مۇنبەر‹‹ مېغىزلىرى ››غا بىر شىڭگىل....لاۋا

lawa0998

	مۇنبەر ‹‹مېغىزلىرى››غا بىر شىڭگىل ئۇزۇن سەپەر سىنايدۇ باھادىرلار روھىنى، ‹‹بوز قىر بىلەن ئۇچۇرشىش ››نەتىجىسى سەپەرنىڭ، ئاتامانلار ھەر جايدا ئامان بولسۇن ئىلاھىم، ئۈنسىز بەدەل بەرگەنلەر پەخرىدۇر ۋەتەننىڭ. بىر قازان سۇ كۆپ ئەمەس بىر چىمدىم تۇز ئالدىدا، ئەل قاتارى تەر تۈكۈپ ئەل بىلەن تەڭ كۈلدىڭىز، ھىكمەتلەردە ھاسسىللاپ ئەۋلادلارنىڭ كۈيىنى، ھەقدادىغا يەتكۈزۈش بولدى خالىس ئويىڭىز. . دۇنيا بىلەن ئۇيغۇرنى تۇتاشتۇرۇپ ئۈمۈتتە، ھەر بىر سۆزگە ئىقبالدىن دۇردانىلەر ئاستىڭىز، راست ئالتۇنغا ياقۇت كۆز ياراشمامدۇ ھەر جايدا، بايلىق چىققان كانلاردىن گۆھەرلەرنى قازسىڭىز. دەرتمەنلەرنىڭ دەردىگە داۋا ئىدى تەلقىنلەر، روھنىڭ شىپا يامغۇرى قېنى ئۇستاز ئەزىزان؟، گۈلخان يېقىپ زۇلمەتكە تەسلىم بولساق ھىكمەتكە، شاھ مەشرەپنىڭ قەھرىدە لاۋۇلدايتى بۇ جاھان. . مەنزىل ئۇزۇن يول خەتەر ئىرادىنى تاۋلاشقا، ئۆزىڭىزنى ھەر قاچان مۇشكۈلاتقا ئۇردىڭىز، دوئىلىدا ھاياتنىڭ يۈز قىزارتماي ئۇتۇشقا، تەقدىرداش بىز ھەمىمىز بىزنى سەبداش بىلسىڭىز. زۇلمەتلەردە ھىلالدەك كۆكتىن نىشان بولماققا، نىيەت قىلىپ ئاھ ئۇرۇپ دەردىڭىزنى تۆكسىڭىز، بىز چۈشەنمەي بەزىدە سىزگە ئاچچىق تەڭلەپتۇق، ئەستەغپۇرۇللا-! ۋاي ئېسىت-!! بىزنى ئەپۇ ئەتسىڭىز... كۈندە يېڭى قۇياشنى كۈتىۋالغان سەھەردەك، يېڭى-يېڭى تېمىلار كۆز ئاچىدۇ كۈنلۈكى، ھادۇقىڭىز چىققۇسى- نومۇس ئەمدى غاپىللىق، چۇقانلاردىن بۇزۇلسا بىزدە غەپلەت ئۇيقىسى. قىزلار دەيدۇ ھەممىسى ئەپچىلەمدە ئۈچۈم بار، كۈلكە چاخچاق كۆڭۈلنىڭ ئەينىكىنى چاققانمۇ، ھازىر جاۋاپ ئۆزىڭىز ئۆتكۈر ئىكەن سۆزىڭىز، ئەمدى داستان كۈتىمىز بۇنى ئويلاپ باققانمۇ. ھىساپ-كىتاپ ئىنسانغا ئىككى ئالەم نەتىجە، ئەقىدە ھەم ئېتىقاد بولدى بىزگە دەرسىڭىز، ئىنكاسىڭىز تېتىملىق تېمىلىرىڭىز كەم دېدار، ئاللاھ ئىگەم شاد قىلسۇن بىزگە ساۋاق بەرسىڭىز. رەھبەرلەرگە ئۇچۇق خەت تېمىسىنىڭ ئاپتۇرىغا: قايناپ تېشىپ يۈرۈپتۇق يارىمايدۇ قىزلار دەپ، ساداسىنى ئاۋامنىڭ رەھبەرلەرگە سۇندىڭىز، مەغرۇرلۇقنىڭ ئېتىدا مەيدە كېرىپ يۈرگەندە، يىگىتلەرگە بىر سۇئال دادىللىقتا قويدىڭىز. سىزنى بىلىپ قالدۇققۇ سەزگۈر چېچەن قىزچاق دەپ، خەلقئارا دىن مۇنبەرگە سالام ئېلىپ كەلسىڭىز، جاھان كەزمەك ئاسانمۇ بولسا ئاڭلاپ تۇرايلى، ئۇچۇر دەۋرى دەيدىغۇ بىزگە خەۋەر بەرسىڭىز. مۇنبىرىمىز تەرەققىياتى ئۈچۈن تەر تۆكىۋاتقان بارلىق قېرىنداشلارغا: تولۇق ئەمەس يازغىنىم كېمى كۆپتۇر يەنىلا، تەقدىرداشلار كۆپ ئاقىل ئۇنى تەتۈر چۈشەنمەس، تىل -تاپىغا لايىقى لاۋا بىلىپ ئۆزىنى، لىكىن چوغدەك يانمىغان<<مەن>>دەك ئۆزىنى بىلەلمەس. مەنبە:لاۋا0998 .

kakkuk11

	مۇنبەر مېغىزلىرىنى بىلىۋالدىم . ئىلھام كەلگەندە كۈيلەپ قويمىسام مەنمۇ‹‹

bugaltir

	ھىساپ-كىتاپ ئىنسانغا ئىككى ئالەم نەتىجە، ئەقىدە ھەم ئېتىقاد بولدى بىزگە دەرسىڭىز، ئىنكاسىڭىز تېتىملىق تېمىلىرىڭىز كەم دېدار، ئاللاھ ئىگەم شاد قىلسۇن بىزگە ساۋاق بەرسىڭىز. ئىنسان دۇنياغا كېلىپ ، ھاياتىدا سادىر قىلغان بارلىق قىلمىشلىرى ئۈچۈن ھىساب بىرىدۇ ، ياخشى ئىش مۇكاپاتلىنىدۇ ، يامان ئىشلىرى ئۈچۈن جازالىنىدۇ . ھىساۋاتنىڭ بىرىنچى سەھنىسى قەبرىدە بولۇدۇ . ئادەم ياشاش ئۈچۈن ئەقىل ئىشلىتىشى ، ھاياتنى قەدەرلەپ ئۆزىنىڭ ئادا قىلىشقا تېگىشلىك مەسئۇلىيىتىنى ئادا قىلىشى كېرەك  . مەن ئىنكاس يوللاشتا ئەستايىدىل ئويلىشىمەن ، تېما يوللاشتا باشقا تور بەتلەردىن بۇ مۇنبەرگە يۆتكەپ كەلگۈدەك ياخشىراق تېما بولسا يۆكەيمەن . ئۆزەم باش قاتۇرۇپ ، ئىنچىكىلىك بىلەن يوللىغان تېمىلىرىم ئىلگىرى تاقالغان ياكى ئۆچۈرۈلگەن ، مېنىڭ تېمىلىرىم باشقا تور بەتلەرگە يۆتكىلىپ ئالقىشلارغا ئىرىشكەن چاغلىرىمۇ بولغان . بىر قانچە ئاي ئۆتۈپ تېمىلىرىم كۆپەيدى ، ئەپسۇس بىر كۈنى مۇنبەرگە كىرەلمىدىم ، سەۋەبى ، مېنى چەكلەپتۇ . شۇ كۈنى ئاچچىقىم تازا كەلدى . بىر قانچە ئاي مۇنبەرگە كىرمىدىم ، بەزى تېمىلارنى كۆرۈش ئۈچۈن ئىنكاس يېزىز كرېەك بولغاچقا يەنە قايتىدىن تىزىملىتىپ كىردم ، قايتا كىرگەندىن كېيىن بەك باش قاتۇرۇپ تېما يازمىدىم . شۇڭلاشقىمۇ تېمىلىرىم كۆپ بولمىدى . قەدىرلىك دوسلىرىم بىز دۇنياغا كېلىپ كېتىپ بولغۇچە نۇرغۇن ئىشلارنى بىر تەرەپ قىلىدىكەنمىز ، شۇ ئىشلارنى بىر تەرەپ قىلىشتا ئۇسۇلىمىز توغرا بولمىسا ، ئاقىۋەت ئېچىنىشلىق بولۇدىكەن ، ئۆزىمىز يۇلۇققان ئىشلارنى بىر تەرەپ قىلىشتا ، بىلىم ئىگەللەيلى، ئەقىل ئىشلىتەيلى ، ئادەم ئەقىل ئىشلىتىشى ، تەپەككۈر قىلىشى ، ياخشى - يامان ، ھالال - ھارامنى بىلىشى لازىم . باش سۈرىتىمگە كەلسەم ، ئۇ سۈرەت دادامنىڭ قەبرىسىنىڭ سۆرىتى .    مەرھۇم دادامنىڭ نەسىھەتلىرىنى ھەر دائىم  ئۇنتۇپ قالماسلىق  ، ئۆزەمنىڭ مەجبۇريىتىمنى  ئادا قىلىش  ،  ھەر جايدا دادامنىڭ  نەسىھەتلىرى ، مەن ئۈچۈن ھاياتى كۈچ بولىدىغانلىقىنى ئېسىمدە چىڭ تۇتۇش  ئارقىلىق  كەلگۈسىدە مېنىڭمۇ ئەشۇ قەبرىدە  ، قىلمىش - ئەتمىشلىرىمدىن ھىساپ بىرىش ئۈچۈن ،  دادامنىڭ قەبرىسىنى باش سۈرەت قىلىپ چىقىرۋالدىم  . مەن خىزمەتكە ماڭىدىغان يول  ، دادامنىڭ قەبرىسى بار قەبرىستانلىق  يېنىدىكى يول  ، مەن بۇ يولدىن كۈندە نەچچە ئۆتىمەن ، ھەر ئۆتكىنىمدە  ، دادام ماڭا قاراپ تۇرغاندەك ھىسسىياتقا كېلىمەن . مېنىڭ يان تېلىفۇنىم ئىكرانىدىمۇ ، مۇشۇ باش سۈرىتىم بار   . دادام  2012 - يىلى 5 - ئاينىڭ 25 كۈنى  ( جۈمە ) تۇيۇقسىز نەپەستىن قالدى  . شۇ كۈنى ئەسىر نامىزىدىن كېيىن  ، خوتەن شەھەر تەيۋىزىم مازىرىغا دەپنە قىلدۇق  . دادامنىڭ قەدىرىنى ،  دادامدىن ئايرىلغاندىن كېيىن تۇنۇپ يەتتىم   .

