قوي يېغىدەك بولايلى ھالال
مال -دۇنيانىڭ ناز -كەرەشمىسى،
قۇلۇپ سالدى ئىمانىمىزغا.
ياپراقلىرىم بالدۇر ئۈششىدى
كۆز تەگدىمۇ دىيارىمىزغا؟
سەكراتلاردا ياتقان سىڭلىمىز ،
تەلمۈرىدۇ دوختۇرخانىغا.
ۋىجدانىغا قىلىپ مۇخالىپ،
بايلىرىمىز ئىشرەتخانىدا.
قاتار چاينىڭ كەشپىياتچىسى ،
پاخما باشلىق ئېسىل ئاياللار.
بۇلۇڭلاردا كۆكىرىپ كېتەر
تەربىيەسىز سەبىي خىياللار.
سىڭلىم ئاچتى كىندىكلىرىنى ،
مونەك -مونەك ئۆرمە پۇل ئۈچۈن .
ئىشلىرىمىز باسمىدى بىزنىڭ ،
ناچار ئادەت بىزدە بار ئۈچۈن.
قاۋاقخانا بولغاچ ناشتىلىق ،
زەئىپلەشتى ئاتام غورۇرى.
بولمىغاچقا ھايا - پەردىشەپ،
ئاجىز سوقتى ئەخلاق تومۇرى.
كاززاپ بولۇپ كەتتى سودىگەر ،
شەيتان بولغاچ بىزگە تارازا.
ئويلىنايلى قېرىنداشلىرىم ،
ساقلىماقتا بىزنى جىنازا.
كۆز يېشىنى تۆكتى مائارىپ،
كىچىك تۇرۇپ قاچتى بالىلار.
ئەۋلاتلارغا بۆلمىسەك كۆڭۈل،
بۇلۇڭلاردا نان تىلەپ زارلار.
سەھنىلەردە ئېيتساق مۇقامنى ،
تون كىيگۈزۈپ قويدى باشقىلار.
مىشچانلىشىپ كەتكەن روھىمىز ،
ئازغۇن ھالىمىزنى پاش قىلار.
غاجىلاندى قارىغايلىرىمىز،
يىلتىزىغا تاشلىدۇق قۇرۇت .
ئەركەك ئاتالساقلا ھېسابمۇ؟
لەۋ ئۈستىدە بولىسىلا بۇرۇت؟
ياتلاشماقتا سىرداش خوشنىلار،
يۇندا تۆكۈپ دەرۋازىلارغا.
يەل چىقىرىپ تۇيدىمۇ قورساق
ئازار بېرىپ نازۇك دىللارغا؟!
قىز - يىگىتلەر پەردىشەپ قېنى ؟
دەل -دەرەخلەر ئېيتمىسۇن لەنەت.
چىرايلىقمۇ ئىشتانسىز مايمۇن،
ئەبجەش ئۇسۇل بولامدۇ سەنئەت؟
ياغلىقىنىڭ ئۇچىنى چىشلەپ،
ئەركەك ئانام كوچا سۈپىرەر.
پوق - سۈيدۈكنى يىغىپ قىتئەلەر،
مەھەللەمگە كېلىپ تۈكىرەر.
يالاڭئاياق ماڭمىسۇن سېڭلىم ،
قان ساتىمەن ئىپپىتى ئۈچۈن .
مىليۇن قېتىم بېرىمەن جاننى،
تەڭرىتاغنىڭ ھۆرمىتى ئۈچۈن.
گەندىلەردىن تۇرايلى يىراق،
نۇرغا چۆمسۇن گۈزەل ئاسمىنىم .
قوي يېغىدەك بولايلى ھالال،
مەنزىللەرگە يەتكەي ئارمىنىم .
ئا. مۇھەممەت شېئىرى
قوي يېغىدەك بولايلى ھالال
مال -دۇنيانىڭ ناز -كەرەشمىسى،
قۇلۇپ سالدى ئىمانىمىزغا.
ياپراقلىرىم بالدۇر ئۈششىدى
كۆز تەگدىمۇ دىيارىمىزغا؟
سەكراتلاردا ياتقان سىڭلىمىز ،
تەلمۈرىدۇ دوختۇرخانىغا.
ۋىجدانىغا قىلىپ مۇخالىپ،
بايلىرىمىز ئىشرەتخانىدا.
قاتار چاينىڭ كەشپىياتچىسى ،
پاخما باشلىق ئېسىل ئاياللار.
بۇلۇڭلاردا كۆكىرىپ كېتەر
تەربىيەسىز سەبىي خىياللار.
سىڭلىم ئاچتى كىندىكلىرىنى ،
مونەك -مونەك ئۆرمە پۇل ئۈچۈن .
ئىشلىرىمىز باسمىدى بىزنىڭ ،
ناچار ئادەت بىزدە بار ئۈچۈن.
قاۋاقخانا بولغاچ ناشتىلىق ،
زەئىپلەشتى ئاتام غورۇرى.
بولمىغاچقا ھايا - پەردىشەپ،
ئاجىز سوقتى ئەخلاق تومۇرى.
كاززاپ بولۇپ كەتتى سودىگەر ،
شەيتان بولغاچ بىزگە تارازا.
ئويلىنايلى قېرىنداشلىرىم ،
ساقلىماقتا بىزنى جىنازا.
كۆز يېشىنى تۆكتى مائارىپ،
كىچىك تۇرۇپ قاچتى بالىلار.
ئەۋلاتلارغا بۆلمىسەك كۆڭۈل،
بۇلۇڭلاردا نان تىلەپ زارلار.
سەھنىلەردە ئېيتساق مۇقامنى ،
تون كىيگۈزۈپ قويدى باشقىلار.
مىشچانلىشىپ كەتكەن روھىمىز ،
ئازغۇن ھالىمىزنى پاش قىلار.
غاجىلاندى قارىغايلىرىمىز،
يىلتىزىغا تاشلىدۇق قۇرۇت .
ئەركەك ئاتالساقلا ھېسابمۇ؟
لەۋ ئۈستىدە بولىسىلا بۇرۇت؟
ياتلاشماقتا سىرداش خوشنىلار،
يۇندا تۆكۈپ دەرۋازىلارغا.
يەل چىقىرىپ تۇيدىمۇ قورساق
ئازار بېرىپ نازۇك دىللارغا؟!
قىز - يىگىتلەر پەردىشەپ قېنى ؟
دەل -دەرەخلەر ئېيتمىسۇن لەنەت.
چىرايلىقمۇ ئىشتانسىز مايمۇن،
ئەبجەش ئۇسۇل بولامدۇ سەنئەت؟
ياغلىقىنىڭ ئۇچىنى چىشلەپ،
ئەركەك ئانام كوچا سۈپىرەر.
پوق - سۈيدۈكنى يىغىپ قىتئەلەر،
مەھەللەمگە كېلىپ تۈكىرەر.
يالاڭئاياق ماڭمىسۇن سېڭلىم ،
قان ساتىمەن ئىپپىتى ئۈچۈن .
مىليۇن قېتىم بېرىمەن جاننى،
تەڭرىتاغنىڭ ھۆرمىتى ئۈچۈن.
گەندىلەردىن تۇرايلى يىراق،
نۇرغا چۆمسۇن گۈزەل ئاسمىنىم .
قوي يېغىدەك بولايلى ھالال،
مەنزىللەرگە يەتكەي ئارمىنىم .
ئا. مۇھەممەت شېئىرى
بۇ يازمىنى ئاخىرىدا bahwanbiz تەھرىرلىگەن. ۋاقتى 2013-1-22 12:27 PM