رەسىم-شاڭگاڭدىكى ئۇيغۇر قىز ئەسكەرلەر

rinatcn

	دىلنۇر ئەخمەت (سولدىكى) ۋە زەينۇر سىراجىدىن     شياڭگاڭ مەجمۇئە گېزىتىنىڭ خەۋەر قىلىشىچە، يېقىندا، 21 ياشلىق ئۇيغۇر قىزى دىلنۇر ئەخمەت شياڭگاڭدا تۇرۇشلۇق قىسىمنىڭ ھەربىي سەپكە كىرىش ئۇقتۇرۇشىنى تاپشۇرۇۋالدى. بىرلا ۋاقىتتا دىلنۇر ئەخمەتتىن باشقا يەنە 9 نەپەر ئۇيغۇر قىز ئىستۇدېنتمۇ شياڭگاڭدا تۇرۇشلۇق قىسىمنىڭ ھەربىي سەپكە كىرىش ئۇقتۇرۇشىنى تاپشۇرۇۋالغان .     دىلنۇر ئەخمەت شىنجاڭ ئۇنىۋېرسىتېتى خەنزۇتىلى تەرجىمە فاكۇلتېتىنىڭ 4-يىللىق ئوقۇغۇچىسى بولۇپ، ئۇ ئۆزىنىڭ شياڭگاڭغا بېرىپ ئەسكەر بولىدىغانلىقىنى ئويلاپمۇ باقمىغانىدى. دىلنۇر ئەسلەپ مۇنداق دېدى : 10-ئاينىڭ ئاخىرى توردىن ئەسكەرلىككە قوبۇل قىلىش ئۇچۇرىنى كۆرگەندىن كېيىن، قىزىقىشىم بىلەنلا تىزىملاتتىم، كىم بىلسۇن سالامەتلىك تەكشۈرۈش، يۈز تۇرانە ئىمتىھان، پسىخىكىلىق سىناق قاتارلىق ئالاقىدار ئىمتىھانلاردىن ئوڭۇشلۇق ئۆتۈپ ئاخىرىدا تاللىنىپ قالدىم. ئەسلىدە بۇ قېتىملىق ئەسكەر قوبۇل قىلىشقا 800 دىن كۆپرەك قىز ئىستۇدېنت تىزىملاتقان ئىكەن. قاتلاممۇ قاتلام سىناق ۋە تاللاشتىن كېيىن ئونىمىز قوبۇل قىلىندۇق. مەن بۇنىڭدىن تولىمۇ خۇشال .     شىنجاڭ مالىيە ئۇنىۋېرسىتېتىنىڭ 4-يىللىق ئوقۇغۇچىسى 21 ياشلىق زۇلپىيە تۇرسۇنمۇ بۇ قېتىم تاللانغان ئون قىزنىڭ بىرى. ئۇ ئاقسۇدىن بولۇپ، ھەربىي بولۇش ئۇنىڭ، شۇنداقلا دادىسىنىڭ ئارزۇسى ئىدى. زۇلپىيەنىڭ دادىسى مۇنداق دېدى: ئۇ ئىزچىل ھەربىي بولۇشنى ئارزۇ قىلاتتى ، كىم ئويلىغان دەيسىز ئاخىرىدا ئۇ راستىنلا ئارزۇسىغا يەتتى، 6-دېكابىر، قىزىمنىڭ شياڭگاڭدا تۇرۇشلۇق قىسىغا تاللانغانلىقىنى ئۇققاندىن كېيىن ، خۇشاللىقتا يىغلىۋەتتىم. مەن قىزىمنىڭ لاياقەتلىك بىر ئەسكەر بولۇشىنى ئۈمىد قىلىمەن قىسىمغا مىڭىش ئالدىدا ،ئاتا-ئانىلار پەرزەنىتلەرنى ئۇزاتماقتا . ئۇزۇتۇش زىياپىتىدە. رەھبەرلەر ئۇلارنىڭ ئاتا-ئانىسىنى قوبۇل قىلدى. قىزلار جاپالىق ھەربى مەشىقتە. خەيىر_خوش قىرىنداشلار بىز ماڭدۇق.... مەنبەhttp://uyghur.news.cn/2012-12/27/c_132067417.htm

