غەيرى دىندىكىلەرنىڭ مال-مۈلىكىنى ئېلىۋېلىشنىڭ ھۆكىمى

uyghuray~25

	كۆپ ساندىكى قېرىنداشلىرىمىز ئاللاھتىن قورقۇپ كىشىنىڭ قىل چاغلىق نەرسىسىگە چېقىلمايدۇ.چۈنكى ئۇلار ئاللاھنىڭ ھەممىنى كۆرۈپ،بىلىپ تۇرىدىغانلىقىنى بىلىدۇ.بىر قىسىملار ھۆكۈمەتنىڭ قانۇنىدىن قورقۇپ كىشىلەرنىڭ مال-مۈلىكىگە چېقىلمايدۇ.ئەمما ئارىمىزدا يەنە شۇنداق بىر قىسىم كىشىلەر باركى،ئۇلار<<خەق كۆرمىدى،بۇلار دىنسىزلاردۇر،شۇڭا ئۇلارنىڭ نەرسىلىرىنى ئېلىۋالساق يامان بولمايدۇ،بۇ بىزگە ھالال!>>دەپ قاراپ يات دىندىكىلەرنىڭ مال-مۈلۈكلىرىنى تۈرلۈك يوللار بىلەن ئېلىۋېلىپ خاتىرجەم خىراجەت قىلىشىدۇ.ئۇنداقتا مۇشۇنداق قىلساق راستىنلا يامان بولمامدۇ؟ئاللاھتائاللاھ ئىگىمىز بۇنداق مال-مۈلۈكنى بىزگە راستىنلا ھالال قىلغانمۇ؟ئۇنداق ئەمەس،ھەرگىز ئۇنداق ئەمەس،چۈنكى ئاللاھتائاللاھ ئۆزىنىڭ مۇقەددەس كىتابىدا مۇنداق دەيدۇ: <<ئەھلى كىتابتىن بەزى كىشىلەر باركى،ئۇنىڭدا كۆپ مال ئامانەت قويساڭمۇ ساڭا ئۇنى قايتۇرۇپ بېرىدۇ؛ئۇلاردىن يەنە بەزى كىشىلەرمۇ باركى،ئۇنىڭدا بىر دىنار ئامانەت قويساڭمۇ ئۇنىڭ بېشىدا تۇرمىغىچە(يەنى قايتا-قايتا سۈيلىمىگىچە)ئۇنى ساڭا قايتۇرۇپ بەرمەيدۇ.بۇ شۇنىڭ ئۈچۈنكى،ئۇلار:<<ئۈممەتلەرنىڭ مېلىغا خىيانەت قىلساق بىزگە گۇناھ بولمايدۇ(يەنى بىزنىڭ دىنىمىزدا بولمىغانلارنىڭ ماللىرى بىزگە ھارام ئەمەس)>>دېدى.ئۇلار بىلىپ تۇرۇپ ئاللاھ نامىدىن يالغاننى تۇقۇيدۇ.ئۇنداق ئەمەس(يەنى ئۇلار باشقا دىندىكىلەرگە زۇلۇم قىلسا گۇناھ بولىدۇ).ئەھدىگە ۋاپا قىلغان ۋە گۇناھتىن ساقلانغانلار(ئاللاھ دوست تۇتقان كىشىلەردۇر)،چۈنكى ئاللاھ تەقۋادارلارنى ھەقىقەتەن دوست تۇتىدۇ>>__ئال ئىمران 75-76-ئايەت يۇقارقى ئايەتلەردىن شۇنى ئېنىق كۆرەلەيمىزكى،<<كىشىلەر كۆرمىدى،يامان بولمايدۇ>>،دەپ قاراپ يات دىندىكىلەرنىڭ مال-مۈلىكىنى ئېلىۋېلىپ قارشى تەرەپنى قاقشىتىش بەدىلىگە خاتىرجەم ياشاش ئېغىر گۇناھتۇر.ھەقىقىي مۆمىننىڭ ماقامىغا يېتىش ئۈچۈن رەببىمىزنىڭ ھەر بىر ئەھكاملىرىنى ئەستايىدىل ئۆگىنىش ۋە ئۇنى ئىجرا قىلىش ھەربىر مۇسۇلماننىڭ بۇرچى،ئەلۋەتتە! ئىزاھات:ئەھلى كىتاپ-يەھۇدى،ناسارالارنى كۆرسىتىدۇ.            ئۈممەتلەر-ئەرەپلەرنى كۆرسىتىدۇ. جىياڭسۇ ئۆلكىسى ۋۇشى شەھىرى قاشتېشى بازىرى ئەقىدە قاشتېشى دۇكىنى

qiqakkiz

	ئاللاھ سىزدىن رازى بولسۇن .

makanim75

	ياخشى تىما.بۇ كۆپ سانلىق كىشىلىرىمىز سەل قارايدىغان مەسىلە.ئاللاھ تائالا يەنە كاپىرلارغىمۇ مۇئامىلىدە ئادىل بۇلۇشقا بۇيرىغان.ئۇلارنىڭ ھەقلىرىگە تاجاۋۇز قىلساق ئوخشاشلا ھارام بۇلىدۇ.

naildin

	ئەجرىڭىزگە  كۆپ تەشەككۈر !   جاپا  چەكتىڭىز !

mujahid-0997

	ياخشى تىما بوپتۇ ئاستىدىكى خېتىڭىزنى خاتا يېزىپ قويدىڭىزمۇ قانداق  ئۈممەت دىگەن سۆز پۈتكۈل مۇسۇلمانلارنى كۆرسىتىدۇ سەمىمى تەكلىپ

ئاردا

	ئۈممەت  ئەرەبلەرنى  ئەمەس  شۇ زاماندىكى ۋە  ھازىرقى  پۈتۈن مۇسۇلمانلارنى كۆرسىتىدۇ!

دىل گۈزەل

	ھەي ھەي بۇنداق ئەھۋاللار  ئادەتتە جىق ئۇچرايدىغۇ  ھازىرقى جەمىيىتىمىزدە

korkam3633

	ئاللاھ سىزدىن رازى بولسۇن .ئەجرىڭىزگە  كۆپ تەشەككۈر

KUTALQESI

	ماڭا دادام دائىم باشقىلارنىڭ نەرسىسىنى ئىلۋالما، باشقا دىندىكى كىشلەرنىڭ ھەققى ئۆتۈپ قالسا ۋاختىدا قايتۇرۋەت بولمىسا ئۇ دۇنياغا بارغاندا يا مىلىمنى بەر يا ئىمانىڭنى بەر دەپ تۇرۋالدۇ شۇڭا ھەرقانداق چاغدا باشقىلارنىڭ ھەققىنىڭ بوينۇڭغا ئۆتۈپ قىلىشىدىن قاتتىق ھەزەر ئەيلە دەپ ئۈگۈت ئىلىپ بارىدۇ.

alamat1

	ئاردا يوللىغان ۋاقتى  2013-1-20 07:52 PM ئۈممەت  ئەرەبلەرنى  ئەمەس  شۇ زاماندىكى ۋە  ھازىرقى  پۈت ... شۇ چاغدىكى ئەرەپلەر كۆپىنچىسى ساۋاتسىز بولغاچقا ئۈممى دەپ ئاتالغان .ئۈممەت دىگەن ئەرەپلەرنى كۆرسىتىدىغان خاس ئاتالغۇ ئەمەس