XERHAN

	مېغىزنىڭ ئىچىدىن تاللاپ ، سورىتلۇق مېغىزلارغا شىڭگىل ئېتىپسىزدە .... يەرلىك مېغىزلار ۋە شاكاللار كۆپرەك ئىلھام ، مەدەت ئالسا بولغىدەك ....

danixman1

	مۇنبەرگە تۆككىنىڭىز  بوپتۇ  بۇ  مېغىزلارنى .  بولمىسا  چاشقان  غاجىلاپ  قوياركەن

rahatmakan

	ئالقىش ئالقىش  يەنە بىر  تىمىڭىزگە مەرھابا

ap~qilam

	ئاپلا قىزلار بىلەن دۈشمەنلىشىپ قالغانلىقىم چاتاق بوپتىغۇ ئەمدى ، بولاپتۇ ، يەنە بارغۇ تېخى ، خۇدايىم بۇيرىسا 2- ئايلاردا يەنە بىر قېتىم قىزلارغايۈرۈش باشلاپ ئۇلارنىڭ كۆڭلىنى ئۇتىۋالساملا بولمىدىمۇ ئۆچ قىزلارمۇ يوق ھەقاچان ماڭا . مۇنبەر ھەممىمىزنىڭ ئىللىق ئائىلىسى ، بارلىق ئەزالار مۇنبەر مېغىزلىرى ، مۇنداقچە ئېيىتقاندا ،مىسرانىم مۇنبىرى بىر ئۈچكىگە ئوخشايدۇ ، ئۈچكىدە مېغىز بولمىسا ئۇ پۈچۈك بولىدۇ ، شۇڭا ھەممىمىز بۇ ئۈچكىدىكى دانلىق مېغىز بولۇش ئۈچۈن تىرىشايلى . ئېسىل مۇنازىرە مىسرانىمدا

1kilixkan

	bugaltir يوللىغان ۋاقتى  2013-1-19 05:13 PM ھىساپ-كىتاپ ئىنسانغا ئىككى ئالەم نەتىجە، ئەقىدە ھەم ئې ... ھاياتلىغىدا ئاتا-ئاناڭنى قىلمىساڭ خۇش يار، ئايرىلغاندا قىلمىغىن يىغلاپ  ئاھۇ  زار-زار. ئاللاھ ئاتىڭىزنىڭ ياتقان يىرىنى جەننەتتە قىلسۇن.

1kilixkan

	ئاللاھ قۇلىڭىزغا  دەرىت بەرمىسۇن.

sahipjamal

	ap~qilam يوللىغان ۋاقتى  2013-1-19 07:52 PM ئاپلا قىزلار بىلەن دۈشمەنلىشىپ قالغانلىقىم چاتاق بوپت ... ھى ھى ھى  راس چاتاق بوپتۇغۇ .