ھىجران كۈيلىرى

سةلكىن

	سېغىنىش ئاپتۇرى:ئابدۇسالام ئابدۇرېھىم ئىككى يەردە ئىككىمىز شۇتاپ، ھېسلىرىمىز چىرماشتۇر لېكىن. بەكمۇ تەستۇر كۆرۈشمىكىمىز ، جاھاندىكى بارچە تەسلىكتىن. غاجىلايدۇ يۈرەكنى  ھامان، سېغىنشقا لىق تولغان ئازاپ. ئۆرتەنسەكمۇ قانچە ئاھ ئورۇپ، ھىجران مەغرۇر كۈلىدۇ قاراپ. جەنۇپ تامان قىلىدۇ پەرۋاز، ھەر تىنىقتا خىيال قۇشلىرىم. بېغىشلايدۇ تاتلىق بىر ئازاپ، سېنى ئەسلەپ كۆرگەن چۈشلىرىم. ھىجران ئارا تولغۇنۇپ تۇرۇپ، ئۆز-ئۆزۈمگە قىلىمەن نىدا. بۇ ئايرىلىش- ۋاقىتلىق ئازاپ، ئاھ يۈرىكىم چىدىغىن چىدا....! 2006-يىل 3-ئاينىڭ 8-كۈنى (ئۈرۈمچى) ......گە ئاپتۇرى:ئابدۇسالام ئابدۇرېھىم سۈكۈتكە چۆمۇلگەن ئايدىڭ كېچىدە، تاتلىق چۈش كۆرىدۇ غەمسىز بىر ياتاق. بارچە جان ئويقۇدا لېكىن بۇ كېچە، كۆزۈمدە ئويقۇ يوق پەقەت مەن ئويغاق. كېچىگە تىقىلغان شەكىلسىز بوشلۇق، كۆزلىرىم ئوپئوچۇق كاللامدا خىيال. ياش تۆكەر بىر يۈرەك بىلمەس ھېچكىممۇ، بىلمەيسەن سەنمۇ ھەم بۇنى ئېھتىمال. بىلسەڭ گەر ۋىسالىڭ مەن ئۈچۈن ئارمان، شۇ سەۋەپ يۈرەكنى قىينايدۇ ھىجران. ھەم ئۆزى ئوت قالاپ ھەم ئۆزى كۆيۈپ، ئاھ ئەجەپ ئىشقىڭدا قىينالماقتا جان... ئاشۇنداق ئۆتتى ئاھ تالاي كۈن-تۈنلەر.. بىلمىدىڭ ۋە لېكىن سۆيگۇمنى زىنھار. ئاۋارە بولماقتا نىمجان بىر يۈرەك، يوشۇرۇن سۆيگۇنى قىلالماي ئىزھار. يا ماڭا پۇرسەت بەر يا سۆزلە ئۆزۈڭ، قىيناپ جۇپ يۈرەكنى نېمە تاپىسەن؟ تۇرسىمۇ كۆزلىرىڭ پاش قىپ ھەممىنى ، نە سەۋەپ سىرىڭنى يەنە ياپىسەن؟ 2006-يىل 11-ئاينىڭ 21-كۈنى (ئۈرۈمچى) رەنجىمە ئاپتۇرى:ئابدۇسالام ئابدۇرېھىم ‹‹كۆيدۇم››دېسەم ئىشەنمەي نىگار، مازاق قىلدىڭ ئۆزۈڭچە بەلكىم. كۈلمە چۈنكى ئاشىق دەردىنى ، بىلەر باشقا كەلگەندە ھەركىم. كۈلگىلى بولىدۇ كۈلۈپ باقاي دەپ، كۆيگىلى بولامدۇ كۆيۇپ باقاي دەپ؟ بولمىسا ناۋادا چىن ئاشىق يۈرەك، سۆيگىلى بولامدۇ سۆيۈپ باقاي دەپ؟ سەن مەيلى ئىشەنگىن ۋە يا ئىشەنمە، سۆيگۈم راسىت زەررىچە يوق بۇنىڭدا شەك. غالىپ كەلگەچ ئىشقى –پىراقىڭ، شاش سۆيگۇمگە قويالمىدىم چەك. ئادەم  ئاتا-ھاۋا  ئانامدىن، ئۇدۇم  قالغان سۆيگۇ بۇ  بىزگە. خالىي ئەمەس ھېچكىم بۇ دەرىتتىن، ھەر كىم بىلەر كەلگەندە ئۆزگە. سۆيدۈم دەپلا بولماس سۆيگىلى، ۋاز كەچمەكمۇ ئاسان ئەمەس ھەم. يا  سۆيەلمەي  يا ۋاز  كېچەلمەي، ئۆتمەكتىمەن غەم ئۈستىگە غەم. رەنجىمىگىن ‹‹كۆيدۈم››دېگەنگە، ساڭا كۆيۈش ئەمەسقۇ گۇناھ. ساڭا بولغان پا ك ئەقىدەمگە، مىسرالىرىم  بىر  ئۆزى  گۇۋاھ. 2006-يىل (ئۈرۈمچى)

musilina

	تىلى يېنىك،يېقىشلىق چىققان لېرىك  قۇرلاردىن ھوزۇر ئالدىم.... قەلىمىڭىز ھارمىغاي...

ONLY212

	مەن ساقلىۋالدىم ،، رەھمەت ھارمىغايسىز !

guzal417

	سۆيدۈم دەپلا بولماس سۆيگىلى، ۋاز كەچمەكمۇ ئاسان ئەمەس ھەم. يا  سۆيەلمەي  يا ۋاز  كېچەلمەي، ئۆتمەكتىمەن غەم ئۈستىگە غەم.

kakkuk11

	رەنجىمە سۆيگۈنۈم بارالمىدىم مەن ، قوينۇڭغا  ئۆزۈمنى ئاتالمىدىم  مەن . كېچىدە  سېغىنىش  تارتىدۇ خورەك ، پەقەتلا خاتىرجەم  ياتالمىدىم  مەن .               باغراش كاككۇكى...77

nazila998

	تولىمۇ ياخشى يىزىلغان شېئىركەن

zarapxan

	بەك ياخشى يىزىپسىز رەھمەت سىزگە ئىلھام قەلەملىرىڭىز چارچىمىسۇن ، مەنمۇ ئەگىىشىپ قوياي ھە ! مەندىن كىچىپ سۆيدۈڭ باشقىنى ، مەڭگۇلۇككە ئۇنتۇپ ھەممىنى ، مەيلى بوپتۇ مۇرادىڭغا يەت ئۇنتالمايمان لىكىن يار سىنى ، نەملىنىپتۇ كۆزۈڭ ياش بىلەن ، قاپسەن يالغۇز پۇشايمەن بىلەن ، سىنى مەندىن كەچكۇزگەن يارىڭ كەتتى ئەمدى باشقىسى بىلەن ، كوڭۇل سوراپ كەپسىن  يىنىمغا، كۆز يىشىڭنى تۆكۇپ ئالدىمغا ، ئاھ ئۇرساڭمۇ كەلمەس ئورنىغا ، مەيلىم يوقتۇر سەن ۋىجدانسىز يارغا ،

ulan123.com

	رەھمەت ھارمىغايسىز !

kaysar420

	ھەقىقەتەن ياخشى يېزىپسىز دوستۇم تېخىمۇ تىرىشىڭ..........

ئاينۇر901

	بەك ياخشى يېزىپسىز،مىنىڭ يۈرەك سۈزۈمدەكلە.....قۇلىڭىزغا دەرت كەلمىسۇن.....