شىرئەلىجان 20 مېتىر ئارىلىقتىن ئۈچ نومۇرلۇق توپ كىرگۈزدى

nijatkurban

	شىرئەلىجاننىڭ 20 مېتىر ئارىلىقتىن ئۈچ نومۇرلۇق توپ كىر ... شىرئەلىجان 20 مېتىر ئارىلىقتىن ئۈچ نومۇرلۇق توپ كىرگۈزدى 2013-يىلى 1-ئاينىڭ 16-كۈنى كەچتە، ئۈرۈمچى قىزىلتاغ تەنتەربىيە مەيدانىدا  CBAنىڭ 23-ئايلانما مۇسابىقىسىدە شىنجاڭ گۇاڭخۇي ئېنېرگىيە كومەندىسى بىلەن شەرىقى شىمال يولۋىسى دەپ ئاتالغان جىلىن كوماندىسى مۇسابىقىگە چۈشۈپ شىنجاڭ كوماندىسى 92 گە قارشى 102 نەتىجە بىلەن غەلىبىنى قولغا كەلتۈرۈپ ئومۇمىي رەت تەرتىپتە 4- ئورۇنغا ئۆتتى. بۇ مۇسابىقىنى كۆرۈش ئۈچۈن گۇاڭخۇي گۇرۇھىنىڭ يۇقىرى قاتلام رەھبەرلىرىدىن كۇلۇب خىزمىتىگە مەسئۇل بولغان گۇاڭخۇي گۇرۇھىنىڭ مۇئاۋىن باش لېدىرى دۇڭ جىنشەنمۇ كەلگەن بولۇپ، بۇ ئۇنىڭ بۇ مۇسابىقە پەسلىدە ئىككىنچى قېتىم مۇسابىقە كۆرۈشكە كەلگەنلىكى ھېسابلىناتتى. مۇسابىقىنىڭ بىرىنچى باسقۇچى ئاخىرلىششىقا 28 سېكۇنت قالغاندا شىنجاڭ كوماندىسى 22 گە قارشى 23 نەتىجە بىلەن ئۈستۈنلۈكنى ئىگىلىگەنىدى. ھالبۇكى دەل مۇشۇ ۋاقىتقا كەلگەندە ئۆزىنىڭ تولىمۇ چىرايلىق ئاتقان بىر توپى بىلەن پۈتۈن مەيداننى زىلزىلىگە سالدى. تۇنجى باسقۇچنىڭ نومۇر كۆرسىتىش تاختىسىدىكى ۋاقىت توشايلا دەپ قالغان بولۇپ، بۇ ۋاقىىتتا شىرئەلىجان ئارقا مەيداندا (يەنى ئۆزىنىڭ مەيدانىدا) ئۈچ نومۇرلۇق سىزىقنىڭ ئىچىدە گاردىن قايىتقان توپنى تۇتۇۋېلىپ قارشى تەرەپ گارىغا كۈچەپ ئاتتى. توپ 20 مېتىردىن ئارتۇق مۇساپىنى بېسىپ ئۆتۇپ قارشى تەرەپ گارىغا چۈشكەندىن كېيىن  نومۇر كۆرسەتكۈچ تاختا بۇ توپنىڭ چۈشكەنلىكى جەزملەشتۈرۈپ بۇ باسقۇچلۇق مۇسابىقىنىڭ ئاياغلاشقانلىقىنى ئېلان قىلدى. نەق مەيداندىكى مۇخبىرلار بۇ ئۈچ نومۇرلۇق توپنىڭ ئېتىلىش ئارىلقى NBA   دىكى ئەڭ ئۇزۇن ئارىلىقتىن ئېتىلغان 3 نومۇرلۇق توپتىنمۇ يىراق ئارىلىقتىن ئېتىلغان دەپ باھا بېرىشتى. شىرئەلىجاندىن بۇ توغرىلىق سورالغاندا، ئۇ ئۆزىگە ئىشەنگەن ھالدا « مەن ئۆزەمنىڭ مۇشۇنداق ئىقتىدارىم بارلىقغا ئىشىنىمەن» دېدى. بەلكىم نۇرغۇن كىشىلەر بۇنى تەلەي كەلگنلىكنىڭ نەتىجىسى دەپ قارىشى مۇمكىن. ئەمما،بۇ شىرئەلىجاننىڭ بىرىنچى قېتىملىق يىراقتىن ئاتقان ئۈچ نومۇرلۇق توپى ئەمەس. ھەم ئەڭ يىراق ئارىلىقىتن ئاتقان توپىمۇ ئەمەس. 2010-2011 مۇسابىقە پەسلىدە شىنجاڭ بىلەن جىياڭسۇ كوماندىسى ئوتتۇرىسىدىكى مۇسابىقىدە شىرئەلىجان ئارقا مەيداندىكى جازا توپ ئېتىش سىزىقىدا تۇرۇپ قارشى تەرەپ گارىغا توپ تاشلاپ كىرگۈزگەن. شۇ چاغدىمۇ مۇسابىقە ئاياغلىشىش پۇشتىكى چېلىنىپ توختىغىچە بولغان ئارىلىقتا چۈشكەنىدى ( بۇنداق توپ خەنزۇچىدە  压哨球دەپ ئاتىلىدۇ).  بۇ ئەمەلىيەتتە ئۇنىڭ مۇسابىقىدىن ئىلگىرى كۆپ مەشىق قىلغانلىقىنىڭ يەنى بىر كۈندە 600 قېتىمدىن  ئارتۇق  3 نومۇرلۇق توپ نومۇرلۇق توپ ئېتېىش مەشىقى قىلغانلىقىنىڭ نەتىجىسى  بولۇپ، بۇنى تەلەي كەلگەنلىك دەپ قاراشقا بولمايدۇ. بۇ توغرىسىدا شىرئەلىجان مۇنداق دەيدۇ« مۇسابىقە پەسلى باشلىنىشتىن ئىلگىرى مەن ھەركۈنى 600 قېتىمدىن ئارتۇق 3نومۇرلۇق توپ ئېتىش مەشىقى قىلاتتىم، مۇسابىقە باشلانغاندىن بۇيان كۆپ ۋاقتىمىز يولغا سەرپ بولۇۋاتىدۇ، شۇڭا ھازىر كۈندە 200 قېتىم 3 نومۇرلۇق توپ مەشىقى قىلالايمەن.» شىرئەلىجاننىڭ بۇتوپى يى جيەنليەن، مەيدى(چىڭداۋ كوماندىسىنىڭ ئامېرىكىلىق ئەزاسى) قاتارلىق ماھىرلارنى ئارقىدا قالدۇرۇپ بۇ ئايلانمىدىكى ئەڭ چىرايلىق ئۇرۇلغان 5 توپنىڭ بىرىنچىسى قاتارىدىن ئورۇن ئالدى. تۆۋەندىكىسى CCTVنىڭ بۇ ئايلانمىدىكى ئەڭ چىرايلىق ئېتىلغان 5 توپ توغرىسىدىكى خەۋەرنىڭ ئادرېسى: [media=x,500,375][/media] http://sports.cntv.cn/20130117/101750.shtml خەۋەر مەنبەسى: http://sports.cn.yahoo.com/ypen/20130117/1558454.html تەرجىمە قىلغۇچى: نىجات

