇنداق دىيىشىمگە ماقۇل دەپ قويىۋەتتى .   بىرەر سائەتكىچە خەۋەر بولمىغاچ ئۆزۈم تېلفۇن ئۇردۇم . سىز قەيەردە دەپ سورىدىم .   ئۇلار ئۆزلىرىنىڭ ئەمدى ئۇ كوچىدىن چىققانلىقىنى ئالما 5 - ئەۋلادنى 1600 يۈەندىن ھەر بىرى بىردىن ئالغانلىقىنى دىدى .   بۇ گەپنى ئاڭلاپ ئارتۇق سۆزلەشتىن رايىم ياندى . چۈنكى ئۇلار ئالغىنى ساختا ئوخشىتىلغان تېلفۇن ئىدى . ئالدىنقى قىتىم كورلىلىق ئاكىمىز ئالغىنىمۇ شۇنداق ساختا ئوخشىتىلغان تېلفۇن  ، ئۇ تېلفۇنلارنى شېنجېندىكى مىڭتۇڭ يانفۇن بازىرىدىن 280 يۈەندىن 600 يۈەن ئەتراپىدا ئالغىلى بولىدۇ ، ئۇنى يىبىيى ئالما دەپ ئاتايدۇ يەنى ھەقىقىي نۇسخىغا ئەڭ يىقىن دەرىجىدە ئوخشىتىلغان نۇسخىسى دىمەكچى .   شۇڭا شېنجېنغا ساياھەت ياكى سودا ئىشلىرى بىلەن شۇ كوچىغا بىرىپ قالسىڭىز پەقەت كۆرۈپلا قويۇڭ ، نىمىلا بولسۇن بىر كۆرۈشكە ئەرزىيدۇ ، كوچىغا 10 مىتىر كىلىدىغان ئىغىزدىن چىقسىلا شىياڭگاڭ زىمىنى .   شىياڭگاڭدا مەھسۇلاتلار راسلا ئەرزان ، چۈنكى باج كەچۈرۈم بولغانلىقى ئۈچۈن دۇبەي بىلەن شىياڭگاڭدا مەھسۇلاتلار ھەممىدىن ئەرزان بولىدۇ .  ماركىلىق مەھسۇلاتلار جۇڭگوغا قارىغاندا خىلىلا پەرىقلىنىدۇ   . لىكىن ھەسسىلەپ ئەرزان بولىدىغان ئىش مەۋجۇت ئەمەس ،  ئالما يانفۇنىنى مىسالغا ئالساق 200 يۈەندىن 500 يۈەنگىچە پەرىق بار جۇڭگو بىلەن ،  شۇڭا قارىغۇلارچە باشقىلارنىڭ دامىغا چۈشۈپ قىلىشتىن ساقلىنىڭ

osman1

	ھەي....... ئالدىنقى يىلى بارغان ھەمرالىرىم ھېلىقى تىلىفۇندىن بىردىن ئالغان...........ئەلۋەتتە ساختا چىقتى

514399117

	كۆرسەتمە بەرگىنىڭىزگە رەھمەت

nul

	رەخمەت بۇندىن كىيىن شىنجىنغا بارغانلا دىققەت قىلسا بولغۇدەك؟

kixan

	شىياڭگاڭغا كىرىشكە ھېچقانداق ئىجازەتنامە كەتمەمدا ؟. . .

nijatkurban

	Hétián يوللىغان ۋاقتى  2013-1-27 09:16 PM شىياڭگاڭغا كىرىشكە ھېچقانداق ئىجازەتنامە كەتمەمدا ؟ ... كىملىك بولسىلا بولامدۇ؟ ئۇنداق ئەمەستۇ؟ شياڭگاڭ ئاۋمېنغا بىر كۈنلۈك ساياھەت قىلىش ئۈچۈن مېنىڭ خىزمەتداشلىرىم مۇناسىۋەتلىك ئورۇنلارغا بىر ئايچە قاترىدى.

komkom

	‏ئۇنداق ساختا مەھسۇلاتقا پەقەت ئەخمەقلارلا ئالدىنىپ كىتىدۇ؟ بولمىسا ئەخمەق بولامدۇ!

abdulahad7

	kixan يوللىغان ۋاقتى  2013-1-27 09:02 PM شىياڭگاڭغا كىرىشكە ھېچقانداق ئىجازەتنامە كەتمەمدا ؟. . ... كىتڭدۇ.مۇشۇ يەرلىكلارغا.........

muzkan

	kixan يوللىغان ۋاقتى  2013-1-27 09:02 PM شىياڭگاڭغا كىرىشكە ھېچقانداق ئىجازەتنامە كەتمەمدا ؟. . ... شىياڭگاڭغا كىرىش ئۈچۈن شىياڭگاڭ ئاۋمىنغا كىرىش گۇۋاھنامىسى يەنى 通行证 كىتىدۇ . بۇ تەرەپتىكىلەر ئۈچۈن پاسپورت ۋە يۇقاردا دىيىلگەن گۇۋاھنامىنى ئىلىش ئالدىن ئايرۇپىلان بىلىتى زاكاس قىلغاندەكلا ئاددى ئىش .  شۇڭا كىرىمەن دىگەنلەر خالىغان ۋاقتىدا كىرىپ چىقالايدۇ .   شېنجېندىن شىياڭگاڭغا كىرىش ئۈچۈن 40 يۈەن ماشىنا بىلىتى ئېلىنىدۇ . ياكى مىترودا بارسىڭىزمۇ بولىدۇ