تۇز: كىملىكىڭىزنى ئېيتايمۇ ؟

.tuz.

	سۇئال : ئاكامنىڭ ئائىلىسى بار . ئەمما ، يەنى بىر تۇل ئايال بىلەنمۇ ياشاپ ،ئۇنىڭغا ياردەم بەرمەكچى . بىرىنچى ئائىلىسىگە بىلدۈرمىگەن ھالدا ، نىكاھ ئوقۇتۇپ ياشىسا بولامدۇ ؟ جاۋاپ : بالىجانىم ، سېنى ئاۋارە قىلماي ، ئۆىڭىزنىڭ ئۆزىگە گەپ قىلىپ قوياي . ئوغلانىم ، سۆزۈمنى ھۇشىڭنى يىغىپ ، يۈرۈكىڭدىكى ھاياجانلىرىڭنى بېسىپ ، دىققەت بىلەن ئاڭلا . ئاۋۋال قانداق ھالەتكە چۈشۈپ قالغىنىڭنى ئۆزۈڭگە كۆرسىتەي ، ئاندىن خۇلاسىنى ئۆزۈڭ چىقىرۋال . ئەينى پەيتتە سەن ئىمان ئەمەس ، شەيتاننىڭ گىپىگە قۇلاق سېلىپ تۇرۇپسەن . ئەسلىدە روزغارلىق ، ئۆيلۈك ئوچاقلىق ، بالا-چاقىلىق بولۇش بىر يىگىتنىڭ نىيەتلىرنىڭ ئەمەلگە ئىشىشىدۇر . شەيتاننىڭ بولسا بەندىلەرنىڭ خاتىرجەملىكىنى كۆرۈشكە كۆزى يوق ! ئۇنىڭ جېمى قەستى ئادەم نەسلىدە . ئۇ ئىنسانىيەتنى گۇناھقا يېتەكلەش ئۈچۈنلا ياشايدۇ . سەن بولساڭ ئاشۇ ئىبلىس شەيتاننىڭ توزىقىغا ئىلىنىش ئالدىدا تۇرىسەن ! ئاناڭنىڭ دۇئاسى ئىجابەت بولغانمۇ ، ياكى ئاتاڭنىڭ ساۋاپ ئىشلىرى ئورنىغىمۇ ياراتقۇچى ئاللاھ سېنىڭ ھاياتىڭنى ياخشىلاپتۇ . قولۇڭغا پۇل چۈشۈپتۇ . قولۇڭغا پۇل چۈشكەنئىكەن يېنىڭغا شەيتان كېلىدۇ ھەمدە يۈرۈكىڭگە كېرۋالىدۇ . ھېلى ئۇ نەپسىڭنى ، ھېلى بۇ نەپسىڭنى قوزغىتىدۇ . سەن ئۇ ئايالغا ياردەم بەرمەكچى ئەمەسسەن ، شۇ باھانە بىلەن نەپسىڭنى قاندۇرماقچىسەن ! سەن ئائىلە بىشىسەن ، قولۇڭغا چۈشكەن پۇل بولسا ،ئائىلەڭنىڭ بالا - چاقىلىرىڭنىڭ رىزقى ، ياراتقۇچى ئاللاھ ساڭا رەھىم قىلىپ ، قىينالمىسۇن دەپ ، ئۇلار ئۈچۈن سېنى تەمىنلەپ تۇۇپتۇ . ياق ، مەن ئۇ پۇللارنى نى-نى مۇشەققەت بىلەن ئۆزەم تاپقانمەن ، ئەمدى خالىغانچە خەجلەيمەن دەپ مۆتتەھەملىك قىلما ! ئاللاھ سېنى مېھنەت قىلىشقا قادىر قىلمىسا ، يا كاللاڭنى ، يا پۇت - قولۇڭنى ئىشلەتمەي قويسا ، پۇل نەدە ئىدى ساڭا ؟! قېنى ئېيتە ، ئۆزۈڭنى ۋە پۇلۇڭنى ئوغۇرلاش ئۈچۈن ساڭا توزاق قويغان بىر يول توسارغا پۇشتىڭدىن بولغان بالاڭنىڭ رىزقىنى تۇتقۇزامسەن ؟! قۇشقاچتىن تارتىپ چۈمۈلىگىچە تاپقىنىنى ئۇۋىسىغا توشۇپ دۆۋلەۋاتسا ، ئىنسان تۇرۇپ شۇلارچىلىك پەلسەپە يۈرگۈزەلمەمسەن ؟ سېنىڭ ئۇۋاڭغا سەندىن بۆلەك جاۋاپكار ئەركەك يوققۇ ، ئاخىر !!!!! مەكتۇپىڭدا ئائىلەڭدىن ئىشىنىپ باشقا بىراۋنى بىقىشقا ئىشارە قىپسەن  . بەندىنىڭ ھېچقاچان ئۆيىدىن ئاشۇرۇپ كوچىغا ئېلىپ چىقىدىغان ئىمكانىيتى بولمايدۇ . قولۇڭغا قاراپ تۇرغانلارنىڭ قوسىقىنى تويغۇزسساڭ ، كىيىمىدە كەملىك چىقىدۇ . ئۈستى پۈتۈن بولسا ، ساقلىقى خىراجەت تەلەپ قىلىدۇ . ھويلاڭنىڭ ئۇ تەرىپىنى ياسىساڭ بۇ تەرىپى چانىدۇ . يېغىپ ئېيتقاندا ، بىر ياخشى ئەركەك بىر ئائىلىنى تارتىشقا ئاران يارايدۇ . قوش خوتۇنلارنىڭ كۆپىنچىسى كونا ئائىلىسىنى قۇربانلىققا تارتىدۇ : ئىتىبارنىڭ توقسان پىرسەنتىنى يېڭى "يار"لىرىغا بۇراپ ،ئارقىسىدىكى ئەرلىك ، ئاتىلىق بۇرچىنى ، يىگىتلىك ئارىيىتىنى ، شەنىنى ئۇنتۇيدۇ ! خوتۇنلىرى ئارا ئادالەت قىلىشنى بىلمىدىمۇ ، تامام ! مۇنداق ئادەم گۇناھى ئەزىمنى بوينىغا ئالدى دېگەن گەپ ! ئۇنىڭغا ئەمدى يورۇق كۈن يوق ! يەنە خۇپىيانە نىكاھنى ئارزۇلاپسەن ! نىكاھ _ئەر-خوتۇن بولغانلىقىنى مەلۇم قىلىش مۇراسىمىدۇر . دىمەك ،ئۇ ئاشكارا قىلنىشى شەرت قىلىنغان ئەمەلدۇر . ئۇ رازىلىق بىلەن تۈزۈلىدىغان ئۇيۇشما . ئەگەر خۇپىيانە ئىكەن ، دىمەك ، ئۇ زىنا بىلەن تەڭ !  زىنا ھارامدۇر ! بۇ ئەمدى ئەتراپىڭدىكىلەر سېنىڭ كاساپىتىڭغا قالىدۇ دىگەن گەپ ! سەن ئۆزەڭچە بۇ ئايالغا ئۆز ئايالىڭدىن ياخشىلىقى ئۈچۈن يىپىشىسەن  شۇنداقمۇ ؟ ئەي خام سۈت ئەمگەن بالا ، ئەگەر ئۇ ياخشى ئايال بولسا ، بىراۋنىڭ بەختسىزلىكىگە ئۆز بەختىنى قۇرارمىدى ؟  خوتۇن باللىرىڭنىڭ رىزقىنى ئىلىپ كەلسەڭ ، خاتىرجەم ھەزىم قىلارمىدى ؟ بۇنداق ئەندىشىسىزلىكنى ئۆزىگە راۋا كۆرگەن يۈزى قېلىن شەرمەندە ئايال ئەتە تۇرۇپ ئۆگۈلىككە ،سېنى سەندىن كاتتىراقىغا ئالماشتۇرۋالمايدۇ دەمسەن ؟ يەنى بىر بولسا خوتۇنۇم مېنىڭ قەدرىمنى بىلمىدى ، بۇ ئايال بولسا ، مەن ھەر تەرەپلىمە يېتىلگەن ئەر بولغانلىقىم ئۈچۈن تاللىدى دېيشىڭمۇ مۈمكىن ! بانا كۆرسىتىپ . تىخى ئىسمىنى مۇھەببەت دەپمۇ ئاتاپ قويارسەن ! ھە ، ساددا بالام ! كىملىكىڭنى ئېيتايمۇ ئەمدى ؟! دىققەت بىلەن ئاڭلا : سەن ئۇنىڭ ئۈچۈن بار - يوقى بىر ئولجا ، ماختاپ -ماختاپ يېيىلدىغان ئۆلۈمتۈكسەن ، خالاس ! بالام ، مەن سېنى تونۇمايمەن ، سەن خالس سورىدىڭ ، مەنمۇ خالس جاۋاپ بەردىم ۋە سىنى ھاڭ گىرۋىكىدە كۆرۈپ تۇرۇپتىمەن . تېز بول توۋىغا ئالدىرا ، ياراتقۇچى پېشانەڭگە پۈتكەن ئايالىڭنى باغرىڭغا مەھكەم باس ! ئەرلىك قەرىزلىرىڭنى بىجىرىشكە ئاتلان ! ياراتقۇچى ئاللاھ كەچۈرگۈچىدۇر . مەنبە : ئۆمۈر بىر كېلۇر . يوللىغۇچى : تۇز

dilbar

	بەك توغرا جاۋاپ بېرىلىپتۇ....لېكىن  بۇ جاۋاپقا ئەمەل قىلالايدىغانلار قانچلىك؟ ئىسىل يازمىلىرىڭىز زىيادە  بولسۇن