huxqiray

	ماۋۇ ئاداش ئورنىدىن مىدىرلىماي تۇرۇپلا توپنى ئېلىپلا شۇيەردى كىرگۈزىۋاتتى دېسە ... بۇنى تاساددىپىيلىق دېگۈم كەپ قالدى ئەجەپ ... لىكىن چىرايلىق كىزگۈزدى جۇمۇ ...تېخىمۇ تىرىشىڭلا !

ۋاپا

	شىرئەلىجاننىڭ مەيداندىكى تالانتىغا بەكمۇ قايىلمەن. دۆلەت ئىچىدىكى توپچىلار ئىچىدە خېلى كۆزگە كۈرۈنۈپ قالدى. دۆلەت كوماندىسىنىڭ ھۇجۇم تەشكىللىگۈچىسى لىيۇ ۋېينىڭ يېشىمۇ بىر يەرگە بېرىپ قالدى. شىرئەلىجاننىڭ دۆلەت كوماندىسىغا قايتا تاللىنىپ قېلىشىدا ئۈمۈت بەكمۇ چوڭ...   شىرئەلىجاننىڭ بۇنىڭدىن كىيىنكى ۋاكستىبول ھاياتىغا نەتىجە، تۇرمۇشىغا بەخىت تىلەيمەن ...

joda☠

	پاھ..پاھ..تېخنىكىسى يامانغۇ ..قالتىس!!

kapitan115

	شىرئەلىجان يارايدۇ.دەششەت چۈشۈپ قۇيۇپتۇ بۇ توپ....

elipba2

	ئوغاۋالا !!!!!!!!!!!  ئەكەك !!!!!!!!!!   ئاز كۆرۈلىدۇ جۇمۇ مۇنداق ئەھۋال ..

DILKASH

	تۇنجى باسقۇچنىڭ نومۇر كۆرسىتىش تاختىسىدىكى ۋاقىت توشايلا دەپ قالغان بولۇپ، بۇ ۋاقىىتتا شىرئەلىجان ئارقا مەيداندا (يەنى ئۆزىنىڭ مەيدانىدا) ئۈچ نومۇرلۇق سىزىقنىڭ ئىچىدە گاردىن قايىتقان توپنى تۇتۇۋېلىپ قارشى تەرەپ گارىغا كۈچەپ ئاتتى. توپ 20 مېتىردىن ئارتۇق مۇساپىنى بېسىپ ئۆتۇپ قارشى تەرەپ گارىغا چۈشكەندىن كېيىن  نومۇر كۆرسەتكۈچ تاختا بۇ توپنىڭ چۈشكەنلىكى جەزملەشتۈرۈپ بۇ باسقۇچلۇق مۇسابىقىنىڭ ئاياغلاشقانلىقىنى ئېلان قىلدى كەچۈرۈڭ نىجات ئەپەندى، بۇ يەرلەرنى خاتا تەرجىمە قىلىپ قويۇپسىز. ئۆزىنىڭ مەيدانىدا تۇرۇپ قارشى تەرەپ گارىغا ئەمەس، قارشى تەرەپ مەيدانىدا تۇرۇپ ئۆزىنىڭ گارىغا توپ ئېتىپ كىرگۈزۈۋەتتى. قارشى تەرەپ گارىغا توپ كىرگۈزگەن بولسا، «cba  دىكى ساراڭ توپچى دەپ» خەۋەر تارقىلاتتى。

lokmanhakim

	ئىسمى-جىسمىغا لايىق قەھرىمانىمىز زەپەرلەر قۇچسۇن

DILKASH

	شىر ئەلىجان ئىككى پۇتىغا ئىككى خىل رەڭلىك ئاياق كەيمەس بولىۋالدى، سەۋەبىنى بىلىدىغانلار بارمۇ؟

ۋاپا

	DILKASH يوللىغان ۋاقتى  2013-1-18 12:42 PM تۇنجى باسقۇچنىڭ نومۇر كۆرسىتىش تاختىسىدىكى ۋاقىت توشا ... ئارتۇق بىلەرمەنلىك قىلىپ قالدىڭىزمۇ قانداق ... قارشى تەرەپنىڭ گارى دىگەن ئۆزى  نۇمۇر ئالىدىغان گارنى كۆرسىتىدۇ. ئۆزىنىڭ گار بولسا قارشى تەرەپ نۇمۇر ئالىدىغان گارنى كۆرسىتىدۇ. شۇڭا قارشى تەرەپ توپ ئېلىپ كەلگەندە ئۆزىنىڭ گارىنى ياخشى مۇداپىئە قىلىدىغان گەپ بولمىسا توپ كىرىپ كەتسە قارشى تەرەپكە نۇمۇر بىرىلىدۇ.