ئايچىن

	بەكمۇ ئوماق قىزلاركەن.. ئىشلىرىغا ئۇتۇق تىلەيمەن....

iltebir

	بۇلارنىڭ ئامان -ئىسەن تۇرىشىنى ئۈمىد قىلىمەن.سىلەرنىڭ تۇرمۇشىڭلارنىمۇ ئۇلۇغ پارتىيىمىز ئۇرۇنلاشتۇرۇپ بېرىدۇ. بۇ بەكلا خۇشاللىنارلىق ئىش ئىكەن. ئۇ يەردىكى مىللەتلەر بىلەن بەلەن ئۆتۈڭلار......

!UYGHURJAN

	بۇلار ئۇ يەردە نىمە ئىش قىلىدۇ ؟ شىياڭگاڭنىڭ كۈلمى كىچىك ، نۇپۇسى ھەددىدىن زىيادە زىچ تۇرسا ، چوڭ قۇرۇقلۇقتىن ئەسكەر يۆ تكەپ ئىشلەتكىچە ، شىياڭگاڭلىقلاردىن ئەسكەر تاللىسا ، ئىشقا ئۇرۇنلۇشۇش بېسىمىمۇ تۈۋەنلەيتتى ئەمەسمۇ ؟ ھە ! ئەمدى بىلدىم ، بۇلار ئىچكىرى ئۆلكىلەردىن شىياڭگاڭغا ، ساھەلەر بويىنچە ياردەمگە ماڭغانلاركەندە . يەنىمۇ كۆپلەپ نۇپۇسنى شىياڭگاڭغا ساھەلەر بويىنچە ياردەم بىرىش ، ئېچىش ئىشلىرى ئۈچۈن يۆتكەش كىرەك . مۇقۇملۇق خىزمىتىنى تېخىمۇ كۈچەيتىپ ، شىياڭگاڭ مۇستەقىلچى ئونسۇرلىرىنى  ئانىسىنىڭ بۈشۈكىدىكى ۋاقتىدىلا ئېغىز ئاچالماس قىلىپ ، دۆلىتىمىزنىڭ باش قېتىمچىلىقىنى تىزرەك ھەل قىلىشىنى قوللايمەن .

yalkun085

	بۇ بەكلا خۇشاللىنارلىق ئىش ئىكەن.

rahmansaykin

	تەرجىمىدە خاتالىق باكەن .شىنجاڭ ئۇنىۋېرسىتېتى خەنزۇتىلى تەرجىمە فاكۇلتېتى دەپ گەپ يوق ، شىنجاڭ ئونۋىرىستىتى فىلولوگىيە ئىنىستىتوتى خەنزۇتىلى تەرجىمە كەسپى دەپ كەسىپ بار . يەنە بىرسى شىنجاڭ مالىيە ئۇنىۋېرسىتېتى دەپ گەپ يوق . ھەم ئۇنداق مەكتەپمۇ يوق . شىنجاڭ مالىيە - ئىقتىسات  ئۇنىۋېرسىتېتى دەپ ئالساق توغرا بۇلىدۇ .

rizwangul0995

	تۇۋۋا ھەممىسى مىنىڭ كونا تۇنۇشلىرىمدەكلا بىلىنىپ كىتۋاتدا بۇ ئۇماقلارنىڭ ئاللاھ ئۆز پاناھىدا ساقلىسۇن

مسكىنÍÍ

	ئاللاھقا ئامانەت

dana.

	مەن بەك خۇش بولدۇن ھەرقانداق بىر پۇخرانىڭ دۇۋلەتنى قوغداش مەجبۇريىتى بار ئۇلارنىڭ جاپاغا چىداپ ۋەزىپىنى غەلبىلىك ئورنلاپ قايتىپ كىلشىگە چىن دىلىمدىن تىلەكداشمەن.

يولتۇز

	ئاللاھ ئۇلارنى ئۆز پاناھىدا ساقلىغاي ئامىن !