Azizan

	بۇ ناترىي خلور دېگەن يولداش خېلى ياخشى بىر نەرسىلەرنى يازاتتى دەپ ئالدىراپ كىرسەم ، بۇ نەرسە سەل ئۇزۇن تۇرامدۇ قانداق ؟ بوپتۇ ، قەۋەت ئىگەللەپ قويۇپ ئوقاي ... سۈف ...

gadankax111

	مىنىڭچە ئاكىڭىزدا سۈيدۈك ژىلدايدىغان ئىشەكنىڭ خۇيى بولمىسىلا ئاشكارە نىكاھ ئوقۇتۇپ ‹‹ھالىدىن خەۋەر ئالسا›› بولىۋىرەتتى.

joda☠

	gadankax111 يوللىغان ۋاقتى  2013-1-16 06:48 PM مىنىڭچە ئاكىڭىزدا سۈيدۈك ژىلدايدىغان ئىشەكنىڭ خۇيى  ... خە خە خە ،،ما ئىنكاسنى ..

يولتۇز

	شۇنداق ئىسل تىمىدىن بىرنى يوللاپسىز ، پۇل تاپقان يول تاپقان ۋە شۇ ۋەجىدىن جاپادا بىللە بولغان ئايالىدىن ۋاپادارىدىن چانماقچى ، يۈز ئۆرىمەكىچى بولغان كىشىلەر ئۇقۇسا تۈزۈلۈپ  قالسا ئەجەپ ئەمەس .

zumrettash

	ئەسسالامۇ ئەلەيكۇم تۇز،بەك ئېسىل تېمىلارنى يوللايسىز ،ئەھمىيەتلىك .... بۇنى ئىككىنچىسىگە ئۆيلەنمەكچى بولغان ئەر -ئاياللار بىر ئوقۇسا بولىدىغان تېمىكەن...ئېسىل تېمىلىرىڭىز مۇنبەردىن ئۈزۈلمىسۇن....

Dautjan

	رىئال  مەسىللەرنى  چۆرىدەپ  يېزىپسىز  .قەلەم  قۋتىڭىز  تېخىمۇ  كۈچەيسۇن  .

ئازىغ

	تېما ئېسىلكەن ، لېكىن بىر كېسەل جۈملە تۇرامدۇ نېمە ؟‹بۇنداق زىنا ھارامدۇر › ، مېنىڭچە بۇ يەردىكى ‹بۇنداق ›سۆزى ئارتۇقچە بولۇپ قالغاندەك تۇرىدۇ .‹بۇنداق زىنا ھارام ›دېسەك زىنانى ھالال ھارام دەپ ئايرىغاندەك مەنە چىقىپ قالىدىغاندەك تۇرىدۇ . شۇڭا ‹بۇنداق› سۆزىنى ئېلۋىتىشنى تەۋسىيە قىلىمەن .

bugaltir

	ھازىر ئايالدىن ھەم جامائەتتىن يۇشۇرۇن خۇتۇن ئۇستىگە خۇتۇن ئېلىش ئاۋۇپ كەتتى.يەنە كىلىپ ئۇ ئاياللارمۇ ئەر ئۇستىگە ئەر تۇتۇۋاتىدۇ . ئىككىنجى خۇتۇن بارلىق بەھىرمان بۇلدىغان دۇلەتتىن بەھىرمان بۇلۋاتىدۇ .ماشىنا، ئۆي،ئالتۇن -كۇمۇش،قىممەت باھالىق كىيىم -كىچەك ،ياخشى يەپ -ئىچىش ئىككىنجى خۇتۇننىڭ . ئەمما جاپانى تەڭ تاتقان ئۆيدىكى خۇتۇنغا جاپا بىلەن تاپا تەنە بار .ئۇ ياخشى نەرسىلەردىن ئۆيدىكى خۇتۇنغا ئايدا ،يىلدا بىر قېتىم  با  يا  يۇق .  بۇ ھادىسە نۇرغۇن ئائىلىلەرنى ئەخلاق كىرىزىسىغا دۇچار قىلدى . نۇرغۇن ئەرلەرنىڭ تۇغرا ھەل قىلالماسىق تۇپەيلى ئۇغۇرلۇقچە قىلغان بۇ بىمەنە ئىشى ھازىر جەمىيەتتە بەزى بىر يىڭىدا ئازىراق پول تاپقان ئەخمەق-نادانلارنىڭ ئارسىدا ئۇمۇمىلىشىقا باشلىدى.