پۇشايماننىڭ دورىسى بارمۇ؟

muhammatmusa

	پۇشايماننىڭ دورىسى بارمۇ؟ مۇھەممەت مۇسا(مەرگەن) قاچتى مەندىن شادىمان چاغلار، پۇشايماننىڭ دورىسى بارمۇ؟ قالدى دىلدا ھەسرەت ۋە داغلار، پۇشايماننىڭ دورىسى بارمۇ؟ چاغلىيالماي باشتا ئۆزۈمنى، تىكتىم ھەريان خۇنۇك كۆزۈمنى. ئاڭقىرالماي قىلغان سۆزۈمنى، پۇشايماننىڭ دورىسى بارمۇ؟ ئايرىماستىن ياخشى-ياماننى، قۇم-شىغىلغا ئاتتىم خاماننى. دان ئالالماي يىغدىم ساماننى، پۇشايماننىڭ دورىسى بارمۇ؟ يۈردۈم ھەريان بىكار لاغايلاپ، ئازغانلارنى سۆيدۈم ئاۋايلاپ. ھاڭغا موللاق ئاتتىم ۋاي-ۋايلاپ، پۇشايماننىڭ دورىسى بارمۇ؟ ئۆتتى كۈنلەر تىكمەي-تېرىماي، تۇرارمەنغۇ دېدىم قېرىماي، قويلىرىمغا خازاڭ سىرىماي، پۇشايماننىڭ دورىسى بارمۇ؟ ئىچتىم،چەكتىم،قىمار ئوينىدىم، كېچە-كۆندۈز ئويناپ تويمىدىم، جاھان مېنىڭ دەپلا ئويلۇدۇم، پۇشايماننىڭ دورىسى بارمۇ؟ نەسىھەتكە سالمىدىم قۇلاق، پاتقاقلارنى كەچتىم مەن ئۇزاق، شەيتان قۇردى يولۇمغا توزاق، پۇشايماننىڭ دورىسى بارمۇ؟ كەتتى قولدىن پۇرسەت-ئامەتلەر، بولدى يادەك،تاغدەك قامەتلەر، بەزدى مەندىن سالام-ساھەتلەر، پۇشايماننىڭ دورىسى بارمۇ؟ ھىچكىم ماڭا بولدى قارىماس، بولغاچ ئۆزۈم كارغا يارىماس، سالالمىدىم ھاياتقا ئاساس، پۇشايماننىڭ دورىسى بارمۇ؟ يۈرۈشلىرىم شۇنچە ۋەيرانە، كۆرگەن كىشى دەيدۇ دىۋانە، نىشانەم يوق ئۆتتۈم سەرسانە، پۇشايماننىڭ دورىسى بارمۇ؟ ئىشلىمىگەچ چىشلىيەلمەيمەن، مادارىم يوق كېشنىيەلمەيمەن، ئادەم سىياق تىك يۈرەلمەيمەن، پۇشايماننىڭ دورىسىبارمۇ؟ ئۆسۈپ كەتتى چاچ بىلەن ساقال، دۈم چۈشىمەن تەگسە گەر شامال، يۈرەلمىدىم ھەرگىزمۇ خوشال، پۇشايماننىڭ دورىسى بارمۇ؟ ئەل-ئاۋامغا قىلمىغاچ خىزمەت، ھىچكىم ماڭا قىلمايدۇ ھۆرمەت، ياغدى ماڭا ھەرياندىن نەپرەت، پۇشايماننىڭ دورىسى بارمۇ؟ تاپالمىدىم چىقىش يولۇمنى، سوزۇپ ھەريان كۆڭۈل-قولۇمنى، قىلالمىدىم جارى رولۇمنى، پۇشايماننىڭ دورىسى بارمۇ؟

rizwangul0995

	شئېرىڭىز بەك ياخشى چىقىپتۇ چۇشۇنىشلىك تىلى ئۇتكۇر ،مەن بەك ياختۇردۇم

بەرگى

	ھەممە ئىشنىڭ پۇشايمىنى ئارسقىسىن كىلدۇ . پۇشايمان قىلغان ئىشلارنى قايتا قىلماسلىق خاتا بىسىلغان قەدەملەرگە  خاتىمە بىرىش كېرەك .

rizwangul0995

	بەرگى يوللىغان ۋاقتى  2013-1-20 01:32 PM ھەممە ئىشنىڭ پۇشايمىنى ئارسقىسىن كىلدۇ . پۇشايمان قىلغ ... تۇغرا دەيسىز ،قىلغان خاتالىقىنى قايتا سادىر قىلمىسا شۇ ئەڭ ياخشى دورا

kakkuk11

	پۇشايماننىڭ دورىسى  يوق.  پەقەت قايتا سادىر بولۇشنىڭ ئالدىنى ئالالىسىمۇ بىر چوڭ غەلبە.

ئاينۇر901

	بەك ياخشى يېزىپسىز...

kar0923

	دور يوق ..... بىراق بىزدە يىراقنى كۆرەلەيدىغان كۆز بار

ap~qilam

	پۇشايماننىڭ دورىسى پۇشايماننى ئالىدىغان قاچا ، لېكىن پۇشايماننى ئالىدىغان قاچا  نەدىكىن

ئنتىزار

	ياخشى يېزىپ سىز مىنىڭچە ئەقىللق ئادەم لە ئۈچۈن دورسى بار دەپ قارايمەن ئاساسىم ئوتكەن ئشنى ئورنىغا كەلتۈرەممىسىمۇ لىكىن ئۇ ئشلا ئۈچۈن ئازاپلىنىپ يىغلاپ ۋايساپ ئوتتاغاننىڭ ئورنىغا ئۇ ئىشنى ئەسلىگە كەلتۈرۈش ئۈچۈن تىرىشساق. كەتكەن ئۇ ئشتىنمۇ چوڭراق ئشقا ياخشىراقىغا ئۇرۇنساق بولدىغۇ. بەلكى ئۇنىڭدىنمۇ ياخشىراقىغا. ئرشەمىز. گىپىمنىڭ ئاسسى بۇ دۇنيادا پۇشايمانغا ئورۇن يوق. بىز ئوتكەن ئشقا پۇشايمان قىلماي ئالدىمىز غا قايلاپ ماڭالىساق مۇشۇ پۇشايماننىڭ ئەڭ ياخشى دورسى كىمكى پۇشايمان قىلىپ ۋاقىتنى بىكار ئوتكىزسە شۇ مەغلۇپ بولغۇچى پۇشايمان كىسلى يۇشايماننىڭ قۇربانى بولدۇ. كەتكەن بەختىڭىز ئوز قولڭىزدا

ئۆل

	پۇشايمانىڭ دورسى ھەم قاچسى : ساۋاق