سىز بەخىتلىكمۇ؟

mahatjan

	سىز بەخىتلىكمۇ؟     ئادەتتە كىشىلەرنىڭ بەخىت ھەققىدىكى قارىشى ھەر خىل بولىدۇ.مىنىڭچە؛ تۆۋەندىكىلەر بەخىتلىك تۇرمۇش ۋە ھاياتنىڭ ئىپادىللىرى بولسا كىرەك دەپ قارايمەن.       1. ئەقلى-ھۇشى نورمال،تېنى ساغلام،تۇرمۇشى رەتلىك،پاكىز،ئائىلە ئەزالىرى ئىناق،خۇشال- خۇرام ئۆتكەن بولۇش.        2. غايىلىك،ئىرادىلىك بولۇپ،ئۆز كەسپىدە نەتىجە قازانغان ھەم ئىزدىنىش،يىراقنى كۆرۈش روھى بولغان بولۇش.          3. تۇرمۇشتا ئۈممۈدۋار بولۇپ چۈشكۈنلەشمىگەن،ئالغا ئىنتىلىش روھى بولغان بولۇش.          4. ئاتا-ئانىسى ياكى پەرزەنتلىرىدىن ۋاقىتسىز(بالدۇر) ئايرىلىپ قالمىغان بولۇش.          5. ئىناق ئائىلىسى بولۇش،يەنى ئەرلەرنىڭ مىھرىبان،سادىق ئايالى بولۇش،ئاياللارنىڭ كۆيۈمچان ھەم ۋاپادار ئېرى بولغان بولۇش ھەمدە ئەخلاقلىق پەرزەنتلىرى بولغان بولۇش.           6. تەربىيەلىنىش پۈرسىتىگە ئىگە بولغان ھەمدە ئەخلاق-پەزىلىتى دۇرۇس بولغان بولۇش.          7. نورمال ياكى ياخشىراق تۇرمۇش شارائىتىغا ئىگە بولغان،باشقىلارغا ھاجىتى كۆپ چۈشمەيدىغان بولۇش.          8. پەرزەنتلىرىنى ئەخلاقلىق،قابىلىيەتلىك،ساغلام ۋە ۋاپادار قىلىپ تەربىيلەپ يىتىشتۈرگەن بولۇش.         9. ۋەتەننىڭ گۈللىنىشى ۋە خەلقنىڭ بەختى ئۈچۈن مەنىۋى ياكى ماددى جەھەتتىن تۆھپە قوشالىغان،يىتىم-يىسىر،مىسكىن،ئاجىزلارنىڭ ھالىغا يىتەلىگەن،ھاجەتمەنلەرگە ياردەم قىلالىغان، ۋە شۇ قىلغانلىرىغا رازى بولغان بولۇش.         10. خوشامەتچىلىك قىلماي غورۇرىنى ساقلىغان،باشقىلارغا زىيان سالماي ئۆز تىرىشچانلىقىغا تاينىپ ياشىغان،قانۇن-نىزاملارنىڭ جازاسىدىن ساقلانغان، جامائەتنىڭ ھۆرمىتىگەئىرىشكەن بولۇش.        يۇقارقى ئون خىل ئۆلچە ئىچىدە ئەڭ موھىمى-ئائىلىسى ئىناق،تېنى ساغلام،ئەخلاقى دۇرۇس،تۇرمۇش شارائىتى نىسبىتەن ياخشى بولۇشتىن ئىبارەت.         ئەگەر سىز يۇقارقى ئون ئۆلچەمنىڭ ھەممىسىنى تولوق ئوروندىيالىغان بولسىڭىز،ئۇنداقتا دۇنيادىكى ئەڭ بەخىتلىك ئادەم بولغان بولىسىز.ئەگەر بەشتىن توققۇزغىچە ئورۇندىيالىسىڭىزمۇ يەنىلا بەخىتلىك ئادەم بولغان بولىسىز.     دوستۇم ئەگەر ئۆزىڭىزنى يۇقۇرقى ئۆلچەملەرگە سېلىشتۇرۇپ كۆرگەندە بەختسىز بولۇپچىقسىڭىز،ئۇنداقتا قىلچە مەيۈسلەنمەي ئۈممۈدۋارلىق بىلەن بەختىڭىزنى تېپىش ئۈچۈن داۋاملىقتىرىشىڭ!      موھمى ئۆزىڭىزنى بەخىتلىك دەپ قارىسىڭىزلا سىز بەخىتلىك.                      مەنبە؛شىنجاڭ ياشلىرى ژورنىلى.(ئابلەت جامالنىڭ ئەسىرىدىن تەھرىرلەپ ئېلىندى)

kakkuk11

	شۈكۈرنى بىلگەنلەر بەخىتلىك ھەرقاچان...

Uyghun

	مەن ئۆزەمنى بەخىتلىك دەپ قارايمەن. ئەمما بەزىدە كۆڭلىمدىكى راس گەپنى تېشىغا چىقىرالماي بۇرۇىتۇم بولۇپ بەخىتلىك ھېسلىرىم كېمىيىپ كېتىدۇ.

oguzhakan

	تىنىڭىزغا رەھمەت ! ھەممىسى ئورۇنلۇق سۆزلەركەن ، بىر كىنودا بىرسىنىڭ ، مىيىپ بولۇپ قالغان دوستىغا ، تۈرمىدە مۇددەتسىز قاماققا كىسىلگەن بىرسىنىڭ، ئۆلۈمگە ھۆكۈم قىلىنغانلارغا قاراپ ئۆزىنى بەخىتلىك ھىس قىلغانلىقىنى سۆزلەپ بەرگەنلىكى ھىلىھەم ئىسىمدە ... گەپ ئۇنىڭ قايسى نوقتىدىن ئويلىشىدا .

زۇلال

	«بەخىت» ئۇقۇمىغا تارىختىن بۇيان كىشىلەرتەرىپىدىن ساناقسىز ئىزاھلار بېرىلىپ كەلدى، بۇ ھېلى ھەم توختىمىدى ھەم توختىمايدۇ ئىنشائاللاھ . بەلكىم ئەڭ ئۆلچەملىك جاۋابنى ئاللاھنىڭ كىتابىدىن تېپىش مۇمكىن.

326ayixa

	مەن بەك بەخىتلىك . رەھمەت . قوللىرىڭىز ھارمىغاي .

abdulahad

	1)ئۆزىنى ياراتقان رەببىنى تونىيالغان بولۇش. 2)ئاللاھنى تونۇش بىلەن بىرگە ئاللاھنى رازى قىلالىغان بولۇش. 3)ئۆز ئەقىدە ۋە ئىمانى بىلەن ئاللاھنىڭ دەرگاھىغا يىتەلىگەن بولۇش مانا بۇ كىشى دۇنيادىكى ۋە ئاخىرەتتىكى ئەڭ بەخىتلىك كىشى . ئەكىسچە بولغاندا ئىككىلا دۇنيادا خار بولىدۇ ئەلۋەتتە.

yasinawut

	مەنمۇ ئۆزەمنى شۇنداق بەخىتلىك ھىساپلايمەن . ئۇلۇغ ئاللا بۇ بەخىتتىن مەڭگۈ ئايرىمىسۇن .  ئامىن ! ......

alenur

	مەنمۇ ئۆزەمنى شۇنداق بەخىتلىك ھىساپلايمەن

faru

	شۉكرى ئاللاھنىڭ بەرگەن كۉنلىرگە....مەن بەحىتلىك،ئىنشاھئاللاھ