مەن قانچىلىك بېلىق يېيىشىم كېرەك؟

nijatkurban

	مەن قانچىلىك بېلىق يېيىشىم كېرەك؟ ئامېرىكىنڭ مەشھۇر يازغۇچىسى مارك تىۋېن سودىنى تاشلاپ ئەدەبىي ئىجادىيەتكە كىرىشكەندىن كېيىن، تالانتىنى تېزلىكتە نامايان قىلىدى ھەمدە « پاقا» ناملىق ئەسىرى ئارقىلىق بىردىنلا نام چىقىرىپ ئەسلىدىكى ھېچنىمىسى يوق نامراتتىن كاتتا زەردارغا ئايلاندى. بۇ نۇرغۇن ياشلارنىڭ يېزىقچىلىق ئىشتىياقىنى قوزغاپلا قالماستىن يەنە بىر تۈركۈم بىكار تەلەپ ياشلارنىڭ يېزىقچىلىق قىلىپ باي بولۇش ئىستىكىنى قوزغىۋەتتى. روگېر دەل مۇشۇنداق ياشلارنىڭ بىرى ئىدى. روگېرنىڭ گەرچە ھېچقانداق يېزىقچىلىق تالانتى بولمىسىمۇ، ئەمما ئۆزىگە بەكمۇ ئىشنىپ كەتكەنلىكتىن ئۆزىنى يېزىقچىلىقتا تۇغما قابىلىيىتى بار دەپ قارايتتى. ئەسەرلىرى نەشرىياتلار تەرىپىدىن رەت قىلىنغاندا بولسا، نەشرىياتتا مېنىڭ ئەسەرلىرىمنى ئوقۇپ چۈشىنەلىگۈدەك ئادەم يوق دەپ ھېسابلاپ، نەشرىيات تەرىپىدىن قايتۇرۇلغان ئەسەرلىرىگە ئۆزىنىڭ بىر پارچە خېتنى قوشۇپ مارك تىۋېنغا ئەۋەتتى. خەتنىڭ ئاخىرىدا مۇنداق دېيىلگەنىدى: « ئاڭلىسام فوسفور ماددىسى چوڭ مېڭىنىڭ تەرەققىي قىلىشىغا پايدىلىق ئىكەن، بېلىقنىڭ ئۇستىخىنى تەركىبىدە فوسفور ماددىسىنى بەك مول ئىكەن، شۇڭا مەن ھەر كۈنى بېلىق يېيىش ئارقىلىق سىزگە ئوخشاش ئۇتۇق قازانغان يازغۇچى بولسام دەيمەن، سىز ئۇتۇق قازىنىش جەريانىدا قانچىلىك بېلىق يېگەن، قايسى خىل بېلىقنى يېگەنلىكىزنى ماڭا ئېيتىپ بەرسىڭىز بولامدۇ؟» مارك تىۋېن بۇ ياشنىڭ ئەسەرلىرى بىلەن خېتىنى كۆرگەندىن كېيىن يىغلاشنى ياكى كۈلۈشنى بىلەلمەي، قولىغا قەلەم ئېلىپ ئۇنىڭغا قىسقىلا جاۋاب خەت يېزىپتۇ:«سىزنىڭ ئەسەرلىرىڭىزنى كۆردۈم، سىز بېلىق يېسىڭىز بولمايدۇ، ئەڭ ياخشىسى كىتتىن بىر قانچىنى يەپ بېرىڭ.» ئۈزلۈكسىز تىرىشچانلىق كۆرسىتىشتىن باشقا، مۇۋەپپەقىيەتنىڭ باشقا يولى يوق. ئەگەر تىرىشچانلىق كۆرسەتمەي، ئاسان يول بىلەنلا مۇۋەپپقىيەت قازىنىشنى ئويلىسىڭىز ئۇنداقتا مەڭگۈ ئەسلى ھالىتىڭىزدە تۇرۇۋېرىسىز. ئەگەر ئوزۇقلۇق تولۇقلاش ئارقىلىق تالانتقا ئىگە بولغىلى بولغان بولسا، ئۇ ھالدا بۇ دۇنيا تالانتلىقلار بىلەن كۆمۈلۈپ كەتكەن بولاتتى. تەرجىمە قىلىندى.

مسكىنÍÍ

	توردا بىر پىسخىلوگنىڭ مۇنداق دېگەنلىكىنى ئاڭلىغاندىم بىر ئادەم باركەن دائىم  لاتارىيەدىن ماڭا 5 مىليون چىقسادەيدىكەن ھەم ھەركۈنى تەڭرىگە يال ئۇرۇپ  ياشتۆكۈپ تىلەيدىكەن ، بىركۈنى ئۇيەنە شۇداق پەرياد قىپتۇ . ئاخىر ئاسماندىن مۇنداق سادا كەپتۇ : ئەي بەندەم  مەن ساڭا شۇ 5 مىلىيوننى بەسەممۇ بېرەي ، سەن ئالدى بىلەن 2 سومغا بىر لاتارىيە بىلىتى ئالمامسەن ! دېمەك ئادەمدە تىرىشچانلىق ، ئارزۇ ۋە غايىگە نىسبەتەن ئازراق ھەركەت بولمايدىكەن ، ھەممىسى قۇرۇق خىيال بوپ قالىدۇ .

saraghutun

	ئالدى بىلەن  2 سومغا  لاتارىيە  ئالمامسە  دېگىنى  بولىدىكەن

katran

	ھەرىكەتتە بەرىكەت بار، ئېرىشمەكچى بولغىنىغا چىن دىلىدىن نىيەت قىلماي تۇرۇپ، ئازراقمۇ ئەجىر قىلماي تۇرۇپ ئېرىشىپ قالارمەنمىكىن دىگىنى ئاسماندىكى غازنىڭ شورپىسىغا نان چىلاپ يىگىنىنىڭ ئۆزى ئەمەسمۇ...... تەرجىمە ياخشى ھەم راۋان قىلىنىپتۇ، تېما ئىگىسىنىڭ ئەجرىگە تەشەككۈر...........

nijatkurban

	anatil100 يوللىغان ۋاقتى  2013-1-25 02:02 PM كىچىك ۋاقىتلىرىمدا مەھەللىدىكى دوستلىرىم بىلەن يېزىم ... فامىلەم دولقۇن ئەمەس.

AZIZMAN

	مسكىنÍÍ يوللىغان ۋاقتى  2013-1-25 02:34 PM توردا بىر پىسخىلوگنىڭ مۇنداق دېگەنلىكىنى ئاڭلىغاندىم  ... 2سومغا دىگىنى راس قىززىقكەن

gurbet_kizi

	مۇۋەپپىقىيەت ئۆزلۈكسىزتىرىشىشقاباغلىق