كېچە لىرىكىسى
قانمىدى يىللارنىڭ باغرىغا يۈرەك،
ئەركىلەر قۇچاقتا قاچانقى تىلەك
سۆيگۈدىن تېپىلدى جەننەتكە بىر يول،
مۇھەببەت دىلكىشى ۋېسالدۇر بۆلەك.
يىغلايدۇ بۇلۇتلار يىغلايدۇ ئارمان،
بېغىشلار مەيلىنى تەنھا يۈرەككە.
ئۈمىدنىڭ چىرىغى يېنىپ بىرنەپەس،
قارغايدۇ بىراۋنى باشلاپ كۆنەككە.
سوغۇق تام ئاراسى سوغۇق ھېسياتلار،
سوغۇقمۇ سۆيگۈنىڭ لەززىتى شۇنداق؟
ئاستانە كۈلىدۇ مەن غېرىب قالسام
خازاندەك توزىتاي ياشلىقنى قانداق!
ئاخشامقى ۋىسالنىڭ جامىگە يانداش،
ئەتىكى ھىجراننىڭ سۇنۇق پارچىسى،
قەبرىدىن زارلايمەن،قەبرە مېھرىبان
مەن شۇنداق بەختىنىڭ ئاخماق زارچىسى.
بىرقولۇم كۆكسۈمدە بىركۆزۈمدە ياش،
ئاشىقنىڭ كۈلكىسى قەلبىمگە قۇياش
باھارنى سۆيمەيمەن ،زارلىنىپ قىشتىن
كۈزدىكى مۇھەببەت !خازاندەك سولاش.
رەڭدار تۇيغۇلار
تىنىق
تۇپراقنىڭ يېشىدا قېرىپ بارساممۇ،
قەلبىمدە بوۋاقمەن بۇ مېنىڭ روھىم.
يىرتىلغان يۈرەكلەر قالدى داۋاسىز،
تەپكەنگە يېنىشلاپ قىلىمەن تازىم.
شۇ دۈمچەك كۆڭۈلدىن تۇغۇلدى خوش-خوش،
تۇل قالغان ئانامغا ئاشمىدى شەپقەت.
كاتەكتەك كەپىدە مىراسخور بالا
نەپايدا!ئۆلمىگەن ئۆلۈككە نەسھەت.
ياقىلار ئېتەكتۇر،ئېتەكلەر ياقا،
ئەركىلتەر،ئوينىتار،كۆپ بىغەم جاھان.
ئىگىسىز دۇئادا غېرىبقۇ جەسەت؟
بۇ ئەمدى كىملەرنىڭ ئۆگەندۇق قاچان؟
ئىتمىكىن دېگەنگە قارىدىم قاۋاپ،
قاۋاشقا كەتمەيدۇ ئەمەسمۇ تىل خەت
كەربالا شەھرىدە بولساممۇ سۇلتان،
بوغۇلمەن نەپەسلەرچىقمايدۇ پەقەت.
كۆڭۈلدىكى سۆز
جەننەتنىڭ ھوزۇرى نىكاھ قۇتبىسى،
ئەپسۇسلۇق ئىلكىدە ئىڭرايدۇ ھازا.
سەن ئۈچۈن تۈتۈندۇر گۈلنىڭ سەرۋىسى،
مەن ئۈچۈن گۈلخاندۇر ئەمەستۇر ۋابا.
ياشاش چۈن كۆپ ئىلاج،كەتمەكمۇ ھوزۇر،
كىملەرگە يار بولغان بىۋاپا دۇنيا.
ئىشقىڭنىڭ يولىغا سالىمەن قەبرە
ۋاپادىن كېپەن تىك قەبرەمنى بويلا.
ئاناجان
سۆيۈشلەرنىئۆگەندىم سەندىن،
سۆيۈشكۈسسىزقالغان شۇ ھامان.
ياشلىقىڭنىپىدا ئەيلىدىڭ ،
پەرزەنىتىڭچۈن بولۇپ ناتىۋان.
جۈپقولۇڭدىن كېلەر كۈلكىلەر،
جۈپكۆزۈڭدە سۆيگۈ ناخشىسى.
يىغلىغايئالەم !سۆيگۈڭ مۇڭىدىن،
چىنسۆيگۈ بېرەلمەس سەندىن باشقىسى.
قەددىڭنىپۈكمىدىڭ ئەگمىدىڭ بەلنى،
يۈرەگىڭقېتىدا ئۇيۇلدۇم قاندەك.
تارئالەم كەڭ بولدى ئاتام سەن ئانام،
ئۈمۈدۈم،مەنقۇلۇڭ ياشىساڭ خاندەك.
