باشلىق سېنى ئۆستۈرىمەن دەپ قويغانغا

muhammatmusa

	باشلىق سېنى ئۆستۈرىمەن دەپ قويغانغا ئات چاپتۇرۇپ يۈردۈڭ پاخال چەللىلەرگە، باشلىق سېنى ئۆستۈرىمەن دەپ قويغانغا. نەزەر تاشلاپ يوغان-يوغان «سەللەر»گە، باشلىق سېنى ئۆستۈرىمەن دەپ قويغانغا. كېچە-كېچە باقتىڭ باشلىق ئىشىكنى، ئەركىلىتىپ ھەتتا بۆرە كۈچكىنى. تام غۇلاچلاپ چەكتىڭ ئاستا رۇجكىنى، باشلىق سېنى ئۆستۈرىمەن دەپ قويغانغا. يۈركىڭدە ئەمەل ئىشقى،مەستانە سەن، باشلىقىڭنىڭ ئەتراپدا پەرۋانە سەن. بۇيرۇقىغا پەرماندارسەن،مەردانە سەن، باشلىق سېنى ئۆستۈرىمەن دەپ قويغانغا. باشلىقىڭنىڭ سايسىغا تازىم قېلىپ، نەزرىڭدە ئۇنى خۇددى خېزىر بىلىپ. نىمە دىسە قالتىس دېدىڭ چاۋاك چېلىپ، باشلىق سېنى ئۆستۈرىمەن دەپ قويغانغا. سوۋغات بىرىپ ئايالىغا ،بالسىغا، ھەلەپ ئېتىپ ئېغىلدىكى كالسىغا. ھەمدەم بۇلۇپ خۇركىگە،نالىسغا، باشلىق سېنى ئۆستۈرىمەن دەپ قويغانغا. چاپنىنىڭ توپىسنى تۇردىڭ قېقىپ، ئاۋايلىدىڭ تۈگمىسنى رەتلىك ئېتىپ. ئادىمىيلىك قىممتىڭنى بولدۇڭ سېتىپ، باشلىق سېنى ئۆستۈرىمەن دەپ قويغانغا. ئۈمۈتلۈنۈپ نۇرى ئۆچتى كۆزلىرىڭنىڭ، قېنى قاچتى ئانار كەبى يۈزلىرىڭنىڭ. كەتتى تەمى شىرىن-سۇخەن سۆزلىرىڭنىڭ، باشلىق سېنى ئۆستۈرىمەن دەپ قويغانغا. باشلىقىڭغا پۇخرالارنى چېقىپ كەلدىڭ، شەپقىتىدە سېسىق جاننى بېقىپ كەلدىڭ. خىيالىڭدا مۇنبەرلەرگە چېقىپ كەلدىڭ، باشلىق سېنى ئۆستۈرىمەن دەپ قويغانغا.                          ئۇخلىماي چۈش كۆردۈڭ ئەسنەپ، قالدىڭ داغدا، پەرۋا قىلماي ئويناپ يۈرەر باشلىق باغدا. ئەخمەق بولۇپ كەلدىڭ ئاداش ھەممە چاغدا، باشلىق سېنى ئۆستۈرىمەن دەپ قويغانغا. باشلىق تالاي ئادەملەرگە ۋەدە بەرگەن، شۇ يوسۇندا ئەپلەپ-سەپلەپ دەۋەر سۈرگەن. بىل،يەم بولۇر يولۋاس بىلەن بىللە يۈرگەن، ئالداندىڭ سەن ئۆستۈرىمەن دەپ قويغانغا.

mator

	بەرھەق  ، ياخشى يېزىپسىز ، زامانىمىزدا مۇشۇنداقلار بەك كوپىيىپ كەتتى ، قىل قېلىۋاتىدۇ باشلىق ئۆستۈرمەن دىسە ئۆزىنى سېتىۋەتكىلىمۇ ......

ONLY212

	mator يوللىغان ۋاقتى  2013-1-19 10:18 PM بەرھەق  ، ياخشى يېزىپسىز ، زامانىمىزدا مۇشۇنداقلار ... ئەگەشتىم ..

pishwa

	ئىسىل تىما بوپتۇ

oguzhakan

	ئىسىل شىئېىرىڭىزغا رەھمەت !  بولۇپمۇ  ئەڭ ئاخىرقى كۇپلىتى بەك مەزمۇنلۇق بوپتۇ ...

ALganazar01

bulbulkol

	ئېسىل تېما،راۋان ئىپادىلەش ئۇسلۇبى!

abdulahad

	نەق گەپلەر! دىمىسىمۇ شۇ نىيەت بىلەن ئادىمىيلىكىنى، كىمىلىكىنى يوقۇتۇپ نىشانسىز ،ئەقىدىسىزياشاپ كىلىۋاتقانلار ئاز ئەمەز. دەل شۇلارنىڭ مۇشۇنداق ئىپلاس قىلمىشلىرى تۈپەيلى ھالىمىز مۇشۇ. ئاللا ياخشىلىققا بۇيرۇپ يامانلىقتىن توسقۇچىلارغا ئىككىلا ئالەملىك سائادەتنى ۋەدە قىلدى. تەقۋادارلارغا جەننەت بىلەن خۇش خەۋەر بەرگەن بولسا ، ئاسى ، زالىملارنى ئاخىرەتتىكى تۈگىمەس ئازاپ دوزاخ بىلەن ئاگاھلاندۇرغان بولسىمۇ، يەنىلا شۇ دىلى كور بۇرنىنىڭ ئۇچىنىمۇ كۆرەلمەيدىغان دۇنيانىڭ ئالا -چەكمەن مەئشەتلىرىنى دەپ، ئۆزىنىڭ ۋە نادانلارنىڭ (نادان قالدۇرۇلغانلارنىڭ) يولىنى ئەتمەكچى بولىۋاتىدۇ.

yasinawut

	8- قەۋەتتىكى قېرندىشمىز توغرا ئىيتىدۇ . خىزمەت قىلۋاتقانلار باشلىقى ئۆستۈرمەن دەپ قويسا خوشامەت قىلىپ قىلمىغانلىرى قالمايدۇ ....

izqel

	yasinawut يوللىغان ۋاقتى  2013-1-19 11:21 PM 8- قەۋەتتىكى قېرندىشمىز توغرا ئىيتىدۇ . خىزمەت قىلۋا ... ئۆسۈش ئۈچۈن چىپىۋاتقانلار ئارسىدا ئاياللارمۇ خىلى بار ئەمەسمۇ،شۇڭا بەزى بىر تۇرمۇشتا بەزى ئاياللارنىڭ باشلىقىنىڭ تەكلىپىنى رەت قىلالمايدىغانلىرىنى ئۇچىراتقانمەن. تىما ئىگىسىگە تەشەككۈر.