شەيدائىي: سۆيگۈ ئىزدەپ...

shaidayi

	شەيدائىي: سۆيگۈ ئىزدەپ... سۆيگۈ ئىزدەپ كۆيسەم يېلىنجاپ، تۈن كۆكسىدە تۈنەيدۇ قۇياش. قىسسە سۆزلەر يېشىل قۇملۇقلار، كەچمىشلەرگە تولسا يېتىرقاش. سۆيگۈ ئىزدەپ كېزىمەن ھەر يان، قەيەردە سەن كۆيگەن نىگارىم. ۋىسال ئىزدەپ باسقان ئىزىمدىن، قاسراق تاشلاپ كۆكلەر يۈرىىگىم. سۆيگۈ ئىزدەپ چاڭقىسا كۆڭلۈم، تەكلىماكان يۈرەر سۇ سوراپ. مەپتۇن بولۇپ ئازغۇن ھېسلارغا، ياشاپتىمەن ئۆزۈمنى ئالداپ. دەۋرەپ تۇرسا قەلبىمدە ئازاب، باغلىرىمنى سوقتى شېۋىرغان. ياشنار كۆكلەپ پىراقتا كۆڭۈل، باھار باشلاپ كەلسە گۈلىستان! مەنبە: شەيدائىي ئىجادىي ئەسەرلىرىدىن يوللاندى مىلادى 2013-يىلى 14-يانۋار، گۇما. كىملىكىمنى سورار شاماللار ئازابلاردا ئۇھسىنار كۆڭۈل، بىر نەرسىسى كەمدەك ھېس قىلپ. دەرتتىن ئېغىپ تىترىگەن يۈرەك، كۆكرىكىمدىن ئۇچار چىڭقىلىپ. تاپالمىدىم يوقاتقىنىمنى، تەنھالىقتا قالدىم نا ئۈمىد. ئىڭراپ تۇرغان ئىستەكلىرىمدە، خىرە ئاتقان تاڭغا تەلپۈنۈپ. دىل قەسرىمدە كۆيۈپ باياۋان، تۈن كۆكسىگە كەتتى چېچىلىپ. يېلىنجايدۇ بارخانلار ئارا، چەكسىزلىكتە ئۈنسز يېيىلىپ. تەكلىماكان باغرىنى تىلغاپ، كىملىكىمنى سورار شاماللار. يىلتىزىنى ئونۇتقان تامام، قاغجىرىغان سارغۇچ قاپتاللار. غەمگە بۆلەپ تەكلىماكاننى، كۆيۈپ كەتتى تەنھا باياۋان. قۇياش بوزلاپ باققاندا كۆكتە، ئۇيۇپ قالدى چانىقىمدا قان ! مەنبە: شەيدائىي ئىجادىيەتلىرىدىن 2003-يىلى 29-ئىيۇن خوتەندە يېزىلغان .

مسكىنÍÍ

	سۆيگۈ ئىزدەپ كۆيسەم يىلىنجاپ، كۈللىرىمنى توزىتتى شامال . ياشلىرىمدا تۇنجۇقۇپ قالدىم، بۇ ھېجرانغا يوقتۇر ھېچ ئامال .

oguzhakan

	بەك ياخشى چىقىپتۇ ، ھارمىغايسىز

oguzhakan

	بەك ياخشى چىقىپتۇ ، ھارمىغايسىز

musilina

	شېئىرلىرىڭىزدا ئىشلىتىلگەن بەدىئي تىللاردىن باشقىچە زوق ئالىمەن شېئىرىلىرىڭىزنى ھەر بىر ئوقۇغىنىمدا... قەلىمىڭىزگە بەرىكەت تىلەيمەن....

sultannur

	ئىسىل،ئىسىل،ئىلھاملارغا كۆز  تەگمىسۇن،بىر ئىككى  ئىغىز ياندىشىپ  قوياي  دېسەم ئىلھام  يوق.               تىخمۇ  ئىسىل  يازمىلىرىڭىز  بىلەن  ئۇچراشتۇرغايسىز.

shaidayi

	ئېسىل-ئېسىل تېمىلارنى سىلەردىن ئايىمايمەن ئەزىزلەر، ئاللا خالىسا ۋاقىت ئىمكانىيىتىم يار بەرسىلا  ياغانلىرىمنى مۇنبەر داستىخانىغا تۆكۈپ تۇرىمەن، ياخشى تىلەك، ئىزگۈ نىيەتلەر مەر ھابا!