ئەجرىڭدىنياشاردى ئالەمنىڭ يېشى،
سېنىڭسىزنە كۈلكە ،تويلارنىڭ ئىشى.
بەختىمگەياشاۋەر سەن مېنىڭ بەختىم،
ئاناسىزغائانا بول قاتمىسۇن بېشى.
ئاقارغانساچىڭغا سالامىم بولسۇن،
دۇئايىڭ،دۇئايىم،ماغدۇرۇڭبولسۇن.
نۇسرىتىم،غەيرىتىمھېممىتىم ئانا،
تۇغۇلغانكۈنۈڭگە مۇبارەك بولسۇن.
تۈن تىۋىشى
يىغلاڭغۇ كۆزۈڭدە يىغلاڭغۇ دۇنيا،
شاھانە سارايدا ئۇخلامدۇ غەپلەت.
ئىڭرايسەن ئۆزگىگە قىلارسەن تەنە؟
پېقىرلىق تونىدىن چىقالماي پەقەت.
ئاخشامقى چاقماقتىن يانغانمۇھەببەت،
ئەتىكى ھىجرانغا بەلكىم بىشارەت.
شامالنىڭ كۆزىدە تىترەيدۇ ئالەم،
ئازاپتىن گۈزەلدۇر بارچە نىھايەت.
يىرتىلغانھايات
1)
ئادەملەر ئېسىدىن چىققانسەن بەلكىم،
ئۇنتىغاچ گاھىدا ئۆزۈڭنى ئۆزۈڭ.
نەملەشكەن يۈرەكلەر
گەزلەشكەن لەۋلەر
ئۇنۇتتى ھەممىسى
بېزىمەس
ئەتىياز،ياز،كۈز،قىش
ئۇنتۇلغان ياپراقتەك سارغىيىپ-سارغىيىپ.
2)
كۈلرەڭ ئەسلىمە،كىرلەشكەن دۇنيا
ئەندىكىپ شامالدىن سورايسەن ئۇنى،
يېتىم كەپىدىن
تورلاشقان ھۇجرىدىن
يىتىپ كەتكۈڭ بارجىممىدە،
چۈنكى
سورىماس ھېچكىم سېنى،
بالاڭ ھەتتا خولۇم-خوشنىلار
سورىماس ھېچكىم سېنى،
توپا باسقان كارىۋات،كۆرپىلەر
بىئەتىۋار،
سېغىنىسەن
سېغىنىۋەر بولۇپ خىياللار قۇلى.
3)
ئۆرۈمە چاچلار چۇۋۇلغان كېچە
قارىغايغا يانداشتىڭ
ياق
يانداشتى قەبرە.
ناغايىپ تاۋۇشلار
ناتونۇش كىملەر
ئۇزاتتى،
مەھەلەڭنىڭ چېتىگە
ئۇزاتتىڭ ئۆزۈڭنى ھەم ئۆلمەس پىغاندا،
ئۇزاتتىڭ ئۆزۈڭنى ھەم ئۆلمەس پىغاندا،
ئالدامچى لەۋزىلەرگە بولۇپ مەستۇرە.
4)
ئەبەدىيلىك دېرىزىسى
ئەبەدىيلىك قەبرە
تۇتاشتۇردى ساڭا يېڭى ئوت.
- مەنمۇ بارىمەن،
تاماق ئېتىمەن،
كىپەنلىرىڭ كىرلەشتى بەلكىم.
-مەنمۇ بارىمەن،
بارغۇم بارھەجەپ
لېكىن بىلمەيمەن،
سەنمۇ يالغۇز،مەنمۇ يالغۇز،
كۆرپىلىرىمىز بالىلارنىڭ ئۆيىدە
بېرىپ تۇرسا ئالغاچ بارىمەن،
بارغۇم بارھەجەپ
بارارىمنى ،لېكىن بىلمەيمەن.
5)
كۆزتەگدى،ئۆرۈلدى سەلتەنەت تەختى،
كۆز تەگدى،ياغمىدى ئېھسان يامغۇرى.
يۈك بولۇپ ياشاۋەر يەنە،
يۈك بولۇپ ئۆزۈڭگە.
6)
قېرىدىڭ،،كەتتىڭ ھالىڭدىن
قېرىدىڭ باقمايمەن سېنى،
قېرىپ قالسام باقارمىكىن دەپ،
بېقىۋاتىمەن ئىككى بالىنى،
بىز بەش بالا باقمايمىز سېنى.
ئۇنتۇلدى ئانا،
يىرتىلدى يۈرەك.
يىرتىق ھاياتلار
يىرتىلىۋەر ....
يىرتىلىۋەر.....